陳儀興牛什粉麵茶餐廳

營業中

休息中

今日放工同朋友食左一餐超級高水準既牛腩餐！！！因為今晚近收工先知屋企無人，所以就去左接朋友收工兼一齊食晚飯～朋友係屋苑附近既補習社工作，等佢搞掂之後就去左街市入面既粉麵檔開餐～朋友話呢度既牛腩同牛什都好出色，所以我地就每人要左一個“單拼粉麵套餐”HKd$49，另外要左一份“崩沙腩拼牛坑腩（淨食）”HKd$118=］先黎既係套餐中既油菜同炸魚皮~菜心新鮮，炸魚皮亦夠香脆！之後我地所點既牛什河同牛筋米都好快黎到～係牛什之中，自己就最中意食牛肺呢度既牛什清洗得好乾淨，仲滷得好入味添朋友俾左件牛筋我試都非常唔錯～但今晚既重點都係呢碟“牛坑腩拼崩沙腩”！！！份量超多，呢個價錢可以食到呢兩款咁高質既牛腩，可以話係超值！！！兩者牛腩都唔係度度有得食，全因坑腩既位置較少所以就算有得食都會比平日既牛腩貴，但食過你就知，貴d都係值得架～兩款都係香較而鬆化，崩沙腩就帶有多少少脂肪同筋膜，更為可口～最後一人一杯涷檸茶，完美！

放工回家途中好肚餓，就係安泰村落車去揾野食🤪🤪有間陳儀興粉面入面幾多人幫襯所以我都選左呢間🥰店內姐姐推介崩沙腩係佢地招牌，我唔知係牛/豬所以問清楚姐姐，佢解釋我知係牛腩但脂肪多d會淋d, 於是我最後選左呢個招牌崩沙腩拼雲吞麵🐮🦐🍜，仲有食呢d 必備的炸魚皮🐟😎先試一啖原汁原味的然後再加上辣椒油🌶️🌶️，不過好像都唔係好辣我落了好幾匙🤪🤪試一試崩沙腩，不來真係好好味😋而且好足料，雖然係雙拼但d崩沙腩食極都有，起埋超過10 舊😍😍炸魚皮都係我鐘意的口感。浸完湯仲係胞身而唔係淋果種

扮孝順有好報~ 陪伴阿媽上安泰 睇啲嘢順便食晏，食到超正牛腩， 上到去街市阿媽話好耐冇食粉麵，見到呢一間粉麵茶記好似唔錯，所以就入去試下， 第一次嚟紊下menu先啦， 可能阿姐姐見我哋睇得耐， 就同我哋講"我哋啲牛腩同埋牛三好好食㗎"﹐ 阿媽就決定牛三寶河，我想試下牛雜~就叫咗個雜米，咁梗係要加油菜啦~點可以唔食菜呀~上得好快呀~上嚟嘅時候賣相就麻麻地，但係攞隻羹兜下原來好鬼多料~好大碗， 先講自己個牛什米~好新鮮 ﹐雖然都應該係冰鮮貨，但係佢真係做出嚟嘅味道好似新鮮牛雜咁樣，牛味好夠~ 佢五香味好香，但係唔會濃到膩~ 阿媽嘅食量呢我係一定要幫佢食少少，果然係阿姐嘅推介，牛筋真係唔會係軟曬一pat pat嗰隻， 牛腩軟淋啲肉已經係淋到見一絲絲，但係食完唔粘牙， 阿姐見我哋食得咁滋味跟住就講咗句 "我哋啲崩沙腩仲好食呀", 唔使諗~ 加一份淨食崩沙腩， 阿姐好開心咁幫我同廚房落order﹐ 唔好見咁大嚿肥其實入口就係半肥瘦嘅感覺， 嗰浸牛香味配埋五香~ 真係一個最高嘅享受，張相我係食咗先記得影~﹐ 而且佢呢個淨食係唔貴㗎~只係一百蚊，個質素呢絕對係一流~ 下次嚟都一定要食~另外仲要講係佢

朋友介紹話呢道既牛腩麵好食，咁啱要去附近睇戲就試下~. 牛坑腩麵 $42問左姐姐崩沙腩同牛坑腩有咩分別，姐姐話牛坑腩瘦啲所以就揀左手坑腩~食落係肥瘦適中偏爽口，果然好高質! 麵條好彈牙，湯都好味😋.薑油雞扒雙蛋飯 $48雞扒煎到香脆多汁，雙蛋䓤油豉油既配搭最經典又好食.腐乳通菜 $10$10有碟菜食下好抵，仲要有腐乳👅.凍檸茶 凍奶茶 $8姐姐服務態度超好，我倒瀉咗都冇怪我，仲安慰我，再比多杯我😭係人情味呀~~~

勁正牛坑腩今日來到觀塘做嘢，順便搵個好耐無見嘅朋友，相約去附近餐廳食個午餐，朋友話呢間牛腩好正要食我叫咗碗牛雜米，牛肚炆到爽口又彈牙，但都帶點腍身唔韌，仲有牛肺都好濃好香，米粉清清地唔會有陣行味叫餐仲有油菜，好新鮮有菜甜味，唔洗點蠔油都好好食剩食牛腩叫咗牛坑腩，牛腩炆到嫩腍有點爽口，因為坑腩面頭仲有啲牛膜筋位，多幾分香味朋友就叫咗牛肚牛筋河，牛筋好腍啊充滿骨膠原感覺。河粉滑滑的喜歡呢個口感，下次試埋佢下午茶餐先

朋友推介的粉麵店，今天剛好到附近工作，終於有機會來一試！點了友人極力推薦的崩沙腩飯，$55，附送咖啡/茶。我還加了$10要了個菜心，balance一下，感覺健康一點！上桌時有點驚訝，份量非常多，店家果然夠大方！熱辣辣的崩沙腩，牛香撲鼻，輕咬一口，它嫩滑又夠油香的口感與味道完美地散發出來。果然朋友沒有介紹錯，一口氣連吃了幾塊。現在想起還是回味無窮！同行朋友點了一碗雲吞，另加$10要了碟炸魚皮。雲吞爽口彈牙，咬下啖啖是蝦肉，蝦肉份量挺多，又要再一次讚店家了！味道也調得不錯。炸魚皮薄身脆口，香脆至極，不像外間的又厚又硬，味道不錯！

平時午餐我都會多數食湯麵，因為真好意食粉麵，要數最愛一定係潮式粉麵，牛雜一定首選今日嚟到觀塘朋友家，就嚟咁呢到食午餐醫醫肚，叫咗個牛雜河套餐配腩汁油菜，另外追加咗炸魚皮魚皮好香口又夠脆，份量都幾多牛雜河一上嚟就好香，牛雜鹵到入哂味，牛肚好爽口帶點彈牙，牛肺好諗喔，仲有最愛嘅牛腸牛膀，而河粉都滑身另外叫了剩牛腩，係牛坑腩位置，爽中帶諗又有一點半筋半肥嘅邊位，好好食近幾年鍾意油菜配腩汁，感覺清啲無蠔油咁肥，哈哈～菜心都翠綠新鮮餐飲就叫了熱齋啡原來仲有好香嘅自家製辣椒油買

抵食又好食嘅粉麵真心唔多，呢間陳儀興粉麵雖然喺屋村入面，但又幾鬼正喎！價錢抵食之餘，仲好好味呀大大個招牌，一眼就望到間野，唔會搵唔到午市粉面套餐都幾多選擇，我點左呢個美味牛丸河 大大粒牛丸 爽彈爽彈最正係牛味夠濃呀 好味道朋友點左個精選飯餐崩沙腩飯，估唔到個份量咁鬼多，我偷左幾件黎食好正呀個崩沙腩，咬落夠晒腍，油香滿滿，呢個真心推介牛肉味道都夠晒濃郁㗎 ！我另外加咗$10要碟炸魚皮，嘩個份量又係超多，可以兩份一齊食，好抵食！魚皮夠晒脆好香口！晏晝勁多人嚟食囉，好彩早嚟唔使排隊。

下午時間，作為一個香港人，食返碗地道粉麵最舒服！好耐冇飲杏仁霜，今次點返杯杏仁霜先！都幾濃幾香，唔錯唔錯！我鍾意食雲吞，又想食牛丸，最後揀咗雙拼牛丸加雲吞河！有成四粒雲吞，正呀喂！啲雲吞好鬼死足料，咬落淡淡蝦肉，爽口彈牙！牛丸嘅味道都唔錯，彈牙就梗㗎啦，估唔到仲爆曬汁！河粉都夠晒滑，整體都非常唔錯！加多$10仲有碟菜芯，都幾大碟，抵食的！由於個雲吞真係好正，發現原來可以買走，所以臨走時決定買盒返屋企自己煮嘆！！店內個環境都唔錯，鋪仔細細但好舒適，下次再嚟過！

平時都好鍾意食粉麵，特別係牛雜粉麵，今次經開呢到去朋友家，就見到呢間正正喺落車位附近見種類都好多選擇，今次無叫牛雜叫咗姐姐推介嘅牛丸，話特別爽彈一定要試，牛丸河都幾大碗，河粉滑滑的不錯喔，而牛丸一口咬落去好爽口，肉汁豐富牛味都出，真係同平時食開唔同，似手打牛丸另外朋友叫咗雲吞食，好大粒好足料，雲吞皮都好薄，鮮蝦同豬肉比例剛好，比出面都大粒幾抵食最後牛丸好食買咗一盒生牛丸外賣返去，可以平時加餸煮麵食

呢間粉麵店最近去做嘢時經過，鍾意食中式麵就啱哂，主要食潮式牛雜及雲吞等麵食雲吞麵粒嘅雲吞好足料，5粒都好大粒，雲吞皮唔厚仲夠滑入面啲蝦好大隻又爽口，豬肉比例都幾好，河粉夠滑而份量都多炸魚皮炸到好香口，鹹香脆身用嚟配粉面食好正同事叫咗牛丸河，呢到嘅牛丸牛味好重，咬落去有氣孔所以好爽口彈牙，同平時食開出面嘅牛丸好唔同雲吞同牛丸都好好食，最後見到原來有得外賣生雲吞同牛丸，買咗2盒返去同屋企人即晚打邊爐都唔錯

陳儀興嘅打冷在新蒲崗一直都很出名，也有多年歷史，估唔到在觀塘看見他們的分店。不過這間陳儀興是賣牛雜粉麵的，應該是品牌的另一條路線。在安泰村商場的門口，招牌大大個，一眼就看見！餐牌的選擇很多，花多眼亂，最後決定試試這個牛雜粉麵套餐，我選擇了A， $47可選一款餸，再配油菜或鮮炸魚皮，還有熱飲，絕對抵食。熱齋啡，提神必備鮮炸魚皮先上，炸到非常香脆，薄薄的一塊，吃起來好有薯片的口感，非常好味。份量都幾多，絕不孤寒！點了個雲吞麵，雲吞粒粒都非常彈牙，蝦肉大大粒，好足料，而且調味亦都足夠，外皮透薄，感覺到店家對製作食物的高要求，下次一定會再來！還有佢哋嘅自家辣油，好香好惹味，落去粉麵度一齊食，正！

今日一早去探朋友新居入伙，午餐就落咗去商場街市揾食見到呢間粉麵都好乾淨，仲有最愛嘅牛雜食叫咗個牛雜粉麵套餐仲有油菜或炸魚皮2選一，餐有熱飲跟埋㗎炸魚皮薄身超級香脆，一咬落去夠哂脆卜卜又可口，用來吸牛雜熱湯都好好食而牛雜米聞到都香噴噴，牛雜炆煮到好濃郁，牛肚腍中帶一點點咬口，牛肺好滑夠哂腍，仲香牛腸及牛膀都好濃香佢哋啲辣油都好香辣，係潮式做法好正餐飲要了杯熱檸檬茶，茶都調得不錯，茶香無苦澀味，整體都好抵食40幾蚊

第一次入安泰村，為了探望朋友新居入伙，聽朋友說這裡是美食沙漠，上年才啟用了安泰商場，難得有間牛什粉麵茶餐廳！在這間茶記門口玻璃可以看到一大盤滿滿的牛什，牛牛的不同部份，望到都流口水了！我點了「牛腩什飯系列」中的「崩沙腩飯」，香軟味濃，絕對是牛腩中嘅極品！牛的橫膈膜連着肥瘦剛剛好的牛肉，一塊接著一塊，吃不停口，真的非常美味！加碟菜心也只需加$10，菜心爽口！仲有送咖啡或茶，我點了熱檸水。呢度出名食牛，朋友就點了個手打牛丸河，湯麵也只是$32 ，有5粒牛丸，果然牛丸非常唔錯，粒粒爽口彈牙，仲有濃郁肉味，咬開又多汁，正呀喂！

早上接近十一點,在官塘未食早餐找些食物醫肚,早幾天見到這裡有間新開粉麵店就行多兩步,專程到此...進入店內﹐店員示意入內坐。坐低十點九,問阿姐有清湯腩否,師父回答有,當然叫此馳名貨:清湯腩河未食腩先試湯 -湯底清清﹐不會像其他粉麵店般的鹹而蓋過牛腩本身的味道。再食清湯腩 - 腩肉99%瘦,食落爽又淋,越食越香,河粉滑配合湯夠濃真的不錯雖然瘦肉多其實都無甚事物可挑剔,食完回味,唯一可挑剔的是辣椒油不夠辣而已!不錯　價錢ok　估唔到官塘0甘多好味的食檔