Bierhof (已結業)

早幾個月前同幾個朋友黎呢到食個團購，好記得佢個特色嘅酒筒，而經理嘅服務態度又唔錯，所以就買多次二人餐再幫襯下喇上次卜位係用email今次用whatsapp.諗住方便好多啦，係錯嘅其實我買左十月嘅團購，點知佢話booking已經full哂所以叫我地卜十一月。咁咪冇左我想食個嗰十月嘅主菜啦，咁都算十一月再卜，我前後卜左三次佢都話冇位。我月中卜月尾嘅星期六佢都話冇，咁惟有死死地氣卜閒日啦。推左我咁多次，我諗一定係好full喇。點知去到當日我去嘅時候，都幾冷清下喎職員問我地前菜想要乜，但我聽左兩次都聽唔明佢講乜，咁就揀左我聽得明嘅三文魚沙律喇。份量兩個人黎講左ok嘅，味道正常，三文魚薄如紙個芝士麵包條就係cream cheese加一支麵包條主菜：德國腸，豬手加薯角薯角同豬手嘅份量係一致嘅，豬手其實係得啲又碎又散嘅肉，主要係炸到好硬嘅皮啦德國腸味道ok不過我覺得油左啲酒方面對比起上次筒啤酒同今次嘅香檳杯咁大嘅白酒，真係大對比喇，仲要今次係貴過上一次團購㗎喎……再見

2月份,o係’G’字頭見到呢間做德國鹹豬手套餐優惠好吸引咁,$188.00二人,$368.00四人(當時openrice 呢o度冇食評,冇得參考,但覺得o係得呢o度開都唔會太差o掛),於是買個二人套餐同男友搵個星期六食.幾經辛苦終於book o左前晚(3-5-2014 Sat)o黎食(book位詳情請睇服務欄),點知上月中,女友人RL突然想約我同VL o係2-5-2014 Fri晚食飯,我見日子咁近,就提議佢o地join埋,只係佢o地唔係團購客而係walk in客.我又向店方提出訂座要求,佢o地答冇問題,只要另外兩位必須最低消費一杯飲品,啊,好的,佢o地就join埋喇.終於o係4月尾,呢o度有食評出現喇,見到有人同我一樣要呢個團購餐就知份量係點,都估係少啲,但冇諗過少到咁. 我同男友先比預訂時間早20分鐘到,男職員問我係咪團購?我答係.佢就要先即收o個張劵,我都即時交俾佢,然後先搵個位坐吓,呢o度燈光昏暗,氣氛輕鬆,佢o地兩個都到喇,RL去廁所出o黎話,原來入面環境好啲同靜啲,問可唔可以入去坐?賣酒o既妹妹答可以,不過o衣o家正在清潔中.冇耐,我o地問男職員,佢答可以,咁我o地入去坐

朋友買左團購，德國菜……應該可以吧，當試新餐廳:^)（月約左好耐終於搵到晚出黎食:^)餐廳面積不算太大，一入去似係Bar area，又入d先係主餐廳成個環境佈置等等都幾有心思，加左德國元素（國旗、文字等坐得幾舒服，環境都清潔可能新開，d傢俱好重木味（我勁中意聞XDDDD德國啤酒好似話係Paulaner黎既不過講真因為腸胃不太能適應，我平時唔飲酒（係呢排飲少少少少少……）個人認為味道好清淡:^|（帶微甜），可能係我口味問題:^0香腸豬手拼盤香腸有三款既，都係脆皮我地食既時候算係仲熱，味道不算太濃，帶點焦香我個人中意有香草既，香草既香味濃d令香腸肉似乎冇咁膩豬手屬重口味上枱時已經係切開既豬手肉皮脆，膠質不多，肉乾身，或者可謂鞋口整體感覺太濃味，加上有點油膩，我要用啤酒黎淨一淨味蕾:^|甜甜圈一睇已經知係雪完出黎凍硬果種不過冇所謂啦之後繼續食下餐（再補番鹹食同甜食-__>-）果真係冰冰地，朱古力味甜之餘稍為膩了，感覺滿口fats……沒關係了……飲野沖下佢:^|服務態度不錯，仲有其實都幾attentive不過買團購既話由於唔使另俾服務費雜費，所以staff係唔會點煩你，連menu都唔會

食物水準超差，用叮叮爐叮食物，香腸又唔夠熱，豬手又硬又唔好食中要得幾片，啤酒話原桶，無錯係原桶上但打開裡面係不知明的啤酒，唔夠2杯酒，好特色的特色甜品，泡芙。店員比完野食即走人，唉…唔會再去啦

好啦，咁尋日本身就約左朋友打算去銅鑼灣食飯但諗起星期日等位等死人，經過太子呢間新開既德國餐廳幾靚，就去試下喇！未講食物之前，就整張靚靚既環境相先，閃閃既星星燈光，I LIKE IT！環境幾靚不過呢Ｄ外國菜餐廳飲酒既地方，環境都係昏暗Ｄ，所以手機影既相質素都係差Ｄ朋友點既BEER，另外，我同朋友點左橙汁同蘋果汁，我杯蘋果汁好細杯三文魚扒寬面，三文魚扒略硬，最後都無食哂，相對上，寬面好食Ｄ推介這個，肉醬千層面，仲有薯角，好味道！豬肉腸（唔記得係咪真係咁叫，比相Ｄstaff睇）好食！咸豬手，朋友話ＯＫ既，但我個人黎講，覺得太乾身麻麻地總體黎講，食物都係細碟，我諗西餐德國菜都係咁，男仔既未必好夠食架價錢上都唔算係抵食，食物種類不多，不過食物質素同環境不錯。