龍悅 (沙田商業中心商場)

營業中

休息中

尋晚啱啱打完風，今日去試下飲茶，呢間餐廳之前都嚟過好多次，質素不錯。不過今次大失所望。首先，可能師傅換咗，餐牌少咗好多，小籠包都冇。我們點了賽螃蟹伊面，蒸鳳爪，牛肉腸粉，牛肉燒賣，馬拉糕，娃娃菜，灌湯餃，翠玉瓜釀鮑魚仔，水晶蝦餃，炸鮮奶。炸鮮奶明顯不是新鮮炸的，不脆不熱，而且裡面的奶都凝固了。水晶蝦餃還可以，蝦是新鮮的，但太小，而且一籠才兩個。最差是賽螃蟹伊面，伊面明顯受潮發霉，有一股很濃的霉味，根本無法下口，退了了事。其他味道尚可，但沒有令人驚豔之處，尚算正常。這家龍悅我一直很欣賞，但是疫情之後，質素突然變差，令人嘆息!

平時星期六日黎飲下午茶覺得佢D野食都ok 第一次黎食晚飯 真係有D失望... 叫左隻片皮鴨... 好唉好硬... 雖則價錢一流 但完全唔好食 直頭唔想食起身走人食過第2間....

「意想不到咁好食」整個用餐體驗真係唔錯！最先係蝦餃，呢個經典嘅廣東點心以佢鮮美嘅蝦肉同埋嫩滑嘅皮薄馅大嘅特點而出名。呢間酒樓嘅蝦餃唔止皮薄馅大，而且蝦肉鮮嫩，口感好正。然後係燒腩仔，肉質鮮嫩、五香濃郁。呢間酒樓嘅燒腩仔烤得好入味，表皮烤得酥脆，內裡卻保持住鮮嫩多汁嘅口感。每一口都可以感受到肉質嘅豐富層次同埋烤制嘅精湛技藝。而叉燒亦係一口咬落去，彷彿可以感受到整個口內香氣四溢。呢個叉燒肉質鮮嫩、口感細膩、肥瘦相間，入口即化。佢嘅烤制技藝同埋調味嘅精髓，令呢道叉燒成為我試過其中最好嘅一個。總體黎講，呢間酒樓嘅菜品真係好滿意，每樣菜都體現咗酒樓嘅烹飪技藝同埋用心製作。除咗好味嘅菜品，酒樓嘅服務亦都好周到，服務員熱情、細心，令人感受到家嘅溫暖。如果你想試下正宗嘅廣東美食，呢間酒樓絕對係一個好選擇。我一定會再次光顧呢間酒樓，享受呢樣好味道。

眼見火炭沙田商業中心龍悅嘅門口侍應（應該不是知客）對食客態度勁差。昨晚見到一個女食客到龍悅食晚飯，當然要掃安心，但食客搞咗一陣，掃唔到，女侍應叫食客把手機放係枱面試下，當時女食客講污糟，都表示唔係咁想放係枱面（可能疫情關係）,但都放咗係枱面，重係掃唔到QR，當時女侍應拿起食客和酒樓嘅手機搞咗一輪，口就不停講，手機污糟就用搓手液抹番佢咪得囉，還蹬大眼同食客講而家都同你搞緊幫緊你（態度極差極不友善）,女食客可能覺得侍應嘅態度有問題，我來食飯，需唔需要對客人咁惡呢，於是想找經理作出投訴，女侍應係門口重不停話電話污糟就用搓手液抹，蹬大眼就係惡咩，你食就食，唔食就算（女食客找緊經理聽唔到呢啲說話）。但又好奇怪，居然冇酒樓職員調停，值至有位穿黑西裝嘅男人（應該係經理）出現，而女侍應係度扮招呼其他客人行開咗門口，而經理聽完女客人講，就話你想點吖，客人當然要求侍應道歉，經理話冇可能監侍應向人道歉，但佢可以代表酒樓道歉，女客人當然不滿離開。我看到眼裏，覺得酒樓女侍應態度的確係過咗火，掃安心，係政府出嘅，食肆職員係有責任幫手處理。還有，以現時市況咁差，酒樓侍應係咪更要對啲客好啲呢。明明呢個客人入嚟食飯，但

突然想飲茶，於是去了公司附近的「玻璃屋」—沙田商業中心商場2樓嘅龍悅酒家午膳。火炭工作一段時間，第一次來這間酒樓。中午時段唔算多人，侍應也不多，舉手很久才等到侍應來開茶，一壺鐵觀音，一壺香片。之後加茶都等了很久才有侍應來招呼。看來要加點人手才能應付。鐵觀音有點苦澀味，至於香片正常一點。兩個人食得唔多，叫了一款點心拼盤、香煎腸粉，點心正常，冇咩特別。紅油抄手辣椒醬香濃惹味；最後再加一個皮蛋瘦肉粥，有好多皮蛋，粥底軟綿綿，味道唔錯。

本身星期日開開心心帶爸爸媽媽飲茶，叫一碗北菇滑雞飯比兩老食。點知佢黎錯左碟野食，阿爸好聲好氣講野食黎錯。點知換來一句譏諷，個啊姐係度大大聲講無曬飯無曬飯！其實無曬飯，咁同我講聲取消咪算，所以我自己出去講呢個情況。話無飯都唔好幫我自己轉作碟野食。點知個啊姐又話有飯可以換返，咁係咪蝦老人家欺善怕惡！我反映比個啊姐，個啊姐連一句道歉都無，Blacklist！其他啊姐個服務態度都唔好得去邊，好似欠佢哋咁。我作為消費者，我明白你地辛苦，但都唔係欺善怕惡，蝦我啊爸啊媽。唔知有幾多老人家因為呢間野態度受委屈！

星期日打算開開心心一家人飲茶，去了龍悅酒家。非常失望，坐底等了半個鐘以上還沒有食物，我地向部長查詢，但服務態度超差hea過. 等多一會兒，發現原本給我地既食物給了旁邊枱，與他們爭論後，心情已經非常失望令家人十分不高興。走時還叫我地食吾飽食麥記🤯真心差 不會左光顧

今日我明白。。係冬至會比較忙。。但係我萬估唔到。。其一5點來時。。服務員話食緊飯無開。。之後等左20分鐘左右。。經理來落單。。誰不知。。落完單後又等多半個小時。。其實你做飲食明知忙。。就分批食飯。。搞到個個係到等等等

今日去完梁安琪Band House 做野，又去了了Angel 飯堂龍悅開餐，見到龍悅推出大閘蟹餐就點了試試。個餐好多野食，乂閘蟹有兩只(4兩重)，叉燒皇併脆腩仔，翠玉雜菌大蝦球，瑤柱金菇扒豆苗，頭水紫菜海皇羮，生炒臘味糯米飯，最後仲有個甜品，非常豐富，通常大閘蟹餐只有一只，這個餐有兩只，每位都只係$188 好抵。大閘蟹雖然不是好大只，不過都好多膏。叉燒皇好多汁，脆腩仔肥瘦適中。紫菜海皇羮，好多蝦，勁足料。瑤柱金菇扒豆苗，豆苗夠晒嫩。另一個菜有翠玉雜菌大蝦球，蝦球好彈牙，翠玉瓜好脆。生炒臘味糯米飯，超好食，濕濕地不會太乾。分量夠晒足，最後上糖水，很滿足的一餐。

今晚我們一行8個人收左工後就去左火炭搵食，今次搖擺天使梁安琪 Rock Angel就帶左我地就去她推介的龍悅開餐。今次我們點了3個孖寶餐，分別有: 清蒸沙巴龍躉仔，脆皮燒雞， 果皮蒸大連鮑魚，燒鵝皇，蒜茸粉絲蒸元貝，燒味拼盤。另外點了兩個小菜: 椒絲腐乳通菜，及紅燒豆腐。果皮蒸大連鮑魚，識我既人都知我超喜歡吃鮑魚，特別是鮮鮑是我最愛，鮑魚有6只每只都大大只，用果皮蒸很香。燒鵝皇有整只燒鵝髀，味道一流，今餐其中一道最喜歡的菜色。清蒸沙巴龍躉仔，條魚蒸得剛剛好，大大條好抵食。蒜茸粉絲蒸元貝，也很不錯，不過就得4只，好像鮑魚有6只抵一點。椒絲腐乳通菜跟紅燒豆腐，很有鑊氣，通菜入晒味，豆腐有口感夠香口，超好吃。整體這間餐廳很不錯，每樣都很有水準，今晚燒鵝皇和鮑魚我最滿意。

又到年尾，我地一大班同事去食團年飯，叫做應下節甘啦，響應一下傳統ma.因為人太多，我地都有預先book 位的。入座都叫順利的。等了大約5 至6分鐘就有位了。大既都係d 執枱的時間吧。入座就正正常常甘下單，去茶樓都係食個d ga la, 蝦餃呀，燒賣呀，雞咋呀甘，無咩特別，都係order 反d 正常點心。其實都無咩太大期望，始終都係叫做街坊食店，都不會太差的。甘最後d 食物都係不過不失的。係個service 就真係差左d.叫左加水四五次都無人理，同埋樓面入漏單囉。

我的好姊妹提議到龍悅酒樓做冬， 其實我好少到這區吃飯的， 大約八點鐘到達很容易有位， 酒樓光線充足， 環境舒適， 三個人點了五道菜，有白灼生海蝦$108， 蟶子皇四隻$152， 美國桶蠔$188， 鮑汁乾燒伊麵$88， 金銀蛋時蔬$85。蟶子皇四隻～ 蒜蓉味充足，可惜烹調的時間太長， 口感偏硬。白灼生海蝦～ 白灼蝦其實沒有難道， 最緊要夠新鮮， 就一定好食。美國桶蠔～ 價錢$188但只得四隻， 份量太少。金銀蛋時蔬～菠菜這樣煮超好吃的，因為我很喜歡吃鹹蛋。鮑汁乾燒伊麵～ 伊麵做得剛剛好， 調味適中， 五道菜入面最好食係伊麵。整體來說龍悅同一般酒家差不多， 平凡的中式小菜， 間中食下都幾滋味。

星期六，例牌同媽子去飲茶，我們一行五人打算飲下午茶，所以兩點才去到酒樓，可能工廠區，星期六唔使點等位就可以入座，真開心。媽咪發板點點心，我地就坐定定等食野。嘻嘻！！豉汁涼瓜排骨炒河，這碟河粉我們每次來到這裡都會叫，因為大碟夾抵食，又好食，涼瓜唔苦，排骨好多，河粉份量都好足，炒得又好味！京式紅油抄手，我地很少食呢個點心，因為成家都不吃得辣，唔知亞媽今日搞乜鬼會叫，叫左就要食啦，味道很辣，皮厚，饀又少，真係好失敗！蟹籽燒賣皇，呢個佢又做得唔錯喎，雖然唔係好似出面有些酒樓有隻蝦响上面，但味道好好食，好像食到以前細過食開的味道！山竹牛肉球，味道都唔錯，但我不喜歡佢將喼汁分開上，搞到我唔記得點喼汁食，失左色！時菜鯪魚球，我對這個點心不嬲都冇乜好感，但味道總算合格，不過不失！千層薑汁糕，好有薑汁味，又煙靱，每次來到都不會錯過！叉燒包，包皮好軟熟，叉燒饀都夠多，熱辣辣，味道都好好，正！咸水角，新鮮炸起，好熱，皮好脆，入面啲饀都好多好夠味！芝士蝦春卷，芝士味唔係太食到，但入面隻蝦都幾大隻，又係新鮮炸起，好脆，好好食！我們還叫了一客叉燒腸粉 ，腸粉都好滑，不過唔記得影相，下次影返！

今日亞媽生日，突然下午掛個八號風球，但生日宴都係如期舉行，只好早點開席，早點給客人回家。喜慶乳豬全體，皮好薄，塊皮燒得好脆，乳豬一點都唔肥，肉質都好軟熟，唔鞋，幾好！上湯焗波士頓龍蝦，入面有三隻龍蝦，蝦蝦底仲有伊麵，龍蝦鮮味彈牙，伊麵有上湯的味道，好正，可惜啲龍蝦只係一分為二，如果十二個人食就分唔夠均，應該切件會比較方便！雀巢帶子海中寶，入面有中蝦，蝦米，北寄貝，翠肉瓜，帶子，北寄貝好爽，帶子好鮮甜，個雀巢佢同平時其他酒樓做的雀巢有點唔同，唔係一啲脆口的雀巢，似用米粉炸成，相比下用米粉炸出黎的雀巢都幾別緻。百花釀蟹拑，入面的蟹肉豐富，炸得好香，蟹肉彈牙，點埋個醬汁就梗好食！清蒸沙巴龍躉，條魚蒸得好滑溜，好鮮味！正！龍悅一品燒雞，燒雞好大隻，皮都燒得好脆，雞好滑，好有雞味，雞又多肉，但唔會太肥。紅燒雞絲花膠翅，入面都算幾足料，花膠同魚翅份量都唔算少，食落仲感覺好多骨膠原响入面，真係想食多幾碗！原隻鮑魚扣花菇，原隻鮑魚每隻都算幾大隻多肉，花菇都好入味，生菜吸晒花菇的味道都好可口！瑤柱蛋白炒飯，個炒飯炒得好乾身，面頭的瑤柱都算多，炒飯炒得好夠味！萬壽蟠桃，一籠有十二件，皮厚薄啱啱好，入面係白

今日鄉下有親戚來香港探我們，我們身為主人家，當然要帶佢地去食飯餐先啦，因為佢地好晏先黎到香港，黎到都差不多七點多，所以我們接了他們後就直接黎到呢度食個晚飯。呢度環境寛敞，可能因為呢度係工廠區，所以入晚後食客都唔係好多。我地叫完茶，就立即點菜。黑椒牛仔骨煲上枱，熱騰騰的牛仔骨淨係聞都已經香氣四溢，入面放左好多洋蔥，黑胡椒味濃郁，牛仔肉份量都好多，好惹味，唔靱，真係食到唔停。爐燒鵝量，係其中一個的小菜，係例牌份量，但都唔算少，燒鵝味道唔錯，但唔算脆皮，但都可以啦。京式片皮鴨，鴨片份量一般，唔係太多，但鴨唔肥，呢度既片皮鴨唔會切到好多肉出黎，真係只係切到皮，用薄薄的皮包住，加埋蔥同青瓜，都幾好味，食落都唔係好肥膩。龍悅小炒皇，入面有翠肉瓜，腰果，好大既蝦米，中蝦，紅椒，菜莆，帶子，口感豐富，腰果炸得好脆，蝦好爽，蝦米好大條，好惹味，翠肉瓜好爽口，呢個小炒皇都算炒得幾有火喉，唔錯！海鮮什菜煲，入面有粉絲，中蝦，北寄貝，帶子，津白，白菜，西蘭花，菜芯等等，入面有上湯令到菜入晒味，菜都好新鮮，好鮮甜，北寄貝同中蝦都好爽，帶子都好大粒，唔錯！豉汁豆腐蒸白鱔，豉汁好濃味，豆腐都好滑，白鱔有啲爽口，入味