金鶴拉麵 (荷李活道)

營業中

休息中

金鶴拉麵時不時就推出期間限定拉麵，見到今次係極濃龍蝦湯拉麵梗係要試吓🦞🧡😚 可選擇配一隻龍蝦尾($𝟭𝟵𝟴) / 不加配龍蝦尾 ($𝟭𝟯𝟴)， 我當然要加😆 🔸•極濃龍蝦湯拉麵• $𝟭𝟵𝟴//本身冇咩太大期望反而有驚喜💖 首先一上枱賣相真係好吸引😍 大大條龍蝦尾，再加上深橙色嘅湯底湯底🧡 個人認為個湯底都幾香龍蝦味🦞 店員話龍蝦湯以龍蝦殼炒製熬湯，經過多重工序，難怪湯底味道濃郁鮮甜，不知不覺飲晒成碗湯🙊 龍蝦肉鮮甜，拉麵質感軟硬適中，好想再食🥰🔸•招牌雞白湯拉麵• $𝟵𝟴//呢個應該係每次去食🍜 招牌雞白湯底呈奶白色好清甜，店員話唔會落忌廉，而係用雞用餚煮八個鐘🍲 以呢個價錢嚟講真係唔錯👍🏻 叉燒同慢煮雞胸肉都可以☺️整體覺得食物質素好，價錢合理，推介☺️⋆ ⋆ ⋆ ⋆ ⋆🐽 Overall : 8.5/10 🐽 Revisit : Yes

今日嚟到金鶴拉麵位於中環嘅分店，依間拉麵喺香港一向都幾有名氣，仲有唔少分店添。雞白湯拉麵拉麵入口爽口彈牙，軟硬程度啱啱好，加上拉麵本身都幾掛湯，所以每一啖都可以連埋湯汁一齊食。佢個湯有非常之香濃嘅雞湯味，入口唔會覺得太過油膩，所以都好好味。北海道蟹湯拉麵呢個拉麵用咗來自北海道嘅花少蟹烹煮，拉麵入口每一啖都有濃郁嘅蟹香，再加上麵質非常之彈牙，配埋叉燒等嘅配料真係好好味呀。抺茶啫喱抹茶味道香濃，入口有好香嘅茶香味，加上唔會太過苦，比較容易入口。整體來講，金鶴拉麵嘅質素係每一間分店都維持得幾好，唔怪之得每一間都咁受歡迎啦。📍金鶴拉麵 (荷李活道) (中環)中環荷李活道39號地舖

星期五晚在中環覓食，記得以前都聽過朋友推介呢間拉麵，今次幸運見到唔使排隊，最多人推薦嘅係雞白湯拉麵，當然要試吓。另外仲叫咗碗特濃蟹湯拉麵。拉麵一到就急不及待試吓淡湯底，雞湯有鮮味好好飲，加上雞肉和豚肉的厚度適中，亦唔會煮得太腍，成碗拉麵會令人一食再食。至於蟹湯拉麵，上面有好多蟹肉，湯底同樣有鮮甜蟹味，食到中段湯底有啲杰，但仲有濃濃的蟹味。兩碗拉麵當然唔夠食，於是就試埋燒牛舌，魷魚同埋雞軟骨，串燒就不過不失，無覺得好驚奇的感覺。而家做緊新加入會員優惠，食一蚊就儲到一分，即時入會仲送100分，已經可以換到一罐可樂，相當抵食！唯一係侍應的態度一般，如果可以改變一下會較好。

邊個話情人節一定要食西餐架！！同對的人食既話，其實真係鹹魚白菜也好好味💕呢晚簡簡單單咁食左餐日式拉麵都好滿足！！要左碗期間限定既 極濃龍蝦湯拉麵✨配上慢煮豚肉叉燒、半隻溏心蛋、筍絲同、木耳絲同紫菜😚😚湯頭味鮮濃郁幼身麵條掛湯力強，非常不錯✨另外點咗一份唐揚炸雞同燒鰻魚串鰻魚係呢度必點之選，肉嫩無骨～炸雞大大件，外脆內嫩雞件充足肉汁，推薦推薦！！！即使係用會員積分所換既溏心蛋都唔馬虎溏心程度剛剛好❤️拉麵串燒除左配啤酒之外，配上汽水都好爽🤣🤣🤣

之前聽過呢間拉麵幾好食 見到好多人都食過 所以就去試吓 唔知正唔正呢😚👅史上極濃雞白湯拉麵 $138呢個好推介大家一試‼️佢嘅雞白湯好濃郁 飲落好順滑😋佢嘅配料都幾多 有兩塊雞胸肉 仲有兩塊雞叉燒 食落唔鞋 仲有脆脆地嘅牛蒡 好正🤤👅金鶴·雞白湯沾麵 $138呢個都唔錯 沾麵湯底可以食到一半叫店員加熱 湯底濃得嚟唔會太鹹 沾麵都好掛汁😆👅日式餃子（4隻）$38呢個都好食😍餃子煎到脆脆地 👅日式唐揚炸雞（3件）$38上枱嘅時候好夠熱 雞肉都幾滑🥰總括嚟講 呢間餐廳果然唔錯😛服務都幾好 坐得幾舒服 大家要嚟呢度一試啊🙈😋 好味：8.67/10🤑 價錢：7.99/10🤗 服務：8.00/10😝 環境：7.89/10😚 衞生：7.76/10🤩 整體：8.59/10

金鶴拉麵，近期好出名下既拉麵店，多區都有分店，原以濃雞白湯出名，愈來愈多其他時令特色、串燒小食等，相當吸引😜店內簡潔舒服，服務非常好👍🏻有介紹又有講解，好主動同溫柔既服務🪄讚極濃龍蝦湯拉麵🦞期間限定，龍蝦好受歡迎已經一早賣晒，得返龍蝦湯配叉燒，都要試一試，上枱好精緻🍜香氣撲鼻，忍唔住試湯先啦，係睇得出既濃，濃過飲既龍蝦湯，入口好綿，唔會好咸，好濃蝦鮮味🤤好正，配埋拉麵，少少偏幼，掛湯一流，都有蛋味，有咬口，好夾個湯，相當唔錯💓溏心蛋都正，因為湯底夠濃夠味，所以食配菜、叉燒都好好味🥳愛好龍蝦湯既必試！日式餃子🥟價錢好抵，炸餃子黎，好香脆，都算唔錯，係時試下佢都幾出名嘅串燒🍢鹽燒雞中翼，上枱時非常香燒烤味同鹽香，大隻而肉嫩滑，鹽燒得好好🤓汁燒豬頸肉，依個價錢份量都係好驚人，好吸引，照燒汁好好味，豬頸肉又腍又夾燒汁😎食完好想再食拉麵、串燒都超高質(而好似鰻魚飯都好出名)，完全已經超越左一般拉麵店既定位❤️‍🔥依個地段食日本野黎講，價錢係超值，食串燒飲酒都有得諗🤪

去中環接朋友收工，好想食拉麵，就求其入咗一間，款式都幾多，搞到我選擇困難🤣質素唔錯！朋友好想試牛骨湯拉麵不過就售罄，希望下次有機會試！我哋分別叫咗兩個拉麵同一份串燒👉🏻北海道蟹湯拉麵 $138一上枱真係好吸引，有一座山咁多嘅蟹肉！湯頭都好鮮甜！店員話個湯係北海道直送，食每一啖都勁幸福😋題外話：我勁鍾意食糖心蛋，呢度嘅糖心蛋幾好食，店員仲提醒我哋登記做會員會送多粒，勁開心🤣👉🏻極濃雞白湯拉麵 $138廚師推介一定要試啦，係用原隻雞煮咗八個鐘嘅湯底，真係好濃稠！聽講好多骨膠原，忍唔住全部飲晒😋 同埋好鍾意食佢個慢煮雞胸！👉🏻鹽燒五花腩 $48有兩串，因為豬肉夠新鮮，淨係用鹽燒都唔錯，每一啖都好香！下次再試埋佢其他串燒！環境都幾舒服，同埋廚房好乾淨感覺好安心！

極濃龍蝦湯拉麵（配一隻龍蝦尾）$198期間限定拉麵，一開頭試啖湯先，好香好濃郁既味道，證明係真材實料。龍蝦肉結實彈牙。配料都幾多，有荀條、京蔥、木耳絲。北海道極濃蟹湯拉麵 $138有好多蟹肉，湯好甜，配半隻糖心蛋，正。日式叉燒好軟腍，油香同肉香都唔錯。呢到既拉麵軟硬我覺得岩岩好，一定要掛湯食，同時將麵和湯汁一齊吸入，好正。日式餃子 $38外皮都幾脆，煎得唔錯。座位闊落，有吧台位，可以欣賞廚師整野食。而且有會員制，第一次幫襯即場down app做會員有100分，可以即時換野。

上次旺角食完 食過返尋味😍一直念念不忘今日去到中環 醒起呢度都有間 唔使諗一定encore💕==============================🐣極濃雞白湯拉麵🍜拉麵就食得多 咁濃厚嘅雞湯底就真係未試過🥣個湯底杰身到有漿口漿感覺💯原來係日本直送嘅白湯 濃郁嘅湯底配埋日式叉燒同埋雞肉🐥match到一個點👍🏻簡直係享受🤗加上賣相咁特別炸牛蒡 好食得黎仲有打卡作用📸食得又睇得👍🏻🐡燒雞泡魚乾👅燒到剛剛好 大大塊又稔身💯==============================除咗中環👉🏻香港仲有其他分店下次去到邊食到邊🗺️啦

見 @day.of.plum 介紹完 完全係衝著鰻魚飯而來! 🤩活燒蒲燒鰻魚飯 ($238)係即叫即整所以大約要等15-20分鐘～ 真係滿滿既期待🤣 佢地係先燒 後蒸 再燒咁整個鰻魚飯 鰻魚好厚 好似食緊鰻魚扒咁 好鮮甜! 雖然都外脆內軟同埋好好食但同想像中有少少落差～個表面無我想像中燒得咁脆卜卜🥹 本身鰻魚飯上碟已經有自家秘制醬汁 好好送飯 但仲好貼心咁比多一兜仔醬你 方便你撈飯食 🥰 店員仲會比D花椒粉你自己落上鰻魚度 話可以提鮮 不過我中意就咁食多D～ 個鰻魚飯仲配左 芥末8爪魚 同埋用鰻魚骨熬成既紫菜湯 做side dish ～食完都好滿足🥰北海道蟹湯拉麵 ($138)見係日本直送人氣NO.1 就放棄左佢店長推介既極濃雞白湯拉麵 睇介紹話係花咲蟹湯～ 個面仲有好大球既蟹肉!! 😳 真係食到啖啖蟹肉架 入面都仲有一大塊叉燒 😳 叉燒整得幾嫩滑同埋好大舊 仲有半隻溏心蛋 下次都係想試返極濃雞白湯多d🤣依家登記做會員仲可以即刻送一客溏心蛋/一罐可樂! 同埋除左堂食仲有外賣自取 拉麵都有8折! 中環打工仔都可以試試🤩

今日同朋友嚟中環行街，朋友話想食拉麵，我見中環都有金鶴拉麵🍜，之前試過覺得好味，所以推介俾朋友👍🏻放工時間入座，剛巧可以安排到一張二人枱，空間好闊落，坐得舒服😌睇咗一陣，原本想encore 上次食過果款，但又想試新嘢，糾結咗一輪，我就揀咗黑蒜湯拉麵😍當碗面送上枱之際，已經傳出陣陣黑蒜嘅香味，淨係聞落去已經覺得好味。當你第一啖食落口嘅時候，個湯底有幾清喎，黑蒜味又唔會過分濃烈，味道恰到好處，非常好good👍🏻朋友就揀咗店長推介極濃雞白湯拉麵，朋友都大讚佢個湯底正，好濃好味，重點配搭啲炸牛蒡，就更加正😆一定要提就係，要即場下載個app做會員，除咗可以儲積分換食物，即時登記可以送你一罐可樂或者糖心蛋一隻。我同朋友兩個一齊登記咗會員，所以我哋就換咗一罐可樂及一隻蛋，好抵食😍最後仲加左一串串燒雞翼，燒得好好味，個邊仲係脆架😋

現金，信用卡服務態度：當然無係日本食咁有氣氛，熱情，但都合格環境方面：人少，比較靜，最嘈應該係我張枱，有吧枱，如果情侶我學得坐吧枱睇住煮面過程會好有feel。食物質素：食拉面湯底真係好重要，蟹湯味濃，唔講你都會飲到蟹味，太會死咸，有鮮味。辛辣湯底方面就非常出色，如果你對中辣係鐘意就一流。配料方面，果塊叉燒跟本日食開一樣，流心蛋都出色，炸牛蒡記得要即食，因為凍左就會不夠脆。性價比：一分錢一分貨，但都覺得有點高，可能因為中環係舖貴租，如果平均90一碗就非常好。總結：好大機會會再去食，出糧先好味指數😋😋😋😋

極濃雞白湯拉麵 $138湯底濃郁，唔會太油太咸，白湯都整得好夠味唔會清淡，而且有鮮味，配菜就有黑木耳、炸牛蒡、溏心蛋🥚，仲有兩大塊叉燒同兩大塊雞肉，份量多，雞肉肉嫩，叉燒唔會好肥，炸牛蒡好香口👍🏻，而拉麵可自行揀軟硬程度😝.

最近金鶴有新開咗分店，開喺旺角區，不過比較方便都係就返朋友仔喺中環度食。見到新Menu好吸引，就試吓佢個牛骨湯和牛拉麵。牛骨湯和牛拉麵真係超吸引，佢又勁大條牛骨，跟住上面嘅黃牛本身係生嘅，我哋都要求燒一宵，真係幾好食，出面熱辣辣啱啱好熟，裏面就紅卜卜，大概半熟左右。牛骨個湯底有少少似韓國嗰種雪濃湯，味道相當香濃。雞白湯拉麵個湯底都幾清香，又係好重嘅雞味，但係同一般清雞湯好唔同，呢個濃郁好多同埋更加香滑。裏面有豚肉同埋慢煮雞，仲有糖心蛋同埋其他配料，非常豐富呢！好期待佢哋之後再出其他限定拉麵，每一期都要試一試！

行完PMQ經過，咁啱拉麵癮起就入咗去，入到去果下都有啲啲淆，竟然星期六晚七點幾餐廳仲有好多吉位睇完餐牌揀咗個湯底清清哋嘅鹽味拉麵（鰹魚高湯），拉麵材料豐富，雞肉有兩塊，豚肉一大塊，紫菜都有兩大塊。湯底清澈到見到底，湯底味道都冇乜特別，冇乜鰹魚鮮味。（今次係我第一次試鹽味湯底，可能呢個湯底嘅特色係咁）啲麵偏粗，咬落有啲啲硬但唔煙韌，可能因為個湯底清，啲麵唔掛湯食落冇乜味。雞肉食落冇乜雞味而且有啲柴，豚肉都好淡味，整體嚟講係失望嘅