輝哥私房菜

營業中

休息中

星期六1:30放題只能點一輪食物 第二第三張單根本冇發生過食物等好耐先至上 普通蝦餃燒賣都要等超過一個小時 想食多一粒蝦餃絕對冇可能員工沒有跟進 問佢話蒸緊 等等等到差不多2:50先有人嚟話埋單 話佢知第一張單啲嘢都未到 點樣埋 先至肯跟又話三點師傅會走 只能叫多一次 草草跟幾碟嘅 三點先到。3:15阿姐又要清場。等得耐 食都唔俾時間食物份量比平常少 棉花雞牛柏葉最多只有半碟如果想食 要預早點多兩份今次 點心放題 比正常飲茶 食咗少等得耐

推薦指數：🌕🌕🌕🌕Weekend當日walk in去食如果無提早openrice book枱係$143/人 全包現場有職員即場整西多士同黃金糕外面都會有少少冷盤（魚皮幾爽幾好食！）另外飲品就有放題常見嘅汽水同奶茶點心方面 整體質素都拍得住屋村茶樓去茶樓一碟都20蚊以上點心大多都係熱辣辣，除左少部分炸物係偏溫個人覺得好抵食，都無乜大投訴不過今次食太多點心，短期內都唔會食住啦🤣🤣🤣唯獨係上菜速度唔會好快都係一轉轉咁出啲點心 有時都幾難拿捏蝦餃、燒賣、菜苗餃呢啲偏高價嘅點心如果少人黎食就小心佢會走單/勁遲上我地附近有枱6人嘅，佢地啲嘢都上得好齊我地自己啲點心上菜節奏都ok多數一次黎2-3碟，唔會擺到啲野凍哂但菜苗餃、蝦餃真係食到last order先到（第一轉叫每樣叫左3籠，都係嚟得一籠）隔離枱直頭成程都係咁催單，佢地個用餐體驗就會差啲食到臨尾職員會話乜嘢乜嘢點心無左啦你個order無架啦，但轉頭又上左菜呢個位真係R爆頭😂😂😂如果要揀比較好/差嘅，我會咁推介好：燒賣、蝦餃、菜苗餃（全部都足料，啖啖蝦）涼拌魚皮（爽口、重胡椒味、好入味）差：上湯鮮竹卷（一夾就爛哂，入面啲餡好怪）鮮粟黃金球（食落

係openrice 訂位平日成人午市自助餐@$78，另需付@$21現金作茶位及服務費。記得買voucher前打電話/whatsapp問左有冇位先。1:30pm 全場滿座，唔需要同其他人搭枱，點餐紙選擇好多，飲品任飲，每人仲送蒸帶子不過可惜上菜時間好長，d單亂哂又要由頭落單，好多叫左既點心都冇黎，而且有幾樣好快已經冇哂（2:35pm last order）點心夠熱，部分點心同碟炒麵冇乜味，炸物幾好食，整體中規中矩

在KKday 買了$78的點心放題，和太太放假過嚟試吓。出奇意外他性價比好高。平日的中午，入座率約7成。餐牌上有數十款點心、小食任選，雪櫃內的啤酒🍻汽水🥤亦是任取。還有一個小小的熟食檔，提供即制西多、奶茶☕️，仲有小食。點心質素以放題來講真係唔錯。份量比平時飲茶時刻意細份了少許，可以試多幾款。每人送一隻蒜蓉粉絲蒸扇貝，但好細隻，質素普通，但其他的點心及小食質素都唔錯，最後加多$22，即係$99位，都幾抵食。

細妹之前嚟食過大閘蟹宴，已經介紹我要嚟試吓，今日終於同屋企人book枱食晚飯。「輝哥私房菜」主打中菜，款式都幾多樣化，飲茶點心、懷舊小菜、盆菜、蛇羹宴、九大簋⋯⋯而且都幾多新搞作，見到中午有點心放題都好抵食，已經計劃下次要嚟試吓。叫得私房菜，都有啲隱世feel，店面唔算好大，設有vip房，啱晒一班朋友book房食飯。餐牌小菜款式多，我哋叫咗四餸一湯，都幾驚喜可以喺度食到大排欄檔鑊氣風味，同屋企人慢慢嘆傾吓偈，愉快的一晚。✥ 粉葛排骨老火湯首先上老火湯，全用新鮮排骨、鮮料煲出嚟，好濃郁但無味精，而且好足料，排骨、豬什、粟米、紅蘿蔔。豬肉煲到好腍，連埋其他湯渣一齊蘸豉油食真係好正，啲餸未嚟已經食咗好多。✥ 豉油皇海蝦食得出海蝦走油時好夠鑊氣，熱油將蝦殼炸到香脆，而蝦肉仍然保持爽彈唔會乾晒。醬汁鮮味濃郁唔會過鹹，蝦殼都沾滿豉油香，非常惹味。✥ 薑蔥鮮班頭腩煲瓦煲上枱時熱辣辣，已經聞到味道好香，用新鮮班頭腩，魚味鮮美，厚身啖啖肉，醬汁濃郁惹味，爆香咗嘅薑蔥食唔停口。✥ 啫啫雞煲係港式經典煲仔菜，瓦煲上枱時仲係高溫，爆煮得雞肉香噴噴，發出「啫啫」聲，雞肉入味，件件靚部位，份量都算多。料頭乾蔥、紫

一年一度父親節，雖然衰仔以上，孝子未滿，但一直都冇同老頭子慶祝，今年粗粗地就食一餐以表孝心。網上面有一大堆慶祝父親節嘅飲食優惠，撇除絕大部份係嗰啲不切實際嘅自助餐，（除非個仔係十零廿歲而丫爸又相對年青，四十零五十歲，如果唔係你用七，八折嘅價錢去食自助餐，一個上咗年紀嘅朋友仔食得幾多）㩒下㩒下出現咗一個經常會見到，但係最終都冇機會試嘅店舖，輝哥私房菜，應節地出咗個父親節八味餸優惠套餐，一來價錢相宜，而且餸菜選擇都唔錯多，即管試一試由TapNow 購買優惠後要打去店面預先book日子，本身諗住父親節期間佢一定係坐到爆，點知當日去到現場嚇咗我一大跳，真係估唔到，當晚全場竟然只係得四檯客，雖然之前啲朋友成日都會攞呢間嘢同佢樓下嗰間神燈相比，講話神燈比佢好，但係我就硬係唔信邪，都唔知係呢啲風評引致到佢咁冷清定點，不過既然嚟咗，希望最少物有所值以下係上菜次序及評價🫠巴拿馬火腿配蘆筍本身火腿已經幾咸，加上沙律醬就咸上加咸，沙律菜為數不多加上蘆筍竟然只吃得出一根，無法中和那麼重口味，建議選三文魚（當喚醒味蕾算吧）芝士烤龍蝦體型比想像中大，肉質爽彈，龍蝦鉗內也有相當肉量，雖然芝味欠奉，但也算是補回前菜的

服務好高質私房菜🌸老火湯（粉葛、粉腸、紅蘿蔔、赤小豆、豬骨）🌟🌟🌟🌟🌟超濃郁，完全冇味精，小編同朋友們都超鐘意呀！呢個湯連湯料都好好味，豬肉超淋完全唔嚡口。🌸避風塘炒蟹🌟🌟🌟🌟🌟一上枱超吸引呀！避風塘椒鹽碎好好味，蟹都超新鮮，肉質鮮甜，非常惹味。🌸豉油王蝦🌟🌟🌟🌟🌟同坊間既真係唔同，仲有蒜蓉、蔥一齊炒，非常惹味，每一隻都好大隻，蝦肉爽口鮮甜。🌸 Wasabi沙拉骨🌟🌟🌟🌟🌟Wasabi沙拉醬撈得好好味，唔會太強Wasabi同埋唔會太嗆喉，沙拉骨炸得唔會太乾，仲好有肉汁，肉質超嫩滑。🌸啫啫通菜煲🌟🌟🌟🌟🌟超惹味，有大隻蝦乾，爆香肉碎，仲有蒜頭，炒得好好味，伴飯一流呀！通菜炒得翠綠。🌸白飯🌟🌟🌟🌟🌟即蒸架！飯質軟硬適中🌸紅豆沙🌟🌟🌟🌟🌟紅豆煮得好綿好沙，好濃郁呀🌸桂花杞子糕🌟🌟🌟🌟🌟超香桂花味，杞子香甜，整體清甜。======詳情======輝哥私房菜 (佐敦)佐敦長樂街18號18廣場2樓================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #佐敦美食 #佐敦好去處 #香

Picked this place for dinner with 2 friends whom I have not seen for months and we had a great time catching up over decent food.  Greeted by the friendly staff and one of them recommended their popular dishes for our consideration.Pork bone and arrowroot soup (粉葛赤小豆豬腳湯) - A popular, healthy and nutritious soup which serves as an excellent source of dietary fiber and potassium.  With additional ingredients such as carrot and corn, it is a satisfying way to kick start the meal.Chinese spinach wit

個地點有啲偏僻，在個大樓的2樓。如果直接行過，應該比較難知呢度會有咁既餐廳！我其實最鍾意佢既湯😹😹😹朋友話係平時屋企都會飲到既味道，我覺得佢唔係為好似好多出面既中湯咁，味精重、鹹得黎又偏淡（好似好矛盾，但我認真的！）湯入面仲有好多湯渣！🔹八珍豆腐煲個人很愛吃豆腐所以看到豆腐就會很想點！🔹輝哥小炒皇鍾意韭菜的必叫，配上蝦乾炒蠻香的！🔹豉油王炒蝦蝦很大隻！！！！🔹椒鹽乜乜魚頭有點可惜沒什麼肉

#fafafoodblog佐敦🍴粉葛湯🍲好足料 好多粉葛 蘿蔔 粟米 豬骨 湯底好粉身 而且豬骨味香 因為有粟米 所以帶 d香甜 仲有豬潤 大腸既渣可以點辣椒豉油食🍴涼瓜班頭腩🐟班頭腩整得好軟林 d骨大件所以好易食 十分入味 最正係佢勁多涼瓜 連埋汁一齊撈飯正 配菜有 d豬肉條 🐽可以食下豬肉食下班腩增加口感 最正係佢有 d 接近魚雲魚卜位炸到好爽脆 好食🐽 🍴豉椒炒蟶子蟶子好多隻 大慨中型 size 用左洋葱同三色椒調味 豉椒味香濃 蟶子彈牙新鮮 盡吸豉汁 好食🍴啫啫雞煲啫啫雞煲醬汁整得甜咸適中 夠哂入味 紫洋葱 葱花 冬菇 等等 雞肉大細適中 唔會太大 而且 d骨唔碎 好肥美 雞脾背胸都有🔥口感幾軟林🍴八珍豆腐煲有豆腐 白菜 帶子 豬肉片 魷魚 蝦 豬肚 冬菇 材料豐富 豆腐係重點 好夠香滑 其它野好吸汁 d汁有少少 似盤菜嗰 d汁 好香濃 叫番個飯撈都好正#中菜 #八珍豆腐 #白菜 #涼瓜 #班腩 #粉葛 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻

好耐無食小菜啦💓今晚就同屋企人去輝哥私房菜度食～見到openrice好多人都係食點心原來小菜都出色👍🏻先黎大大煲老火靚湯 超足料 飲落好甜 瘦肉同粟米點少少醬油食都好正.第一次食炸筍殼魚 唔好睇佢咁簡單 其實佢做法要花好多心機 魚肉食落好厚身 外皮好鬆脆 屬於東南亞既淡水魚 無幼骨架～大骨亦好易可以同肉位分離😋豉油皇煎蝦份量都唔少 有十幾隻 啖啖肉虎蝦連蝦殼都好香脆 入味 我除左蝦尾既殼無食其餘既殼我都係有食埋的😂輝哥小炒皇絕對係餸飯之選 好有鑊氣 有大量韮菜 蝦乾 魷魚 果仁 蝦仁🍤食落咸香味十足 一食就停唔到口。啫啫芥蘭煲上枱係勁滾 超熱辣辣加左肉碎 蝦乾等等 一啲都唔單調 估唔到係咁舒服既環境都會食到高質大排檔水準😆

心情麻麻，本想去食做放題開心下😀點知去到，食物許多是凍的、不冷不熱，湯冇味，糖水乃糖漿…..所謂的大排檔，只有鳳爪、蘿蔔魚蛋、菠蘿包，但，若你有耐性追他們，叫他們把不熟、不熱的食物，重新奉上，也可飽腹還有，汽水是任飲的，但我是想食點心哦，你給我飲汽水，不是我杯茶呢所以、總結一句：想食得飽，可找輝哥，他不會令你失望，因為食物是足夠的，但，想食得開心，請先調較期望；花點時間追單，忍受員工的態度，你會有意想得到的收獲。

坐低叫完一堆點心等左成大半個鐘先開始上第一碟然後好似法國大餐咁慢慢逐樣逐樣上到上奶皇包喇一咬落去個心凍嘅好似喺雪櫃啱啱攞出嚟咁完全食緊垃圾同啲吖姐講佢剩係識等陣黎緊冇下次

一到週末，就最鍾意一家人去飲茶，幾盅點心，一碟炒粉麵就已經可以共享天倫之樂！近排見到呢一間餐廳推出90分鐘點心放題，一於叫拉朋友去嘗試，每位只係$98，講真的確係抵食。所有點心都即叫即整，熱辣辣，炸嘢酥脆可口。估唔到飲茶都可以食到＂北海道粉絲蒸元貝＂而且味道質素都幾好添！餐廳嘅菜式以中西合璧為首，很有特色，而且款式選擇多，不單有傳統的點心：蝦餃、燒賣、叉燒包、奶皇包、菜苗餃、健康粗糧糕、腸粉、春卷、香煎黃金糕、椒鹽魷魚鬚等等。更有香港經典西式茶點：菠蘿油，咖央西多、絲襪奶茶，沙嗲牛肉麵等，食完今餐真係好有滿足感。餃類點心皮薄晶瑩，蝦餃餡料都幾飽滿，包點嘅皮亦都非常軟身，炸物更加係油而不膩，酥脆美味。椒鹽魷魚鬚更加係香口至極！除咗點心之外，仲有四川口水雞呢類嘅一品料理，雞肉唔會好乾，辣味適中，加上花生同芝麻，亦都係令人拍案叫絕！

放題食得多，點心放題就真係第一次！！人均百多元就可以食到咁多款式既點心都真係幾爽🤣🤣呢度點心食物既選擇都唔少，仲有個自助食物醬料區添常見必食既當然唔少得蝦餃燒賣啦包點腸粉鳳爪排骨都有齊仲有唔少香口惹味既點心可以揀！！！好似炸魷魚鬚、雞軟骨都可以食到😍😍要飽肚既又可以點返份炒粉麵或者XO醬炒腸粉都好有鑊氣✨仲要連港式菠蘿油同一口西多士都有，食物種類真係好豐富👍👍私心推薦既一定係大大粒既蝦餃燒賣🤗🤗藥膳雞腳同芝士蝦春卷都值得一試！！！最後一定要食埋香甜奶滑既芒果布甸💕下次有機會要食下今次因為太飽而未試既點心先得😛😛