52
19
2
| 餐廳: | Bugis@叻沙・海南雞飯 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
今日出到南昌做嘢，lunch揀咗依間海南雞試試，店內以藍色為主調，午市套餐選擇多，多達16款選擇，款式都頗多。今日試咗lunch set A9冬陰公叻沙讚岐烏冬配慢煮新加坡無骨海南雞 $92跟餐+$3 凍檸檬茶海南雞無骨真係好爽，慢煮海南雞特別嫩滑，香滑雞肉蘸上秘製辣醬，味道濃郁。傳統海南雞飯食膩咗，唔想食飯朋友，仲可以揀湯河，米線，油麵同其他摻摻款式，個人鐘意烏冬，加上味道較濃嘅冬陰公湯底，好醒胃又好味，食完非常滿足。
繼續閱讀
原來南昌V Walk有唔少優惠比住喺附近嘅街坊，見到食下午茶好著數，於是去試一試。喺南昌V Walk間Bugis，下午茶食夠$100，就送迷你海鮮叻沙。2個人剛好啦！大滿足迷你海南雞飯拼叁峇肉燥烏冬配蝦頭抽銀芽 $62一個餐滿足哂3個願望，有齊雞，菜，飯，烏冬，無骨海南雞髀好嫩滑，而油飯好香薑，葱同香茅味，烏冬好惹味，芽菜就好開胃。鮮牛油咖央吐司 $38吐司烤得好香脆，咖央醬好地道，而且夾住好邪惡嘅厚口油，好啱下午茶時間食。迷你海鮮叻沙 $0 （原價$60）因為有住址證明，所以以免費，就算係迷你，都非常足料，有蝦，魚蛋，魷魚，蛋、豆卜等，湯底香濃，有椰奶香，辣度剛好，麵底摻摻，份量剛好，食完好滿足，埋單唔駛加一，只係$106，CP值真心高，又抵食又好食！
繼續閱讀
V Walk有一間BUGIS@叻沙、海南雞雞，見到店舖座位都舒服，唔需要等位即刻入座，坐咗近門口卡位。慢煮海南雞飯🐥海南雞無骨容易食，雞肉嫰滑，雞皮下面有層薄薄嘅啫喱，油飯香夠乾爽，雞湯一般，有三個醬汁，黑醬油、甜酸醬同薑蓉。海鮮叻沙掺掺叻沙湯底香甜濃郁，有蝦🍤帶子、魷魚🦑魚蛋、豆卜同雞蛋🥚，掺摻即係麵底油麵同米粉，大大碗好豐富。冬蔭公叻沙配慢煮海南雞呢個餐可以食到叻沙同海南雞，係一個好好選擇嘅餐
繼續閱讀
通常嚟南昌V·Walk商場，間中都會嚟呢間餐廳食飯。基本上每次過嚟都會食喇沙！因為呢間嘅喇沙夠惹味又香而且湯底仲會有花生醬嘅味道！今日突發奇想，試吓個海南雞飯海南雞係去咗骨的，食落去啖啖肉雞嚟講算滑溜，亦都唔係10分肥整體嚟講海南雞係中上水平如果套餐配嘅係油飯，咁就更加Perfect 始終少昨雞油嘅香味帶動，飯係爭啲嘅而且飯嘅咬口偏硬，個人覺得唔太滿意！除餐附送嘅湯，反而有啲驚喜，飲落去味精唔多，所以都唔會口渴午市仲會送一杯凍嘅嘢飲。整體嚟講唔使$100 ，算係唔錯嘅選擇不過下次再嚟，應該都係會揀返喇沙！
繼續閱讀
去到南昌站個商場好肚餓，一上電梯就見到呢間，裝修亮麗清潔，新加坡菜喎！試吓先，菜單都唔多睇，點個推介無死喇！🥢慢煮新加波無骨海南雞飯配私房老火湯$80:湯夠熱味濃，唔錯；雞，有雞味但唔夠滑，而且肥羔幾多，不過都叫食得；碟旁有啲酸菜俾你解吓油膩又否送吓飯，想法體貼；全個餐敗點係碗飯，細碗都算，但一啲雞油香味都無，而且仲有一陣「行」味，應該係好舊嘅米，老實講唔我要求泰國米，但都唔好貪平用啲品質咁差嘅米，粒粒散開，唔信自己試吓，失敗！
繼續閱讀