青藏牛肉麵

營業中

休息中

➼ 青藏羊肉麵（午餐）就咁睇碗麵其實都幾平平無奇🤣但食落就有驚喜！肉嘅份量都幾多，好欣賞佢個羊肉味好濃但唔會膻👍🏻拉麵麵質都好彈牙！湯好有鮮味，不過有少少咸，可能味精落得有啲多，但佢勝在夠熱，食完碗麵成個人暖笠笠💕➺ 小分享：佢哋個辣椒油都好正！可以試下落少少喺碗麵度，係另一種風味🤣

我地兩個人食午市，張午餐紙小食同麵都系各兩款選擇，咁我地落單已經講得好清楚，小食同麵都各一。黎到小食同麵都一樣，同個阿姐講佢就走黎同我講話我講得吾清楚，態度吾好到，明明係個阿姐落錯單，您好意思走黎話返個客既？！之後叫佢換。食落碗麵鹹到要系咁飲水，食食下有一碗麵入面有條線，係衫嗰啲線，同個阿姐講佢就急急腳拎走碗麵話換過碗俾我，明明羊肉換左碗牛肉返黎，算數。食多兩啖都吾想食擺左係到。之後仲諗住收我兩碗羊肉價錢.呢間垃圾請我都吾食！

今晚本想到旁邊的另一店，嚐一下其肉骨茶等南洋菜式，卻遇上聖誕三連休，便選擇重來久未造訪的這裡。翻查劣文，竟從未為她下筆，實是罪過！畢竟是我會毫不猶豫、一再光顧的食肆。一切人事，別來無恙；當然店員的臉孔已不認得，但勤快、有時直率而帶點親切的態度，卻是十分熟悉。餐牌也是一貫的牛羊麵、燒烤加上小食選擇，十年如一日。偶爾來重溫一下，不會覺得半點沉悶！麵食是幾乎是每枱必點的，甚至會一人一碗，大口享受。我們的心水是牛肉扁麵 ($46)：滿載芫茜、熱氣上騰的麵總是率先上桌，而同伴再一次熟練地把所有芫茜移至小碗，再加辣油、蒜末、醋和一點湯，混成沾醬，伴牛肉吃簡直是一絕！無論到哪裡，她總是有辦法為美食加倍增值，做出連店家也可能未曾想像的味道。另一必點的炸雞排 ($42)，做法和效果與台式的大相逕庭：外皮色澤相當深，炸前沒沾粉，咬落皮脆肉juicy而香料味濃。件頭夠大，切件後雙層擺放仍是堆滿一碟。請把上火的問題拋諸腦後，盡情趁熱食吧！還有一款必定要一再回味的，就是孜然羊肉串 ($20)。每次我們點這個，都會手寫「加辣」(點餐紙是沒有這一欄的)，再跟店員說一聲。看看機印單，原來電腦系統是有這選項的！想當然，

遇然經過，在斜路多間食店中選擇了青藏。晚市6點，踏入食店後，店舖才開燈，其實選擇不算多，所以點了羊肉湯寬麵加底，牛肉涼麵，燒翠肉瓜及燒秋葵。看得出小店是即叫即煮，因為出菜都等了一段時間。羊肉麵加底確係大碗，熱辣辣的腳豬骨湯底味足。一度以為寛麵出錯了，直直涼麵上枱後便稍為見到寛幼麵的分別。涼麵鋪有半個生蕃茄，紅蘿蔔絲等蔬菜，這是我點涼麵的原因。但當兩個麵試過後，明顯羊肉湯麵的味比牛肉涼麵優勝，惹味很多！兩面真的少了一份惹味及風味。至於串燒，我都覺得好食，只是比較貴！

店中服務員多為中老婦人，眼神邪惡，表情不耐煩，讓人倍感不適。同幾個朋友去食，唔知牛定羊肉麵一碗來到，好粗魯擺上台，同你講聲係牛肉麵，復返服務員“係對面朋友，不係我，麻煩擺過去”，服務員望住我三秒鐘，走左。之後中老婦人一位過來詢問咩事，解釋番，中老婦人話一定有問我，我無答佢所以係咁。我無言以對，食完走人，不會再光臨。食物無問題，非常好味，不過服務真係不敢恭維。中老婦人從聞訊而來之後，不停同其他中老婦人不停講緊唔知咩事，同時以邪惡眼神望住我地張台，叫人非常不適。

想試這間食店很久了，今天特意前往，店內近客滿，幸好剛有位不用等。點了兩碗羊肉湯麪,一拉麫一扁麪，個人覺得拉麪較佳。羊肉片不太夠肉味，麪湯初嚐時覺得不俗，但飲多幾口就覺有味精，回家要勁飲水。付款時無留意，問店員收八達通嗎？店員不耐煩的說只收現全，一眼都無望你。

叫咗牛肉扁面，呢到午餐嘅set大概五十蚊到；牛肉唔知係咪真係用大陸黃牛，牛味非常重，當然唔係好腍啦；個面煙韌得嚟又唔會太硬，好有大陸食開嗰啲麵嘅特色，而個湯就普通濃啦。同喺大陸食D味一樣，之前去甘肅都係咁嘅味。overall牛同埋湯同埋麵都同你喺大陸食嗰啲牛肉麵個配搭一模一樣，而喺餐廳望入個廚房其實都同大陸一模一樣。不過後生仔食就可能唔覺得夠濃味所以要加辣椒油同埋佢啲蒜。encore 呢個set就應該不了，可能再試其他小食啦。見到人地叫豬扒好似炸得好靚。

天氣凍冰冰🌬，好想食d 好暖笠笠既野食第一時間諗起呢間牛肉面除左牛肉，仲有羊肉面，唔同既串燒今次揀左羊肉面，一上枱，飲左第一啖湯湯底好濃，有少許藥材味，感覺好養生好有驚喜，好好飲一d都唔騷我第一次食面，飲晒碗湯😂😂羊肉厚薄適中， 唔韌， 無騷味已經好加分另外叫左雞翼串燒，揀左孜然味小辣雞翼串燒反而燒得乾身D抵食指數：⭐️⭐️⭐️⭐️好味指數：⭐️⭐️⭐️⭐️⭐️午餐之選：👍🏻👍🏻👍🏻👍🏻湯面整體上係好好味😋下次可以再試佢牛肉麵

係北角地鐵站附近有條暗行，𥚃面都有唔少好食嘅餐廳，行到最入就有一間食麵唔錯嘅店舖呢間野食飯時候成日都要等位，如果想食就要早少少等位，同埋食完好快啲走啦，佢會好有禮貌幫你買單先，咁你好我好大家識做啦。另外佢餐牌食品種類唔多，正所謂貴精不貴多，多年質素都保持到。先講主打好食嘅羊肉麵，有刀削麵同幼麪，個人比較喜歡幼麵，因為刀削麵食唔慣佢靱。羊肉方面有香羊肉味，但又唔會太羶，肥瘦比例啱啱好，肉質雖然未去到新鮮，但一定無雪味。另外湯底好濃，帶好輕微嘅藥材味。唔知係咪店舖特色，佢哋好鍾意落大量嘅芫荽，如果唔鍾意食芫荽就要同佢講聲。不過如果食得芫荽嘅，其實味道同羊肉好夾，加埋就會好食好多。除咗之外，食嘅時候可以加佢哋店舖裏面嘅蒜蓉同辣椒油，都係一個唔錯嘅選擇。佢哋套餐都仲包埋一個小食同飲品，小食嚟講鴨胸肉就一般啦，我建議就食腐皮卷。飲品除咗汽水之外仲有豆漿揀，不過我就揀汽水多啲。同場加映一個雞扒飯，簡簡單單嘅一個炸雞扒配一個白飯，亦都係平平無奇嘅一個餐，所以就無謂講啦。

同事話想試下哩間好特別既牛肉麵一講牛肉麵會諗起台灣個種但哩間係食北方青藏風味既牛肉麵叫左套餐(一份小食+麵+飲品)再叫一個串燒set 加燒茄子🍆同同事share❤️套餐小食: 揀左素鵝 正常水準 有青瓜節襯底❤️麵: 揀左青藏牛肉麵 湯底係重點 淡淡既青藏味 個湯好清唔係好識形嘅味 係藥材味? 我幾鐘意 我完全接受到哩個口味牛肉份量超多🤩🤩🤩❤️飲品: 揀左豆漿❤️串燒set 有雞肉 牛肉 腸仔 丸 翠玉瓜 揀左孜然味 正 全部都燒得好好食😋💔燒茄子 🍆 一般 啲蒜只係停留係表面 唔夠入味可以留返quota 試其他串燒🤭好豐富既一個Lunch 我會再來吃的💕

係北角覓食點可以唔提呢條神秘嘅錦屏街呢~ 香港人酷愛米線、拉麵，但都會有食到悶嘅時候。呢間青藏牛肉麵聽聞好出名🤓係係書局街再行入少少嘅小巷入面。小編第一次搵咗勁耐(唔肯承認自己係路癡😤)，真係少啲眼力同冒險精神都唔會貿貿然行入果條街🤣自選午餐 - 羊 ($54)🌟香酥腐皮卷裡面餡料都係普通嘅木耳絲，味道無咩特別，勝在香口夠脆。🌟涼拌素雞個人麻麻地，無咩味，食落似...豆腐同魚片頭之間嘅口感。🌟青藏羊肉扁麵羊肉味濃而唔騷 份量俾得ok多👍🏻湯頭望落清但實質幾鮮帶些少藥材味，冬天黎一碗都幾爽🤤扁麵口感彈牙偏實 絲毫無因為時間糊咗。50幾蚊係港島黎講 價錢算相宜。🌟汽水/紙盒飲料/豆漿味道：🌕🌕🌕🌕🌑環境：🌕🌕🌕🌖🌑價錢：🌕🌕🌕🌕🌑

本來坐成個小時車去北角，特別去食全日雞實驗所，去到至睇到維修，唯有搵另外野食啦！既然要搵，搵D特別D, 就哩間話細新疆野。真系幾偏僻，由書局街一路行，行到一條無路的巷，果度好似一條食街，1點半都好多人去食野。哩間青藏牛肉麵仲難搵，因為無大門牌，行到門口都吾知道道。鋪仔細細都幾乾淨，餐牌就好簡單，主要都系食麵同小食青藏牛肉麵（$46）3分青藏牛肉麵 （$48）3分其實兩個麵都差不多，兩種都帶小小肥，但都有D鞋，羊肉仲無乜味，蘿蔔亦吾甜，系個湯底幾好。

對上一次食青藏牛肉麵，已經係疫症前去西藏旅行既時候(哭 今次我地點左以下食物：🍜青藏牛肉扁麵夾起麵果張就係扁麵，我地以為扁身d，依家似粗麵多d🤭口感係紮實既，味道ok。湯底有驚喜，配料牛肉係港式既肥牛~估唔到湯底幾香濃牛肉味👍另外，芫荽幾香爽新鮮，唔係芫荽控既我都食晒～🐔酥炸雞排拉麵炸雞排既份量超多！平時食麵會加底既隔離位，今次唔駛加底都夠飽（所以張單寫「普通」）雞件都幾嫰，無雪味～食多幾件略咸，但可接受。麵底仲有啖啖既藥材味，拉麵即係幼麵，無咩特別。🍆青藏蒜蓉燒茄子蒜蓉俾得好大方，鋪滿晒茄子，蒜蓉配上醬汁，酸酸甜甜，同平時食既串燒唔同，唔會食到成口蒜味🍢孜然雞軟骨呢個就比較普通啦，唔靭亦唔爽，可以略過⚠️注意: 店內有齊上齊落既揮春，但和你pay話係綠店，請自行判斷 

呢間牛肉麵之前成日都嚟食，當我第一次食嘅時候係一試難忘，佢嘅獨特牛肉味湯，真係全香港呢度先會試到！👍🏻👍🏻令人回味無窮，就算而家唔係呢頭返工，我都會專登搭車過嚟食返碗牛肉麵！牛肉湯非常之鮮味，應該係冇加味精嘅，午餐套餐可以配埋小食，有牛似或羊肉選擇，小食我就永遠都係會食腐皮卷，一定要點去嘅辣椒醬非常好食！牛肉麵呢，就一定要用佢哋嘅蒜蓉粒配襯牛肉麵，將整個味道昇華，配埋佢哋嘅芫荽，整個配搭非常夾😌😌侍應姐姐們都非常有禮貌，服務又非常好！店內一到午飯時間，一定會滿座排晒隊！就知道佢哋嘅牛肉麵一定非常有水準！

_____好味指數：🌟🌟🌟抵食指數：🤑🤑🤑喺香港食晏好多時候都係希望可以簡簡單單有間抵食嘅餐廳同唔使等太耐同要同人迫，咁啱北角就搵到一間。呢間係位於北角一條小巷入邊，雖然聽落偏僻但如果識去其實都幾方便✅酥炸雞扒湯麵雞扒幾乎冇落炸粉，所以唔會食到好厚嘅炸粉味，不過略嫌有啲乾身同韌，但係都算香口嘅；面質揀咗扁面，食落面質比較軟身，少少掛湯；而湯底就比較鹹同有少少藥材味，然後感覺芫荽係拎嚟辟味😂