金凡潮汕菜

營業中

休息中

這天好帶我來到加連威老道新開業的「金凡潮汕菜」，這裡匯聚了幾個潮州世家的年輕人，他們希望將傳統與現代思維相結合，於是開設了這家潮州菜館。金凡既有舊派的傳統烹飪技藝，同時注入新派的創新飲食理念，打造色香味俱全且不一樣的潮汕菜餚。約兩斤半的「生醃澳洲龍蝦船」端上來已很震撼！金凡用上大大隻的澳洲龍蝦作刺身，配上秘製潮汕生醃醬汁，並加入螄蚶，龍蝦肉質厚實又彈牙，鮮甜又開胃，連陪襯的螄蚶也非常鮮甜美味，需提早兩天預訂。鹵水汁是潮汕菜的精髓之一，「金凡鹵水特色拼盤」有鵝肉、鵝肝、鴨舌及珊瑚海蜇，鹵水汁帶有藥材香味，味道剛好而不會太鹹，鹵水汁出色就是贏了！鵝肉鮮味，鵝肝嫩滑，珊瑚海蜇也很出色，帶少辣開胃爽口。同樣需要提早預訂的「手工金勾荷包鱔」是必食推介！這是師傅們加入創意的手工菜，需燉6-7個小時，我也是第一次品嚐到。荷包鱔的湯𥚃面是潮州鹹菜和白胡椒，除了肥美爽口的鱔肉之外，還有金華火腿和金勾翅，當你打開鹹菜葉裡面就是豐富的材料，肥鱔厚肉而嫩滑，還有一梳金勾翅吸入所有湯𥚃面的精華，金華火腿和鹹菜則帶來鹹鮮味，湯底甘香很好飲。另一特色推介是「地道羊肉凍」 ，廚師團隊特別地用上雪條棍做羊肉凍，將普通的

金凡潮汕菜位於尖沙咀，餐廳裝修幾骨子，富有傳統中式食肆既味道。呢間餐廳專注正宗潮州菜色,當中幾出色嘅就係魚翅撈飯同咕嚕肉。首先係魚翅撈飯。呢道經典菜式配以石頭鍋上，熱辣辣。魚翅撈飯，聽就成日聽人講，食就係第一次！魚翅鮮嫩彈牙,口感滑溜細緻,配富有嚼勁既芽菜。先飲幾啖魚翅湯，再將湯及飯撈埋，飯底吸收咗魚翅嘅鮮甜湯汁，好食又幾過引。另一樣我尤其喜歡嘅係迷你咕嚕肉。賣相非常精緻，表皮薄而焦脆, 能做到此水準的食店真的不會多。皮內鮮甜多汁,絕對係黎金凡必食之選。調味恰到好處,不會太鹹或太甜,相當美味。另外，我亦有點過金凡潮州菜嘅迷你滷水拼盤。當中包括滷水鵝片、魷魚、五花腩等等,每一樣都保持住應有嘅質感,加上特有嘅滷水汁，味道不錯。總括來說,金凡潮汕菜質素中上，性價比幾高，88蚊食魚翅撈飯。餐廳環境優雅舒適,服務態度也相當友善。

$88 想食翅？見到呢度個餐牌寫住「午市益食家」，嘩！ 可以試下呢個平民版魚翅撈飯！ 一鍋仔入面有少少翅可以過下口癮☺️ 仲有好多芽菜，鍾意食芽菜就正！ 入面仲有啲啲肉絲仔。當湯飲撈飯好過癮。呢個餐加$30可配迷你小菜，揀咗沙薑雞。雞有幾件仔，肉質有咬口，酸酸地好開胃。配埋餐飲揀咗熱奶茶☕️散叫菠蘿咕嚕肉$68及馬拉盞菜心$60。咕嚕肉脆口，菜心夠哂油香。午市仲有多款平民小菜客飯都係幾十蚊就有交易，平民之選。

加連威老道有一間潮州菜館名叫「金凡潮州菜」，入到店內，感覺正宗，久違了展示打冷小吃的櫃檯，有魚飯及凍蟹。$688/只凍蟹，價錢親民。看中人氣2人魚翅撈飯辣蟹餐，$750包括招牌避風塘炒蟹一隻，金帆魚翅撈飯窩加白飯，家鄉炒魚麵，茶芥加一全免。大量蒜頭炒至香噴噴，蟹肉新鮮惹味，就連青蔥都好好食。魚翅煲熱辣辣，味道唔錯，撈飯食好有奢華感。家鄉炒魚麵好得，夠鑊氣，軟軟哋的魚麵粗大紮實，口感好，材料香口味道好。睇得出環境花咗心思佈置，坐得舒服，食物味道唔錯，七點多開始客人陸續來，幾旺場。

金凡潮汕菜 地址: 尖沙咀加連威老道46-48號地舖電話: =====================潮州菜要好食，真係好靠師傅手勢的，有時一食便知龍與鳳，高下立見，呢間絕對是有水準晚市有幾款套餐，豐儉由人。$750 兩位架二人餐，有炒蟹， 魚翅撈飯，菜/魚麵。避風堂炒蟹，舖天蓋地炸香了的蒜粒，辣辣地好惹味。金帆魚翅撈飯 （窩+2白飯），一大鍋，有翅仲落了芽菜同豬肉絲。黃金豬脊仁炒時蔬，豬油渣的東東炸菜心，簡單家糯味。呢個餐免加一同茶芹，97 前股市大時代，日日魚翅撈飯

呢間餐廳平日嘅夜晚都好多人食晚飯時間好多野食有花生同熱茶人氣魚翅撈飯和辣蟹都是金凡餐廳的招牌菜✅魚翅撈飯魚翅口感滑嫩彈牙，每一口都能感受到其中的鮮美，加上鮮甜芽菜，撈飯真岩岩好！✅辣蟹辣蟹外表鮮紅誘人，一打開就能聞到辣椒和香料的誘人香氣，辣蟹煮得岩岩好，肉滿多汁，肉質鮮嫩。辣味刺激而不過分，讓人吃得舒服😋✅豬油渣生炒菜心大大碟菜，菜心保持左脆嫩的口感，加上豬油渣的香氣，帶來一種濃郁的味道，簡單又美味

小吃貨每逢去澳門睇韓星Show都會專程去食番碗魚翅撈飯過吓口癮，最近收到風金凡潮汕菜午市推出$88魚翅撈飯套餐，真的嗎🫢🫢咁抵食梗係要去試吓啦😋😋呢度位於尖沙咀加連威老道地舖，位置十分方便，門口有錶位，我地好好彩泊到車响門口🌈店內樓底好高，餐廳招牌「金凡」高高掛在大廳中央氣勢磅礴，還有些香港70/80年代的設計和掛畫，充滿懷舊feel😇金凡魚翅撈飯 $88 一大鍋熱辣辣既魚翅 + 一碗白飯，用砂鍋盛載一人一鍋，好有儀式感，湯汁濃郁，魚翅滑嫩，我個人喜歡加少少醋，加少少胡椒粉調吓味，仲有好多芽菜襯托，撈飯食一流呀！成鍋清哂！哈哈😄食潮汕嘢我必食滷拼！呢個餐再加$30，仲有碟迷你滷水拼盤，有紅腸、墨魚、豬大腸、鵝肉，味道不錯，平平哋，細細碟，啱哂我🤭另外，還點了蠔皇鮮菇牛肉 $68 牛肉肉質嫩滑，鮮菇和蠔皇醬好夾喎😀值得一提的是金凡嘅服務員態度親切，我坐低一分鐘都未諗到食咩好之際已經遞上老火例湯，很窩心🩷🩷下次再想來吃晚餐啊～📍金凡潮汕菜📍尖沙咀加連威老道46-48號地舖

成日聽到人講「魚翅撈飯」，今晚終於輪到我食喇！其實呢度都有不少套餐可以選擇，不過今晚想學人豪一豪，就要了人氣2人魚翅撈飯辣蟹餐（$750）。金凡魚翅捞飯上枱時熱騰騰的，不配飯食就會有點咸，撈飯食就啱啱好，食完好有滿足感！招牌避風塘炒蟹（小辣）鑊氣十足的避風塘炒蟹，炸蒜舖滿整個碟，蟹已經預先扑碎方便顧客食，非常惹味的炒蟹，蟹也算大隻！炸蒜也可以用黎撈飯食！家鄉炒魚麵豬脊仁炒時蔬或家鄉炒魚麵，二揀一，我哋揀咗魚麵，因為比較少食，魚麵炒得幾香，味道不錯！食完已經諗緊下次要試潮汕打冷了！

中午同老公經過尖沙咀金凡潮汕菜，望到有魚翅撈飯，一於入去試吓！餐廳主打地道小炒，潮州打冷。入座後，店員即送上老火湯，飲落味道香甜。魚翅撈飯：用石鍋盛載，熱辣辣滾住上枱，湯底清甜，內有很多銀芽，當然有主角魚翅，整體都好爽口，將湯汁倒入白飯食，真係魚翅撈飯。加錢還可以配指定一款迷你即炒小菜。揀咗迷你滷水拼盤，滷水豆腐、香腸、豬耳、豬腸、腩肉。滷水料都好入味。套餐送熱飲：阿華田濃郁香甜。蔥爆豆豉雞配白飯：小菜即叫即炒，炒得都好有鑊氣，用蔥同豆豉爆香雞件，十分惹味！奉送熱飲，熱華田都好濃郁。

位於尖沙咀嘅金凡潮汕菜，晚市keep住滿座，人氣爆棚！多款潮洲凍海鮮及滷水，每天限量供應，想食嘅話記得電話/whatsapp預留！魚翅撈飯辣蟹餐 $750包含招牌避風塘炒蟹、金凡魚翅撈飯、家鄉炒魚麵，仲免埋加一同埋茶位費！金凡魚翅撈飯香港黃金時代，經濟起飛嘅代表作，足料湯底帶醋香，微酸口味夠醒神！撈埋個靚飯一齊食，感覺滿足！招牌避風塘炒蟹極香口惹味，蔥蒜辣椒嘅香味入晒去大大隻嘅肉蟹入面！隻蟹炸得剛好，仲保留到蟹鮮味！最後啲炸蒜可以用嚟撈飯食，爽！家鄉炒魚麵魚麵粗身但入口輕盈，就好似條狀嘅軟身魚蛋咁！配埋金凡嘅潮州醬椒油，更香更美味！

今日喺尖沙咀行街，行到肚餓嘅時候無啦啦見到呢間餐廳喇。見佢環境闊落，招牌咁大，餐牌多選擇。就膽粗粗入咗去試食。我就嗌咗個潮州鹵水鵝四寶飯。四寶入面有紅腸豆腐豬耳，豬大腸。鹵水鵝鹵得非常入味，紅腸食得出有紹興酒味，豆腐雖然冇鹵得咁入味，但係食得出豆香。豬耳同豬大腸都正常水準。而最出色嘅就係佢個潮州辣椒油，食落唔會非常之辣，唔係死辣，反而好香，食落時候會順口。值得一讚。而且侍應嘅服務都非常之好，值得一讚

同同事係尖沙咀見完客, 係附近隨意搵間餐廳食個LUNCH, 經過見到呢間餐廳門外有多款lunch-set選擇, 而且其中一款仲係魚翅撈飯, 就係咁吸引咗我地入去。店內裝修再加上木系傢俱, 滲透著一股中國風。入座隨即送上老火湯, 【魚翅撈飯 (跟白飯+餐飲)】HK$88熱辣辣石鍋熱得湯底滾住上檯, 湯底原先幾杰, 內有大量芽菜, 幾粒迷你魚翅, 配上白飯, 將所有撈埋一齊食, 每啖都食到爽脆芽菜口感。另+$30追加一款自選迷你小菜, 揀咗---鹵水併盤分別有好林嘅豬腸、豬耳、紅腸、五花腩、豆腐, 每款都好入味, 不過就冇鵝肉, 但同樣有芽菜墊底。套餐包餐飲, 凍飲 +$3, order咗杯凍華田。另外order咗個lunch set,【蔥爆豆豉雞】HK$68 (配白飯、餐飲)份量少少, 足夠女士們份量, 每件雞件小小的, 雖算不上鮮嫩, 但炒得幾香口, 特別係夾集蔥段食。

要叫招牌避風塘炒蟹！寫得招牌就唔會差嘅…應該🪖🪖🪖😌避風塘炒蟹：蟹梗係重要，但都唔好睇少炸蒜嘅地位！蟹肉鮮甜有膏（膏都好好食），炸蒜超香，辣辣地，喉嚨痛都忍唔住送咗幾啖白飯🥰估唔到送飯係咁好食，仲有少少魚翅撈飯嘅汁，perfect！而魚翅撈飯嘅味道剛好，材料豐富，送完碗飯都有唔少魚翅羹剩；豬脊肉炒菜心，好夠鑊氣，菜心爽甜，唔會炒得太油膩👍🏻推薦避風塘炒蟹🦀🦀yummmmmmy😍

放飯同一班同事去食lunch! 好似話有間魚翅撈飯好好味，跟住我地就成班同事一齊去食啦！又真係幾足料同抵食！佢個套餐係百元之內！大大碗魚翅湯同埋飯！完全實現咗細細個睇電視大家所講嘅魚翅撈飯嘅感覺！絕對就係港式回憶嘅系列！餐廳 好細心，仲有得加少少錢就會多少少餸菜一齊食！我哋揀咗沙嗲牛牛肉同埋咕嚕肉！一路食住魚翅撈飯，一路食少少咕嚕肉同埋沙嗲牛肉真係入味又好味！餐廳嘅裝修非常之有特色，簡潔嘅白色色有一個潮汕滷水嘅檔口，房入邊更加以70/80年代戲院做一個有趣嘅裝修！喺餐廳食飯坐得真係非常舒服！員工都非常Nice

呢間餐廳真係好正，裝修得好舒服，仲有潮州菜嘅特色味道！入面仲有啲復古嘅電影牌，氣氛好特別。而且，餐廳有私人包廂房比你成為一個私人嘅空間！講返魚翅撈飯，真係一定要試吓！你仲可以加少少錢嚟加返啲小菜。我地叫咗迷你咕嚕肉同埋迷你沙嗲菜遠牛肉。食落去真係超級美味！咕嚕肉嘅醬汁好香濃，肉質又咁腍口，一啖落去真係令人欲罷不能。沙嗲牛肉鮮嫩多汁，味道好正！至於魚翅撈飯，佢係用一個超級熱嘅石鍋上枱。然後，我地會將白飯撈去魚翅湯內。你可以想像返，個石鍋嘅熱氣同埋飯同魚翅嘅香味一齊散發出嚟，真係好有快感！我細細個就聽人講過魚翅撈飯嘅美味，依家終於可以親身試吓，真係好開心！