久不久都會幫襯呢間小店，不過次次都掛住食唔記得影相，今次終於記得啦😂 鮨戶.極 係每次必會食既壽司拼盤，每件壽司都係我鍾意食😋，另外再散叫咗啲壽司，海膽鮮甜，蟹膏拼蟹肉軍艦都係最近呢幾次必定會食。因為有小朋友，所以再叫咗啲熟壽司，仲有章魚燒，小朋友每一次都指定要食。 三文魚刺身，厚切，而且非常新鮮肥美😋 今次第一次叫鮨戶丼，有驚喜喎，足料好食，而且都好多飯😋。 總結：呢間小店用既食材好新鮮，而且好足料，一啲都唔hea，睇得出師傅們用心製作，我哋一家會繼續支持🥰！

返完教會，嘗試响附近搵新野食，經過橫街有間唔多起眼既餐廳，响門口睇餐牌見到好吸引，於是入去試，我哋一家三口點咗「日式蒲燒鰻魚滑蛋炒飯」同埋「蒜蓉蕃茄鮮蝦意粉」。首先黎既係鰻魚炒飯，唔好意思，因為原本冇惗住寫食評，但我哋食咗一嗒發現好好食，然後我覺得唔寫食評分享呢間食肆唔得啦😅，於是唯有影張唔完美既相（冇咗幾嗒）😂，食到咁上下意粉就黎，但唔好意思我地又掛住食，唔記得影相😂。 鰻魚炒飯真係炒得好香，每一嗒都可以食到飯同餸，飯上面既芝麻紫菜好脆，令到整個飯既口感好豐富，碟飯好大碟而且好夠熱，食到一半都仲有煙；鮮蝦意粉都好香，配料又多，意粉質感唔會好硬或者好林，我略嫌茄汁唔夠杰，同埋因為食咗鰻魚炒飯先，所以會覺得意粉唔係好夠味。 另外，阿女話杯凍朱古力好好飲，夠濃🤭 臨走同老闆傾咗兩句，原來鋪頭只開咗兩、三星期。 整體黎講係好好食，會再黎試其他，但一定會再食「日式蒲燒鰻魚滑蛋炒飯」😋

我媽媽自從去過呢間餐廳食過第一次，就每次入屯門都指定要食呢間😂 今日照舊點咗每次必食既咸豬手（落單時要碎上，否則自己切會冇咁方便），好鍾意呢間既咸豬手，唔會太咸，皮好脆肉又juicy。意大利飯都好好食，辣肉腸係切粒而且都幾多，所以每一嗒都可以同時食到飯同腸。今日食牛脷飯就普通啲，而且飯有少少硬。生蠔好新鮮，南瓜湯好香好滑。 其實上一次去係上一個月既事，今日去侍應唔同晒，之前果幾位較cool，今日見到果2位好nice，仲有幾分鐘先至夠12點，但佢哋見我哋有老人家同行，比我哋早少少入去坐，唔洗我地企响門口食風，見到佢哋好忙但仍然面帶笑容招待每一個客，的確好抵讚👍🏻

天氣凍，最好就係食火鍋，今晚同屋企人去花月宮食冬至飯，7:30前離座仲有78折，好抵！ 因為有小朋友，我哋照舊點咗我哋好鍾意食既番茄濃湯海鮮鍋，今晚食依然咁足料咁好食，我哋仲每人飲咗2碗湯😋，封門柳好林，好香牛肉味😋，蟶子、扇貝、蠔全部都大大隻，好鮮甜😋，扇貝好厚肉但一啲都唔韌，蟶子同蠔都肉質好爽😋，水晶粉唔係度度有得食，索咗啲番茄湯食又係好正😋，小朋友特別鍾意。 呢間食肆既食材真係好新鮮好正，而家惗起都好想再食🤤，而且環境舒適，下次要約埋多啲親友一齊食試多啲野先得。😊

今日同老朋友去咗呢間餐廳食午餐聚舊，第一次去呢間分店，一入去感覺好舒服，侍應亦好友善，睇咗餐牌好多野都好吸引好想食，最後揀咗汁燒鰻魚枝豆意大利飯，餐湯係蘑菇湯。蘑菇湯好香好滑，好好飲，而意大利飯亦好好食，芝士唔會太濃，飯既軟硬度適中，有三件大大件既鰻魚，亦都好好食。 因為同朋友太耐冇見，不知不覺傾咗好耐，侍應不厭其煩密密主動同我哋加茶，呢啲服務態度真係值得讚👍🏻👍🏻👍🏻👍🏻👍🏻 整體印象好好，必定會再去！

第一次去呢間餐廳食早餐，一入去就有個好友善既靚女侍應招待，坐低睇完餐牌點咗個C餐-香煎雞扒五香肉丁米線，同埋凍檸檬茶少冰。雞扒好香，醃得都入味但又唔會過咸，不過因為响湯，塊雞皮唔脆係正常🤭，所以我都唔介意，只係我嫌米線淋咗啲，下次再食試下講唔好煮得太淋先🤭。一路食一路觀察餐廳內環境，餐廳算大，雖然9點呢個時間唔係全場滿座，但都坐咗7-8成，全場都係女侍應，每一個都態度好好，仲會同街坊食客傾下計，感覺好好👍🏻，下次經過再黎試午餐、下午茶同晚餐先！

一直想試呢間酒樓既火煱，但因為價錢都唔平，今次趁一家人慶中秋同埋賀老公生日，就訂枱試一次啦！一問之下發現原來星期六5:30入座7:30前離座有78折。 我地揀咗蕃茄濃湯海鮮鍋做湯底（掛住試湯唔記得影相🤣🤣🤣），呢個湯真係好好味，我地未開始淥配料已經飲😂，海鮮配蕃茄，真係冇得輸！ 因為有選擇困難症😂，又樣樣都想試，於是我地主要叫咗3樣拼盤，每一樣食材都好新鮮，好好食！我地連小朋友一共5人，原本擔心唔夠食或者食唔飽，但發現原來都好飽😂。 臨走酒樓仲送咗盒月餅比我地，返屋企食過都係好好食😋😋 呢間酒樓既火鍋，雖然原價貴，但食材新鮮同靚，貴真係有佢既原因👍🏻👍🏻👍🏻👍🏻

昨晚6點一家四口有老有嫩去咗金明苑食飯，裝修咗轉名後（裝修前既餸菜都唔差）今次係第二次去，昨晚點咗幾個餸都好好食，好想分享下。 整晚幾個餸菜都好好食，我最鍾意乳豬，因為平時响出面食既乳豬好肥好油，我食2件就開始胃唔舒服，但呢間既乳豬係偏瘦，我食多幾件都冇問題😋😋 食到7點，已經見全場有7、8成客，到我哋7:30走，已經有人等位啦，如果大家惗住去最好訂定枱呀！ 👍🏻呢間食肆無論經理定侍應，甚至收銀姨姨都好有禮貌！👍🏻我會keep 住去食👍🏻👍🏻👍🏻 Ps: 其實而家佢哋一至五有晚市優惠好抵食，仲可以無限叫，不過我唔記得影低😅

呢間食肆我幫趁咗冇8次都有6、7次，次次都掛住食唔記得影相，今次終於記得啦😆。我仲記得第1次入去買外賣，係佢開業冇耐，我比門口啲食物相吸引，第一次係叫咗生炸脆皮雞脾煎蛋飯，同亞瑪咖哩薯仔牛腩飯。炸雞脾好香脆好味，仲有蔥油配襯，正👍🏻👍🏻👍🏻，咖哩牛腩都好好食，不過我嫌牛腩少😆。之後幾次外賣我都必定係炸雞脾飯做胆，再試其他不同野食，試過海南雞飯、川辣口水雞飯，而我個人會較鍾意口水雞既味道，不過2款雞飯都係屬於多骨少肉😅；又試過花膠雞濃湯米線，湯都幾好味😋；厚切吉列豬扒煎蛋飯既豬扒又係好香好脆好食😋；家鄉冬菇滷肉飯，味道係好好食，啲汁真係好似炆冬菇既濃汁😋，對於我呢啲鍾意撈汁食飯既人黎講啱晒😋；而今晚除咗炸雞脾飯，我就試咗黑糖醬油雞脾煎蛋飯，呢款雞脾都唔錯，啲雞肉好滑，不過我都係鍾意炸雞脾多啲😋😋 除咗飯，佢地既例湯同將軍奶茶都好飲。😋我每次都會叫😆。報告完畢😆😆😆

早兩星期係阿囡生日🎂，我地一早訂枱再黎呢間餐廳食晚飯慶祝😋😋。 當晚除咗encode 上次既刺身沙律、鵝肝多士、清酒煮蜆、串燒、海膽炒飯…… 仲好好彩有我地一直想試既魚刺身 - 伊佐木😍味道鮮甜，入口係爽脆但滑，我地相信如果條魚再大條啲，應該仲正😋😋😋。 食到晚飯尾聲，職員唱住生日歌送上壽司蛋糕，呢個蛋糕真係睇到師傅既誠意，蛋糕旁邊仲有迷你壽司做陪襯，好可愛呢！阿囡非常鍾意。 呢間日本食肆真係值得推介，食材新鮮，製作認真，每一個職員都好友善👍🏻👍🏻👍🏻 一定會再去😋