譚仔雲南米線 (已結業)

心血來潮 想食譚仔嚟到旺角呢度 等咗一陣就安排入座叫咗兩碗米線 蒜泥白肉 尖椒皮蛋小食例排嚟先先皮蛋正常 蒜泥白肉嘅汁少得可憐🥺姐姐都好好 肯加返多啲汁當小食食到差唔多 我睇吓張單33分落單 58分都未見到米線蹤影望望出菜位 阿姐好忙咁包外賣堂食單出菜速度佔約1/3明白假日係忙嘅 得多5分鐘左右米線終於出場一碗3餸3小辣一碗2餸重慶酸辣食咗幾啖 唔對路 個味同我平日食嘅完全唔同重慶得酸味麻辣淡到似水食咗一陣 放棄了未試過食剩咁多 好失望忙還忙 都要保持質素呢間真係要入黑名單🤦🏻‍♂️

脆肉鯇泡椒粉線 叫左五小辣要讚既個脆肉鯇 因為好爽口彈牙 平時唔食魚既我都覺得好正 仲要冇骨口感好似食緊珊瑚蚌咁 好搞笑但個湯底怪怪地 唔識形容之後個姐姐 問我地試唔試新野桂花茶 全名唔記得好好飲 唔會太甜 值得再試希望唔好咁快下架

呢次試下佢出左一排既菠蘿冰，裡面真係有幾塊菠蘿，而且一啖飲落去仲有d細個時候去士多買一塊塊菠蘿冰既味道，唔太甜好好飲！另外麻辣豬耳都係每次必叫項目，醬汁小麻辣，認真惹味！

見譚仔出咗隻泡椒脆肉鯇米線幾吸引，嗌外賣又有優惠就試下佢。一打開碗米線好似冇咩料咁，原來啲魚肉係底。魚有幾脆，加左錢要蕃茄小辣湯底，同淡味既魚肉幾夾。

有冇譚仔Fans 呀？💗譚仔又有新產品推出啦，就係✨泡椒酸菜脆鯇米線，今次嘅湯底用左🌶泡椒, 青剁椒, 指天椒，辣嘅層次更加鮮明🔥。配上爽口香甜嘅酸菜，同埋脆肉鯇🐟，真係好正。值得一讚嘅係，脆肉鯇幾乎無骨，食嘅時候唔會比魚骨哽親。😬食辣嘅湯米線，點少得一杯❄️冰飲呀。今次我嗌左凍豆花黑糖薑母茶，豆花同薑母茶配合得好好，甜甜地可以解辣💗#譚仔 #譚仔雲南米線

今日午餐食咗泡椒酸菜魚湯米線配脆肉鯇湯底好夠味👍🏻好香 抵鑽脆肉鯇好有驚喜 有鮮味 而且夠爽口本身唔係太鐘意脆肉鯇 驚有腥味 但係呢個完全唔會腥下次會再食😆真心推薦大家食！🤤

🌶泡椒酸菜魚湯米線配脆肉鯇 $42Pickled Chili Sauerkraut Fish Soup Rice Noodles湯底超正！微辣之餘酸酸味味，三重辣椒果然令湯底層次提昇👍🏻點咗小辣嘅朋友，食到出哂汗😆

又黎食最鍾意既米線店譚仔，今次想食辣嘢，叫咗麻辣湯底3小辣，餸就叫咗雞肉，雞肉都好嫩好滑，好味道，啲配菜腐竹同個麻辣湯底好夾，麻辣湯底食得出有少少花椒味，最鍾意，夠麻下次再試下其他餸先

魚肉係好hit嘅食物，所以最近，好多米線店都鍾意用魚肉做餸。作為愛食魚肉嘅人，就去試下新出嘅新菜式。湯底飲落都幾甜，好有木瓜特別嘅甜味，仲有木瓜蓉添，脆肉鯇真係唔講得，片片都係爽口。

香港人個個都識譚仔 但係其實譚仔有一個冇咩人知既隱藏美味湯底...（如果一早知唔好意思）《重慶酸辣湯底》呢個湯唔係啲咩新野啦 已經係譚仔既菜單好耐...但係我發現到 原來冇咩人識叫！咁好食既湯底冇人賞識太可惜啦！首先 重慶我叫3小辣 唔好睇佢紅卜卜 係絕對冇麻辣3小咁勁既 所以人人都岩食～重慶重點係：麻、辣、酸、香 食落去就似重慶麻辣火鍋 但係比佢酸左啲 重口味轟炸食客既味蕾～好香濃 比起麻辣更加濃厚 配搭索湯既米線🍜～一流！呢篇文純想介紹下我最鐘意既湯底 比多啲人知😃

早前三哥推出過酸菜魚米線味道不錯👍🏻今次一知道譚仔推出＄39木瓜魚湯脆肉鯇米缐已經好想吃😍對我來説吃米線當然要辣的才好吃😋也可能因為我選了辣的關系所以好像有一點蓋過湯本身的味道。木瓜是非常甜(很熟的那種)魚片比起三哥的脆魚鯇米線好，因為沒有很多細骨在𥚃面吃起來比較方便☺️但美中不足湯裡魚肉不一致，有些魚肉顏色比較深有點不新鮮的感覺整體感覺不錯❤️❤️❤️份量非常足👍🏻就算不再附加任何配料，單點都已經很足夠值得再吃😋

每次食譚仔都淨係食米線，今日又唔係想食啲好飽肚嘅嘢，但又想試吓新野，所以就帶咗三隻土匪雞翼。土匪雞翼嘅賣相好靚，好吸引，會係你一見就會想食嘅感覺。依個味道偏鹹但配搭得好好，一試唔停口！

第一次食譚仔嘅時候，完全唔明白佢點樣分辣嘅程度，譚仔阿姐見我第一次，就提議試吓10小辣先，我仲問佢10小辣是否等於小辣嘅10倍🤣，經佢解釋後，我就叫咗5小辣😁；呢種分辣嘅程度，似乎係譚仔首創🤔今日未夠12點就路過呢一間，佢啱啱開門，我一個人唔使等位，就入去坐低咗，叫咗碗套餐4小辣。可能剛開門未準備好，都等咗成15分鐘碗米線才到。一貫大大碗，幾好味，賣相比較凌亂，不過譚仔當然唔係講賣相啦😅。呢間分店第一次嚟，好似冇平時食開嘅4小辣咁辣。譚仔味道唔錯，加上價錢超大眾化，所以咁多人一直幫襯。

譚仔嘅湯底真係令人回味無窮，不過近排去譚仔食，佢嘅湯底好似冇以前咁好，水準好似差咗少少，不過都係少少姐，米線嘅份量一樣都係咁，都係想多啲嘅，我鍾意食譚仔嘅辣湯底，例如酸辣麻辣，依啲都比較開胃，啱晒呢個夏天食。

新年嘅時候，知道「譚仔」推出左新春限定版嘅套餐過橋米線—『金裝接財神過橋米線』，同埋『四季平安小食拼盤』，最鐘意食「譚仔」嘅男朋友，一知道呢個消息，就嚷着新年一定試下！😂小妹我幾經辛苦先搵到呢間旺角分店開門。希望下一年「譚仔」可以出個開門嘅分店list，唔洗再摸門釘啦！🙏🏾有一樣野要留意嘅係，新年期間，「譚仔」係需要收加一服務費架！金裝接財神過橋米線（$78）加入左賀年食材：黃金蟹蓋 、 常滿福袋 、 笑蝦蝦 ，再配上平時套餐都有嘅15款配料，用料都算豐盛。小妹幾欣賞佢嘅創意，不過質素就麻麻地，佢比正常過橋米線貴左$20，唔係幾符合性價比。笑蝦蝦只有兩隻蝦，食得出係雪藏蝦，無咩鮮味，常滿福袋嘅腐皮豆卜裏面包住嘅係豬肉，比係平時食開嘅魚肉或蝦膠感覺古怪，唔係好夾。黃金蟹蓋算係最出色，魚肉中溝左d蟹肉，口感都算爽彈，味道幾鮮香。不過四季平安小食拼盤（$28）就好正！❤有豬耳、口水雞翼、木耳和笑口棗，4款小食，都唔洗$30，抵食！👍🏻