17
5
6
營業時間
今日營業
10:30 - 21:30
星期一至日
10:30 - 21:30
以上資料只供參考, 請與餐廳確認詳情
基本上11點幾落去雲川舖頭入面得幾台客仲可以揀窗口卡位坐，差唔多到12點至12:30就開始多人。依家都轉晒手機落單，落完單之後基本5分鐘內都有飲品，平時米線都係食開香茅豬扒，今日就想試吓新嘢原來香辣牛腱都好好食。但係個牛腱真係好難，如果用譚仔嘅10小辣嚟去做比較，我覺得係辣過10小辣，如果食得辣嘅人應該覺得好正香茅豬扒都係好食肉夠腍，香茅味夠，雖然叫咗兩個餸兩個餸都係肉類，但係份量都好足夠。加埋杯熱飲熱華田
繼續閱讀
話說每個星期日夜晚🍄同男友會固定食雲川😆🫶🏻用某🐼同🏠🏠送apps嗌呢間外賣絕對唔少於50次，但因為「懶癌」發作卻從未堂食過🫣今次突然有興致出門散步，於是決定要親臨門店堂食😋🍜酸辣米線-小辣（$47➕$1豬頸肉➕$6凍檸樂）🍜麻辣米線-小辣（$47➕$1豬頸肉➕$6凍檸樂）米線套餐$47包一款餸，豬頸肉需要➕$1，另加一款餸➕$10。平過外賣好多啊啊啊～😭（興奮到喜極而泣）首先係蘑菇最愛嘅酸辣湯底，內有十足嘅肉碎、酸菜、芽菜同韭菜，濃郁開胃🤤sum左蔥花點綴，好有食慾！係掃碼點單時可揀米線口感係淋D定爽D，或根據個人喜好選擇是否需要蔥等配菜。蘑菇自己就鍾意爽身D嘅米線😋男友偏愛麻辣口味🤭總體黎講麻辣燙底嘅顏色淡過酸辣，更加香濃。‼️不得不提就係佢哋嘅招牌豬頸肉，每次都必食～口感外焦內腍，燒得岩岩好，浸左湯汁口感更佳👍🍖椒鹽雞軟骨黎食雲川點可以唔嗌佢哋嘅特色小食🤗其實之前食外賣個陣有嗌過，但送到黎嘅口感就欠佳。今次真係出乎意料好食，熱辣辣好香脆😍點埋我最鍾意嘅泰式辣醬，一口一粒停唔到🫶🏻🤤
繼續閱讀
昨晚聖誔節，我同朋友2個人8：30去到，成個場先得一半人坐，卡位都有3-4張吉枱，個四眼後生女侍應偏偏要安排我地坐走廊2人枱，我地又著大褸又拿住袋，問佢“可否坐卡位”，佢話只可以3-4人坐，我地再望左陣，諗住算啦照坐走廊，你公司規距，點知佢仲要好串咁加多句，“你咪坐囉！我一陣交唔到枱之麻！”果下冇同佢嘈，大家都肚餓，諗住快快食完走人算了。點知入坐冇幾分鐘，就有2，3個單人，就直接坐左2，3張卡位…佢9：30都收舖啦，8：30仲要聖誔節，你留啲卡位做乜？仲要唔俾我地2人坐，但單人你又照俾佢坐，果下真係嬲左，嘢食雖然ok, 但侍應（由其是這個後生四眼女侍應）真係態度好差！見我地女仔就恰我地，啲大男人又唔出聲。冇下次！！！
繼續閱讀
傳說中的屯門名物？豬頸肉酸辣米線/紅薯粉這間米線被列入了全港必食米線榜的頭幾位 終於去試試究竟有幾勵害😂其中豬頸肉更是它們家的名物（網上流傳的）抱住咗期待的心態去食🌝·酸辣湯紅薯粉 配豬頸肉豬頸肉切成很細條 但係份量都幾多味道係幾好味嘅～紅薯粉個人認為還可以的 軟硬度還可以脆皮花枝丸有6粒等待時間比較長！炸左嘅花枝丸 都很難會唔好吃喇！·至於講到依間係名物咁誇張 一定要去食嘅話就覺得未至於～正正常常嘅味道
繼續閱讀
在屯門越開越多分店，但質素每況越下！這家分店算是雲川近期才新開的，今天才第一次到這家分店試試，質素同其他分店無得比！更加唔好講同建生或紅橋店比，食物完全唔係同一回事！魚湯味道無鮮味，豬骨湯好淡味，豬頸肉肉質好差，唔煙韌，又一啲都唔香。點解同一店名但質素可以差咁遠？我以後都唔會再嚟依間分店，寧願去遠啲到其他分店，建生、紅橋甚至美樂都唔想再到依間食。再加上依間分店店員態度係暫時遇到最麻麻的一次，更加唔想再嚟呀⋯⋯
繼續閱讀