鮨戶

營業中

休息中

久不久都會幫襯呢間小店，不過次次都掛住食唔記得影相，今次終於記得啦😂鮨戶.極 係每次必會食既壽司拼盤，每件壽司都係我鍾意食😋，另外再散叫咗啲壽司，海膽鮮甜，蟹膏拼蟹肉軍艦都係最近呢幾次必定會食。因為有小朋友，所以再叫咗啲熟壽司，仲有章魚燒，小朋友每一次都指定要食。三文魚刺身，厚切，而且非常新鮮肥美😋今次第一次叫鮨戶丼，有驚喜喎，足料好食，而且都好多飯😋。總結：呢間小店用既食材好新鮮，而且好足料，一啲都唔hea，睇得出師傅們用心製作，我哋一家會繼續支持🥰！

又係食外賣壽司嘅日子，今次食鮨戶極度推介呢個，炸玉子鰻魚壽司入面係玉子鰻魚壽司，炸到好似軟殼蟹嗰啲炸粉咁樣，之後加咗好多肉鬆、蟹子同紫菜咁，勁好食，$38有5件！！極唔推介呢個角切魚生飯勁少魚生之餘，入面全部都係青瓜、蛋、蘿蔔、酸薑同埋個飯係超酸 。。。。。$28/2隻，貴咗少少，但真係似食居酒屋芝麻雞翼，外賣送到過嚟算係咁三文魚手卷$19，幾抵食，嚿三文魚都算厚切玉子壽司蟹柳壽司每件九蚊，都係個飯超酸

盈豐新開左間外賣壽司店🤪今次終於有機會試吓😚我哋兩個人叫咗牛油果軟殼蟹卷、炸蝦卷、三文魚腩壽司、花之戀等等 夾埋都只係$212😍外賣壽司款式好多，好抵食 重點係個質素我覺得真係唔差 係好好味😍啲魚生食得出係好新鮮 啲食材都唔係Hea你 唯一有少少美中不足係我覺得個芝士蟹籽壽司嗰調味麻麻哋 有啲過咸🤣🤣🥲🥲而且服務態度良好👍🏻如果係呢一頭附近差唔多價錢嘅壽司嚟講 我覺得呢一間可以拎第一名添😚希望佢生意好啲，可以keep住做啦🤤