豬屋日本料理

營業中

休息中

餐廳離港鐵站唔遠，就算揸車，附近已經有大型咪錶停車場，泊車都非常方便👍🏻裝潢都好有心思，坐得舒舒服服添🫶🏻用QR code自助落單，清晰、快捷、方便！用唔同嘅食材類別分類，嚟豬屋，梗係要食豬啦😂福岡便當～賣相非常討好，便當十分豐富，令人食指大動！豬軟骨非常入味並且入口即化，炸豬扒嘅炸漿唔會好厚，外脆內軟，好味道😋沖繩便當~食日本嘢，點都要食一啲刺身先至滿足，呢個便當絕對超值！炸豬扒包裹著芝士，有一種獨特嘅鹹香，雖然要等15分鐘，但絕對值得，金菇牛肉卷都非常夠味、香口👍🏻刺身係厚切、新鮮，整體嚟講都非常滿意😍

前幾日同朋友嚟到大圍行到去雲疊花園見到有哩間日式料理夜市啱啱開門冇幾耐，已經見到有幾單外賣單睇吓Menu係咪真係咁吸引先見到有好多便當set😍望落好大份，又多餸入到去仲有更加多嘅小食，上面嗰啲日本縣省嘅貼紙好有日本氣氛👍🏻👍🏻店舖嘅裝飾都好用心，播住日本嘅流行曲，令我我真係好掛住日本🥲店舖採用自行掃QR code order我叫左：⬇️芝麻八爪魚（配紫菜飯團）$38呢個作為前菜不錯，涼涼嘅八爪魚放少少喺自己包嘅飯團上，佢份量都夠👍🏻唔使加豉油，個八爪魚已經好夠味⬇️山型蟹子壽司 $27見唔見到啲蟹籽爆曬出嚟😂😂鍾意蟹籽既我覺得勁正，壽司新鮮👍🏻⬇️宮崎便當（$78） + 鹽燒雞肉軟骨串晚市黎講，呢個便當真係算抵。$78有咖喱飯、照燒雞扒、七味燒豬頸肉、照燒茄子、螺肉同咖喱飯💓便當超級豐富，個豬頸肉好香脆，咬落仲有啲照燒汁。個咖喱汁甜甜地，唔辣，適合任何人士的口味。照燒雞扒俾咗好多件😎😎最後都食唔晒，如果冇嗌前菜應該食得晒😆嗌多個雞肉軟骨串，即炸即上👍🏻👍🏻店舖越夜越旺，好多台客陸續入嚟，店員都keep住態度好好，就算好忙都會keep住幫我加茶 🍵 Overall 餐廳抵食又正宗，會再enco

大圍下徑口村果堆食肆其實都有d滄海遺珠，當中一定包括呢間長期深受當區居民熱捧的豬屋。基本上我lunch time/dinner時間經過，都會見到有人等緊位，今日一於入去試下佢。鋪頭播著輕快的日本歌，包括著名卡通「數碼暴龍」主題曲，牆身有著不同的日本懸名車站牌🎌更有大量One piece海報，裝潢得像小日本～呢間鋪頭都採取手機scan code落單，有咩用手機睇圖即時落單，夠晒清楚👍 餐牌好多種類，包括特色卷物、刺身系列、壽司系列、山型壽司、灸燒壽司、田園系列、海鮮系列、滋味系列(燒物) 、刺身丼、鮮鮮鮮，全部都係海鮮、豬豬豬，全部都豬、雞雞雞，全部都係雞、一品料理(如拉麵，牛肉飯，味噌湯) 、二人餐及冷盤（如 沙律，枝豆、八爪魚及味付螺肉) 咁多選擇，唔怪得d街坊同區外客成日幫襯🙈名古屋便當🍱咖哩飯底，再配上2件鰻魚、炸雞2件、魚餅1件及螺肉，可以一次過滿足幾個願望🤤。其實佢仲有好多款便當，下次有機會試下其他。醬燒三文魚壽司、山型松葉蟹膏蟹棒壽司、北寄貝壽司及挪威三文魚壽司壽司價錢實惠，入口新鮮，絕對係高CP🍣枝豆平時細細碗，呢到係一大碟，絕不吝嗇😂月桂冠巨峰果酒細細枝，配埋啤酒杯飲，

新界東一向係我最鍾意嘅地區，感覺空氣都比其他區清新。今日OT到七點幾決定搵間好餐廳補償一下自己。喺openrice搵到大圍呢間豬屋日本料理，夜晚嘅大圍比九龍黑一d，路燈同民居嘅燈光唔太光，涼涼地行得好舒服。喺田心村雲疊花園入面。平時食嘢唔係商場就係繁忙嘅市區，呢個僻靜環境真係好有新鮮感，但其實又唔係行好遠。門口都有唔少食客同外賣員等候。坐低即刻有熱茶同掃碼落單。落完單欣賞一下店內充滿日本文化符號嘅裝飾，美食就送到。我點左名古屋便當，山形海膽壽司同生薑蜜。因為最近d牙有d敏感唔想食太多凍嘢例如刺身/壽司。飲嘢都只可以飲熱嘢，呢度用左隔層杯，揸上手唔會熱親。薑味恰到好處，唔太辣，整體又唔會太甜，解渴又暖胃。雖然海膽壽司都係生冷嘢，但辛苦成日，偷雞一舊唔過分啦非常濃郁又滑嘅海膽，幾年冇食過大閘蟹，呢一啖有大閘蟹蟹膏嘅風味。便當送到！好豐富！炸雞皮脆肉嫩，炸皮包住肉汁，鹹鹹地，點沙律醬好開胃。鰻魚鮮甜又軟，啱曬我呢個冇牙佬。食舊鰻魚加一啖飯，油脂滲入飯入面，1+1大於2嘅升級享受。仲有非常鮮甜有魚味嘅日式圓蔥魚餅，同沙律醬都好夾。便當嘅好處就係多配搭。唔同組合撞出唔同化學反應。分量充足而且多汁

今日同媽咪去大圍食lunch~ 知道呢度有間 豬屋日本料理 係街坊都知道既日式料理餐廳 我又想試吓😬 起門口等左一陣 睇左陣menu 就入得啦～ 入到去坐低 店員就比左個QR code我地落單啦 好方便～ 圖文並茂 又會話哂比我知便當係包含咗啲咩 讚呀👍🏻 迷你吞拿魚三色丼配迷你真打稻庭鳥冬 $98呢個套餐有4樣野 岩哂想試唔同野食既我😛三色丼 係有吞拿魚 甜蝦同埋蟹籽 吞拿魚新鮮厚厚的3片🤩 甜蝦鮮甜爽口 蟹籽係滿滿的 好幸福☺️茶蒸碗 又香又滑 配菜係味付螺肉 仲有彈牙烏冬 食完魚生食返個熱辣辣嘅烏冬真係好正😋 沖繩便當 $96呢個便當真係好豐富🤩 首先係個吉列千層芝心豬扒 岩岩炸好熱辣辣咁拎上枱😋 係芝心呀 滿滿既芝士熔好滿足！外面炸得香脆 入面既豬係五花腩片卷埋一齊嘅 大推👍🏻跟住係有汁燒金菇牛肉卷 牛整得岩岩好 配埋汁燒好夾刺身方面係有三文魚 帶子同埋甜蝦 全部都新鮮肥美👍🏻配菜係味付螺肉 仲有個咖哩飯 叫左咖哩汁另上 好香濃既咖哩汁 讚呀 整體來講 呢間 豬屋日本料理 食物款式種類多 環境舒服 店員服務好 下次會再黎試埋佢個拉麵先😬

今日去大圍探完朋友，行經雲叠花園（田心邨對面），見有間日式料理店《豬屋日本料理》，被門口貼嘅日式便當相片吸引，細看價錢都幾合理，唔鍾意煮飯的我，就決定外賣便當回家做晚餐便當選擇主要有豬、雞、海鮮，我就選咗一份雞扒、一份比目魚便當🍱十和田便當⋯🥢主菜有4件黑椒照燒雞扒，啖啖肉有黑椒嘅香辣味🥢2件蒲燒三文魚腩，燒香過的三文魚腩，油脂清香，肉質肥美嫩滑朝日便當⋯🥢蒜香牛油油比目魚，比目魚肉質軟滑，入口有啖啖蒜蓉香味🥢2件蒜香牛油北海道帆立貝兩份便當都配有螺肉、粒粒分明咖哩飯（飯汁有日式咖哩汁、和風燒汁選擇）、2件甜甜酸酸烤菠蘿整體來說，便當份量適中，味道好好，價錢都合理

係群組聽講過哩間豬料理便當唔錯，今日探完朋友路過，買個外賣返去同屋企人品味一下先。打開膠袋，食物香噴噴，一共叫左3款食物，一盒係宮崎便當、一碗豬軟骨拉麵，透明膠盒係牛舌串燒。宮崎便當一打開，4個分格分開左唔同食物，日式咖哩汁配珍珠米飯、燒汁雞扒、燒豬頸肉配茄子、蒜蓉螺肉，好吸引，雞扒軟滑，豬頸肉同茄子經過炭烤過，食落更滋味，飯係填滿左一整格滿滿的，份量非常足加上誘惑既咖哩汁，更加滋味。豬軟骨拉麵，湯底係濃郁既豬骨湯，豬軟骨淋得黎有咬口，最抵讚係拉麵吸收左湯既精華後仍然軟滑彈牙。椒鹽燒珍寶牛舌，叫得珍寶，size有反咁上下，佢比平時食到既牛舌大一倍，厚薄適中，咬落牛味濃又爽彈，帶點椒鹽味道，配埋配送既鮮檸檬汁食，酸酸地更醒腦。整體都滿意，外賣都保持到水準美味。

去搵朋友食dinner，本身諗住求其食，估唔到食到間好食日式餐廳。坐低左用QR code落單，叫左特選燒物盛，鹿兒島便當同埋芝士蛋糕。鹿兒島便當（加左10蚊轉豬骨湯拉麵）（$102）有豬軟骨、吉列大蝦2件、刺身同埋冷盤螺肉。呢個真係要推薦下，豬軟骨超級嫩同淋，我未試過食豬軟骨d軟骨同肉溶化埋一齊，好好食。拉麵煮得啱啱好，好驚出街食到d好淋嘅拉麵，呢個好爽口彈牙呢個帶子刺身超級好食，好滑好鮮甜。J01特選燒物盛($88）有雞肉、鰻魚、牛舌同埋豬肉菠蘿牛舌同鰻魚好好食，個牛舌好淋，有入口即溶嘅感覺，鰻魚夠林同埋個鰻魚汁好入味，好食。福岡直送綿綿芝士蛋糕 （$24）最後叫左個甜品食，有好香嘅芝士味，入口溶化，又唔會太濃，好彩有叫黎食。真係估唔到街坊舖都有高質日式野埋單

今日嚟左呢間位於大圍嘅一間日式料理🤎，大圍站行嚟都唔遠～～店內環境闊落 ～都幾好坐🇯🇵🎌😎門面有好多元化嘅日本野～好吸引🥰食物選擇好多🥺壽司、便當、刺身、丼飯、燒物等等🙈🙈味道都唔錯 會再嚟一試💓💓-🍱朝日便當 $95🤍便當入面個蒜香牛油燒三文魚扒肉質鮮嫩個皮好脆！🤤個蒜香牛油北海道帆立貝食落好新鮮，配埋個蒜香牛油風味真係好香口！💓而個烤鮮菠蘿好多汁好鮮甜❤️‍🔥，好啱做飯後甜品！-🍜🥟炸豚肉餃子烏冬 $68🤍炸豚肉餃子好脆好好味！烏冬個豬骨湯底好清甜💖好啱配餃子食！～/🍢炭燒雞肉串 $24🤍小食炭燒雞肉串燒得好香雞肉仲好juicy！❣️😆

尋日放工經過大圍雲疊花園見到呢間餐廳既日或便當🍱好多選擇，又豐富，所以就買左兩個便當外賣返屋企食佢地既便當設計得好有心思，用左日本唔同既地方命名，就咁睇名未必知個便當入面有啲咩，但係佢地每款便當都安排左唔同配搭既日本特色食物，實會搵到個適合你既組合～睇menu，我地就叫左一個沖繩便當，同埋名古屋便當。沖繩便當（$96）裏面有吉列千層芝心豬扒、金菇肥牛卷、剌生三款、螺肉同埋咖哩飯。最有特色既唔洗講一定無吉列千層芝心豬扒，層吉列皮薄得黎好香脆，仲可以keep到我地放左差唔多一個鐘先食都未淋。芝心方面好香濃之餘又唔會漏，整體來講個豬扒好有水準～名古屋便當（$92)裏面有蒲燒鰻魚、日式炸嫩雞、日式圓蔥魚餅、燒汁飯同螺肉。炸雞皮香肉滑，食少少唔會覺得熱氣，魚餅就香得黎有咬口，鰻魚唔算大條不過質素唔錯！

每次經過都見到喺餐廳裏面同拎外賣嘅人多不勝數，今日睇埋佢放喺出邊嘅餐牌，發覺種類非常多，而且價錢合理，趁早早地，唔使等位，就入去探店🤭所有用具都企企理理，用QR code自己落單，快捷方便！兩個人叫埋小食圍返都唔需要$100一個人，以日式餐廳來講，簡直超值！食小丸子，除咗外脆內軟及有彈牙嘅章魚粒之外，最重要當然係佢嘅醬料！呢度一啲都唔吝嗇，非常爆醬，令我十分歡喜👍🏻福岡便當~賣相非常討好，而且便當內容非常豐富，豬扒嘅面積非常大，一格差啲都擺唔晒😂秋田便當～食日本嘢當然要食刺身，三文魚非常厚切，而且感覺非常新鮮，紋理均勻，而咖喱飯講咗要多汁，果然冇令我失望，味道較為香甜，比較啱女仔口味，豬軟骨非常軟身，同事非常入味，推薦👏🏻

同朋友係佢屋企樓下附近諗住食日本料理滿足下無得去日本旅遊既心情，可惜餐廳內太多人，於是改叫外賣買上樓食。叫左份宮崎便當、豬軟骨拉麵、椒鹽魷魚，等左15分鐘左右食物巳經包好哂，餐廳用左個環保袋pack成一袋，為左保存溫度仲訂合上袋口。一路拎住都聞到個袋裡面傳來食物香味，上到樓急不及待地打開，因為驚個拉麵會吸哂水漲哂唔好食，一打開，餐廳原來用左分隔層，拉麵與湯分開，倒返一齊，麵食食落依然保持彈牙軟滑，豬軟骨有成8、9嚿，肉質琳身，每嚿都帶住軟骨，咬得有口感。朋友食既宮崎便當都好正，分開左4格擺放唔同既食品，最大主格珍珠米配日式甜咖哩汁，日式雞排，炭燒豬頸肉、燒茄子、味付螺肉，好豐富既配搭，朋友食得滋味。椒鹽魷魚咬落脆口，每條都係採用魷魚鬚去炸，同朋友就唔洗爭住邊個食鬚，有埋沙律醬點下配搭，係比較傳統既日式料理配搭，整體上唔錯。

大圍出名多野食😆但有時懶懶地就想去買個外賣拎番屋企慢慢嘆❤️豬屋位置都算就腳 有好多既便當選擇 外賣仲有個幾可愛既環保袋裝住🤤🤤🍴秋田便當🍱 $91有大大份既吉列雞排、豬軟骨 份量都算多 吉列雞排番到屋企都仲係脆的😆仲送多左2塊魚餅🤤❤️意外驚喜 魚餅好彈牙 配埋醬油 味道好夾🍴沖繩便當🍱 $98有吉列千層芝心豬扒、金菇肥牛卷，豬扒好厚 幾飽肚😆而金菇肥牛卷佢切到一口一個 好方便👍🏻味道都唔錯2個便當都係配咖哩飯，汁另上❤️好中意個咖哩 有啲細細粒又好淋既薯仔 味道偏甜 微辣 送飯一流🤤❤️另外都有三文魚、帶子同甜蝦刺身，仲有螺肉💁🏻‍♀️刺身都幾厚身 佢仲好貼心比埋冰袋👍🏻唔洗擔心d刺身會變壞🍴日本直送士多啤梨千層蛋糕🍰 （+$25）飯後甜品🤤幾香士多啤梨🍓味 店舖既環境都唔錯 如果有時間坐低坐都係一個唔錯既選擇💁🏻‍♀️📍豬屋@大圍雲疊花園地下4號鋪

去左顯徑做完運動，唔想返去熱辣辣咁煮野食，所以即使上網睇下附近有咩外賣店，見到有間位於雲疊花園嘅日式餐廳有便當外賣，賣相又不錯，今晚晚餐就靠晒佢。朝日便當咖哩飯裡面有味付螺肉、菠蘿、蒜香牛油三文魚和北海道帆立貝，入口蒜香味都幾濃，三文魚肉質嫰滑，菠蘿香甜多汁。名古屋便當咖哩飯，兩款都揀左咖哩汁，多汁真係無得輸，依款有味付螺肉、蒲燒鰻魚、日式炸嫰雞、日式蔥魚餅，份量都幾多，鰻魚好味、日式蔥魚餅幾有驚喜。

住隆亨邨嘅朋友帶我到呢間豬屋食晚餐。小店位於田心村內,吾算好近大圍站,勝在田心村比較寧靜,感覺人都無咁緊張。店內擺放著吾同形態嘅豬豬,好可愛!細細嘅店舖都有幾多嘢揀喎。而且凡惠顧飯類/麵類都可以跟餐價加購指定飲品及甜品！☕加$12嗌咗杯熱柑桔蜜,另外加$18嗌咗樽不二家白桃汁！🍱宮崎便當和風燒汁飯,好似珍珠飯,粒粒分明又鬆軟。照燒雞扒,大大塊零肥脂。七味燒豬頸肉,燒到焦香,肉質爽。再加照燒茄子同味付螺肉,都幾豐富。🍝雜錦海鮮拉麵拉麵煙韌,吸收奶白嘅豬骨湯底。仲有糖心蛋、粟米粒同昆布,增加口感。海鮮方面有燒得香口嘅帶子、卜卜脆嘅多春魚同蟹柳。食完咁豐富嘅便當同拉麵已經好飽,見到隔離食緊甜品。我哋又嗌咗件日本直送士多啤梨千層蛋糕。軟軟哋加少少凍,吾太甜,幾口味！