今日去黃大仙探朋友，鳳凰辣村都係第一次嚟，都好多食肆小店，朋友話呢間越南菜好味外，價錢仲非常親民好抵食 剛好嚟到係下午茶時段，下午茶都非常多選擇，就叫咗個法包餐，有5款法包選擇，呢個係燒豬頸肉包，個法包外層香脆裡面好軟熟，豬頸肉夠爽嫩都夠燒到好香，中間餡料有蘿蔔絲芫荽等，另外跟餐熱飲係越南滴漏咖啡，夠順滑及香唔會好苦澀 另外以優惠價升級咗個車河酸辣鳳爪，酸酸甜甜辣度剛好，鳳爪好爽口脆身，仲上哂色入哂味，仲有蕃茄仔洋蔥伴碟

呢間牛站我喺尖沙咀店已經食過好幾次。最近仲開到去旺角創興全層地方超大，一上電梯左手面除咗有坐位外仲有蔬菜及丸類吧，旁邊就飲品區及甜品雪糕區而另一邊就全座位  今次叫咗$288 SRF美國極黑和牛餐，鍾意飲酒就啱哂，呢到仲要係啤酒、清酒及梅酒都係任飲，知唔到呢到有乳鴿同埋小龍蝦，連Haagen-Dazs雪糕都係任食 湯底我揀咗沙嗲，味道就香濃惹味，仲有一啲配料喺修入面 美國極黑和牛油花都適中，食落牛味都出都嫩腍有啲口感，配沙嗲沙底又好食 另一款安格斯牛板腱就口感再實在斯啲，牛味再濃香一點 鍾意食海鮮呢到都有蝦、蜆、青口、魚，扇貝、魚肚等等都係任食，款式都好多，魚肚夠大塊吸沙嗲湯一流，蜆無沙又鮮甜厚肉 最後真係一定要流肚食Haagen-Dazs雪糕，整體性價比超高，食物質素完全對得起價錢以上

中環soho區真係好多特色餐廳，呢間主打海鮮法式餐酒館，食過後真係覺得啲海鮮好新鮮今日同家人嚟食晚餐，先點咗個好特別前菜魚子醬鰻魚甜甜圈，一上檯就覺得擺盤好有心機，甜甜圈焗到外脆內軟，而入面個餡係橙味胡蘿蔔醬，面頭鰻魚經煙燻過，仲有矜貴黑魚子醬，食落濃香又鮮味，整體富層次感 呢款canelloni媽咪都大讚好食，做法好似春卷咁，脆卜卜又夠薄嘅外皮，包住鮮甜松葉蟹肉同蘋果㗎，非常清新開胃
而呢到嘅招牌菜西班牙紅蝦risotto仲用咗巨型大紅蝦，而且肉質夠鮮夠彈牙，意大利飯經芝士同龍蝦醬煮成，再加埋紅蝦頭膏一齊食，簡直係邪惡般鮮味，係呢到必食推介 另一款主菜係鱸魚配椰菜花，鱸魚好厚身，煎到兩邊金黃色，肉質細嫩又夠哂啖啖肉，而個法式牛油白酒醋汁更加係畫龍點睛，令到魚鮮味更出

這店在灣仔新開不久，主打精緻Fine Dining，餐廳樓底很高感覺相當舒適沒壓迫感，環境優雅燈光柔和
Tasting Menu會因應時令轉換，當日有10多款菜色連甜品前菜三款由特別木盤擺放，白色的類似糖蔥餅，裡面有青蔥、芝麻及椰絲，食落微微煙韌帶點香甜，另一款多士用上意大利羊奶芝士，而入面流滿蜂蜜香甜，最後一款甘筍撻，酥脆撻底加入甘荀汁，面頭係一片片甘筍，中間係軟綿綿餡料相當美味自家製酸種麵包相當出色，外層微脆裡面軟熟，配上辣根奶油會不自覺追住食這個賣相精緻，而奶凍非常滑溜，但竟然用上鮮味青口及鹹香魚子醬，面上仲有三黃雞油炒過嘅乾蔥，味道配搭上非常夾精巧又煙韌意大利雲吞，包住意大利香腸、芝士及香菌，再倒上由雜菌煮成高湯，菇菌香氣撲鼻這款菜色用上本地三黃雞，用上麥芽糖先風乾後加入烤焗，食落雞皮薄脆裡面肉質鹹香嫩滑多汁，好鍾意呢道菜 滑嫩本地馬友魚，再配上鮮甜日本北海道四國海膽， 面上係日本高山耶菜及香草油泡沫 主菜係日本A3和牛，粉嫩和牛再搭配旁邊分子分別係蛋漿、蒜味、白醋洋蔥，再配上月光餅米通簡一流 間場先來個雪芭，分別用藍梅、薑及提子製成，酸酸甜甜頗清新，可一洗剛才一點膩感後就食甜品了 第一個甜品就好似馬來西亞奶茶，用上三色奶菜，底層椰糖夾小麵草，中層海綿蛋糕，面頭，面頭係奶泡沫，一羹到底咗食層次豐富 最後四點甜品係青檸綿花糖、意大利青瓜漬、奶粉球及蛋白脆餅，食埋呢個多款甜品相當滿足

有冇人好鍾意海鮮？仲要係好多款任燒任食，仲有流水蝦自己夾上嚟即燒，好新鮮生猛，一嚟到就已經有一埋蝦可以燒住先 再自己出去海鮮區任夾多款海鮮海產，你睇下我夾咗幾多慢慢燒，有鮑魚，大大隻扇貝，仲有帶子同螺等等 一開始會有大大串又厚肉嘅燒鱔，燒到金黃色香口又惹味，食落都幾彈牙好新鮮 我已經急不及待燒海產了，啲生蠔都好大隻，加啲蒜粒仲美味，啲扇貝勁厚肉，食落好鮮甜又香噴噴 仲有帶子一定要食，隻隻都好新鮮又肥美，我鍾意加好多蒜蓉同辣椒粒，如果想香滑啲加埋牛油仲正 食到咁上下海鮮仲有好多肉類及串燒㗎，燒菠蘿都要食，酸酸甜甜又多汁，可減低膩感 多春魚都幾大條又多春，仲有爽脆雞軟骨同埋燒到脆卜卜雞皮，最後食埋雪糕好滿足

呢間燒肉放題想食好耐了，見好多人都推介，今日約咗幾個朋友去聚舊食飯，餐廳環境好大坐卡位幾寬敞，先讚店員每樣食品都解釋好清楚 今晚點了宮崎A5桜花牛極上燒肉放題，見網上啲和牛好靚又多款，未上牛前先點咗熟食吉列廣島蠔，炸到好香口鬆化，隻蠔估唔到仲咁肥美多汁，另一款黑松露餃子煎到好香口，食落好重松露香，入面豬肉肥瘦比例剛好 終於試到你了，好多款A5桜花牛啊，店員介紹先由深紅色牛肉食起，內後腿肉、外後腿肉仲有五花腩同牛肋肉等，每款肉各有千秋，入口嫩滑充滿牛脂肉香 講到極邪惡一定係赤身同霜降部位肉眼扒及壽喜燒，一大片西冷肉眼扒由店員代勞去燒，每邊燒一陣嘅到啲牛脂滴出嚟引到一點火，食落落超粉嫩入口即溶，另一款肉用嚟燒完當壽喜燒，再點上醬油蛋汁好嫩滑 另一款必食推介係蟹味噌甲羅燒，燒完啲膏香到不得了，再夾上香脆米通會想追住食 海鮮有廣島蠔，放在石紙兜上等佢煮熟，好重蠔味又肥美，另外芝士帆立貝都好鹹香惹味 雞皮你又鍾意食嗎？ 燒到兩邊微焦香，如果送埋啤酒就一流 仲有多款牛雞內臟都有得點，雞肝雞腎一款入口粉嫩，一款爽脆，仲有雞心都要點啊 鍾意有啲澱粉質落肚嘅朋友，可點和牛拉麵，肉質入味又夠腍，拉麵做得不錯 甜食會有芝士年糕當埋甜品，入面熱辣辣好流心 呢到仲有3.6特濃牛乳奶凍，我會用抹茶雪糕放上去一齊食，原來咁樣食好正

今日同朋友聚下，佢提意去食放題任食，最後想食海鮮，就去咗荃灣食蝦蝦燒，除咗流水蝦外，仲有好多款海鮮海產餐廳環豐都好大坐得舒服，坐位旁邊就係蝦缸方便夾蝦出面自助區就有好多款海鮮夾，而連埋燒烤食品有成幾十款，仲有啤酒汽水清酒任飲 嚟得食海鮮同蝦，緊係一嚟就主打燒佢哋啦，攞咗扇貝、鮑魚、帶子及生蠔等等 我哋仲用冰水桶夾咗好多蝦慢慢燒如果想燒貝殼類惹味啲，可以好似我咁加埋蒜蓉、辣椒及葱去燒架扇貝好新鮮又大隻，食落啖啖肉又鮮味，仲有蒜辣味道，另外帶子都好爽口鮮甜下層仲可燒肉類蔬菜㗎，燒白鱔超好食，不過只係一人一串，好彈牙又濃郁鱔味 燒完一輪海產到主角蝦出場，一排去燒再慢慢食，隻隻都好新鮮大隻，爽口又鮮甜

秋意漸濃又開始涼涼地，最想就係去打邊爐，呢間專食黑樺和牛嘅放題真係好正，啲牛來嚟自牧場直營熊本黑樺和牛，款款不同部位嘅和牛油花都好靚 先揀咗個北海道豆乳湯底，成朵玫瑰花咁好靚，食落好重豆乳味，仲有陣陣芝士香，用嚟烚咩火鍋料都好香滑 到主角出場，一碟碟嘅黑樺和牛有不同部位好壯觀，特上霜降小排油脂特別多，入口即溶好好香滑，另外牛小排都係油花偏重 玉子後腰玉較厚身肥瘦適中，撈埋隻日本蛋去醃一陣先烚，特別滑身 另外和牛仲有上肩胛肉及肩胛梅花，較重牛味有咬口，仲都好嫩滑，又係另一種口感 鐘意食豬嘅醉玫瑰五花都好食，豬嚟講都好嫩腍，仲有陣陣玫瑰花清香 基本火鍋配料都多選擇，呢到連雞子都有，仲好大粒，多款蔬菜及菌類都有 仲有送海鮮拼盤，有北海道大元貝及牡蠣，侍應會倒上酒火焰後去焗，海鮮都好新鮮 同埋黑樺牧場精選層架會有另一款靚牛，豬肉及數款手打丸 飲品大路嘅都有，連自家茶飲都有

我真係好鍾意食辣，川菜嘅辣特別啱我口味，呢間喺土瓜灣嘅川菜館出名夠鑊氣又抵食，宜家有埋港鐵土瓜灣站一出行一陣就到好方便 當日平日晚上都全場坐滿，好在早少少去攞位，先點枝冰凍啤酒爽下先前菜小食叫咗蒜泥白肉送下啤酒，白肉肥瘦適中厚切較有口感，最正蒜泥夠多外，醬油辣汁好惹味另有爽甜涼拌萵筍絲另一款香辣炒大腸都係我好鍾意，我就點咗中辣，話明重口味佢用咗好多辣椒外，仲有大量香蔥、乾蔥及蒜粒去炒，大腸爽口帶點煙韌，食落好入味又夠香辣鍾意食雞可點埋農家咸雞，雞隻醃到好鹹香，雞皮幾黃油，食落肉質都好嫩滑，好有農村家鄉風味店員推介要點酸菜魚，話好多客人都會點，魚類有三款選擇，我就點咗中間價位爐魚，一上檯都香噴噴，湯底酸中帶微辣又夠香，魚肉都嫩滑又入味，仲有煙靭薯粉喺底，個湯用嚟撈飯食都好正

今日朋友生日，由她揀餐廳慶祝，呢間日式料理餐廳主打蟹，一入到門口就見到大大隻蟹公仔掛喺牆角上餐廳內都好和風，仲有好多隻蟹公仔喺卡座位上今次就食海鮮料理會席$1380，先來2杯雞尾酒，日出係冧酒青蘋果汁，而日落就係冧酒菠蘿汁，好重果香微甜易入口一盤3點前菜小食有消新三文魚子籽沙律，芥末八爪魚好重芥末味，仲有開胃爽口原粒蒜頭漬刺身有4點，中拖羅好粉嫩入口即溶，帶子赤蝦好鮮甜，仲有池魚微微爽口帶鮮味到海鮮鍋上檯了，鍋內有大蝦、帆立貝、生蠔、蟹鉗及冬菇等蔬菜，見鍋內只有少量清湯，點知滾滾下就開始多湯了，原來係海鮮及蔬菜出水份，所以特別濃鮮最後落埋煙靭彈牙烏冬，吸滿海鮮湯汁好好食天婦羅炸漿都夠薄，入面有爽口彈牙大蝦，仲食到紫蘇葉清香喜之次燒到外層金黃微脆夠乾身，入面魚肉仲保持到肉嫩多汁個餐仲有一配熱焫焫海鮮湯，好清香帶海鮮及菌香甜味
最後甜品有濃滑抹茶奶凍及芝士蛋糕，碟邊仲有可愛蟹仔做裝飾