譚仔三哥米線

營業中

休息中

坐低等左好耐都無野食，隔離同一時間到嘅人已經食左大半碗，催佢都唔即刻煮，對面遲我好多叫嘅人嗰碗都到咗，再催佢，出碗錯嘅，啲餸無一樣係我叫，叫佢第一時間整比我，出一碗無走九芽嘅比我，張單有落到要走，唯有叫佢再整過，出黎嗰碗仲有幾條芽菜碎無執走。等足50分鐘，隔離枱同一時間落單嘅已經食完走咗，但我都仲未有得食。漏單間唔時都會，但催幾次再出錯幾次係第一次，食食下又聽到隔離枱有人嗌左走芽菜但無走到，食過好多譚仔無試過咁樣，呢間無下次。

你今日去譚仔三哥叫左碗過橋米線，2人分一碗。 所以可以叫多d小食。 白肉偏多油，但都唔太辣。 另外仲叫左個尖椒皮蛋 ， 味道正 ， 好多蒜👍👍。 但餐廳地方細， 環境比較迫。

見最近周圍廣告都不斷推介呢款三哥酸菜鯛魚米線 身為Big Fans嘅我都試一試今次叫咗小辣 但比起平時麻辣嘅辣度應該只係十小辣 鍾意辣嘅朋友要注意另外今次再加多左款豆卜做餸鯛魚份量唔多 零零碎碎幾片 慶幸唔算腥(可能有一兩小塊會有少少腥味 但可接受)咬落口感都幾有彈性 有一兩塊都有D超小既骨 食嘅時候要注意見好多人都話附贈嘅辣蘿蔔乾幾出色 今次外賣就唔係好見到佢同酸菜嘅存在而個湯望落雖然好似有D淡 但食落都OKAY 如果本身食酸菜魚嘅話 應該會幾鍾意個湯底

今天要和好友到太古參加活動，當時想先吃完晚飯再去，因為一出太古地鐵站就看到譚仔，所以就選了這間吃。店鋪環境雖然不大，但在六點時入席也是不用等位的🙏🏻因為我和好友想食到不同的食料，所以毫不猶豫地點了過橋米線吃，再加了些小食，有土匪雞翼和尖椒皮蛋，整件事情就變得更加完美了！等了大概十分鐘的時間就上菜了，過橋米線也很大碗與足料😝絕對可以滿足到兩個人的食量❣️而且還有美味的小食配搭，實在太滿足與幸福了！而土匪雞翼的黑芝麻很入味，也炸得很香口，所以真的很美味😋✨整體用餐感覺也不錯🙆‍♀️會再與好友過來吃的👍

新推出左個砂砂湯底，見到人話即係好似喇沙咁就去試下～順便試埋佢個新飲品奶蓋芒果蒟蒻椰香金露😋叫左個砂砂湯肥牛鹿茸菇米線，揀左小辣，碗野一上黎個下心諗，無餸既？肥牛呢？原來佢啲餸係晒最底，其實肥牛同鹿茸菇既分量都唔算少。肥牛正正常常，鹿茸菇就第一次食，雖然佢賣相麻麻地，但好爽口，幾得意，都幾好味。砂砂湯底有椰香味，真係好似喇沙咁，但個辣味太搶，令個湯底有啲失色。杯野飲比想像中好飲！好似楊枝甘露咁，芒果同椰香味都好夠，好濃！而且入面無我唔鍾意既西柚粒🤣🤣蒟蒻口感好似平時台式飲品店既寒天，好有咬口，可以encore👍🏻👍🏻

買外賣小心中伏！買外賣後站在收銀處旁邊，完全是收銀阿姐視線範圍內，半個鐘，無任何一個員工(包括收我錢的阿姐)提醒我原來取外賣是在店鋪的另一頭。浪費時間不止，食物大熱天時都等到壞。成大個人棟係度，收銀明知我買外賣都唔提下。各位如果到該店買外賣請自己執生。

❤️‍🔥香辣回鍋肉蝦仁炆米線❤️‍🔥有別於傳統湯米線，引入靈感來至兩款四川菜式 - 「回鍋肉」和「乾鍋麵」，利用「炆煮」方式取代一貫的湯米線做法，口感🆙🆙🆙！「回鍋肉」用腩肉炮製，較傳統的五花腩無咁油膩，而且口感比較清爽，仲有爽彈蝦仁同紹菜，辛辣中帶點爽甜，仲可以加配指定食材，一定match 到你個胃。🤎麻辣醬銀耳鹿䇯菇🤎第一次食鹿茸菇，原來非常爽脆，另外銀耳厚肉，兩樣都沾滿了三哥秘製辛辣麻香的麻辣汁，四川麻辣感🈵🈵香味濃郁，仲有粒粒肉碎的乍醬，口感豐富，令人食唔停口。💚露絲瑪莉蘋果梳打💚難得係譚仔三哥飲到杯咁有心思又decent 嘅特飲。Rosemary 淡淡香草清新，特飲帶有微微薄荷味道，配合清甜微酸的青檸蘋果梳，非常match，最重要係解辣一流🙈。

印象中，我係第二定第三次食譚仔已經係好多年前嘅事我見有張coupon又唔知屋企附近食啲乜好就試下啦點知啲嘢食好咸，配料麻麻貢丸唔爽唔彈牙叫酸辣湯底，得咸同辣土匪雞翼無我第一次幾年前咁好食又係咸食南記好過

//間野叫: 譚仔三哥米線邊度黎: 太古康安街2-8號康怡花園地下A1-A2號舖▪麻辣豬皮螺酸湯米線7分三哥大手又出征 今次呢款米線係入到去 已經聞到陣醃製酸筍同酸辣豆角獨特嘅氣味 知佢咩料啦 (聽聞似螺螄粉陣味 有無大佬食過?) 海螺片係酒樓就食過 配米線真係處女之舉 幾軟滑爽口 豬皮除左麻辣 仲吸收曬湯底嘅日月精華 酸香甜辣 配埋米線越食越過癮 可以一試••••••••••••••••••••••••••••••椒麻魚爽肚 $238.5分自從上次兜煳麻湯魚爽肚米線 禾就對魚爽肚念念不忘 今次抵死到出做涼拌 禾梗係狗衝 魚爽肚嘅爽脆 同秘製椒麻汁水乳交融 舒服啊 絕對值得encore!••••••••••••••••••••••••••••••鳳梨藍蝶花香梳打 $16 ( 加配價: HK$12 )7分呢杯特調係用鳳梨同青檸調配 加上蝶豆花藍藍紫紫嘅夢幻 口感清爽 酸甜開胃

收銀態度超級差，真係趕客。有時想食，諗起收銀已經唔想食。唔明白點解唔培訓下，人哋都未講完就收線，再打電話去通咗唔聽，打了幾次都係通咗唔聽，咁樣嘅態度真係倒米不知所謂。😡😡😡🤬🤬🤬

外賣自取(非peak hour) ，打電話去個陣個姐姐本身都無咩禮貌，到去拎麵，一行入去(外賣自取部)，見佢地忙，都有耐性咁想佢地忙完先開口問，點知就被人喝，大大聲問你幾多號，叫我自己係成堆麵到揾(眼神都幾衰)，我朋友聽到本身㩒緊電話都呆一呆同我對望，其實附近鰂魚涌都有間三哥加譚仔，so far次次去個兩間啲姐姐都係超級有禮貌，我本身都唔係話鍾意投訴既人，但食得連鎖店，你都知味道個啲係點，食既變相就係服務，入去拎麵成個過程先三分鐘但就好似你欠左佢咁，令到人星期日放假個心情都即刻差左。或者呢間多外賣訂單，啲姐姐真係好忙啦whatever，但開得門做生意，最重要同附近兩間個對比太大，有得揀既情況下，以後都唔去呢間！

今日~4pm食唔算多人等出碗米線等左15分鐘都算見碗米線都算足料但個收銀員的態度真係差到爆要找錢佢由高向下咁掉左$1+$2喺我隻手一句說話都無好寸的樣子我望住佢然後佢望返我我打開手掌，俾佢睇清楚佢找左幾多俾我等左一陣，佢又睇多次張單然後佢從我手拎走個$1, 換成$2然後我哋又對望唔知係有心定係無意不過客人俾錢，你正常都有句說話啦現在明知找錯錢一句說話都唔講咁無禮貌的收銀，應該是等炒唔想做就咪做啦！希望佢個老闆留意吓！

今日約左同事出去食lunch,因為好耐無食過譚仔既關係就決定黎三哥食lunch,我哋12:30放飯，行到去嘅時候已經12:40 ，但係等位等到1:10先至可以入座，可能因為大家都已經冇得在家工作嘅關係，黎開飯嘅人特別多，我叫咗一碗麻辣中辣牛肉炸醬金菇米淋，加杯凍檸茶，同事就叫咗一個魚腐牛肉十少辣今餐算係正常水平發揮，不過不失，我碗米線煮得夠林好怕啲米線唔夠林好似未煮好咁兩個人埋單$99 ，價錢十分便宜抵食，喺太古來講算係好平既飯堂

又係食譚仔三哥啦，不過今次唔係買外賣，而係堂食。淨米線（$21）淨米線只可以揀清湯，但係份量同平時啲米線一樣，入面都有枝竹，所以都唔錯，齋食米線都夠飽。蒜泥白肉（$26）好濃蒜味，蒜迷必揀！啲豬肉都大大片。食完個口好大陣蒜味。口水汁豬脷 （$21）口水汁唔算好辣，食落好香好好味，豬脷都幾多，真係好滿足。環境方面，鋪頭比較熱同焗，今次坐嘅位又係對住塊玻璃，望住條街嘅，同啲路人你眼望我眼其實都有啲尷尬。

𝘛𝘢𝘮𝘑𝘢𝘪 𝘚𝘢𝘮𝘎𝘰𝘳 𝘔𝘪𝘹𝘪𝘢𝘯 @ 𝘵𝘢𝘪𝘬𝘰𝘰 - 美顏養生美線👧🏻作為譚仔三哥嘅忠實粉絲 知道佢最近推出左花膠胡椒雞美線同埋新特飲就即刻走左去試😻🌟 花膠胡椒雞美線+1餸(豬潤)肥Glor唔食辣 所以冇揀到建議配搭嘅糊辣湯底 揀左清湯🙉但係食落又幾有驚喜喎 胡椒雞去咗骨 食落啖啖肉而且仲好嫩滑 胡椒味香濃得嚟唔會好辣 好好味啊😻花膠份量多 入口爽滑 骨膠原滿滿的 食落好滿足❣️豬潤同平時一樣都係咁香咁諗 正啊😋😋😋🌟 熱情果烏龍茶哩杯冷泡炭燒烏龍茶加檸檬梳打及熱情果調配以成嘅特飲都幾特別喎 飲落香甜嘅熱情果味 仲有粒粒熱情果肉但又唔會蓋過歌茶香😽如此清新嘅特飲加埋寒天QQ簡直就係絕配喔😽❣️