影片
港鐵長沙灣站 A2 出口, 步行約4分鐘
繼續閱讀
電話號碼
63883255 (WhatsApp)
營業時間
今日營業
10:00 - 22:00
星期一至五
10:00 - 22:00
星期六至日
09:00 - 23:00
以上資料只供參考, 請與餐廳確認詳情
【深水埗區】【鐵板人】呢幾日都係同真正哥出街，行經長沙灣，想搵啲嘢食吓。之前睇啲網上片段介紹過，而家美居中心地下個堆舖頭好多嘢食，之前我淨係知有一間煎釀三寶幾出名，而家都唔知喺唔喺度，好似已經冇咗。我哋去到，見到都真係幾多食肆，要揀一間都唔容易。喺揀嘅過程裡面，我哋有考慮過價錢同埋味道呢兩個元素，咁綜合起上嚟嗰啲就叫做「性價比」啦。經過呢間「鐵板人」，見到佢哋啲嘢食唔算貴，所以就試吓佢。真正哥試咗碟 $48 嘅「蔥油豬扒太陽蛋飯」，見佢豬扒幾大塊，煎雙蛋都好似幾惹味咁。切咗少少佢啲豬扒嚟食，係唔錯。點知佢話最驚喜係個豉油汁，好正，好有傳統快餐店風味。當我試 $48 嘅「黑椒洋蔥牛柳炒意粉」就明晒，真係讀書嗰時嘅味道，原來老闆娘湊大三個，練得一手好廚藝。我哋飲埋「黑豆漿」同「低糖豆漿」，$96 埋單，抵。。。（地址：長沙灣福榮街218號美居中心地下43A-43B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗區 #長沙灣 #鐵板人 #蔥油豬扒太陽蛋飯 #黑椒洋蔥牛柳炒意粉 #黑豆漿 #低糖豆漿 #1am1368 #1ambackup
繼續閱讀
長沙灣美居中心內有間新小店，主打多款鐵板料理，咖喱、黑椒、小炒、板燒扒，樣樣有齊、仲有粉麵、麻辣、餃子、各式小食供應。店內環境唔大但五臟俱全，區內朋友仔可以去試一試！雜扒餐有齊豬扒，雞扒同腸仔，半開放式廚房可以望住老闆烹調，煎緊嘅時候超級香噴噴，未食已經流晒口水。豬扒薄切，肉味突出、雞扒嫩滑多汁、腸仔帶鹹香，大條又好味，配上沙津菜可減低油膩感，唔夠飽嘅亦可以改為飯或麵。老闆話佢哋嘅海蝦都好多街坊鍾意食，每日喺街市買，保證新鮮。六大隻，咬落爽口彈牙，口味方面可以要辣或唔辣，蒜香味夠濃郁，果然無介紹錯呀～ 下次要食埋其他串燒！
繼續閱讀
🍴鐵板人招牌海蝦粉絲 58 蚊🦐個湯汁好香海鮮同蝦味 粉絲爽口 帶d葱調味 蝦肉好新鮮彈牙 正🍴豬肉串13 蚊豬肉串燒得好彈牙 咬落煙un帶d豬油香🍴豬頸肉串16 蚊🐖好肥美既豬頸肉 一咬d油必哂出黎 🍴涼拌青瓜15 蚊辣椒都幾辣 夠惹味 配埋凍食既青瓜 幾爽口🍴四季豆炒肉片飯48 蚊🌿四季豆同肉片呢個配搭本身就冇得輸 炒得夠惹味#串燒 #燒烤 #四季豆 #青瓜 #肉片 #豬頸肉 #蝦肉 #粉絲 Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#鐵板人長沙灣福榮街218 號美居中心地下43a至b鋪~~~~~~~~~
繼續閱讀
朋友住喺長沙灣福榮街美居中心，約左佢食飯又唔知食咩好，佢話佢樓下有間叫「鐵板人」嘅細食店都唔錯叫我一齊試下。❤️蔥油汁豬扒太陽蛋飯兩隻太陽蛋煎得好靚，好似鹹蛋超人嘅兩隻眼😍。塊豬扒佔左隻碟嘅一半，好大塊！尤其欣賞佢將蔥油汁分開上。唔會將蔥油汁倒埋上去塊豬扒度，讓食客可以按自己喜好決定蔥油汁嘅份量，讚👍🏻！蔥油汁又唔會好鹹，有蔥油香～重有兩粒車厘茄添。❤️鐵板人招牌海蝦粉絲用錫紙兜裝，好大兜！有5大隻蝦，全部都夠新鮮，有蝦嘅鮮甜味👍🏻。重有大量粉絲、金菇、蔥花同生菜🥬，超豐富😋！餃餃震套餐：鐵板煎餃餐❤️香煎韭菜餃子(10隻)欣賞佢用鐵板煎，即叫即煎，上枱時重熱辣辣！我都爭d辣親嘴👄！皮夠薄，但薄得黎唔會煎燶。入口有淡淡韭菜香～同朋友各自嗌左一支雞骨草同一罐可樂。
繼續閱讀
長沙灣最近新開嘅隱世鐵板燒小店，大部分食物都係用鐵板即叫即整嘅，真係新鮮滾熱辣啊～黑椒牛扒滑蛋包飯💰HK$58賣相滿分💯大大塊薄切牛扒，牛味濃郁！用呢到自家製嘅黑椒汁來撈滑蛋飯同埋點牛扒，勁惹味，令人忍唔到食哂成個飯啊～鐵板人招牌蜆仔粉絲💰HK$58辣度簡咗微微辣！勁大兜而且勁多蜆仔，仲有粒粒都冇沙！另外仲有金菇同生菜，配埋粉絲一齊食，增加咗不少爽脆嘅口感，感覺健康美味～豬腩肉串💰HK$16外皮燒到好脆口，外層微焦但內裡肉質嫩軟，配搭埋孜然粉同埋辣粉嘅香味，豬腩肉串香氣四溢，令人垂涎欲滴～老闆娘好nice，見我地叫咗串燒同花甲粉絲但係唔知要簡埋係咩辣度，佢即刻問我地食唔食得辣同埋食到幾辣之後先開始整，勁貼心！呢到真係一間充滿人情味嘅隱世小店，值得一試👍🏻～
繼續閱讀