Cafeholic

營業中

休息中

星期六下午，中午去吃午飯。叫了牛扒、雞扒沙律。食物質素冇價錢合理的，所以一直有幫襯。但係服務就一貫地低於水平。一坐低叫完餐，牛扒好快就到。但係雞扒就等咗成15分鐘，牛扒都就嚟食完。吹咗佢一次，終於送到，但就睇住佢兩份沙律一齊出，其中一份是另外一台遲10分鐘才坐低的客嘅。睇得出佢哋出賽根本就亂咁嚟，唔係先落單先做，儲埋幾張先一次過出。結果就遲嚟先有得食，早叫就等足15分鐘。其實當時舖頭都未坐滿人，已經咁亂，人多就更加成日漏單。食落啲沙律，啲蛋仲要有蛋殼……再唔認真啲，好快生意就會比深圳搶晒啦！

經常行沙田都會去食，食過佢嘅下午茶同晚餐牛扒嘢食雖貴但味道OK又無話特別好食只係沙田啲餐廳對比下其他特別貴所以㨂佢，諗住貴啲收加一服務費可以坐得舒服啲，點知有一次去食食食下叫人搭枱（我一個人坐二人枱）不止當天，我第二次去都係咁，無諗過哩啲收得咁嘅價錢餐廳都要搭枱，講服務態度真係無，叫佢唔回應，根本唔知佢係咪聽到我叫佢，叫多次佢又黑面晦氣，其實間餐廳食嘅嘢出面大部分西餐廳都食到完全無特別唔食哩間咁嘅嘢都無損失！！

淡茂茂冇乜味（都可能係我重口味嘅）表面睇落去好多汁，但係全部流於表面，得個面有㗎咋而且每次想食千層麵都冇（足足五次）每次嚟都冇我都懷疑佢針對我多謝晒你呀，令我感受到俾人針對嘅感覺（早啲嚟晏啲嚟都冇你究竟幾時先有？）唔知佢擺個千層麵係mean度做乜想叫個人落單，笑死好耐冇人理，唔想幫人落單就整個QR code落單啦杯咖啡奶茶淡如水，飲奶水～大家樂都濃過佢可能唔適合我食返大家樂算懶高級咁呢樣冇嗰樣冇嗰個軟殼蟹飯個軟殼蟹腥㗎冇下次

同家人岀去食飯諗起好耐冇黎呢度食就甘就一齊衝入去晚餐set menu 啲野選擇都算多我地叫左個牛同意粉帶子黑松露意粉係好食嘅但個牛勁多肥膏 唔知以為自己食緊油好失望芥末煙三文魚pizza 基本上每次黎都叫但今次啲煙三文魚勁咸食得好辛苦 明明之前食都唔係甘我地仲有叫波菜煙三文魚扁意粉 呢個都冇乜特別好壞食得下嘅小食拼盤個雞翼同豬好食其他野都係正常發揮但同之前對比下食物質素差左

如前2篇食評所講，該名戴眼鏡男侍應(assistant manager)態度真係超差第一次幫襯，入到去叫嘢食，嗰個男侍應已經大大聲喝：「食乜！」跟住叫完嘢食想擺個餐牌响隔離檯，個男侍應又喝：「唔好掂我地啲嘢呀！」上菜嗰陣一碟碟丟上檯，張單丟過黎，成餐飯食到成肚氣。食物水準一般，不過侍應態度真係超級超級差，想幫襯嗰啲食客要預左受氣。

今次黎到沙田搵野食，位於希爾頓中心既西式Cafe ，餐廳裝潢不錯，入面感覺幾有氣氛，一於入去試下侍應帶位入坐，坐位相對比較逼，基本上會聽到隔離枱交談內容，略欠空間感煙三文魚菠菜班尼迪蛋$92入面煮得過熟，味道一般，都幾失望下煙三文魚黑松露鮮菌忌廉燴飯$106食物只有微溫，似係放左一段時間沙律加$10另配，味道正正常常總括黎講，食物價錢唔算平，味道一般，侍應服務態度有待改善，如果可以選擇，我都唔會再黎第二次

早餐經常去呢間食。原因係價錢合理，食物質素都OK。例如圖中嘅B6早餐，有3塊漢堡扒，兩隻太陽蛋，仲有多士，加熱飲。坐得都舒服。所以都成日去。但係啲服務就一路都唔好。成日漏單、落錯單，安排座位又唔恰當。例如前兩日去，明明我過嚟先，又俾咗張大枱後面嚟嘅人。大家人數一樣，但係就唔係先來先安排位置。搞到我要坐得迫迫夾夾。啲侍應，好似個個都懵懵地咁。不過價錢平，都expect咁多，唔好落錯單就得啦。

諗住搵個地方食下午茶 ， 見到裏面冇乜人叫咗一個egg benedict加一個卡邦尼意粉一杯熱咖啡 熱檸水食物質素一般有一位高高瘦瘦戴眼鏡男侍應服務態度非常之差唔會再去幫襯

之前番工都有叫開下午茶外賣覺得唔錯估唔到今日再叫即刻嬲咗！首先烏冬唔同咗讚岐烏冬變百佳烏冬硬身得嚟完全索唔到湯湯又得半碗 好似撈烏冬咁湯還湯 烏冬還烏冬 完全唔知食緊乜！🙄

前年黎過一次，覺得扒唔錯林住再食多次。今次叫左個五成扒西冷set，仲韌過出邊煎既七成。份量都好一般，性價比低，差唔多兩舊水既價錢可以食一餐唔錯既扒，結果連個鐵板都無比我，以後唔會再黎了。

沙田下午茶周圍都爆場，去返間小人D既商場見到呢間西餐廳有下午茶又唔洗等，唔使考慮直接入。餐廳環境舒適有格調，$5x 蚊嘆到個西餐下午茶算係甘。雖然係一間唔太旺既商場入邊，但人流比想像中多，估計夜晚都係需要等位。卡邦尼意粉，$58，食落不過不失。配一杯咖啡，上面印有自家品牌logo。芝士蟹棒烏冬，$52，湯底係泡菜，配合芝士，味道合格又唔會太濃。下午茶凍檸水係常有之選。整體感覺良好，服務態度優質，可以有6.5/10。

同男朋友重遊舊地，一年前食過一次lunch，今次來食dinner，懶得諗嘅我地就揀左dinner set。西冷牛扒五成熟同虎蝦意大利飯。牛扒都有dd牛扒咩，可以煎老左，有d柴口，塊扒筋位比較多。而意大利飯就反而好好味，煎香嘅蝦流左d蝦油落飯入面超好味😋😋😋

今日約咗好朋友一齊chill吓傾吓計，依度勝在有人氣但唔會要等位，所以坐好耐都唔會俾人趕。叫咗好多菜式同嘢飲，有啲都冇影到。因為冇乜特別，所以都唔逐一介紹了。整體嚟講，就係覺得餐牌圖片比較吸引。最好味可能係嗰個黑松露意粉，軟殼蟹其實都唔錯，但係個飯唔係我鍾意嗰種，唔係正式risotto.. 甜薯條剛剛冇咗但應該係比較好味，普通薯條就真係好普通。嘢飲都好普通。總結就係都唔會話難食。最緊要都係同朋友開開心心都坐得舒服。係啲餐具比較大，然後張枱就有啲窄。同埋啲員工幾好人，我哋坐咗好耐佢仲自動走過來問我哋使唔使要暖水。收拾嘅時候都好有禮貌。👍🏻👍🏻🙂

這是我約朋友在沙田飯局的心水首選, 因餐廰地點位處沙田市中心, 無論火車, 巴士, 小巴或自行駕車都十分方便, 旺中帶靜, 環境及食物質素均具水準。今次飯局只有兩女子, 若點兩個晚餐似乎太heavy, 所以點了一客雜菌龍蝦意粉套餐, 再單點一客三重芝士薄餅。套餐除意粉主食外, 還包含有雜菌餐湯及餐飲, 可以加費升級以享受沙律及飯後甜品, 雖然今次沒有升級, 但記得過去的試食體驗是不錯的。上菜速度頗快, 先到的是三重芝士薄餅, 餅底是薄批, 非常脆口, 面層餡料只有加了香草的芝士, 色彩並不豐富, 但味道非常適合我這位芝士控, 焗熔化了的三種芝士不會太鹹, 有輕微拉絲的口感, 吃完一件會令你想再吃下一件, 兩人傾下笑下, 不經不覺已經吃光了!龍蝦意粉竟有半隻龍蝦, 那隻大大的蝦箝非常吸睛, 份量令人驚喜, 雜菌作伴菜及少少翡翠苗裝飾, 未食已經大滿足。意粉烟靭度適中, 不會太腍或太硬, 龍蝦啖啖肉, 稍嫌粉漿太多, 影響了肉質口感. 

比較少黎沙田 係周圍行完一輪 見有d餓就搵下有咩食醫肚 跟著醒起呢到都有cafeholic最黎叫一個卡邦尼意粉同一份benedict egg配tuna sandwich 仲加一碗磨菇湯個意粉超creamy 每滴汁都包全意粉 煙肉好多仲有芝士少鋪滿面 食完勁飽Benedict egg半生熟perfect 一篤穿 d蛋汁湧出黎 tuna sandwich 我比較欣賞佢個麵包磨菇湯好濃 真材實料