影片
港鐵啟德站B出口, 步行約13分鐘
繼續閱讀
營業時間
星期一至日
11:00 - 21:00
以上資料只供參考, 請與餐廳確認詳情
相關文章
今次食第二次，雖然寫明要等30分鐘，但兩次去到拎餐都見到員工有啲hea。第一次係聽到廚房既員工好開心咁大聲傾計，仲未開始準備個餐，仲要個收銀吹先識快。第二次就係啲員工係收銀位傾計，應該係閒聊，冇第一次咁過份。我一黎到先見其中一個入廚房整我個餐。其實如果忙要我等30分鐘都冇問題，但係畀我感覺鋪頭係持住出餐有30分鐘就係度hea，就令我覺得奇怪。至於味道可圈可點，偶然當試下新野都唔錯，用料都足，食得飽。
繼續閱讀
🎪 飯丸屋(新蒲崗)新蒲崗太子道東638號MikikiG樓G01A號舖又到外賣時間‼️之前係元朗國都有光顧過，今次飯丸屋開到Mikiki商場🥰望上去份量吾多，但其實好有飽足感🥹估吾到～主打沖繩飯團，全部都以午餐肉和雞蛋作為主要材料，再配上各種餡料🫶🏻幾創新😎🌟明太子干貝酥 $45沖繩飯團以紫菜和飯裹成刈包嘅樣子，米飯粒紮實，👍而帶子炸到金黃香脆，外酥內軟，口感紮實，配上鹹香味既明太子醬，口感更豐富。🌟日式炸雞飯團 $42炸雞🍗有三件，入口酥酥脆脆，肉質嫩滑，配埋特製既蜂蜜芥末醬，味道酸酸甜甜，更加滋味‼️🌟麻糬波波+檸蜜檸檬 +$20套餐可以加配小食和飲品☝️推介麻糬波波🥹每包有6粒，芋頭波波入面真係有芋泥🫶🏻不簡單😂地瓜波波亦都有餡料架🫶🏻煙煙韌韌～🌟日式炸雞+胎菊四季春 + $20炸雞件都係有6件☝️一口既大細，炸得香脆，雞肉多汁嫩滑，不錯～
繼續閱讀
《飯丸屋》 Duckduck想食呢間好耐因為個飯團好特別☺️係沖繩飯團黎 🥜花生醬卡拉雞飯團中意花生醬既朋友必試❣️入口花生醬味又濃又香，齒夾流香🥜🥜🥜加落飯團好特別，唔會奇怪卡拉雞好好食，外脆內juicy，啲雞好滑配埋煎香左既牛餐肉，帶番個咸味出黎不過如果你果啖食到好多花生醬就會好杰好黏口 🍤炸蝦天婦羅飯團炸蝦外脆內爽，佢既皮係由一粒粒脆粒造成，比較一般既天婦羅脆同無咁易淋加埋蛋，午餐肉，再配上千島醬幾好食☺️ 🍡麻糬波波炸左既麻糬波波，幾煙韌有嚼勁，好食😋 🍗炸雞 (蜂蜜芥末）一口一個好方便，都做到外脆內軟，保留到肉汁 🍋蜜糖檸檬酸酸甜甜，甜度適中，都唔錯 ☕️荔枝烏龍茶茶底幾香，不過無糖既荔枝味變得好奇怪，個人一般 .__. .__. .__.🐥🐥🐥.__. .__. .__. 總結：真係幾好食，同埋拎去野餐都好方便👍🏻 環境：🐥🐥🐥🐥/5 服務態度：🐥🐥🐥🐥/5 食物質素：🐥🐥🐥🐥🐣/5性價比：🐥🐥🐥🐥/5 回頭率：🐥🐥🐥🐥🐣/5
繼續閱讀
今日去飯丸屋買飯糰外賣，點知行行下，包裝紙膠紙竟然甩咗，成個飯糰跌咗出黎。事緣係外賣膠袋係要加錢，所以加購之下，佢哋會就咁塞一個用紙包裝嘅飯糰俾你，包裝方法係非常「脆弱」，因為佢只係以一層紙盛載飯糰重量，而膠紙其實係痴唔實張包裝紙，另一方面包裝紙亦完全唔隔熱，如果用手揸實會辣親手，放落自己袋係會漏汁，因為包裝係有「窿」。今日我買嗰陣，因為實在太辣手，嘗試攞住包裝無咁熱嘅部分，點知行左一陣個飯糰突然成個Sir出嚟，跌落地下。當我行返轉頭問職員，我都未解釋清楚唔係我俾人裝跌咗個飯，而係包裝唔穩陣嘅時候，佢竟然一句話唔處理，要重新買過就打發我。我唔想為難員工，所以無糾纏，自己俾錢再買，後來亦都同佢哋反映返呢個包裝問題，但嗰位員工都只係皺眉頭，唔耐煩咁敷衍一句好呀，正眼都無望過我，更加莫講話道歉或者多謝意見呢種最基本嘅回應。其實好明白大集團之下，前線員工未必有話事權，但係作為主管，係咪完全無處理空間呢？飯團講緊40蚊一個，對食客嚟講其實我買多一個，就係用80蚊買左一個咁嘅飯團做lunch，非常昂貴。但係對餐廳黎講，其實整返一個飯糰比返客人，根本唔會損失好多，咁樣不問緣由就拒絕食客，真係一個幾差嘅做法，而且將心比己，已經跌左錢，食客真係會難受，嗰位員工態度上可否處理得客氣一啲呢？
繼續閱讀
大件夾抵食飯糰🌸海苔醬卡拉雞握飯糰🌟🌟🌟🌟🌟一打開就香，海苔醬少少甜，卡拉雞出奇地外脆內嫩滑、厚身炒蛋及厚切午餐肉，口感層次非常滿足！🌸泡菜燒肉握飯糰🌟🌟🌟🌟🌟超多泡菜及不嚡口豚肉、厚身炒蛋及厚切午餐肉，配搭成飯糰，味蕾層次非常豐富呀！🌸蜂蜜芥末醬薯條🌟🌟🌟🌟🌟薯條愛好者不能錯過，每一條都超香脆而薯仔味夠突出，配搭蜂蜜芥末醬簡直冇得彈。🌸麻糬波波（紫薯/地瓜）🌟🌟🌟🌟鐘意麻糬既朋友不能錯過，建議先吃地瓜味先，地瓜味清甜，紫薯味特濃郁，煙煙靭靭咁。🌸黑糖豆漿🌟🌟🌟🌟🌟飲落唔算太甜，豆漿味出，但後勁既黑糖味爆出，感覺好特別。🌸日本抹茶豆漿🌟🌟🌟🌟🌟超濃郁抹茶味，估唔到抹茶豆漿個味咁夾架，重要係微甜，真係正！======詳情======飯丸屋 (Mikiki) (新蒲崗)新蒲崗太子道東638號MikikiG樓G01A號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #新蒲崗美食 #新蒲崗好去處 #香港美食探店 #香港探店 #飯糰 #海苔醬卡拉雞握飯糰 #泡菜燒肉握飯糰 #麻糬波波 #黑糖豆漿 #日本抹茶豆漿 #onigiri_planet #onigiri_planet_hk #onigiri_planet_hk05 #Mikiki #飯丸屋
繼續閱讀