輝哥私房菜

營業中

休息中

經飲食平台訂坐，有專人致電確認訂坐及確定菜單，訂咗8道菜矝貴菜式套餐4位用，每道菜式都有得自選，如有選擇困難症的話就要小心🤣（講笑唧），增送日本梅酒鮑魚每位1隻，紅酒、白酒、啤酒、汽水自助任飲，菜式沒有華麗擺碟，但水津不錯，味道正常可口，醉蝦當場即煮，酒味濃、蝦爽甜好味，一口和牛好𣺉好香牛味，並不是疏打粉牛，海斑蒸得剛剛好，好滑好鮮蒸魚豉油亦調得好好味，脆皮牛筋初次食，外脆內軟口感好特別好味，餐廳服務亦好到位，每上一度菜會待客人食曬放下筷子才收走碟，接住才上另一度菜，絕對可以慢慢食，一路食一路談天說笑，不會趕收工一次上晒D餸，而每道菜上枱亦是熱辣辣的，樓面服務與廚師溝通得好好，直得一贊👍🏻，期待再推出新菜式再去食過，「輝哥私房菜」可收入再食名單中 😋👍🏻

光頭佬前世欠佢.態度差.食物排骨雪味.朱潤燒賣難食.白飯魚油淋淋.口水雞落辣椒油當係hea爆.蝦餃.燒賣正常,98+24=122不算平.比多少少食台式火鍋好過.不會有下次

上周末同屋企人來食點心放題。屋企人話好抵食，就即管試吓。酒樓位於18廣場2樓，裝修非常簡陋，樓底好矮，酒樓來說係比較差嘅格局。點心係即叫即整，值得一讚，款式都算多，基本點心例如蝦餃、燒賣、山竹牛肉、腸粉，但就冇任何特色點心。味道方面都係非常普通，選用嘅食材都係普普通通，點心師傅嘅製作方式都係一般水準。質素就似傳統大排檔嘅茶樓。雖然係任食，但你唔會想encore。蝦餃燒賣啲啲最回本位嘅點心，只能講係okay，同「好食」仲有好遠距離。話就話$98 任食，但其實仲要計茶芥加一，周末又要加$20，埋單都要$150，有點取巧。另外90分鐘其實都幾急，感覺好難食得回本。總結：如果你係大胃王，可以短時間內勁食點心，係抵食嘅。如果你對食物質素有要求，就要考慮一下。如果你係長者/小童，平日來光顧，相對會抵食好多。

🏡為咗同家人飲茶，我哋有幸一嚐輝哥任食點心有幾抵食！-📍餐廳位於佐敦舊式商業大廈其中一層，由於佢行私房菜路線，所以有別於一般酒樓嘅裝潢。簡單裝修幾張枱，地方不大，所有窗戶都封住，冇景觀，空氣亦都充滿着一陣枱布味。-💰打正旗號$98任食點心，其實呢個係長者價，成人收費係每位$118，另收茶錢$12一位，仲有加一服務費。所以其實成人每位都要$140。-🍲點心款式唔算多，主要都係得基本款，例如蝦餃、燒賣、菜苗餃、鹹水角、春卷、蘿蔔糕、叉燒包、奶皇包等等。-♨️值得一讚係每樣點心都熱辣辣，可惜賣相同品質就真係非常一般，點心偏鹹，用材廉價唔。即使熱辣辣嘅包類外皮都一樣欠缺軟糯，內裏餡料亦偏甜。-🫖至於茶葉方面，每個茶壺入邊係有一個茶包，基本上沖咗一次之後就冇晒味，我哋九成時間都係飲緊淺黃色嘅水。-👥所謂百貨應百客，如果係一個大胃王對食完全冇要求係可以嘅，以量取勝佢絕對係達標。但若果對食物質素稍為有一丁點要求嘅話，就真係考慮清楚，皆因食完之後係有種冇期望都會失望嘅感覺。-🫦$140 一位呢個價錢其實同係大酒樓平時飲茶差唔多，可以有更加好嘅選擇！性價比高唔高，好視乎食客係純粹追求果腹感，定係想同家人品

俾Openrice 優惠118一位吸引左，加上屋企人都中意食點心，再加加上而家市面食點心都偏貴，最後加加加上本人又幾大食所以見到嘅個任食點心優惠嘅時候，真係無法接受、馬上訂購🙈90分鐘任食已經好足夠，上菜+收碟速度都比像中快。出面有小食吧同雪櫃可以自己拎野食野飲。不過小食吧野食尾段時間唔會refill，覺得好食嘅野要及早再拎🙈點心嘅質素唔錯，唔會因為任食就俾d次貨你食。特別嘅地方係成個環境異常寧靜，唔似飲茶嘅感覺。可能因為大家都分秒必爭掛住食😂PS我已經幫襯左兩次，可能仲有第三次

前幾日去咗食$98任食13:30至15:00，喺OpenRice買完卷之後呢，去到要比$12茶位同埋$12 服務費，即係每一位$122。去到環境呢就非常細嘅，目測有20幾張枱，有幾間VIP房，一去到嘅時候呢員工就會同你講出邊可以攞熱食㗎喇，曾經見到蘿蔔糕有人食到但係一直到最後都食唔到。同埋去到差唔多食完嘅時候呢出邊嘅嘢食亦都會冇。咁購買張卷嘅時候呢我亦都有望吓究竟有咩食嘅，雞扎，咖喱魷魚，薑蔥牛柏葉，鹹水角，馬拉糕，棉花雞，九肚魚，蓮藕餅，牛柳粒，都係冇㗎，本人認為貴嗰啲就冇😂😂最緊要我最鍾意食果幾樣已經冇晒！唔記得咗影張餐牌！可能係我唔好彩啦咩都冇，不過都係要提醒大家唔係咩都有㗎。當時亦都有問過店員我話想食牛柏葉喎有冇跟住佢話冇個喎，咁冇辦法啦唯有食其他嘢啦。真心有啲失望嘅$122一位，一定要兩個人去食，即係一定要放低$244先，除非你好想喪食點心，不過最緊要一樣嘢呀，食物味道就真係10分 得4分，比高咗㗎啦。淨係可以話彌敦道都有間稻香。

私房菜配私私房菜配私房酒，中國代表陳年老釀花雕，法國代表波爾多雙公仔，今晚真係酒筲箕都唔掂🤣🤣🤣🤣。👏輝哥呢個蟹宴餐都算抵食$398/位。🥢鹽焗奄仔蟹膏香肉鮮甜👍🥢花雕金沙蛋白蒸花蟹，滑滑蛋香有陣花雕香又有鹹蛋黃香越食越滋味。🥄燕窩金湯蟹粉羹個人就覺得南瓜蓉比較多，仲有好多雪耳添。🤔️🥢涼瓜煮水蟹，涼瓜爽口甘味。🤔️甜品芒果布甸一般啦！沒有要求一個甜字算滑。呢個蟹宴套餐整體來講還算不錯。😋👏

佐敦超抵食即叫即蒸點心放題🤍-👀沒有立場資訊-🤓午市點心放題 (90分鐘) 價錢: (OpenRice 5折)星期一至五 成人 $98，小童/長者 $88星期六日 成人 $118，小童/長者 $108-嗰日小編朋友上網見到呢間餐廳有做點心放題，即刻忍唔住book咗去試吓🫡去到發現超多選擇而且食物質素都唔錯，不過因為係放題嘅關係，小編大概講吓最鍾意嘅幾款點心~-🍤炸物幾推介大家叫啲炸物嚟食，小編同朋友叫咗炸魷魚同埋炸豆腐，炸豆腐夠外脆內軟，啲魷魚幾香不過有少少韌😙🥟經典點心燒賣食落幾鮮，而且唔會好重粉味😚蝦餃皮薄餡靚，而且啲蝦幾大隻🫡牛肉球夠滑而且大大粒👀腸粉一樣好滑同埋幾大份~🍮甜品好推介大家試桂花糕，食落幾清新之餘唔會太甜🥰不過焦糖燉蛋就千祈唔好試，真係唔係幾好食…出面櫃檯仲有其他小食可以拎，連菠蘿包等等都可以拎返去食，而且仲有少少海鮮🤣員工姐姐好友善，收碟都收得好快，上菜都夠快，而且呢個價錢真係幾抵食🥰如果大家都想同朋友去試點心放題，就記住要預先book定位啦!!味道 8/10服務 8/10環境 8/10回頭率 8/10總評 8/10😚🤍人均消費 $108💰-📍輝哥私房菜佐敦長樂街

朋友見網上介紹呢度有點心放題，就即刻叫左我黎食～上到去發現要排隊入場，就已經體會到呢度有幾高人氣啦！入面雖然唔大，但疫情防控操施都唔馬虎，有提供膠板分隔開我地同同枱其他食客之前都見網上有 d評論都話呢度成日漏單，但我地完全冇出現呢個情況，出菜仲出得好快添～呢度提供嘅點心種類非常多，覺得唔夠的話，出面仲有小食區攞其他野食！食物質素都好好嫁，蝦蛟燒賣入面好多蝦，炸豆腐同煎堆仔都好香脆，叉燒包入面 d叉燒都唔少。。。呢個價錢食到咁多野，一個字「抵亅呀！

使用openrice餐飲劵，經whatsapp預約，改了兩次，但餐廳都很友善地幫忙安排。見評論說很多人，所以提前到餐廳排隊。可能是周六午市，未算人多，座位安排還蠻鬆動的。想替餐廳平反，有評論說漏單、上菜慢、大排檔沒有補充食物、服務差，我今天都沒有遇上。侍應都挺有禮貌，而且對食物品質有要求，奶茶未煮好都不讓客人飲用，而且收碗碟都很有效率；我下了4、5次單，4人大約20款點心，都很快送上，而且熱辣辣，不錯！食物質素也可以，餐廳在不同點心裡都大方放了很多蝦。假如在擺盤上更花心思，肯定成大菜，可以賣更貴。很多食物都不錯，如魷魚穌、蝦餃，甜品尤其出色，只是流沙包沒有流沙效果有點失望，但味道還是ok的。我用openrice餐飲劵，但到場發現其實跟原價沒分別，是這點較搞笑，哈哈。

點心食物質素都可以,不過除咗第一round點心紙到齊後,之後漏單都頗為嚴重,要催單要問先會攞比你,到最後話2：35 Last order,但係點完都係漏一大堆食物,我哋一行十幾人比咗間房我哋,好似之前D post提過,可能驚死你哋食唔哂咁,唔會比足你,星期日都唔爆場.大排檔自取食物好快就冇人整,飲品都多選擇.燒賣,蝦餃,帶子蝦餃幾好食,甜品類一般,留返肚空位食點心仲好,炒飯炒粉麵正常,好彩份量唔大,唔怕食咗粉麵食唔到其他整體黎講除咗漏單算不過不失,建議人少去較好

因看食評大讚才去試此間輝哥,但非常失望,首先環境好一般,似室內大排檔。食物完全不似食評所講,總之就係有得比你食就算啦,尤其腸粉皮非常厚。基本上都沒翻兜order食物。最頂癮是他們last order的詮釋定義,對顧客來說,order即下單啦,即要填紙交侍應,本人及家人等就在last order後5分鐘行去拿飲品,是自取的呀,但飲品柜已上鎖,問原因下職員說已過last order。What! last order原來意思是之後停止一切飲或食的供應,本人去過咁多間日式放题,点心放题,火鍋放题,真係第一次遇到連自取食物或飲品都在last order時間後斷供!此外,我地在last order前五分鐘下單的口水雞、燉蛋等都沒來,但都已對此食肆沒好感,反正食品又一般,所以都冇追,總之食評呢樣野今時今日都不能盡信,只作參考算了。不過,以這個價錢,當在有冷氣的大排檔吃一餐,又不講究食物質素,都係平嘅。但我和家人就不會再去了。

雖然係點心放題，但點心用料都好好，新鮮好味～點完餐隔一陣就有新鮮出爐熱辣辣點心，而且仲有個檔仔可以拎菠蘿油 西多士呢d 港式小食，好值得一試😋❤️蒸點 水晶蝦餃皇+蟹籽燒賣皇都係必食!! 蝦仁大大粒新鮮彈牙，燒賣餡肉質結實又新鮮🧡腸粉 鮮蝦腸粉 蝦仁大大粒好彈牙，腸粉滑滑💛港式系列 有菠蘿油 西多士 咖喱蘿蔔魚蛋 碗仔翅等等既港式小食，最特別係有港式絲襪奶茶，可以自己沖返杯滑滑奶茶💚炸物 八味脆豆腐 好香口，外面粉漿厚薄適中，入面係超滑嫩豆腐～

今日放假同媽媽去飲茶睇到 togetda Book有優惠成人 90分鐘午巿點心放題 + 汽水任飲 星期一至五適用 只需 $98小童或長者就 $88可以選擇11:45 或者 13:30即時訂左兩位任點任食點心唔駛就住就住，食幾多就幾多，不過食得哂先好嗌，唔好眼闊肚窄，唔好浪費即叫即蒸，咁就夠哂熱辣辣有超過50款高級粵式手工點心唔想等可以自己出去大排檔拎小食XO醬炒腸粉，咖喱蘿蔔魚蛋，韭菜豬紅仲有絲襪奶茶自己沖!先來一人一隻帶子好快點心就上枱啦蟹子燒賣皇韭皇鮮蝦腸粉 腸粉好滑，蝦仁好大粒水晶蝦餃皇好飽滿，餃皮晶瑩剔透鮮蝦菜苗餃餃皮同樣好晶瑩，唔會太厚皮涼拌拍青瓜青瓜爽脆可口四川口水雞辣味刺激，衝擊味蕾，雞肉嫩滑山竹牛肉球牛肉球好爽彈最後一人一個焦糖燉蛋做甜品作結尾，好滿足!

今日約左朋友去飲杯茶食個包一間港式茶餐廳點心放題 ~ 佐敦長樂街18號18廣場2樓 ✨輝哥私房菜✨ ▶️限時90分鐘放題，有足夠時間慢慢食點心放題送一人一隻🌈蒜蓉粉絲蒸北海道帶子✅點心紙有好多選擇，即叫即蒸👍🏻 #點心 ~ 水晶蝦餃皇，鮮蝦菜苗餃👍🏻蒸蒸日上即係腸粉 ~ 蜜汁叉燒腸粉，香茜牛肉腸粉👍🏻甜品奶凍 ~ 椰汁馬荳糕，法式焦糖燉蛋👍🏻豐衣粥食即係粥 ~ 瑤柱帶子肉片粥👍🏻田園蔬就係蔬菜 ~ 蒜蓉菜心，麵醬唐生菜👍🏻巧手小食 ~ 八味脆豆腐，椒鹽魷魚鬚👍🏻精選粉麵 ~ 兩面黃肉絲炒麵，瑞士汁乾炒牛河👍🏻大排檔精美小食 ~ 臘味糯米飯菜，韭豬紅，街頭碗仔翅🌈水晶蝦餃皇 ~ 皮薄餡靚，蝦肉好大粒，好鮮甜好爽脆🌈蟹子燒賣皇 ~ 大大粒，餡料足🌈鮮蝦菜苗餃 ~ 菜苗好翠綠好新鮮，蝦肉好彈牙🌈韭皇鮮蝦腸粉 ~ 韭皇好香，蝦肉大粒🌈炸雲吞 ~ 炸到金黃香脆，口感鬆化，蝦肉鮮甜彈牙🌈山竹牛肉球🌈豉汁蒸排骨🌈四川口水雞🌈涼拌拍青瓜🌈法式焦糖燉蛋 ~ 面層焦糖好香，燉蛋相當滑宜家 ▶️ togetda Book 有優惠星期一至五 $98 一個人小童同長者就平$10。