影片
港鐵銅鑼灣站 F1 出口, 步行約4分鐘
繼續閱讀
電話號碼
26920233
90830805 (WhatsApp)
開飯介紹
高質壽司店，由日本直運新鮮食材製作廚師發辦。日式木系裝潢氣派十足，配上金黃色的燈光，明亮舒適，坐在壽司吧檯更可近距離觀賞師傅製作菜式。
繼續閱讀
營業時間
今日營業
12:00 - 15:00
18:30 - 23:00
星期一至日
12:00 - 15:00
18:30 - 23:00
以上資料只供參考, 請與餐廳確認詳情
有關獎賞計劃
食家推介
《鮨本 - 銅鑼灣》三月慶祝月仲未完😂今次又同車車 @kchelseapy 去左食好西啦😝呢間壽司店既出品十分高質，店內既壽司師傅好talkative 又風趣🫣成餐飯同匡師傅傾下計又食下野十分愉快🤓Lunch hour 既Omakase 套餐其實唔算好貴，比起晚市套餐足足平成一半，如果想食得化算啲既不妨於午市先黎食😉不過座位有限，記住book位呀💁🏻♀️今次我地兩個人都各選左不同既omakase set，價錢分別為$580同$780，唔同既係$780 set會再多兩款送酒前菜同埋一件卷物，客人可以視乎返食量而決定試邊一個套餐💁🏻♀️茶碗蒸第一次見咁豐富嘅茶碗蒸，入面有螢光魷魚、紫蘇葉、冬菇等重味嘅食材，一打開個碗已經聞到濃濃嘅海鮮味，仲有好清香嘅菇菌香，蛋味都好濃郁而且食落有層次，食材十分豐富，螢光魷魚軟滑得黎又唔腥，原來可以同茶碗蒸咁夾嘅💁🏻♀️馬友魚一夜干第一款酒肴前菜係烘到勁香脆嘅馬友魚一夜干，個皮脆到好似食薯片咁，好簡單嘅調味再配埋青檸汁已經可以帶出到魚嘅鮮味，馬友魚食落肥美又香口，入口魚油爆曬出嚟😉呢道菜要係叫$780個套餐先有㗎💁🏻♀️小長井華蓮蒸蠔 第二款酒肴竟然有蠔食，個名巨長😂不過因為佢味道好鮮而令我想記低佢個名，個蠔蒸到半生熟，師傅落左啲青檸汁同埋黑椒簡單調味，肉身軟滑有奶香，蠔汁鮮味而突出💁🏻♀️骨膠原鯛魚 第一件壽司個名好得意，原來養呢款鯛魚要用特定嘅飼料去餵魚，啲魚由細到大食含有骨膠原嘅supplement長大，所以可以做到肉身軟滑又彈牙，口感令人印象深刻，我依稀記得佢哋嘅Wasabi較平時食到嘅濃身，有回甘嘅效果💁🏻♀️深海池魚 接住落嚟係肥美肉彈嘅深海池魚，唔知師傅點樣處理過，感覺佢嘅質地比平時爽脆，但係同樣油香十足💁🏻♀️汁煮過嘅半熟帆立貝 帆立貝壽司上枱嘅時候令人眼前一亮，師傅用咗特別嘅刀工去切呢個帆立貝，令到帆立貝個肉可以掛滿醬汁，而個汁嘅味道好似鮑魚汁，原來係用咗帆立貝粒帶子去熬煮，食落特別香濃💁🏻♀️池魚頭先出現過深海池魚，之後又係池魚？🤔原來兩種魚係唔同品種來的，用咗師傅特製嘅香蔥調味提香，味道有點清新而又帶出到池魚既甘甜，好食👍🏻💁🏻♀️禾稈草煙燻春魚第一次食春魚，口感十分鬆軟，入口有煙燻木香，原來係用咗禾稈草去煙燻而成，味道好特別👍🏻💁🏻♀️半生熟尺竹海老食到咁上下，廚房另外一個師傅就拎咗香噴噴嘅燒蝦出壽司枱，我哋可以由頭到尾睇住壽司師傅處理個海老然後製作壽司🥰口感好得意，外面軟糯而入肉質彈牙🦐赤紅色嘅外皮同樣都好吸睛💁🏻♀️小肌 聽說閃令令外皮嘅魚一般都比較腥，但係呢個小肌就絕對冇腥味，不過魚肉嘅味道都幾重，有啲似沙甸魚嘅味道，可能因為師傅處理得好，所以成件壽司反而帶出咗更深層嘅魚肉味💁🏻♀️BB吞拿魚 🥹食咗人哋個BB，吞拿魚肥美肉香就係人都知，原來醬油漬左既吞拿魚BB個味道會同平時食到嘅咁唔同，肉質相對嫩滑少少同埋濃味d，算係比較稀有嘅部位💁🏻♀️北海道馬糞海膽 差唔多去到尾聲，梗係食重頭戲嘅北海道馬糞海膽🫶🏻師傅絕對冇慳住，每一件壽司都放滿鮮甜嘅海膽，紫菜十分脆身，包住醋飯同埋滿滿嘅海膽，一啖放入口滿足感爆棚💁🏻♀️鯖魚棒正當我回味緊頭先見海膽時，師傅已經切緊預先製作好嘅鯖魚棒，鯖魚刺身超肥，放入口中滿口都係油香，中間仲隱約食到不少配料，不過個重點都係騙脆卜卜嘅紫菜同埋肥到出汁嘅鯖魚🥹打破咗我對鯖魚味道嘅睇法，好好食😍可以話係當日壽司排名既top three💁🏻♀️中拖太卷呢一件太卷就要叫$780個套餐先有得食㗎，入面包住中拖羅、青瓜、蟹柳等食材，仲有自帶甜味嘅脆蘿蔔，口感豐富，就咁影相都已經好好睇😉睇得又食得💁🏻♀️白身魚湯食完晒壽司，店員隨即拎咗兩碗白身魚湯俾我哋，望落去奶白色好吸引，飲落有浸清香嘅豆乳味，creamy又濃郁，但係師傅話佢哋冇用到豆腐，只係用咗好多魚去做呢個湯，好surprise🤓飲完成身暖笠笠，好似飲咗好多膠原落肚咁💁🏻♀️江户前玉子燒&芝士味雪糕由我哋踏入餐廳嘅第一刻開始，就已經𥄫住放喺焗爐度嘅玉子燒，大大話話都見證住佢焗左成個半鐘，蛋香味超濃郁，有人第一眼見到就已經話想食晒成底玉子燒喇😝果然蛋香味十足，用咗超多雞蛋製作嘅蛋糕咁，食落濕潤而又好重蛋味，每人得兩件太少喇😭不過我哋仲有芝士雪糕，有啲似忌廉芝士嘅味道，作為呢一餐嘅結尾嚟講真係十分圓滿
繼續閱讀
難得同朋友聚舊，比佢發辦食乜好，佢話不如食omakasa，事關佢係發燒友黎，一個月試一間新野，猶疑左陣，算喇，我都好耐冇食，就捨荷包陪君子喇！經佢推薦黎到銅鑼灣，佢話呢間想食好耐我問佢點解成日食omakase佢話「每次食日式野，可以望住廚師精心處理食材，都覺得成件事好賞心悅目」或者omakase之所以咁多人中意，大家享受食材既同時，享受埋服務，依家係香港的確賣少見少佢話每間omakase既style都好唔同，同一款食材但經唔同師傅做出黎，成件事成個味道都會有好大差別，成晚就聽佢講左好多佢對omakase既心得睇法，同時我都不忘影低啲野食！難得食次好野當然要影吧XD好記得第一道係帆立貝，第一下食落去覺得好驚豔，肉質好似一絲絲咁好分明，咬落去爽到呢，係未接觸過既口感！之後到壽司，逐件逐件上，貝類比較多，而且啲貝類真係特別爽口，魚類亦冇乜腥味，而我就比較中意蝦類壽司，有件小白蝦同半生熟赤蝦都唔錯，爽口鮮甜，其他都有中上水準。驚喜在後頭，我未試過食海膽係甜到笑，今次佢做到了，同以前食過既馬糞海膽比，果啲真係不值一提，唔影包裝是不行的！個玉子燒好似蛋糕仔咁，做到外脆內軟，軟係鬆軟果種軟。最後仲有甜品同個湯，整體黎講今餐好滿足，師傅手勢好，壽司岩食，有驚喜位，環境乾淨企理，仲有個朋友幫我做omakase解說專員XD
繼續閱讀
初試15品Omakase、體驗非凡本日MVP 玉子燒：皮脆內嫩、蛋香濃厚白象拔：一直係象拔蚌刺身粉絲，日本白象拔清甜爽口一夜香：油脂充足、香口櫻花鱒：肥瘦適中、滑赤魷：香甜爽口中拖：油脂都夠、但今日嘅較多筋銀刀/帶魚：爆油、冇腥味半熟蝦：超爽口、嫩滑香甜赤身：正常黑鯥：清甜、魚味還好馬糞海膽：甜、香、滑，永遠至愛汁煮真蠔：無腥、爆汁、肥美櫻花蝦煲仔飯：鍾意第一碗冇焦嘅多啲雞湯：清甜南瓜布甸：南瓜可以再甜少少哈哈整體：很滿意，阿Hong好有耐心同耐性講解食材👍
繼續閱讀
同朋友第一次午餐去呢間食廚師發辦，好采有訂位，因為餐廳位置唔多，大約得12個位，餐廳環境舒適，我地被安排坐bar枱，可欣賞師傅手藝🔸️螢光魷魚茶碗蒸，蛋好滑溜🔸️壽司10貫深海池魚 、墨魚 、慢煮半熟帆立貝 、櫻鱒魚醬油漬、北寄貝 、關鯖魚、半生熟赤足海老 、赤身拖羅 、海膽軍艦 、備長炭火炙大拖羅 食完10件壽司都飽飽地，件件都好新鮮，略嫌啲飯比較鬆散🔸️江戶前玉子燒有驚喜，第一次食呢款玉子燒，口感如蜂蜜蛋糕般鬆軟，師傅話用雞蛋、蝦漿、准山製作，過程中完全沒有加入麵粉，香濃蛋香中帶有鮮蝦咸鮮香味🔸️大蜆湯 - 幾清甜入味🔸️甜品原來可以揀雪糕或咖啡，我揀了咖啡
繼續閱讀
餐廳環境好好，食物新鮮高質，好似去左一次日本～赤魷魚壽司新鮮魷魚，質感柔滑～煙鱒魚壽司煙燻既香味令鱒魚味道更獨特炭香虱目魚壽司炭香令細嫩既虱目魚更風味半熟赤蝦壽司赤蝦極鮮甜馬糞海膽壽司師傅係客人面前將一盒新鮮海膽拎咗出嚟，然後整壽司。海膽質感細滑，味道香甜有回甘拖羅壽司高級油花，一睇就知拖羅壽司好食海鰻丸壽司海鰻包成一個丸子壽司岩鹽青檸石魚鯛一片刺身，一片包住海膽～新鮮石魚鯛加上青檸味，味道更鮮甜，包住海膽果塊味道更上層樓時令蟹肉份量好多，師傅已拆肉，方便進食。蟹肉味道鮮甜，蟹膏濃郁，撈住食更正慢煮安康魚肝味道濃郁，質感好似奶油咁細膩，醬汁好相配紫菜包高平貝大大塊的平貝煎香了用紫菜包著。平貝既熟度剛好，柔軟有彈性，味道鮮甜，加上爽脆的紫菜好好食馬友一夜干馬友一夜干的肉質十分嫩滑，外皮則是極脆，脆到有d似薯片慢煮安康魚肝味道濃郁，個醬汁好夾玉子燒玉子燒既質感非常獨特，介乎係平常既玉子燒同蛋糕質感中間，口感軟糯香甜京磯雞湯很暖胃的雞湯，吃完刺身和壽司後喝非常適合南瓜布甸南瓜布甸的味道非常濃郁，師傅將製成的布甸放在南瓜內
繼續閱讀
您可能會有興趣的...