魚米 (長發廣場)

營業中

休息中

食物水準ok, 三十零蚊下午茶幾抵食,最鐘意食佢地既薑絲豬澖公仔麵 但員工服務態度非常差由點餐到埋單,佢地全程黑面加唔留心聽客人講野,落單時要我重覆2,3次佢地先聽到埋單我用八逹通付款又唔show收左幾錢/餘額比我睇,希望公司揾人視察下同加強員工培訓

平時出街少食魚，今次就去左魚米食魚今次叫左香煎原條黃花魚配酸辣米線，和香煎比目魚配湯飯。平時叫酸辣米線，店家都落好少酸菜，想人加錢加酸菜。但是依間魚米令人驚喜，成碗米線鋪滿酸菜，愈食愈過癮湯飯亦都份量十足，一大碗清湯加一大碟飯，女仔有啲難食得晒黃花魚和比目魚外面灑上椒鹽粉，帶出魚鮮甜味，唔夠咸可加豉油

用foodpanda訂餐外賣自取，為求方便快捷，可預時間去取餐不用等，結果 遇上無知垃圾員工卻白白浪費了一小時！話說11點許經foodpanda訂餐顯示預計11:45可取，於是我便於11:40到餐廳等候，餐廳帶鄉音呀姐睇都未睇就話無咁快嫁，有時落單都要等成個鐘先有嫁 （心諗： 只係問了一句外賣有未，要成個鐘先有得拎？ 咩餐廳咁巴閉呀）於是便在旁等候，結果一等 等到12點，眼見外賣不停出都未有，亦已過原定取餐時間11:45， 於是便再問 foodpanda 外賣有得拎未，對方竟然回覆 外賣單出曬，無我張單， 又老吹說訂單取消了，話唔關佢餐廳事，叫我自行聯絡foodpanda 退款。由於手機從無顯示取消訂單，當再追問時 對方堅稱取消了，於是只好離開餐廳 聯絡客服，另外去第二度再買午餐！ 當買緊另一家餐廳外賣時，客服回覆訂單從無取消，並且已經有得取餐，當刻心裏粗口真係橫飛，只好拎完另一間餐廳的外賣再折返去拎個份 原本堅稱話取消左又突然出現番既外賣，但已經係12:30既事，而呢份外賣亦已一早整好擺起度！請問鄉音呀姐訓醒未？員工質素都好緊要，唔識唔緊要，唔好老點啦！

炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既炸豬排生既

疫情濃罩 人唔多 店員都唔多所以冇主動點餐 冇檢查安心出行 自出自入▪️花膠魚肚雞湯飯 配三色飯 $75有一塊花膠，兩塊魚肚，一隻雞脾，性價比超高，味道都有酒樓水準，欣賞佢湯同飯分開上，中意飲湯朋友可以一試。三色飯只見二色，唔知仲有一個色係咩，但都幾香，口感偏硬身同乾，適合做湯飯。總評：食完唔會好口乾，我勁中意。

員工十分冇禮貌 要人登記 前一個員工叫我登記完坐低 之後塊面有粒墨扎住條邊嗰個員工係咁問登記咗未 我禮貌回答登記咗㗎啦 你仲係咁喺度大聲講話你登記你企喺度呀嘛 如果唔係入都冇得你入 係極度冇禮貌 以後都唔會再食 過嚟食個飯都好似受氣咁 真係有冇搞錯啊 咁嘅服務態度 好似全世界得罪佢咁 唔知真係以為同佢有仇 唔可以同自己員工溝通好先至再問個客嫁？ 你個員工叫我坐低先既 你話你個員工 轉個頭反而係咁比面色我睇 仲要係咁講 真係唔好俾錢買難受啊大家

魚米青衣担桿山路6號長發廣場2樓211號舖長發商場自從裝修左之後開左好多唔同既食店，成日都經過呢間餐廳，今日係門口行過見到有下午茶餐，所以就黎試下下午茶餐既選擇都算幾多，我就唸住叫d 輕食，但如果肚餓既朋友就可以揀湯飯DIY套餐炸雞脾+ 薯條+西多士炸雞脾望落比較細隻， 同埋食得出係用南乳醃製，味道算係正常既

星期日我同幾個朋友去魚米下午茶，睇好點餐叫左側邊加餐具古阿姐三次都吾理我地，我已經三翻四次地叫距過黎點餐，距都唔過黎，咩態度☹️老闆請左呢D員工倒米☹️己好次了、經理叫她大英，悲哀

前晚在這間食水深食堂叫咗紅衫魚套餐。嘩！嚟咗兩條魚毛，又乾睜睜，D飯係冷冰冰，所謂燉湯，得幾舊硬板板瘦肉，紅棗不去核。這樣的服務，這樣的食物質素，肯定不是一間有心經營食材的搶錢餐館，下次見到這間搵笨食堂都要掉頭走。

魚米·湯加，估唔到食到健康好味家常野。平時經過都係見食魚湯米線，沒甚麼特別，但夜晚飯經過， 是買家常健康餐， 有燉湯有蒸魚仲有白飯和餸。價錢好經濟。點了兩個燉湯： 花旗參燉雞，海底椰燉雞。蒸魚實在很多款，亦唔知咩魚好味，點了一條貴少少的紅綠剁椒紅鮪魚。紅鮪魚都是大骨，很多魚肉, 蒸得很滑，好易食，而且剁椒都夠辣，成條魚整得很好。仲有南瓜墊底蒸，魚汁撈飯。兩碗湯都好正， 花旗參湯當然有清新花旗參味，而豬腱肉都入哂花旗蔘味!仲好濃味下。另一碗湯好足料， 有細細粒無花果南北杏幾件肉，飲時都好驚喜，但後來發覺我點的海底椰湯應該變了無花果湯，如果我一早知是在喝無花果湯，我應該更加識欣賞。但湯是好好的!一定要點。魷魚肉餅充滿爽爽的馬蹄，健康好味，很有心思。整體餐廳價錢合理，健康有益,味道好，去長發要試，所有餐點都係街坊價，仲係健康餐。不過落單後睇下有冇落錯，咁就可以食到自己想吃的味道。可以再去，區區食玩遊-- 青衣

長發開左唔少新食肆，其中大集團「魚米」都係度插旗，咁有機會梗係要試下！🤫🤫🤫剛入去感覺唔錯，又光猛又闊落，諗住呢餐應該都唔會太差，但一開始問題黎料！我地坐低係一張未執拾既檯度，叫左幾次侍應執拾下都話忙陣間先，而呢個情況係之後落單都類似，其實Ｄ侍應好落力，但咁大間鋪得兩三個做到踢晒腳，仲要係LUNCH時間，真係要請多Ｄ人幫手！🤧🤧🤧仲有，個侍應黎抹檯後，張桌一陣怪味，唔知塊毛巾幾耐無清潔！😰😰😰講番野食先，我叫左個蝦滑聖瓜蕃茄湯淮山麵，有讚有彈，讚既係淮山麵好健康，加埋用濃郁既蕃茄湯煮係好好既配搭，聖瓜都好入味！但個蝦滑令人好失望！Ｄ肉好唔新鮮！😢😢😢😢然後我朋友叫左個雙丸蕃茄湯淮山麵，佢識揀，因為雙丸就無伏既，蕃茄湯幾正，佢就食得暢快，我就麻麻啦！另一位朋友叫左個黃花魚湯飯，佢話Ｄ湯幾好飲，Ｄ飯又夠份量，不過條魚有Ｄ乾。😵😵😵

該集團分店眾多，而這間新店門面裝修不俗。店內面積頗為寬敞，光猛整潔，座位亦算舒適。店內有自助櫃枱，提供冷熱水及調味品。餐牌顯示該店出品繁多，並不是單提供米線及魚。豬軟骨尚算稔熟無渣，調味亦中規中矩。菜飯賣相不差，米質軟硬度適中。蘿蔔烹調尚可，但畧嫌入味不足。牛腩嫰滑不靱，味道調較得宜。多春魚賣相極差，未有用心擺砌，屬隨意放入碟中。魚質靱而欠鮮味，疑似番炸或番煎之作。米線份量足，湯色白而帶魚味，配料亦不過不失。該店環境舒適，價錢亦公道，惜部份出品未見用心泡制，質素有待提高。

喺青衣等睇醫生，等到實在太肚餓呀…喺附近見到魚米，真係忍唔住要食返個米線先!!!今日叫咗一個魚湯米線，餸菜就叫咗竹笙和豬軟。魚湯不是特別濃味，清清地啱曬我呢啲病人， 而豬軟骨就炆得幾淋兼入味，竹笙就吸曬啲魚湯。佢嘅湯底加兩蚊就可以轉酸辣湯底。飲品就叫咗杯銀菊露， 可以降一降火

見就黎過年，屋企又多野執，又要搞呢樣搞果樣咪諗住落樓下食餐好少少其實等都預左架喇，根本成條街都係人，始終都就黎過年，個個都出街食但真係無諗過要等咁耐，等左我足足有九個字有多 九個字我自己一個食完一個吉野家邊爐啦，都唔洗食佢了其實要等都算啦，我滿心期待佢會有返少少水準，就算唔好食都未去到難食掛先奉上一個餐牌，選擇確實係幾多，而且價錢亦都算公道幾十蚊一個下午茶絕對係合理既，而家出去食飯周圍都要咁既價錢啦但係好可惜佢比唔到一個幾十蚊既質素我，如果呢個價錢我真係寧願去食譚仔好過 個湯底淡到呢，米線煮到好淋，成Pat野咁點食呀而且個魚腐好難食，講真如果係咁仲要等既話我不如食個車仔麵算了總括黎講我個人係極不建議大家去食既，食完只係覺得佢名大於實實在唔明白點解佢可以係香港開到咁多間分店同樣價錢可以去食譚仔，平過佢既仲要有車仔麵，想浪費下時間的話就去食吉野家根本間野都無可取之處