閨•家 (已搬遷) 新店位置

專程過來吃人氣推介的豬扒飯！***人氣推介：香煎蓮藕餅豬扒飯 $52  *** 雙蛋豬扒飯 $48  *** 涼拌海哲手撕雞 $38 *** 香茅雞翼（3隻）$28 *** 炸饅頭配煉奶 $2香煎蓮藕餅豬扒飯 蓮藕餅煎到脆邊，有啖啖爽口的蓮藕粒，怪不得是人氣推介。雙蛋豬扒飯豬扒嫩滑又入味，配有雪菜、葱油撈飯，非常香口，食完成碟飯。涼拌海哲手撕雞配日式芝麻醬，與傳統麻將不同，有新鮮感，又可以減油膩感。香茅雞翼（3隻）雞肉香嫩多汁， 讓人吃不停。炸饅頭配煉奶煉奶足料，足夠沾滿炸饅頭。套餐送老火湯，足料，無味精。湯包可以買回家自己整熱。另有深水埗分店。

1)標榜馳名豬扒，都係一般貨色，不值一試。2)紫薯雲吞麵，如同粉團，簡值擺命。3)熱鴦，得過苦味，難以入口。4)全店以淡粉紅裝修，企圖淡化黄店形象，但大門入口同店内掛飾，不言而喻。

屯門店進入最後三日倒數😭 小編早兩日再去多次，7點就開始大排長龍，長到個店員行出嚟望到都「哇」咗出聲。佢勁好人咁問排緊隊嘅顧客要唔要水，未落單已經feel到家嘅溫暖🥰 事不宜遲，即刻為大家介紹閨•家最好食嘅幾味餸！ 😋 咖喱豬扒飯 $48上回講到早餐試過豬扒，都係嗰句，豬扒薄切得嚟啲香茅味超重勁入味，煎得好香🤩 今次撈埋少辣咖喱汁一齊食，咖喱都無蓋過豬扒嘅香茅味，個咖喱雖然係少辣但其實都唔辣，仲有好香好濃嘅椰汁味！撈飯一流！😋 手剁香煎蓮藕餅飯 $46 係小編一生食過最好食嘅藕餅，平時喺酒樓或者喺超市雪櫃買嗰啲都好實，但閨•家嘅藕餅真係一食就食到係手剁，係細個媽媽煮嘅肉餅嘅感覺，啖啖都食到蓮藕條，勁有咬口但又比較腍身，好想再食呀😭😋 慢煮豬軟骨飯 $48 .用咗咖喱汁撈飯就用唔到豬軟骨個汁撈😂 呢碗豬軟骨睇落平平無奇但入面真係痴咗線咁好食，平時食豬軟骨係一嚿肉連住一嚿軟骨，呢度係肉+筋+軟骨。啲豬軟骨炆得幾腍同好入味，腍到好似食緊和牛咁🤪😋 老火湯 每碟飯都會跟碗迷你嘅老火湯，小編食嗰日係木瓜雪耳南北杏煲排骨，無味精得嚟好清甜，因為係迷你嘅關係所以碗湯得兩嚿紅蘿蔔跟，都幾好😗 嗱以上就

據聞呢間野好抵食，而且老火湯仲要冇味精於是就專登過嚟試一試兩點半左右嚟到，專登避咗LUNCH TIME既PEAK HOUR始終都係要排隊，但好彩都係排咗10分鐘左右就有位本嚟想食炆豬手，但遲咗一步最後一份都比對上一枱客點咗只差一點點~~最後決定試下都幾出名既咖哩吧咖哩雞飯 $46雖然點咗少辣，但食落都仲係幾辣，辣度後勁幾強咖哩既味道係好典型既港式咖哩味鍾唔鍾意就見人見智，部長我是ok der那雞既份量真係幾多，足料入面會有一兩舊薯仔同甘荀，煮得好腍甘荀好甜，薯仔夠粉呢個價錢好抵青紅蘿蔔老火湯呢盅老火湯係跟餐，飲落超清甜冇味精，好好飲，又好足料好難相信呢個竟然係跟個四十幾數既餐免費真心高質!!

先唔講好唔好食，只係安排已經係垃圾。我重要唔係第一個投訴呢個問題，你地可以睇下睇前幾篇食評。呢間野無改善過！等叫外賣等左45分鐘，都未叫到。另外，原來佢個電話都係無用㗎，無人聽！大家唔好因為佢係黃店就要等佢，就佢，完全係唔需要。佢完全唔專業，做壞個行業。唔好因為佢有好多個好評就去支持去食，完全做壞規矩。唔通就係因為同佢立場一樣就盲目支持？咁樣香港人永遠都唔會有好嘅餐廳。佢告急就由得佢告急啦，特登去救佢，只會對全香港全部餐廳都唔公平。大家去支持其他黃店啦！

#girlsfoodies屯門#girlsfoodies港式 【💛 黃店 #GF_List 】​🉑：外賣自取 
​⭐評分: 9/10​——————————————————​介紹咗好多次，但無諗過會無啦啦結業，大家要食就把握時間！😫——————————————————​
▪️ 慢煮豬軟骨飯 ($48) 送老火湯​豬軟骨有4,5舊，舊舊都有份量，唔會碎濕濕，而且真係每舊都有軟骨位！慢煮方式炆到軟骨變到好似一條橙啡色嘅啫喱，食落入口即溶漿住個口，勁滿足😭😭😭😭平時食豬軟骨，通常骨炆得好，肉就會老；肉嫩嘅骨又未炆稔。但係呢到攞到好好嘅平衡，肉完全唔乾柴又無豬羶味，骨又好軟身炆得好到位😽仲要啲汁唔會過鹹太重口味，食完唔會頂胃，係住家嘅感覺🤤​✨ 閨•家 ✨📍屯門龍門路45號富健花園地下40號舖（街市轉入去）📍北角蜆殻街6-16號寶榮大廈地下F號舖⏰ 0600-0200

閨•家喺炮台山嘅舖頭上咗杜汶澤喱騷節目YellopenRice之後多咗人認識，不過告過急嘅屯門店撐唔住了，佢哋會喺6月7日夜晚10點結束營業，屯門牛要把握機會去食豬扒同飲無味精老火湯😭 .因為想試塊豬扒，但又唔想食麵，所以叫咗最貴嘅歐陸早餐。歐陸早餐有招牌豬扒、牛乳炒滑蛋、餐肉、薯餅、粟米同埋蒜蓉牛油厚多士。豬扒係薄切，不過薄切都有薄切嘅好，香茅味超重勁入味，煎得好香！蒜蓉牛油厚多士都有某pizza藍店蒜蓉包嘅味道，蒜蓉超濃！食完都唔會勁口渴，無味精真係唔係浪得虛名😝 仲未試到個老火湯，6月7之前一定會再試😭 餐廳牆身佈置好有童真，好有小時候家的感覺🏰

屯門革命街就應該有好多人聽過，但原來革命街隔離嘅富健街市入邊都仲有間隱世黃店。呢間就係之前網上有介紹過既閨家啦！老實講佢個位又真係幾隱蔽，街市唔太大我都揾左半個鐘，原來係喺後街嗰個位。等位嗰陣就已經見到門面有好多文宣啦。入座之後就嗌左個香茅雞翼配豬扒飯，相傳佢哋塊豬扒係醃過夜，又腍又入味。一上到枱就見到豬扒都尚算大塊，再加多兩隻雞翼，飯又大大碗，我諗大食少少既男仔都會夠食。不過一開始就有啲好奇點解食扒唔比刀，但後來發現佢塊扒本身係幫你切開左，再者又真係腍到用筷子匙羹都切得開，感覺到佢係腍但唔係老到散嗰種切得開，所以就唔需要用刀，呢個位真係好值得欣賞。另外佢地既豬扒雖然係有啲薄，但一係醃得好入味而唔覺得佢鹹，恰到好處。另外真係要推介下佢地個湯！真係好出色好好飲！佢地鋪頭個湯日日唔同，而我係星期六去食所以就係蘋果紅蘿蔔沙參煲咸排骨湯。一飲入口就感覺到好甜好入味，然後試一舊紅蘿蔔，又唔會煲到冇晒味，真係好出色！之後就根據個人飲食習慣加咗個蠔油生菜，上枱嗰陣啲水多到瀉晒出嚟，同時又溝淡左隔離個蠔油，建議下次可以傾一傾水先上碟。最後一個可以改善既地方就係環境衛生。我光顧既時間大概係兩點幾，唔算高

見哩間舖頭幾多人食，所以就去湊下熱鬧，食埋一份，同埋之前喺網上見到話佢啲例湯唔係味精湯，係用真材實料煲出嚟，咁有心思，緊係去試吓啦😂嗰日佢都係夜晚八點幾九點，但佢啲湯已經送晒😞雖然店員都有講哂唔好意思，但始終都係一大缺陷嗌咗個招牌豬扒系列-蓮藕餅豬扒飯$48送熱飲價錢嚟講算抵，豬扒亦唔錯，醃得好入味，而蓮藕餅亦幾好...但可惜啲飯唔夠熱，可以話偏向凍添🙁另一個飯係秘制咖哩系列-咖哩豬扒飯，同樣都係$48送熱飲，今次個飯係夠熱...咖哩亦都夠濃郁，可惜又有扣分位，就係豬扒肥膏太多...total 有3～4塊細豬扒左右，但剝除出嚟嘅肥肉部分差不多佔咗一塊豬扒...

【媽媽的味道 無味精靚湯×手工麵】🔸 菠菜手工麵 配花雕醉雞 $45🔹甘荀手工麵 配招牌豬扒 $40🔸咖哩牛腩飯 配是日老火靚湯 $48麵好食！湯好飲！飲完食完唔口渴，自家製手工麵見佢幼幼地咁但好彈牙，麵質浸完湯一陣都唔會腍，甘荀麵甜甜的，菠菜麵就同平時食到嘅味差不多冇乜大驚喜，個湯底係甜到飲得嘅～除咗跟餐個例湯我地仲嗌多碗大湯黎飲，真係好甜同埋飲到足料，如果可以有埋啲湯渣食下就好😂另外豬扒同牛腩都推薦！兩樣腍到入晒味，一咬就化開個隻🤗醉雞個味都ok肉都厚身但就唔夠滑喇～ 為咗個手工麵都值得返頭食，下次試埋個紫薯味🍠🙆🏻‍♀️-閨•家屯門龍門路45號富健花園地下40號舖北角蜆殻街6-16號寶榮大廈地下F號舖

閨家😊就是家感覺這小小店，在家旁邊，街市那小巷內簡單舒服 ，裝潢漂亮，顏色鮮艷座位不多，晚餐時間 很快滿座外賣拎走也受歡迎招牌菜 有 豬扒系列及頗為健康嘅手工麵另外 有一些小食及每日湯水可選擇飯餐（送湯），平均40多元即制手工麵有三款，甘筍、波菜及紫薯即叫即做，要稍等一會啊我哋揀左豬軟骨 ，炇得好淋，軟綿，好似入口即溶配甘筍麵, 甜甜 淡淡的，麵較為軟清新😋無味精又點了韭菜豬肉水餃波菜麵健康綠色😋加$5 凍檸檬茶走甜

今日黎到屯門，食一間「家的感覺」小店😍💛其實之前都無發現屯門有呢間小店，原來就係屋企附近，去到都幾多人排隊，大家要預留時間等啊。小店主打無味精，岩哂依家呢個好需要健康既period🤣本身好想試佢個招牌手工麵，不過咁岩賣哂🥺所以叫左另一個「招牌咖喱豬扒飯🍛」咖喱係港式屋企feel，好重椰汁味，好香好濃郁，撈飯真係一流😋 我地撈哂成碗飯啊！佢塊豬扒都好有心思架，用人手揼鬆塊扒再梨汁醃過夜，咬落軟林林啊🐷 每個餐仲會送一碗足料老火湯！$48有飯有湯無味精，去邊到搵呀😭 其實都有啲擔心佢會做唔住？🥺 不過佢堅持唔加價，仲免費請醫護同學生飲老火湯！快啲快啲去支持🤤🤤🤤

今日入去屯門搵朋友傾野，順便食個飯!!難得入到屯門，梗係想食D呢區出名既野喇!朋友話呢期「閨家」係屯門大熱~一於去睇睇咩料子!講返「閨家」，經杜生介紹完，連外賣都大排長龍，真係好誇張呀!等左30分鐘左右，一路見到好多人食豬扒飯.....係出面等位既時候嗅到係好香既，但其實我心目中最想試既係豬扒紫薯麵~入座後隨即落order，我地都係想食麵，點知最想食既麵今日竟然係冇......咁唯有食飯喇！我叫個太陽蛋豬扒飯，另外兩個朋友叫左蓮藕肉餅豬扒飯、雞翼豬扒飯，佢地都係一致覺得冇乜特別~老實講，我覺得呢度既飯味道唔係特別出眾，但係有家的感覺，而價錢同質素係正比！雖然係普通，但還是會想下次黎到有麵食~!

住在這裡附近的都未必知道，穿過街市有一家小店叫閨家，主力做區內外賣。堂食亦有數個座位，晚飯時候來到基本上坐滿！店內有酒精搓手液和信封放口罩，盡力為衛生把關。這段時間在外吃飯有一定風險，要注意個人衛生，做個有品食客，自己垃圾自己帶走，勿放口罩在枱面上。這裡的食物若$40左右，認真抵食！手工麵不做外賣，想食一定要堂食，所以今天必須要一嚐紫薯手工麵！可以選擇一款餸，蓮藕煎肉餅是必食推介！另外加了$10油菜，好豐富啊！淡淡的紫薯味，沒味精沒添加，吃多一點纖維，感覺健康一點。另外有菠菜麵和甘筍麵選擇。蓮藕煎肉餅，好好味，最喜歡爽口的蓮藕，這個肉餅真是有家的味道！豉油汁蔥油豬扒飯，兩大塊豬扒！這裡的豬扒是皇牌，鐵鎚過變成薄薄一片，做到入口即溶的效果，真不簡單！不愧是名物（笑）下次試一試咖喱豬扒飯！一定要喝這裏的湯水，因應疫情，這裡星期一至日每天有一款潤肺靚湯。今天是蘋果紅蘿蔔沙參煲鹹排骨，平生去餐廳食飯從不喝例湯的我，今天一飲而盡！沒味精的湯，好清甜。閨家有一種媽媽的味道，很久沒吃媽媽煮的飯了，寫著寫著，有點想家了（淚）加$5有餐茶，超級抵的晚餐！如果不想過來迫，試試外賣自取或是叫網上外賣平台吧！

呢間餐廳我之前幫襯過好多次，多數堂食，覺得佢食物唔錯，以前唔係太多客。最近疫情緣故，所以多咗人外賣，呢日夜晚我去買一個外賣，見到外面有條人龍，原來餐廳話要每出咗一個外賣，先可以收另外一個人錢，然後先俾張單你。於是企咗半個幾鐘，先可以比錢攞到張單。最嬲就係排咗一輪，有著黑衫店員講，話出餐係優先比堂食。等咗足足50分鐘，外賣終於攞到，但店員問個老火湯啱啱無哂，如果要就等多20分鐘，問我等唔等?仲等?不了，呢間舖頭，無下次! 真係買咁多間餐廳外賣，未試過咁嘅安排，要罰企咁等佢收錢入單，仲要堂食優先。