呢間係荃灣外賣漢堡包店，放假好想獎勵自己便叫了兩個雙層芝士漢堡套餐外賣拎返屋企同家人分享 裝修似美式快餐店面積不大，只提供外賣但佢係開放式廚房所以可以睇到店員整漢堡既過程重點係製作過程乾淨 外賣包裝方面非常貼心，打開包裝紙就可以享受。不用用手接觸到食物值得一讚 雙層芝士漢堡套餐，套餐包薯條、汽水$98 價錢都合理 雙層芝士漢堡係即叫即做的，雙層厚身的牛肉好多汁好香，頭尾都夾住了香軟芝士配搭新鮮嘅生菜及番茄，咬第一口已經覺得好好食薯條係幼薯炸得剛好金黃色亁身、外脆內在鬆軟十分推介 整體來講份量好足價錢合理，即叫即做既漢堡包好好食

今晚特登入元朗食呢間阿叔泰麵，一直身邊朋友都向我推薦呢間泰麵，終於有時間食了。 阿叔泰麵門口設有坐位俾人等位，不過我等左一陣好快已經安排我同朋友入坐。店員細心向我地介紹船麵既湯底都是牛骨製成，船麵以牛肉、豬肉、雞肉為3種口味，可配搭金邊粉、河粉、米線、粉絲等等 牛肉船麵值特推薦，入面主要係牛腩同牛丸，牛腩非常入味，入口鬆軟。湯底非常濃郁深褐色的湯底帶點藥材香味，入面仲有好多配菜包括： 芽菜、通菜、花生碎、獨特既炸豬皮非常酥脆。麵煮得剛剛好硬度適中。平均一碗價錢$58， 非常抵食。 泰北金麵是以椰汁咖哩湯配搭粗蛋麵，味道香濃。粗蛋麵口感煙韌，而且盡吸咖喱汁精華。主要是雞脾非常入味嫩滑配搭香咖喱汁，味道口感一流。整體味道相當濃郁又香辣，價錢也合理$62 小食方面我地叫了酸辣無骨鳳爪酸酸甜甜，食落幾爽口，配上酸辣汁調味、配上洋蔥絲, 層次更豐富, 酸酸味味吾會好辣。 餐廳飲品有好多選擇，我就選擇了泰式奶茶，呢度泰式奶茶同出面既手標茶差不多，不過值得一讚味道吾會好甜有茶香味正合我意🤗

雖然去吾到旅行，但都好想感受美食既快樂。今日去了百芳池上便當，一聽個名就知道係食台灣便當，每次經過都好想食。 終於有機會約朋友陪我我同友人好快已經決定一同點它的便當，因為價錢相當合理， 便當裏有白飯， 三款配菜，半隻滷水蛋。包一杯指定嘅飲品，如果想飲其他特色飲品另需加$8。 先要去收銀機落單才可進入店鋪，吾洗十五分鐘就上菜了。 百芳滷雞扒便當- 用木盒裝盞放得好靚，大大塊非常入味又嫩滑既滷水雞扒並加入了很多配菜，如碎碎既粉絲、粟米、西蘭花等等。份量方面是足夠女仔的，但男仔的話可能需要配搭它的小食會更好 所以我地都加了一碟花枝丸有5粒，每粒炸到剛剛好金黃色非常香口上面有洒上少少調味料食落有不同層次既口感，值得推介 台灣鹽酥雞便當- 貌相相當吸引鹽酥雞酥脆可口配搭白飯及其他配菜每一口都非常豐富，雞肉既肉汁鮮嫩，鹹道適中吾會太肥膩。 芋圓奶茶，淡淡既奶茶香，甜度適中加上芋圓Q彈有嚼勁，每一口都有奶茶及芋圓非常滿足 野莓果茶，味道酸酸甜甜風味獨特，十分開胃。

星期日打算開開心心一家人飲茶，去了龍悅酒家。非常失望，坐底等了半個鐘以上還沒有食物，我地向部長查詢，但服務態度超差hea過. 等多一會兒，發現原本給我地既食物給了旁邊枱，與他們爭論後，心情已經非常失望令家人十分不高興。走時還叫我地食吾飽食麥記🤯真心差 不會左光顧

凍冰冰 又想食d要辣辣香噴噴嘅嘢食， 搵左一陣就同朋友決定黎呢間好燒式串燒，我去果間係太子分店 店員都好熱血，一入到好就會介紹好食推介，印象最深刻係芝士墨西哥簿餅，簿餅煎得剛剛好 餅香脆中間是溶了的芝士，把其他餡料黏著，吃得很滋味。 牛油金菇相信大家都吾陌生，燒得十分合時 把牛油溶入了金菇， 每一口都好有滿足感，因為添嘉了牛油令金菇變得更香甜爽口。 燒豆腐，就好似出面既臭豆腐一樣。外皮脆脆，內裏嫩滑，加上佢獨家配制醬汁，正！ 燒多春魚，燒到金黃色，肉質特別嫩滑，魚骨已經煎酥加上肚子的好多魚籽，非常惹味 翠玉瓜，燒得好好，食落好 多鮮甜汁流出。 總括來說創意串燒，食物種類多元化仲有獨得甜酸汁俾你可以甜食物黎食 非常開謂同可口 下次會左光顧❤️

平時食得太過熱氣 所以今次搵左一間素食自助餐 呢間素食自助餐是位於黃大仙市中心 地鐵入商場就到 十分方便👍👍 因為閒日人流吾算多，好快就有位。位子十分寬闊。呢間素食自助餐主推傳統素食為主，菜式比較清淡一些。適合我呢D長期食煎炸野既都市人清腸胃。 吾好以為素食自助餐好清調 無咩野食。食物菜式有 30款素食提供，但每日會從中抽出幾款出來。店員會不定時推出新款食物出黎，不過建議準時6點入席，因為太多好餸好快俾人清了。要左等店員推其他食物出來，這會花了一點點時間。 前菜 沙律有新鮮既粟米、生菜、紅豆等等配搭自己口味既醬汁混合一同食用 熟食方面，我本人喜好 菠蘿咕嚕肉，用了素雞代替了肥豬肉,有肉的咬口,又不會肥膩,加入現成的甜酸汁 好惹味❤️ 餐廳有自製素蘿蔔糕與出面的有些不同，因為無肉既油膩,食落會更加清甜。仲有陳醋蛋 醋味濃道剛好 溶易入口

餐廳位於觀塘工業大廈，本身以為好難搵 但原來都好近地鐵站。一推開門好似遠離左市區 環境非常舒服同安靜 有一種隔絕外界既喧鬧聲 餐牌無咩特別設計 主要都係文字為主 我同朋友選擇加$88轉為套餐，因為套餐好便宜一些 包括了 頭盤、餐湯、飲品及甜品 首先來的係海蝦沙律 （頭盤）沙律非常新鮮爽口 蝦好大隻 肉質彈牙 加上餐廳既秘制醬汁非常開謂 餐湯是雜菜湯 非常濃郁 還有蒜蓉包 濃濃的蒜蓉味溶入多士裹 卜卜脆🧡 頂級美國肉眼扒配牛肝菌燒汁， 好大份足夠3-4個人食 牛扒有手掌咁大 煮得剛剛好吾會太熟 肉質鮮嫩 配搭燒汁令牛扒個味道增加了層次 蒲燒饅魚海膽忌廉汁扁意粉，蒲燒鰻魚燒得剛好合時，另外饅魚非常厚肉配海膽忌廉汁。意粉彈牙濃濃醬汁, 味道惹味豐富及特別

同朋友睇完戲就去食放題 😋 見到佢個價錢都抵幾食就二話不說入去lu 環境係用懷舊復古裝修加上所有既燈光都暗暗 所以坐的都幾舒服 枱同枱之間都好寬闊 出入吾怕撞到 👍👍 呢度係畫紙點餐 佢地分左幾大類 火鍋、刺身、串燒、炸物、天婦羅、一品料理、小食、手卷等 刺身 款式都齊全 我想食既野都有 特別係甜蝦同三文魚🍣 甜蝦大大隻 鮮甜 串燒方面 推薦佢地既雞軟骨 雖然望落吾太討好 但食落吾會太乾 好有咬口 其他串燒都吾錯 如 多春魚、牛油什菌同埋紫薯 芝士焗蠔 每隻size 都吾同 但出奇地夾 蠔細細隻配搭芝士既濃郁😋 火鍋 我最愛佢既蟹粥湯底， 非常有新鮮感 配搭吾同既材料 令粥更鮮甜 餐廳設有火鍋專區 俾你任選配料

每次經過都想試呢間西餐廳， 主打食海鮮🦞提供即開生蠔😍 及其他海鮮套餐 價錢都算合理 如果想同朋友或者情侶靜靜地休息下 呢間都算吾錯 因為我地4個人就叫左4人套餐：有2個前菜、4個主菜同4杯飲品 當然仲叫左海鮮拼盤 🦞🐚🦀 海鮮拼盤有青口、生蠔、海蝦、蟹等等 蟹肉一般最鐘意食海蝦🦞特別鮮甜彈牙 加上濃濃既海水味 正 頭盤特別推介芝士西蘭花🥦 配搭水牛芝士 入口即溶 薄餅我地就叫左北京片皮鴨薄餅 第一次見到呢種配搭 幾特別 😋口感好豐富 用特薄餅上面放了片皮鴨 配上醬汁 食左好多野埋單都吾洗千五真係好抵 下次都會繼續幫襯😋

最近發現葵芳開左間日本料理，就約了朋友。環境整潔舒適，店舖播住柔和音樂 好舒服 係一個與朋友談心。 三色丼$108，可以自選三樣刺食，因為本人熱愛帆立貝、三文魚、海膽😝份量都算多 三文魚紋路都好肥美，海膽新鮮，配上香軟鬆綿嘅飯。一口刺身再一口飯，滋味十足。 日式炸雞$58 ，擺設精美，好吸引，大大件炸雞，放在鐵架上，可以隔左D油，下面放置了一些沙律菜，配上特秘醬汁，都幾可謂，最好就是炸雞配沙律醬食味道更好。 上級刺身拼盤$168，呢個價錢都差不多，外面買幾件簿簿地都要幾十元啦！呢度又新鮮又厚，款式又多有油金魚，三文魚，白肉豚，帶子，甜蝦，尤魚等，件件都肥美魚油夠。