香港廚房 – 華麗冰室 (已結業) 查看

前兩個月見華麗冰室關門了， 心理真可惜， 卻於二月新年後見有伯伯在派傳單， 2月22日從開試業， 心裡一直要再來捧場！今日約了同事一齊再來華麗一番， 門口依舊， 但內裡裝修變得別緻了不少， 加了小盆栽及卡位， 舒適了。我和同事每人叫了一飯一湯麵， 餐湯是附送及無限飲的湯是雜菜湯 嚐出是沒味精的， 飲了三大碗呢由於有湯無限飲， 我們就沒有叫 + $5熱飲了 註： 飲品也是無限加的好啦， 上主菜：1. 咖喱豬排紅米飯一個字： 掂！ 紅米飯軟硬適中， 豬排食落去， 質感我以為自己真係食緊豬排， 讚， 咖喱夠香不辣岩我只求香口不求辣的人仕， 如果夠熱就100分了2. 韓式泡菜豆腐湯拉麵同事說略為淡口， 就是 泡菜+豆腐湯+拉麵 好了整體的確不錯， 五六十塊錢的午餐這裡有的是味道及飽肚並存， 是推介的好地方！值得一提是這裡是銀杏館機構開辦， 主要是聘請年紀較大的員工， 不分年紀唯才是用， 值得鼓勵

一直都好喜愛呢間餐廳，到而家改做素食餐廳，食物質素比以前更高，今次真係忍唔住同大家介紹下（第一次寫食評）lunch叫左個樂活素漢堡，送手打餐湯(自助任飲)，今次係蕃菇雜豆湯，幾好味，蕃茄冇煲到爛哂有得咬下，甜甜酸酸，好開胃。至於個主角漢堡，一黎到賣相已經好吸引，份量夠，又多料，素扒，蕃茄，菠蘿，雜菌，芝士，生菜。真係好好食又好大個！素扒有兩塊我都要分開食！睇得出整得好有心。除左漢堡，伴碟仲有沙律（個汁好似係橙汁加椰子醋）同埋用煎香草薯仔，都好香好好味！順便介紹下，佢地既餐湯係唔落味精，蔬菜係由佢地自己的有機農場供應，成個感覺好健康：）

這個角落算是最襯的地方了在工業區來說， 這冰室都尚算整齊， 員工都快手整理每星期轉換的餐牌， 今日我想食的蒸魚無哂啦， 那時只是1250， 太搶手啦！其實一坐下已經會比碗靚湯過你， 雖然話全天然有機靚湯， 但我覺得有少少味精， 都可以接受， 註： 粟米甜甜的無蒸魚啦， 唯有叫鯪魚球啦， 我仲以為係浸熟個款， 原來係鮮炸， 雖然好熱氣， 但炸得剛剛好， 讚呀！！最後跟埋杯檸水， 沒什麼好影， 整體來說， $32唔係特別平， 但味道算係對得住價錢呀！題外話： 尼道係社企餐廳， 主要請上了年紀的人來做工， 令上年紀但仲有氣有力的人還可以自己勞力搵錢， 不會太快被社會淘汰， 這樣很不錯！

今天來火炭辦點正事，中午時間可以和兩位朋友來個午飯聚，近日得知火炭區有一間華麗冰室的社企食肆開業，而且是協助長者就業為大前提，一向都希望多多支持社企，因此就拉兩位朋友來試試！華麗冰室開設在華麗工業大廈之內，單位面積不算很大，枱椅也放置得較擠擁，十二點多已差不多坐滿客人，相信冰室對外來客雖然較為陌生，但區內已有一定客源。除便坐在一張大圓枱，看來這裡是見位就坐，也沒搭枱與不搭抬之分。侍應會先奉上一碗例湯。朋友分別點了老香港鱆魚蒸肉及素菜炒土豆絲。而我則要了一客柱候醬有機蘿蔔燜牛腩。例湯應該是蘿蔔煲豬骨之類，不過味道頗淡，當然一定沒有味精，但味道的確不太夠，既然附送了，不妨添點材料煲碗靚湯吧。柱候醬有機蘿蔔燜牛腩我原以為是飯餸分上的，不過來到是碟頭飯形式。餸與飯的份量不多，賣相也比較普通，有機蘿蔔腍甜但不見十分突出，牛腩帶少少油脂，燜得腍而有肉香，醬汁不算濃味，吃得出無添加味精，頗有家常風味，值得一讚。老香港鱆魚蒸肉餅也試吃了少許朋友的蒸肉餅，賣相不俗。吃起來不算十分鬆化，但也不硬實，頗有肉味之餘混入的鱆魚亦見惹味，重要是貫徹家常風格，肉餅沒滲入太多的肥，既健康也不會太油膩，食味不俗。素菜炒