話說好耐冇食墨西哥菜，嗰日喺OpenRice見到呢間好似幾靚又幾好食就去咗試吓~ - 🍝Uni Scallop Linguine ($228) 帶子煎到兩面都係金黃色，肉質好嫩，好香好惹味，上面仲有魚子帶出鮮味，意粉夠掛汁同濃海膽味，啲菇亦都令到味道更加鮮同埋有層次，意粉嘅份量比想像中多，口感軟硬適中，好滿足😍 🐂Fajita ($238) 我哋揀咗烤牛肉，新鮮滾熱辣用鐵板上，兩面仲有青椒、洋蔥同好多芝士，夾出嚟嘅時候仲可以拉絲🥰 配上軟熟嘅餅皮，同埋牛油果醬、莎莎醬同埋酸忌廉，食落好多汁好開胃😚 🐙Grilled Cuttlefish ($128) 味道好豐富有層次，章魚好彈牙，鮮、辣、同埋香味都好夠，再加上檸檬汁令到味道好清爽， 個底仲有黑醋麻醬沙律，一道唔錯嘅開胃菜☺️ 🧇Apple Crumble Tart ($98) 一碟有五個迷你蘋果金寶撻，撻皮好酥好脆，配上酸酸甜甜嘅蘋果餡同埋奶味好足嘅雪糕，再點埋焦糖醬，味道好有驚喜，作為晚餐嘅結尾真係好正🤣 staff同我哋講話最近轉咗新Menu，所以有好多新嘅菜式，而且啲菜品真係好有驚喜，另外買一支酒仲可以加$48食六隻生蠔真係幾抵🥰 餐廳環境好靚氣氛都好好，而且門口嘅鏡面真係好啱打卡，小編見都有好多人幫襯，大家如果想嚟食記住要訂位，除咗室內座位仲有戶外座位，好chill🥹 好推介大家帶埋屋企人、朋友或者另一半嚟試😋 味道 9/10 服務 8.5/10 環境 9/10 回頭率9.5/10 總評 9/10😋🤍 人均消費 $380💰 - 📍 REFLECT Restaurant & Bar 旺角西洋菜南街74-84號旺角城市中心12樓 #米食旺角 #米食墨西哥菜 #旺角美食 #米飲嘢 #旺角 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup #香港 #香港餐廳

好耐冇食粤菜，今日去咗海港城行，試吓呢間😙 - 🫖粤之盛饌 ($688/位, FOODIE會員 $488/位) 🍲不時不燉湯 是日燉湯係黑蒜螺頭燉雞湯，黑蒜味為燉湯增添特別嘅香氣，螺頭同雞肉都入晒味，湯頭順口好暖胃🥹 🍄‍🟫山葵雲南白木耳 山葵辣度適中，配上芝麻醬同蟹籽，感覺好清新，白木耳口感爽脆，好啱夏天食嘅一道開胃菜🥗 🥃鰹魚花醉鮑魚 擺盤精緻，酒味好濃，鮑魚充滿酒香，口感煙韌，不過如果唔太鍾意酒味未必好鍾意呢道菜👀 🧆鮑汁刺參天白菇伴菜膽 刺參好軟熟入味，天白菇吸滿湯汁，味道濃郁，菜膽係玫瑰造型，口感爽脆味道清甜，唔錯☺️ 🐟黑松露甜豆百合炒星斑球 黑松露帶出魚肉嘅鮮味而又唔會膩，魚肉幾香口，爽脆嘅甜豆更加解膩😉 🍚菜脯叉燒炒飯 飯粒夠乾身，飽滿而且粒粒分明，夠鑊氣亦都好足料，啖啖都食到叉燒😚 🥬魚湯鮮茄浸菜苗 蕃茄味酸甜開胃，浸熟嘅菜苗好滑，不過魚味再濃啲就更加鮮甜~ 🍧粤藝特色甜品 是日甜品係綠豆沙，甜度適中，口感豐富🥸 餐廳有落地大玻璃窗，可以望到尖沙咀嘅海景，氣氛好好，另外餐飲除咗各款茶仲可以揀薏米水，服務都ok，上菜好快，幾啱一家大細嚟食👯‍♀️ 味道 8/10 服務 8.5/10 環境 9/10 回頭率8/10 總評 8.25/10😋🤍 人均消費 $536💰 - 📍粵藝館 尖沙咀廣東道3-27號海港城海運大廈3樓OT 310號舖 #米食尖沙咀 #米食中菜 #尖沙咀 #米食粤菜 #尖沙咀美食 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup #香港 #香港餐廳

高質抵食樓上放題🫶🏻 - 真係好耐冇食放題，嗰日諗起突然之間好想食，所以就去咗食以前食開嘅大喜屋~ - 🍱晚市放題 ($298) 食物嘅選擇同埋種類都有好多，有唔同嘅特色刺身、壽司、手卷、卷物、一品料理、炸物、串燒同埋熟食🙊 另外出邊自助吧都有好多款飲品、冷盤前菜、甜品、水果同熟食，因為真係好多款嘢食，所以小編淨係分享一啲個人最鍾意食嘅👀 - 👅燒牛舌 呢個真係必叫，多汁而且夠爽口又唔韌，好有驚喜😙 🐟刺身 放題點少得刺身，呢度嘅三文魚、帶子、甜蝦同油甘魚都好新鮮，小編嗌咗好多輪🤣 🦪燒蠔 啲蠔幾大隻，同埋食落幾鮮甜，上面仲要加咗好多炸蒜同辣椒仔，好香好惹味😚 🥠榴槤燒 鍾意食榴槤嘅一定要叫嚟試吓，外脆內軟，香甜軟滑😍 - 🍘炸物 炸物嘅表現都好出色，全部都炸得夠晒酥脆，尤其係一啲流心嘅炸物真係好好食😙 - 🍶醉鮑 擺盤勁精緻，上菜嘅時候小編都呆咗😂 酒味恰到好處，鮑魚都幾爽口，值得一試~ 另外水果同埋甜品吧都有好多選擇，尤其係啲水果都好甜好新鮮，其他嘢食嘅質素都唔錯，上菜又好快，收碟都幾快，呢個價錢嚟講真心幾好☺️ 味道 8.5/10 服務 7.5/10 環境 8/10 回頭率8/10 總評 8/10😋🤍 人均消費 $327💰 - 📍 極尚大喜屋 銅鑼灣軒尼詩道489號銅鑼灣廣場一期9樓 (其他分店: 尖沙咀金巴利道26號1樓 觀塘開源道79號鱷魚恤中心3樓 沙田沙田正街21-27號沙田廣場1樓33-35, 44-46號舖 旺角彌敦道625 & 639號雅蘭中心4樓) #米食日本菜 #米食放題 #米食銅鑼灣 #銅鑼灣美食 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup #香港 #香港餐廳

尖沙咀樓上酒吧餐廳🫶🏻 - 🐽自家製泰式松阪豬 ($138) 充滿油脂，而且食落好香口，豬肉好多汁，送酒一流🫶🏻 🦪燒蠔 ($12/1) Happy hour嘅優惠價係$12一隻，所以我哋叫咗四隻嚟試吓，啲蠔好大隻，而且幾肥美，味道幾鮮甜，而且仲好重蒜味添😙 🍟炸魚薯條 ($108) 魚肉好滑嫩，而且份量幾足，薯條夠脆夠香，一樣都係好好嘅下酒菜😍 🍝白汁海鮮香蒜意粉 ($138) 未食已經聞到好香蒜味，食落幾足料，有魷魚、蜆同埋蝦，不過個人覺得白汁嘅味道可以再濃郁少少😬 🍸Long island ($128, happy hour free drink by food) Happy hour叫嘢食嘅話可以有免費飲品，真係好抵，所以小編都叫咗一杯cocktail試吓，味道唔會太淡，酒味啱啱好，小編最鍾意飲long Island，個人覺得呢度嘅long Island都算唔錯😘 🥭Mean mongo ($78, hh free drink by food) 呢杯係一杯mocktail，甜度適中，味道幾開胃，不過個人覺得芒果味可以再出少少~ 餐廳嘅位置好寬敞，地方都好大，而且嗌嘢食亦都會有free drink，真係幾抵🥰喺尖沙咀飲嘢唔想同人逼，嚟呢度都係唔錯嘅選擇~ 味道 7.5/10 服務 8.5/10 環境 8.5/10 回頭率8/10 總評 8/10😋🤍 人均消費 $248💰 - 📍Wavy Bar & Restaurant 尖沙咀天文台道8號6樓2號舖 #米食尖沙咀 #米飲嘢 #米飲酒 #尖沙咀美食 #酒吧餐廳 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup #香港 #香港餐廳

尖沙咀樓上超高質居酒屋🫶🏻 - 🍸滿滿海膽杯 ($238) 好足料，真係滿滿海膽，仲有好多三文魚子，配上壽司飯，好鮮甜又唔會腥，仲好滿足添🥰 🐟三文魚層層疊 ($138) 店員會即場炙燒一大疊三文魚🤣 啲三文魚好均勻咁舖喺飯卷上面，再加上蟹籽同蔥，口感好豐富，而且炙燒嘅香氣好足，配上芝士同醬汁味道都好有層次😋 🦀蟹味噌甲羅燒($76) 我哋另外加咗多士，蟹蓋都好大個，蟹膏好鮮甜，而且配上香脆嘅多士條好夾好香口☺️ 🥑麻醬牛油果豆腐沙律 ($58) 有半隻牛油果、口感滑嫩嘅豆腐同新鮮沙律菜，仲加咗啲脆脆增添口感，配上濃郁嘅麻醬好惹味好夾🥹 🐡汁燒雞泡魚乾 ($68) 呢個好有驚喜，出面食通常會有啲乾，但呢度完全唔乾，夠厚，而且好香口又甜，配上蛋黃醬超啱送酒🤩 🍳明太子醬厚燒玉子 ($68) 蛋嘅口感夠滑，味道咸淡適中又好足料，食落咸香十足😙 🍶清酒煮白蛤鍋 ($108) 酒香十足，白蛤大大隻，好滑好嫩又冇沙，味道鮮甜，抵食😍 🍍冰菠蘿梳打 ($68) 上到嚟小編都呆咗，真係有勁大塊菠蘿🤣 而且好甜冇渣，配上梳打水好清爽解膩👍🏼 - 🍋自家製蜂膠檸檬燒酎 ($68) 酒味唔重幾易入口，幾開胃，而且蜂膠口感幾特別~ 餐廳嘅環境真係好似日本，連牆上嘅poster都係日文，而且有幾個大型霓虹燈，打卡一流😚 餐廳嘅位置都好舒服，食物嘅質素都好高，好推薦大家一齊嚟試吓😙 味道 9/10 服務 9/10 環境 9.5/10 回頭率9.5/10 總評 9.25/10😋🤍 人均消費 $489💰 - 📍 樂酒場 がくさかば 尖沙咀白蘭軒道1號麗東大廈地下H & J號舖及閣樓 #米食尖沙咀 #米食居酒屋 #米食日本菜 #米飲酒 #尖沙咀美食 #尖沙咀 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup #香港 #香港餐廳

見好多人食呢間，價錢又好抵，所以特登嚟試下🥰 - 🐔免治雞肉軟骨棒 ($58) 賣相好靚，蛋香十足，配上香甜嘅醬汁同雞肉棒好夾，而且加咗軟骨口感好豐富🫶🏻 🥗無敵家招牌沙律 ($98) 材料好豐富，有燒粟米、蕃茄、沙律菜、水波蛋、海帶同桃，燒粟米好甜，佢地嘅沙律汁都好開胃，份量都好足☺️ 🍳明太子玉子燒 ($98) 玉子夠滑嫩同足料，咬落去會爆明太子，味道好鮮好香😋 🐏紐西蘭羊架 ($78) 羊架係半肥瘦，食落唔會羶，不過略嫌有少少太熟👀 🍍焦糖燒菠蘿($48) 菠蘿好軟熟唔會老，食落鮮甜多汁，而且焦糖夠脆又薄，係小編食過嘅燒菠蘿入面數一數二😍 👅厚切牛舌 ($58) 唔會好韌，夠厚度同埋牛味香濃😙 🍡燒日式年糕 ($28) 有紫菜包住，食落外脆內軟，有啲焦香味幾特別，點埋芥末醬會冇咁膩😗 🍜豬軟骨拉麵 ($90) 好大碗，麵底軟硬適中，豬軟骨都好足料，不過略嫌湯頭唔係好夠濃🥲 餐廳裝修好有日式風味，除咗一樓都有二樓坐位，不過都幾多人幫襯，所以大家嚟食可能要book定位好啲！另外老闆娘好nice，店員服務都唔錯👍🏼 味道 8/10 服務 9/10 環境 8.5/10 回頭率8/10 總評 8.5/10😋🤍 人均消費 $338💰 - 📍無敵家 上環孖沙街9號地舖 #米食上環 #米食居酒屋 #米食日本菜 #米飲嘢 #上環美食 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup #香港 #香港餐廳

好耐冇食泰國菜，所以今日試咗呢間😙 - 🦀黃咖喱脆皮軟殼蟹 ($138) 呢道菜係明爐上，keep住熱辣辣，仲有兩大隻脆皮軟殼蟹，好少餐廳會原隻上，仲要真係好大隻啖啖肉😍 我哋另外加咗錢配蒜蓉包($28)，好濃蒜味同咖哩好夾，不過如果再脆啲就更加香口~ 🍜曼谷醉貓炒金邊粉 ($128) 可以自選辣度，怕辣嘅都可以揀唔辣😋 金邊粉軟硬適中，配上自製醬汁好開胃好惹味，仲有碎蛋同埋幾粒蝦仁，口感幾豐富，份量都比想像中大好多，可能三四個人都夠分🫡 🐔手工無骨海南雞 ($88) 口感滑嫩，有三種醬可以點，不過如果有酸辣醬就更好啦~ 仲可以加$12配香茅雞油飯，飯粒分明，大大碗好滿足😌 🧋黑糖泰式珍珠奶茶 ($38) 味道幾有驚喜，出面唔多泰國餐廳有得飲，而且珍珠幾煙韌，不過可以揀返甜度少啲，正常甜度略嫌太甜🥲 🍋爆打香水檸檬茶 ($36) 飲到有少少香茅味，味道幾新奇幾有泰式風味😂一樣大大杯，甜度適中，味道清新🫶🏻 餐廳空間幾大，座位舒服，食物選擇多，而且菜式幾創新，甜品都好吸引，可惜今次小編食得太飽冇試，下次有機會一定要試吓🫡另外啲菜式嘅擺盤都幾精緻，打卡一流😆 味道 8.5/10 服務 8/10 環境 8.5/10 回頭率8.5/10 總評 8.5/10😋🤍 人均消費 $257💰 - 📍摩登堂 荃灣大壩街4-30號荃灣廣場3樓350-352號舖 #米食泰國菜 #米食荃灣 #米食荃灣西 #荃灣 #荃灣美食 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup #香港 #香港餐廳

太子精緻西班牙菜🫶🏻 - 今次嚟咗太子酒吧街揾好嘢食👀 - 🍽️Dinner Set for 2 ($488) 🍴Appetizers 有四款頭盤，伊比利亞火腿忌廉薯餅外脆內軟，忌廉幾香濃😚 西班牙青椒仔大大隻而且幾香口，味道微甘☺️ 煙三文魚蕃茄牛油果沙律好開胃，牛油果質感細膩，蕃茄清甜，同煙三文魚好夾🫶🏻 最後係蒜片欖油大蝦，大蝦夠晒彈牙，而且好香蒜味，而且唔會覺得油膩👍🏼 🍝明太子忌廉煙肉菠菜大蝦扁意粉 擺盤好靚，意粉軟硬適中，調味夠濃，蝦肉都幾新鮮，份量亦算多，不過如果明太子味再出少少就好喇🥰 🧆紅酒燴牛臉頰伴忌廉薯蓉 牛臉頰幾入味，不過可以再淋啲，另外薯蓉口感細滑，配上牛臉頰好有飽足感，車厘茄可以解膩，整體配搭唔錯🫶🏻 🍹Refreshing Passion ($78) 呢杯係mocktail，感覺好清新，甜度適中，熱情果同芒果嘅比例啱啱好😙 - 🍵Tropical Matcha ($80) 味道幾特別，抹茶味幾濃，不過唔係好飲得出雲呢拿雪糕味👀 餐廳裝修幾有特色，座位幾舒服，而且日頭係Cafe夜晚係Bar，提供嘅嘢食同埋餐廳嘅氣氛都有唔同，食物嘅選擇都算多，上菜好快，如果嚟酒吧街想同朋友食嘢飲嘢，嚟呢間都唔錯😙 味道 8/10 服務 8/10 環境 8/10 回頭率8/10 總評 8/10😋🤍 人均消費 $355💰 - 📍 2 Soon Cafe 太子西洋菜北街324號地舖 #米食cafe #米食西餐 #米食西班牙菜 #米飲嘢 #米食太子 #米食酒吧街 #太子 #太子美食 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup #香港 #香港餐廳

堅尼地城高質cafe🫶🏻
-
見呢間餐廳啲嘢食好精緻，所以想試呢間好耐🥹
-
🍳Full French Breakfast ($158)
食物種類好豐富，有炒滑蛋、連枝車厘茄、greek yogurt、waffle、薯餅同大啡菇😙
大啡菇咬落超級多汁，淡淡嘅甜味幾特別😚
蛋嘅口感好fluffy好滑，食落完全唔會漏😋
Greek yogurt配上脆脆、新鮮藍莓同士多啤梨，口感同味道都好豐富有層次，望落細細杯，但份量食落其實好夠🥰
waffle夠外脆內軟，上面嘅cream口感細滑，配上有蜜糖香味嘅waffle好夾🫶🏻🧇Avocado Mentaiko Prawn Croffle ($128)
好足料嘅croffle😍
三種材料配合得好好，最底嘅牛油果夠熟同軟滑，面頭嘅蝦仁每粒都沾滿明太子，口感夠爽，夾埋下面嘅脆脆croffle，味道好有層次🥹🍵壺切抹茶「壺錦」 ($98)
見到係期間限定所以叫咗嚟試吓😋
小編揀咗整做latte，入口嘅口感綿密絲滑，味道醇厚充滿甘香，鍾意飲抹茶嘅話好值得一試😚☕️Tadoka Vanilla ($78)
雲呢拿味好重，味道好醇好濃，不過冇蓋住朱古力嘅味道，幾有驚喜嘅一杯😋餐廳嘅裝修好精緻，座位幾舒服，食物同飲品選擇多質素都好高，職員都好friendly，啱晒同朋友嚟食好西同打卡🫶🏻不過記住book位，因為都好多人幫襯🤣味道 9/10
服務 8.5/10
環境 9/10
回頭率9/10
總評 8.75/10😋🤍
人均消費 $254💰
-
📍 Classy Le Carré
西環堅尼地城新海旁1B-1C號同發大樓地下A-E號舖

荃灣燒肉吃到飽🫶🏻 - 想食呢間燒肉好耐，今日終於去咗試😙 - 🥩澳洲M5和牛吃到飽 ($418) 🥩肉類 因為都好多選擇，所以同大家推介幾款小編最鍾意嘅🥰 首先係訂呢個餐送嘅嚴選牛舌芯，咬落多汁而且爽口，亦都幾有牛味，配檸檬汁同佢地嘅自家製豉油最夾😋 之後要推介嘅係澳洲M5和牛同安格斯牛小排，油花分布平均，燒到五至七成熟嘅時候肉汁豐富，充滿牛香😮‍💨仲有三角牛肩肉都係!! 🦪海鮮 小編最推介嗌蠔同蝦，大大隻而且幾新鮮，如果蠔可以配埋蒜蓉就完美😋 🧆熟食 見到有櫻花蝦拌麵好似幾特別，所以嗌嚟試吓，麵底係刀削麵幾彈牙，醬汁偏甜不過幾鮮，同埋唔算好大份唔驚食到飽晒食唔落肉~ 仲有幾款台灣小食可以嗌，例如鴨舌等等，都可以試吓🫶🏻 🥬蔬果 有啲可以用手機落單，有啲可以喺自助吧拎，幾推介大家燒菠蘿、翠玉瓜同雞髀菇，大大塊同埋幾juicy🍍 🧃飲品 可以喺自助吧拎，有啲特飲例如冬瓜茶就要喺手機落，仲有得揀甜度冰度！自助吧除咗有佢哋自家嘅冷泡茶，最驚喜嘅係有麥香紅茶🥰係小編最掛住嘅台味紅茶！ - 🍮甜品 可以喺埋單嘅時候揀仙草芋圓同埋各款Häagen-Dazs雪糕，仙草芋圓甜度適中，而且好足料，仲有紅豆同埋花生增添口感，唔錯☺️ 吃到飽套餐嘅食物選擇幾多幾新鮮，餐廳嘅座位都幾闊落，而且都好細心咁俾客人自取圍裙，如果想食燒肉食到飽都可以考慮吓呢間🉑 味道 7/10 服務 8.5/10 環境 8/10 回頭率7.5/10 總評 7.5/10😋🤍 人均消費 $460💰 - 📍 安平燒肉 荃灣眾安街55號大鴻輝(荃灣)中心17樓 (其他分店: 旺角彌敦道601號創興廣場9樓 將軍澳唐賢街9號Popcorn2樓PopFood 4號舖) #米食荃灣 #米食旺角 #米食將軍澳 #米食燒肉 #米食台灣菜 #荃灣美食 #荃灣 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup #香港 #香港餐廳