馬泰

營業中

休息中

行經銅鑼灣經朋友推薦下食呢間泰國嘢我哋2個人叫左生菜包 菠蘿炒飯同馬拉盞炒通菜生菜包：好食有點辣，生菜新鮮唔會太大塊，都算好包，略嫌細份馬拉盞炒通菜：好食，微辣，食到尾有啲咸菠蘿炒飯：最好食，飯乾身粒粒分明又足料，但炒飯真係好少，我哋2個唔算大食都唔夠食飲品我叫左龍眼冰冰，龍眼好好食朋友叫左紅豆乜乜（唔記得咗叫咩），有驚喜，好飲，下次再嚟我都要飲呢杯整體我會比🌟🌟🌟🌟如份量大返小小就very good

午飯時間去食，叫左個肉骨茶，海南雞飯，肉骨茶都幾咸，條骨上面嘅肉已經完全分離左條骨，同埋個湯唔熱，係暖暖地海南雞一般般，肉好少，約有3分1係皮、3分1係脂肪，咬走左d皮同脂肪，得返少少肉，以咁嘅價錢覺得唔係好抵食，碗飯都偏凍，唔夠熱另外見到有客人飲剩左好大杯凍拉茶，幾乎原封不動，佢回收係水吧位置，覺得怪怪地，本來叫左凍奶茶，即刻改左做薏米水，希望唔係轉個頭拎返出黎比人，正常係會即刻收左落盤，下次未必會再去

✨銅鑼灣特色平價泰國菜✨享受東南亞美食風味#mayfoodie_causewaybay 有一日有緣品嚐到位於銅鑼灣嘅一間平價泰國餐廳✨🇹🇭如果大家喺銅鑼灣行街行到好攰，又好想食吓泰國菜嘅話, 呢個會係不二之選🤓👍——- 環境方面 ——-Rating: 6.5 out of 10餐廳in general 坐得舒適即使係食晚市都好, 唔會太多人, 所以唔算太嘈雜👍——- 食物方面 ——-我哋當晚嗌咗幾樣嘢, 包括有1) 泰式炒金邊粉Rating: 7 out of 10金邊粉炒得非常有鑊氣👍味道濃郁😋😋(2) 泰式蔗蝦撈檬粉🦐Rating: 7.5 out of 10蝦非常新鮮😋✨而米粉加入檬汁非常可口(3) 馬泰香芒糯米飯🥭🍚Rating: 7.5 out of 10芒果很甜👍👍糯米飯亦都好彈牙賣相似一碟壽司🙈——- Information ——-📍馬泰 (銅鑼灣)📍銅鑼灣駱克道408號地舖

肉骨茶，蜆肉湯，牛肉粒又硬，勁鹹。芒果糯米飯係飯焦。其他豬頸肉芽菜，好普通最唔高興，洗手間門鎖壞，結果我要叫人俾螺絲批比我拆鎖先開得返門出嚟。仲要不停比錯工具我

行過搵緊野食，見到佢張poster，oh no~成隻龍蝦嘅上喇沙都只係$88，之前食正常喇沙都要$76，仲諗！試試先😬龍蝦喇沙 $88店員推介嘅龍蝦喇沙分量十足，湯底味道出色！口感濃稠，結合椰子、龍蝦香味；配上店入面嘅特色辣醬，湯頭惹味可口。龍蝦整隻上，小店配以手套、鉗方便顧客食，十分貼心💕龍蝦真係啖啖肉，不能小覷係它的蝦膏非常多，鮮甜美味，值得推介！泰式無骨海南雞飯 $78見到有人外賣一隻海南雞，於是二話不說就order呢個飯😛睇樣好靚仔，首先試湯，食到碎雞肉、蓮藕、紅蘿蔔，畢竟雞湯，少少油得嚟好清甜，但唔肥膩，好飲！主角無骨海南雞飯，雞件正，已有少少調味，點埋附上嘅醬，好惹味呢～而且啖啖肉，加上爽爽雞皮，真係一啖一件😂再配埋油飯食，超夾。馬來咖央多士 $32朋友想食咖央多士當飯前小食，剛好熱辣辣送上，又香又脆，麵包染上獨特嘅蛋黃醬，鹹中帶甜，一片片金黃色嘅多士，淨係賣相已令人食指大動。太耐冇食咖央了，好好味👍🏻

時代廣場多野食大家都知，但係原來鵝頸橋的另一邊都有唔少好野，性價比夠高。探完住銅鑼灣的朋友，佢話帶我去附近食間泰國菜，份量大大碟，價錢經濟實惠wor😆入到去個裝修令人有種放鬆的感覺，侍應有禮地遞上餐單，口罩袋及濕紙巾。雖然呢3寶係疫情下去餐廳食飯的必需品，但係都唔係每間鋪頭有齊晒！打開餐牌睇，發覺有好多款式，同埋最緊要有埋圖片係隔離，令人更容易明白visalize成件事。款式包括街頭小食、特色燒烤、沙律、湯品、菜類、地道咖哩、摻摻喇沙，湯粉，撈檸、飯類、娘惹糕點及甜品，完全係花多眼亂🤭🤭🤭飲品方便亦有好多選擇，包括酒精類飲品(特色hoegaarden, cider, Corona, Thai beer) 、泰茶(檸茶檸水桔水薏米水) 、汽水、反轉傳統泰國豆奶(紅豆冰及紫米冰) 、鮮果冰冰(芒果及士多啤梨) 、特色飲品及拉茶咖啡，擔保實有款岩你口味😆揀咗大約5分鐘之後，終於落到單！馬來海鮮摻摻喇沙：湯底好香濃，有椰醬、雞湯及蝦膏等，米粉x褔建麵(aka 摻摻)可以將個湯汁的精華盡吸，超惹味🤤 除咗湯底和麵底外，配料亦十分豐富，有雞蛋、大頭蝦及鮮蟹柳等👍馬泰特色拼盤：拼盤用個特色雙層架盛載

今日去銅鑼灣駱克道馬泰食泰國馬來西亞菜😀駱克道有好多食肆，但係馬泰都坐滿左食客，證明食物有一定嘅水準。咖央多士 ($32)多士叮到香脆熱辣辣，麵包鬆軟，咖央醬香甜。無骨海南雞喇沙 ($78)海南雞無骨方便食，雞肉嫩滑唔鞋，好有雞味，喇沙惹味大碗，正宗有油麵加米粉，又有豆卜雞蛋，小辣好食。斑斕蛋糕 ($34)蛋糕賣相靓味道好，蛋糕鬆軟有好香的斑斕味，仲有啲厚奶係上面，如果有得外賣原個蛋糕就好！飲品有凍鹹柑桔水($18)抵飲，芒果沙冰($42)超大杯！兩個人都飲唔晒，有芒果粒，清甜爽口！

響灣仔食野都唔平得去邊，咁啱行到鵝頸橋附近，見到一間環境都幾光猛嘅東南亞餐廳，咁啱又到食飯時間，就入咗去。食物選擇多，有多款粉麵飯小食等，包羅萬有⋯叫咗三樣嘢，招牌無骨海南雞摻摻喇沙，香茅厚切豬扒摻摻喇沙同埋一個肉骨茶。最先嚟嘅係招牌無骨海南雞摻摻喇沙，海南雞嘅份量唔少，雞皮充滿油嘅光澤，入口爽滑，肉嫩，加上係去哂骨，啖啖肉👍🏻。摻摻份量亦不少，叻沙湯底充滿夜奶嘅香味，有唔少油豆腐索啲湯汁，加埋芽菜等配料， 摻摻屬於水準之作。至於香茅厚切豬扒摻摻喇沙嘅豬扒肉質鬆軟，香口，分量亦交足功課。碗摻摻就大同小異，但唔知點解跟豬扒嘅叻沙湯會比更海南雞嘅喇沙辣一啲。跟住嚟嘅係肉骨茶水準亦不錯，入面嘅幾舊排骨比肉骨茶浸到夠淋，至於藥材味亦足。呢餐食咗232，食物水準整體唔錯，響灣仔區嚟講已經唔算貴。

餐廳位於銅鑼灣鵝頸橋底附近兩邊牆身佈滿馬來西亞🇲🇾及泰國🇹🇭畫作及擺設為整個環境增添不少色彩🎉🍝泰式炒金邊粉Pad Thai 是我平日最愛的泰國菜之一🙈酸甜味道十分突出 令人開胃 金邊粉抄至乾身 沒有半點油膩感蝦雖然只有一隻 但勝在彈牙新鮮🦐旁邊還有不少調味粉 帶點香辣可使整體味道更惹味 不會太單調🌟🍤泰式蔗蝦撈檬粉蔗蝦香脆 而且十分厚肉‼️咬下去啖啖肉 真材實料 令人滿足檬粉爽身 不會有黏在一起的情況發生而且份量大分多👍🏻大食的朋友也不用擔心🤭🥭馬泰香芒糯米飯首次看見以壽司造型製成的芒果糯米飯🍣賣相可愛獨特✨同時飯與芒果的比例已安排妥當 十分貼心芒果不會過甜整體味道微鹹帶甜 口感軟糯餐廳的份量偏多 同時在銅鑼灣地段來說價錢合理 大食的朋友不要錯過😆

朋友喺銅鑼灣駱克道附近番工，駱克道向來不乏美食，佢就推介咗一間泰國菜x馬來西亞菜比我、價錢相宜，有啲菜式幾特別。食物種類繁多，有馬來西亞同埋泰國菜式，睇落都幾惹味，入面好多泰國菜式嘅圖畫，增添視覺觀感。馬來杏仁蝦餅🦐炸蝦餅就食得多，有埋杏仁仲好食😍杏仁爽脆，蝦餅蝦膠實在，口感吾油膩，杏仁錦上添花。去親泰國餐廳都會叫串燒🍢地道串燒有兩串雞肉同埋兩串牛肉，雞肉同牛肉都頗有嚼勁，雞肉嫩滑，牛肉味濃。自己叫咗個香茅豬扒撈檬，豬扒香茅味還好，份量多、大件，檬粉撈埋‘’士拉猜‘’汁酸酸甜甜味道可口。老公食印尼娘惹巴東咖哩白飯，喺某間人氣馬來西亞餐廳都食過，食得番戈種味道！咖哩汁惹味得黎吾會辣到入吾到口，雞扒嫩滑多汁😋🐔成個組合好正。班蘭椰汁冰相比起一般椰汁冰多咗香甜班蘭，班蘭味比想像中明顯，夏天飲仲正💚Pineapple Gaarden，菠蘿加Hoegaarden，好新穎，欣酒裡感受到菠蘿甜味🍍

咁岩今日去左銅鑼灣果頭行街見到呢間都好多人食既泰國野就決定去試下一入到去見個裝潢好有特色仲有D手畫menu 好靚好似真係置身泰國咁!店員都好有禮貌咁幫我地入座店既座位都多 坐得都闊落舒服一打開menu見到好多道地既泰國野食見到D價錢都好抵咁今次就叫左個泰式無骨海南雞飯朋友叫左個豬肉碎飯仲叫左個炒通菜同一杯斑蘭椰汁冰落完order D野食好快煮好 一上台熱辣辣!首先個海南雞飯 雞既量都好多 D雞肉唔柴 仲好滑添!配埋D汁一齊食都好好食油飯都夠曬味! 份量都好夠一個人食!個豬肉碎飯都好味有個好可愛既碗仔放D肉碎一上台好熱 要吹下先食~肉碎煮得好入味!個通葉份量好夠!唔算好辣~炒得好有獲氣 送飯食一流杯野飲好解渴~唔會太甜 岩岩好! 果然食泰國野果然要飲杯椰汁冰!

銅鑼灣鵝頸橋一帶除咗打小人出名以外，美食亦都出咗名既多。今次就等我試下呢間外觀已經非常具有泰國特色既餐廳啦。間餐廳嘅裝修都幾泰式風味，仲寫滿左唔同嘅特色菜餚添。今次叫咗幾幾道菜有:招牌無骨海南雞摻摻喇沙 - 幾特別嘅組合，佢既海南雞真係幾滑幾好食，配埋個湯底濃郁嘅喇沙，有多重滋味既享受。青咖喱軟殼蟹煲配白飯 - 泰國菜必點當然係咖喱啦。青咖喱唔辣椰香味重，加上炸到鬆脆既軟殼蟹，送飯簡直係絕配。再加埋兩支泰國本土品牌既梳打水，清爽又解膩，正斗！

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ Lunch / 下午茶黎 @mathai_cuisine 都幾抵食 👍🏻凍飲加3蚊，特色飲品加$8。食物份量都好飽肚！我哋叫咗個香茅豬扒喇沙同無骨海南雞飯做主食。香茅豬扒個汁都幾清爽 😝 油飯有少少薑味。雞身都算滑 ❤️ 仲叫咗個蝦餅而佢有落杏仁一齊炸。 斑蘭蛋糕，原本以為會無味。點知佢都好重好香斑斕味 👏🏻 無加一。ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 🌼 Food香茅豬扒侵侵喇沙 58招牌無骨海南雞飯 68杏仁蝦餅 26斑蘭蛋糕 34🌼 Drink泰式檸檬茶 3斑斕椰汁冰 8◇◇◇◇◇◇◇◇◇🔎 #cass_thai 🔎 #cass_泰國菜 🔎 #cass_cwb🔎 #cass_銅鑼灣🔎 #eatwccinhk

去銅鑼灣行街，識食嘅其實都知道鵝頸橋附近都有好多好嘢食!唔想食咁貴，所以行過見到有間食泰國菜嘅就行入去試下啦!入到去都見到有人客食緊飯，環境都好乾淨，燈光係光猛嘅，位置都坐得好舒服，唔會話好迫嘅感覺。 一支公就嗌咗個海南雞飯餐，78蚊價錢絕對ok啦，等咗大概十分鐘之後就已經上菜，份量都冇唔錯喎，包一碗湯，有雞肉，蘿蔔同埋粟米，好清甜，個蘿蔔一夾就知道煲咗有一段時間，重點係飲完之後我冇好口渴嘅感覺，唔錯唔錯。之後就到個雞，份量都唔少，雞皮係爽口嘅，而且仲可以見到雞皮同肉中間嗰個豐富嘅啫喱添，仲要係冇骨嘅就啖啖肉啦，除咗雞之外，仲有少少嘅青瓜，酸蘿蔔同埋花生，令到唔會話食到覺得好寡。配嗰個汁有一個酸酸辣辣，同一個比較濃嘅豉油。就算我唔係好食得辣，但都覺得嗰個辣醬都好開胃，係可接受嘅辣度，而豉油方面雖然比較重口味，但係撈埋飯食到啱啱好。雞油飯每一粒都係黃色的，好重香味。分量好似唔係好多但係其實都夠飽!最後有啲牙痕，嗌咗個佢哋嘅班蘭蛋糕，畢竟都好耐冇去星加坡啦。上菜嘅時候都見到份量都唔細，用叉拮落去係鬆軟嘅，咬落去呢十分軟熟，而且唔會乾爭爭，食完之後要不停飲水。見到佢仲有好多唔同菜式，見隔離枱

我諗呢間舖頭 - 馬泰，改呢個名就係因為佢主要sell馬來西亞同泰國嘢食，揭開menu見到有肉骨茶、喇沙、海南雞，仲要每樣都係$70-$80，就知啱心水啦～入到鋪頭，鋪面感覺唔算好fancy，有種好地道嘅感覺，佢牆身個架放滿咗唔同嘅調味料，仲有啲插畫。咁耐冇去旅行，真係令人聯想起泰國、新加坡啲街邊小炒同熟食中心🥹店員都幾貼心，一入去就放低口罩套、濕紙、兩杯水，街邊舖頭仔嚟講，都真係服務得幾周到！馬來海鮮摻摻喇沙唔好見佢$76就低估咗佢，一夾起，原來成碗譚仔過橋咁大，兩個人食都得。呢個價錢嚟講，有蜆、魷魚、鮮蝦咁多款海鮮，都真係良心小店！蝦味、咖哩香及椰香都齊晒，濃而不膩，我眼光真係唔錯。肉骨茶肉骨茶啲藥材都足，因為我飲到最底嘅時候，見到好多好細粒嘅湯渣。最明顯係啲杞子，多到鋪滿咗成個湯，食完隻眼blingbling明亮。最抵讚係啲肉骨！我平時最怕啲肉骨瘦蚊蚊/肌肉萎縮/成條柴咁，但呢間煮得好冧，但係又唔會一夾即散，80歲阿婆都食到！馬拉盞炒秋葵我自己炒秋葵，成日都炒到滑潺潺，所以我都費事麻煩，成條拎落去炒。一開始我睇menu圖片，見到佢切晒一粒粒咁樣，都有驚過會中伏。但係勢估唔到，嚟到