雲南小鍋米線

營業中

休息中

長駐米線關注組榜上人氣米線🌟幾年前食過一次 淨係記得好辣好辣🌶️ 其他味道冇咩印象 一直都好想去試多次 但由於交通唔方便 埃咗👦🏻好耐好耐 冇錯係幾年 先肯陪我再嚟食😆皇牌米線 $58今次叫咗少少辣🤏🏻 芽菜、螺旋藻嘅份量都幾多 一上枱推咗個小山丘⛰️米線彈牙👍🏻 湯底非常濃味 唔洗飲湯都夠哂味 但酸味未算突出//配料方面//✅腩肉肥瘦適中 就咁睇個樣以為冇咩味 點知食落夠入味 唔錯；豬軟骨筋位腍哂 膠質滿滿 味道稍為偏甜少少；螺旋藻 唔多米線舖有呢個配料選擇 食落爽口似海帶 令湯底充滿海帶香；雞絲吸晒啲湯汁 唔算太嚡又唔會黐牙 可以接受‍ 🙅🏻豬大腸切到好幼 食落冇晒口感 而且脂肪比例非常高；炸醬令到成個湯底好油 食落好鹹而且有啲硬😰 個人唔太推介🙈整體都唔錯 但無網上講到咁神級 如果要特登去食就未必有呢個需要 但經開附近可以試吓嘅😎

石蔭呢個位真係唔會特登去😂不過難得去開個頭 就要試下！下午12點半去到都等左一陣不過都好快有位 等緊個陣都落左單個姐姐好有禮貌👍🏼自選小鍋米線 ($31)揀左雞絲 ($11) 螺旋藻 ($10)辣度講左肉碎辣 平時唔係好食得辣呢個辣度岩岩好👍🏼幾惹味雞絲真係好多 索哂d湯食落又唔算好鞋 幾好食😋螺旋藻食落似海帶同紫菜 都好食另外個fd都叫左腩肉 ($11)醃得幾入味 又唔算好肥豬肉辣度佢揀左小小辣本身佢都食得辣 覺得唔算好辣整體一碗兩餸$50幾蚊正常都好大碗又飽 經過黎試下都唔錯！

喺石籬附近玩完活動，朋友話帶我食好味米線，於是就試咗呢間小鍋米線，不過我fd話舊老闆娘主理嗰陣仲好食，但依家都ok。我叫咗自選米線，配料揀咗肥牛、響鈴、豬腸、肉碎，佢另外本身會跟韭菜、芽菜同腐竹。我揀咗清湯配肉碎辣，算係最唔辣嘅一種配搭。肥牛冇乜肥，但唔韌，豬腸好入味，不過佢切到細細條，如果切件會更有咬口。小食我嗌咗麻辣豬耳，好好味，好爽口，不過都幾辣。朋友推薦食佢個招牌雞絲米線，話係人手摵幼絲配湯好好食，我試咗少少，唔乾嘅，不過我唔鍾意佢嗰種雞鬆口感。好彩我哋5:30pm入座，嗰陣仲未坐滿，啱啱有位，未夠6點已經full晒要排隊，fd話佢午市同晚市都好full，唔想排隊就要揀啱時間去。

呢間小鍋雲南米線，真係由細食到大😁雖然而家已經冇以前咁好食，但係呢度嘅米線湯底獨一無二，不能取代。試過無數嘅米線都冇一間係似佢😆抵佢成日排長龍。超推薦食物：雞絲、冬菇（呢兩個好似好普通，出面都食到但你試過就知道唔同🤣雞絲唔會好嚡，幾碎絲的，冬菇亦都好林好入味，咬落啖啖汁🤫

之前一直睇米線關注組個個都推介石蔭有間好正嘅米線點知原來我個朋友就住係附近我就有機會試下我叫咗個皇牌米線有螺旋藻 雞絲 腩肉我覺得腩肉好味唔會好肥係雞絲好鞋同太碎感覺一般而螺旋藻個人就麻麻湯底都係好一般正常所以我唔會推薦大家一定要黎順道經過可以一試

每次經過都會見到呢間小店大排長龍（特別係lunch time），今次終於有機會朝聖呢間石蔭名物！🅵🅾🅾🅳豬頸肉+腩肉+螺旋藻 酸辣米線 $62一上菜就俾佢嘅份量嚇親，足料到單單係豬軟骨已經有四五嚿‼️螺旋藻口感爽脆，半肥瘦腩肉都好入味👍🏻而湯底偏辣同重口味，就算嗌咗小辣都辣到忍唔住嗌啲豆漿（利申平時食開中辣）整體而言，米線幾好食都好足料，唯獨是思環境有啲擠迫，同埋都規定咗要人齊先可以入得～

平時睇社交平台 都見人推介得多今次終於可以試吓！見到評論啲人話好鹹，一於試吓佢係咪真係係咁鹹先😂揀咗其中幾樣餸，螺旋藻、墨魚丸同埋豬軟骨叫咗少少嘅辣一食落去覺得還好，唔算太鹹 但係再食多啖就真係好鹹 越食越鹹💦 唔食得辣嘅，千祈唔好叫太辣其實墨丸又唔算好好食 螺旋藻就正常 豬軟骨都還好總括嚟講試咗一次，下次唔會再過嚟不過好多人排隊等外賣就真嘅 嗰啲應該可能未食過或者重口味人士🫣 份量好多，食唔晒食完之後要狂飲水，真係勁頸渴其實如果冇咁鹹嘅話，會好食啲但係實在太鹹，所以唔會再返轉頭

真係好少會嚟到都係要特登嚟先會地方有啲隔涉而且每次都要大排長龍環境又坐得唔係咁舒服不過米線嘅味道都還可以不過唔值得排咁耐囉雞絲米線湯都幾好食份量都幾多同埋啲雞都算滑

叫左外賣米線原本吾知邊間原來係葵涌區好多人食既米線一試難忘真係好食食完之後都會專登過去堂食需然平時都好多人排隊都值得等嗌咗碗大辣不過其實中辣都ok🤟🏻🤟🏻

開咗好多年嘅一間米線小店，專做街坊生意舖頭細細，大約有10幾個位，一路食嘅時候都陸續有好多客，而且外賣訂單接唔停，好好生意～皇牌米線 ($58)份量好大碗，湯底有米線、芽菜、酸菜、韭菜、肉碎+雞絲、螺旋藻、腩肉湯底重口味，偏咸偏辣，好惹味❗️本身湯底肉碎都有小小辣🌶️十小辣既朋友，就食肉碎辣好啦～米線軟硬適中，三種餸份量好多推薦配料：豬軟骨、腩肉、雞絲腩肉入味，肥瘦適中雞絲掛湯，好好味豬軟骨滷得入味，而且炆得好淋👍🏻✨推薦指數：8/10

經常行過，無論堂食定係外賣都排長龍，平日星期二6：45經過無人排隊，剛有人結帳，有位即入，5分鐘後就開始要排隊了。地方細小，環境擠迫，衛生一般，多人的就安排上二樓。服務可以，下單時有耐性等個客諗叫乜野餸，份量頗大，價格尚可接受。有多種辣度選擇，我選小小辣都覺得好辣，對我而言，肉碎辣就可以。配料足，十分惹味，湯底濃，鹹度剛好不錯，響鈴一般，但菜肉雲吞皮厚。講食物味道是不錯，但實在較為擠迫，唔怪得咁多人外賣。

撞啱喺附近返工，記得有間book mark左好耐既米線店喺附近，所以決定拉埋同事陪我去食。特登行咗20分鐘去，行咗好耐斜路，終於到達。去到唔洗等，店舖唔大，係一間小店，唔係話坐得好舒服，即刻有得坐。叫咗一個螺旋藻腩肉米線中小辣好鍾意佢個湯底辣得好好味，辣到我流鼻水，正！ 螺旋藻俾得好多，口感都幾好，比較爽。半肥瘦嘅腩肉本身有辣味，我覺得好好食。結論係如果我喺附近返工會再次去食。但係唔會特登搭車去食，因為地點真係比較遠。

好出名既隱世米線店叫左一個雞絲螺旋藻雞絲米線外賣個雞絲係幾特別因為佢撕到d雞絲好幼好幼可以吸哂個湯底叫左bb辣，都幾好味螺旋藻比較爽，同昆布差唔多口感米線有d林可能因為外賣焗耐左總體黎講冇覺得好驚豔

☺️🍜由細生活的社區都冇乜米線選擇，所以知道荃灣區有咁多款，就每一間都想試🤩！聽朋友推介一試炸醬螺旋藻米線😋酸辣湯底小辣，原來食唔太辣的朋友可以選肉碎辣，米線彈牙不會太淋身，一上枱餸同米線的份量好多，睇落已經好吸引，好似好好味😋炸醬真係必食！因為肉碎切碎後，再慢慢燒起🔥，所以吃下去會有種炭火香味，仲要好有口感🤤，燒起同煮起的味道原來好大分別。而螺旋藻好似海帶，爽脆同埋好吸湯，十分惹味，好少米線食到最後都仲有咁多餸😆，真係我食過最好食啲一間米線🫶果然米線關注組冇介紹錯！😉想睇更多美食及餐廳分享🏰雲南小鍋米線📍葵涌梨木道112號葵寶大廈地下5號舖——————————————————————— 

.#foodie #hk #hkfoodie #HTB美食推介【葵涌石蔭老字號︱名不虛傳人氣酸辣米線🍜】🐨小窩米線 $31推薦度：⭐️⭐️⭐️小窩米線比想像中足料，小編叫咗少少辣，但已經係三哥嘅五小或者三小辣，湯底味道偏鹹，米線係軟身嗰款都算順滑😋.🐨雞絲腩肉 $10+10推薦度：⭐️⭐️⭐️⭐️呢兩款配料都係$10，雞絲好足料布滿晒成個米線，切到好細吸晒湯底嘅味道，仲令口感更加豐富，好夾👍🏻腩肉肥瘦適中，滷得好入味～難怪呢兩款係人氣嘅選擇🤣.🐨飲品 $7-----☼-----☼-----☼-----☼-----☼-----雲南小鍋米線 📍地址：葵涌梨木道112號葵寶大廈地下5號舖🐨推薦度：😋😋😋😋/5💰人均價格：$50-100🪸環境：👾👾🗣️服務：👍🏻👍🏻👍🏻📸食物打卡度：💡💡💡🛠️分類：#HTB葵涌 #HTB米線 .#葵涌美食 #葵涌 #米線 #雞絲 #腩肉 #美食推介