44
35
9
港鐵旺角站 E2 出口, 步行約5分鐘 繼續閱讀
所有分店 (64)
電話號碼
23616968
營業時間
今日營業
11:45 - 23:00
星期一至五
11:45 - 23:00
星期六至日
11:30 - 22:45
付款方式
現金 八達通
食評 (117)
等級3 2020-06-16
3525 瀏覽
第一次食譚仔嘅時候,完全唔明白佢點樣分辣嘅程度,譚仔阿姐見我第一次,就提議試吓10小辣先,我仲問佢10小辣是否等於小辣嘅10倍🤣,經佢解釋後,我就叫咗5小辣😁;呢種分辣嘅程度,似乎係譚仔首創🤔今日未夠12點就路過呢一間,佢啱啱開門,我一個人唔使等位,就入去坐低咗,叫咗碗套餐4小辣。可能剛開門未準備好,都等咗成15分鐘碗米線才到。一貫大大碗,幾好味,賣相比較凌亂,不過譚仔當然唔係講賣相啦😅。呢間分店第一次嚟,好似冇平時食開嘅4小辣咁辣。譚仔味道唔錯,加上價錢超大眾化,所以咁多人一直幫襯。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-13
3251 瀏覽
譚仔嘅湯底真係令人回味無窮,不過近排去譚仔食,佢嘅湯底好似冇以前咁好,水準好似差咗少少,不過都係少少姐,米線嘅份量一樣都係咁,都係想多啲嘅,我鍾意食譚仔嘅辣湯底,例如酸辣麻辣,依啲都比較開胃,啱晒呢個夏天食。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-02-10
8489 瀏覽
新年嘅時候,知道「譚仔」推出左新春限定版嘅套餐過橋米線—『金裝接財神過橋米線』,同埋『四季平安小食拼盤』,最鐘意食「譚仔」嘅男朋友,一知道呢個消息,就嚷着新年一定試下!😂小妹我幾經辛苦先搵到呢間旺角分店開門。希望下一年「譚仔」可以出個開門嘅分店list,唔洗再摸門釘啦!🙏🏾有一樣野要留意嘅係,新年期間,「譚仔」係需要收加一服務費架!金裝接財神過橋米線($78)加入左賀年食材:黃金蟹蓋 、 常滿福袋 、 笑蝦蝦 ,再配上平時套餐都有嘅15款配料,用料都算豐盛。小妹幾欣賞佢嘅創意,不過質素就麻麻地,佢比正常過橋米線貴左$20,唔係幾符合性價比。笑蝦蝦只有兩隻蝦,食得出係雪藏蝦,無咩鮮味,常滿福袋嘅腐皮豆卜裏面包住嘅係豬肉,比係平時食開嘅魚肉或蝦膠感覺古怪,唔係好夾。黃金蟹蓋算係最出色,魚肉中溝左d蟹肉,口感都算爽彈,味道幾鮮香。不過四季平安小食拼盤($28)就好正!❤有豬耳、口水雞翼、木耳和笑口棗,4款小食,都唔洗$30,抵食!👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2019-09-22
8835 瀏覽
由於減肥嘅緣因,好耐未試過食咁多澱粉質,但係有時真係要放縱一下所以今日去咗食譚仔過橋米線,佢嘅份量真係夠晒大碗,又有好多唔同嘅餸,而我最鍾意嘅就係佢嘅酸菜竹笙,以佢嘅加辣湯底真係冇得頂,仲有佢嘅土匪雞翼真係一試難忘,雞翼夠大隻好入味,價錢合理份量足夠,但係食完呢餐之後又要減肥啦! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-08
4803 瀏覽
今日屋企停水,無水煮飯,成屋企都懶得落街食,於是決定叫外賣黎醫肚。講到外賣,真係幾鍾意買譚仔,雖然感覺上譚仔外賣既份量比堂食少,但係正正因為咁樣,我覺得唔錯,因為堂食既時候成日都食唔哂啲米線,感覺好浪費。而且外賣有個好處,就係同一個膠碗內,湯同米線係分開上下兩層的,做到分湯之餘,又唔洗用兩個兜裝,唔會搞到要拎好多兜野咁。我叫左魚腐同炸醬,味道同堂食差唔多,另外我地仲叫左個土匪雞翼同皮蛋,每次幫襯譚仔都係必食既小食😋次次都食到停唔到口🤣 繼續閱讀
(以上食評乃用戶個人意見 , 並不代表OpenRice之觀點。)