陳儀興牛什粉麵茶餐廳

營業中

休息中

呢排凍冰冰最啱食個羊腩煲，食完成身暖笠笠經過呢間餐廳見到佢出咗時令羊腩煲，$198/煲，仲送埋一大袋生菜，都好似幾抵食，買來試吓先，不過記住要早一日book定！拎到返去即刻加熱，聞到嗰陣香味已經流晒口水佢啲羊嘅份量都唔少，大大嚿，仲要啖啖肉，不過我自己就鍾意選骨不過鍾意啖啖肉嘅朋友就一定好喜歡味道好香，好入味，點埋佢嘅腐乳，正呀！不過講真啲配料就真係少啲啦，馬蹄得兩粒仔，枝竹都唔多，如果多啲就更更大滿足啦

咁啱嚟觀塘搵朋友，就試咗呢一間陳怡興牛雜粉麵店，本身因為想食得健康啲，食牛肉對我自己本身皮膚也不太好，所以就叫咗一碗貢丸麵同埋下午茶一份炸雲吞同埋薯條套餐。貢丸用料十足，除了豬肉香口彈牙之外還有很多鮮冬菇粒，棉質爽口彈牙十分不錯，炸雲吞配薯條中西合璧，香口酥脆，薯條還是我最愛的那款扭紋形😌😌😌茶餐廳環境企理，服務員態度亦很周到，見到有古法羊腩煲可以堂食或者外賣，賣相很好，下次可能會試試，另外有很多不同種類的套餐，總會有一款啱口味！

初試隔離村正牛腩今日吾係太想周圍走去買外賣食，就係屋企附近買野食就當晚餐。平時都好少係樓下安泰買野，見到有麵檔就睇下，好多人排緊隊等外賣，加上好香既味，今晚就食佢。叫左撈麵同牛雜2份食。牛三寶撈幼麵呢碗麵要推介一下，第一幾大兜，餸有牛腩，牛肚同牛筋。牛腩都大塊，入口即咬好淋好香牛味，牛筋煮得剛好，吾會好淋，牛肚都好正。分開個湯都吾會好咸，幾清澈。幼麵無簡水味~吾錯，夠多。五香牛雜有好多料，牛肚、牛肺、牛膀、粉腸、大腸，外賣都好大盒，每樣料都幾好味。我比較欣賞個牛肺，好淋好滑，吸收左滷水味，仲有d咬口，另外仲有菜底，有菜配埋，吾會太寡。佢個辣椒醬同D麵都幾夾，吾會辣到噴火，最緊要香得黎提味。

⛄❄️凍冰冰的晚上放工當然想食d熱辣辣的野😙簡單快捷就係去買外賣😛第一時間諗係陳儀興的崩沙腩😍試過係第二度想叫崩沙腩佢話佢地得牛腩冇分部位好失望🙄所以最愛陳儀興崩沙腩😁另外叫左墨丸，呢度d墨丸又係超彈牙食呢d粉當然唔少得炸魚皮同油菜啦😋炸魚皮我覺得又係幾好食😛每次必點，而且呢度姐姐仲好細心幫我地分湯，唔駛外賣回家淋晒🤪仲有一定要有呢度自製的辣椒油🌶️👍🏻回味無窮~我要落幾匙先夠。。haha

去開屋村探朋友經過條大街望到有間食牛什嘅鋪頭，鐘意食牛嘅我入去試吓佢地d牛淋唔淋先😁五香牛雜：有牛肚、牛肺、牛膀、粉腸、大腸，要講一講個牛肚整得好淋，膀、肺都好正，樣樣有d乜都可以試吓真係好滿足，湯底有濃濃牛味，碗麵都好大碗。牛三寶：牛腩、牛筋、牛肚，呢碗麵要推介一下，牛腩入口即溶，牛筋真係煮得好淋，牛肚都好正，我個人覺得必叫👍🏻👍🏻👍🏻鮮炸魚皮：炸得好薄身，加小小湯一齊食正呀喂😋郊外油菜：腐乳通菜真係冇得輸，食碟菜就更係要啦⋯⋯佢地有自己嘅水吧，唔使飲罐裝汽水✌🏽✌🏽✌🏽

之前食開嘅都係牛腩牛坑腩 牛筋或者牛肚 見到網上介紹陳儀興嘅 崩沙腩好出名呀 一於嚟觀塘安泰呢間陳儀興度試下 一場嚟到當然要點崩沙腩啦仲配 墨魚丸 粉底要米線 另外加十蚊可以配油菜 食得呢啲魚蛋粉當然唔少得汽水一罐喇 主角崩沙腩終於上場啦一試第一啖的確係好食過其他類嘅牛腩唔怪得知咁多人專程而嚟啦 佢有種入口溶化嘅感覺 再試埋佢自製嘅辣椒油 入面有好多瑤柱絲 加埋落去面度令到成本嘅 味道昇華 咗更加惹味 墨魚丸亦都好彈牙唔同出面食開粉狀嘅咁 好滿足下次會再嚟

朋友搬到安泰邨近一年，今日終於抽到時間去探望佢，順天邨有兩架升降機，可直搭至安泰邨商場，非常放便 探過朋友，決定一個人去食野再回家，「陳儀興牛什粉麵茶餐廳」位於安泰邨商場地下，由連接順天、安泰升降機天橋一出，便會見到 呢度的侍應媛姐非常熱情，佢會好主動介紹餐廳美食，崩沙腩就係侍應姐姐推介必點的食物 崩沙腩河粉芫荽、葱味勁香，加上牛腩湯底香濃，崩沙腩，牛的橫膈膜，有豐富膠質，筋膜連着少許的肉，肥瘦剛剛，爽軟不硬，口感豐富，肉味香濃 脆炸魚皮粉薄，炸至香脆，冇腥味，皮鬆脆口，配上牛腩湯浸至微軟，魚皮入口有點彈性，口感豐富

第一次來到觀塘陳儀興牛什粉麵茶餐廳，其實都無太大期望，就當落樓下食個晚餐咁解。鋪頭是普通一間茶餐廳，但卻有種街坊人情味在，老闆年紀輕輕，但很懂人情世故，十分熱情招待，真係很有魄力，感覺賓至如歸。我們點了兩個餐，一個呢度最招牌的崩沙牛腩麵，選了細麵，這個崩沙腩份量真的蠻多，而且腩肉的肉同脂肪分明，食落口感真係好也層次好香，而且好香，好好味。另一份係醬油雞排雙蛋飯，普通一個碟頭飯做到咁有賣相，同埋個雞排超催，再加個蔥油真係又脆又香。兩個餐，再來多碟腐乳通菜也是不錯的選擇。而呢度令我更印像深刻的是這裡的辣椒油是秘製的，超級超級超級香啊，絕對無得頂，我喜歡到狂加辣椒油，而是還能買回家，後來還買了兩瓶，超好吃，以後家裡不做飯，就知道找飯堂了。

今日到觀塘探望老友記後，在安泰邨讓我又磅了陳儀興粉麵！ 一找之下，原來都不少分店呢 👍🏼相比長沙灣這裡有自己店子、坐位，跟一搬茶餐廳設計～ 工具如筷子🥢、桌、椅子沒痴立立👍🏼職員落單快而準，也很聰明！崩砂腩配米粉 HKD 42 崩砂腩肉質鬆軟，入口立即溶化。魚皮 HKD 10 魚皮炸得乾身又脆口通菜腐乳 HKD 10 翠綠蔬菜🥬，還附加腐乳！凍檸茶 HKD 8 價錢很平民化，也很貼地。看見有些客人從隔壁的安泰街市出來，看來挺受街坊歡迎呢

崩沙腩（例牌）$100絕對絕對超值推介！唔知大家知唔知道崩沙腩係牛嘅邊個部位呢？崩沙腩是位於牛肚的位置是牛的橫膈膜位置這裏一個例牌的份量大概有整隻牛吧以下是網上找的資訊：『每隻牛的崩沙腩是很少的,要找到崩沙腩是很不容易,據聞賣牛腩(無論是麵店或賣牛的)的都會將它預留給熟客,一般客人都頗難吃得到』這個部位是整隻牛最有咬口的部位彈牙得來又有咬口咬落去嘅感覺就好似骨膠原在我口中有好滿足嘅感覺滿分💯100分呢個下次一定要黎食！牛雜粉麵套餐魚皮餃河粉$49 套餐係配油菜或者炸魚皮仲有一杯飲品，其實計返都算抵！湯底係清湯，唔會太咸好好飲！有五粒咁多嘅爽口彈牙魚皮餃🥟魚皮餃表皮油脂豐富！咬落肉汁彈出😳入面的肉就不太肥膩！到最終總結真係好推介呢度嘅崩沙腩未試過嘅朋友，真係好推介你過嚟試吓

是日去安泰邨搵朋友食飯，朋友介紹左哩間都好多人食的陳儀興牛什粉麵茶餐廳食DINNER，哩度的姐姐真的好有人情味，未食都已經好感動，朋友話一定要食佢地的牛坑腩同埋崩沙腩因為真的唔知點選擇，所以就叫左雙拼，開心D XDDD牛坑腩同埋崩沙腩河另外也點埋墨丸牛筋河因為點左套餐，就有碟腐乳生菜，同埋我叫左可樂，牛坑腩崩沙腩河牛坑腩崩沙腩河一上來，真的唔少的份量，牛坑腩同埋崩沙腩也好，食落都好淋，唔會有UN的感覺，同埋好香的牛味，真的二款都好好食~~唔叫雙拼真的對不起自己~~墨丸牛筋河墨丸牛筋河都唔錯，牛筋都好多份量，食落都唔會硬，腐乳生菜腐乳生菜，個腐乳汁真的好正，撈埋河粉真的好惹味，最後我點左汽水仲結尾，哩間陳儀興牛什粉麵茶餐廳真的值得再來食食~~

我哋一家三口在屋企樓下試吓樓下嘅粉麵檔，我哋柯打咗崩沙腩河，牛三寶河加咗魚皮加腩汁菜心，同常餐！崩沙腩河粉：牛腩份量好多，每塊崩沙腩上有薄膜，豐富嘅牛脂膠質，連着少許肉，爽軟不硬，口感豐富，油香味濃魚皮：好大塊又完整，成香薄脆，送麵一流牛三寶河粉：有牛腩，牛肚同牛筋，一次過滿足晒3個願望份量大，牛肚同牛筋冧滑入味，牛腩比崩沙腩較瘦，但都牛味香濃常餐：沙嗲牛肉米線加漢堡扒煙肉，個沙嗲醬好正，要讚下塊牛油多士烘得香脆可口！

牛腩 beef brisket 是洋人對牛腩位的統稱，香港作為美食天堂，對牛腩，或者叫清湯腩有份特別的執著，所以有很多的細分比如最為人熟悉的坑腩就是牛肋骨旁邊的腩位，瘦的比例高一些，配一塊彈牙的筋膜崩沙腩則是近橫隔膜的腩位，比較肥美，餐廳通常炆得較軟稔，通常在香港的清湯腩店才會有它的踪影陳儀興座落安泰邨，離觀塘市區一點也不近，但質素卻是非常高！性價比也高食物：牛坑腩崩沙腩雙拼河粉$60河粉份量適中，但牛腩豪不吝啬，十多塊的腩肉舖滿碗內！坑腩一如所料比較瘦，但逆紋而切，入口非常易咬！稔軟好吃！崩沙腩算是第二個世界吧，那半肥的橫隔膜位入口即化！而且每塊都重牛脂香，份量也多，很不錯紫菜雲吞淨食$39侍應姐姐推介的淨雲吞，蝦跟肥豬肉的比例剛好，兩份蝦肉一份半肥瘦豬肉，大地魚香豐富，皮薄餡多。這六大顆雲吞只要$39的前菜，卻飽得我不要不要的呢！菜心+$10也沒什麼好說的，普通菜心一份，在質素不強的情況下把它煮得稔一些方便客人咀嚼，廚師功力值得一讚

今天約左在朋友家聚, 由於中午已食過Pizza, 故晚上就食點比較輕食的食物, 於是就帶左我去商場街市,食呢間陳儀興牛什粉麵茶餐廳, 主食潮式牛雜, 崩沙坑腩, 雲吞等麵食, 但都有西式下午荼可選,由於商埸都是新開不久，故地方都乾淨企理. - 牛崩沙腩加牛根米線牛坑腩邊皮連着肥肉, 咬出油香, 瘦肉部份淋而不un, 湯底味香濃, 非常美味！ - 牛雜河聞到友人叫的牛雜河很香噴牛味，友人說常會食,湯底濃郁, 牛雜各部份都炆煮得入味，加埋佢自制的辣椒油夾埋河粉一併食，超滿足喎😙。 -  淨雲吞雲吞足料蝦非常彈牙, 蝦跟豬肉的調味很不錯, 幸好預左2份食, 因有8粒而且有菜墊底。 $10加了碟生菜, 都大碟啊！$8可加飲品！ 店舖有自家制嘅辣椒油, 香而不過辣, 連醋添落粉麵度一齊食, 很惹味啊呀😘。$38/樽, 我都買左樽回家呢~

第一次食呢間陳儀興，餐廳內嘅環境算係乾淨企理，餐檯闊落,侍應非常有禮貌，姐姐好好人，有介紹主打菜式，可能因為疫情關係，唔算太多人，主要是屋邨街坊。叫左個崩沙舉腩搭牛丸粗麵，麵無鹼水味，幾好味，崩沙腩夠晒腍同入味，腩汁都好夠濃郁，叫全香港最最好又不至於，但是，也要認真要一試！另外，仲叫咗個牛坑腩拼崩沙牛腩麵，加紫菜，牛坑腩有咬口，同好香，唔錯，感覺比崩沙更好食，紫菜都好有味，食到冇沙，幼麵就比較上重鹼水味啲，但可以接受，下次黎應該要試下河粉。小食方面，嗌左炸魚皮同埋腐乳通菜， 炸魚皮夠晒脆，味道偏鹹，可以一試，通菜就正常，腐乳係好食嗰隻。 辣椒油方法，是潮州式果隻，夠香而唔算太辣，落落碗麵同牛腩都好夾!飲品方面，只叫左一杯熱檸蜜，味道不錯，不會太甜，又無苦澀味。