西樹泡芙

營業中

休息中

已經唔係以前食嘅味道，泡芙質素下降好多，為左比呢間公司多次機會，去左旺角尖沙咀葵芳3間分店食過，發現味道相差無幾，相信係原材料唔夠以前靚同埋店員會hard sell月餅，已經婉轉表示不需要，但係店員仲係不死心繼續推銷，仲要突然間兩三個行埋來一齊講等我表明自己唔鍾意食月餅先停購買體驗非常差，不會再幫襯Ps.泡芙質素已經唔好，相信月餅都唔會好得去邊同埋咁多專業餅店嘅月餅唔買，點解要買一間泡芙公司出產既月餅？？

本身開開心心買咗八個翻屋企！之後同屋企人一齊食啦…發現個原味忌廉泡芙沒有忌廉夾心……得個空殼……🤣🤣🤣仲要卑小朋友串做咩買個空心翻黎……😂😂😂其他口味都贊噶！買咗朱古力，聖誕特別版，牛奶同原味…除左原味其他好味～我好中意個聖誕特別版！希望下次唔好甘黑仔買到空心原味啦……😂

西樹泡芙係我最鍾意食嘅甜品之一，佢哋平時都有好多嘅生產品出嚟，今日我就試咗佢哋新出咗一段時間嘅，恐龍脆脆芭芙 Milo Crispy，每個 都只係27蚊咋， 佢嘅外皮好香朱古力味仲好濃郁。

一見到泡芙就忍唔住買飽都一樣食得落，仲要一個人食一個。泡芙係朱古力味外層，有啖啖朱古力味榛子忌廉食落好重榛子味，好足料配上脆脆KINDER 繽紛樂口感好豐富，好想食多個

一直都係西樹泡芙嘅超級fans😍我自己食嚟食去都只係會食原味忌廉或者吉士，今次開home party叫朋友幫手買上嚟，佢又竟然鍾意試吓新口味，每款都有啲喎！有原味忌廉、北海道3.6牛奶布丁、特濃朱古力、士多啤梨忌廉、同埋期間限定嘅乳酪荔枝味🤩款款賣相都好靚好吸引,個個朋友都大讚邪惡但好好味😋今次我就試咗買相勁靚嘅乳酪荔枝，粒粒粉紅朱古力仲有荔枝果肉，荔枝乳酪味嘅cream酸酸甜甜好清新，配埋鬆脆嘅泡芙真係好好食！會繼續做忠實粉絲❤️

要過去尖沙咀做野既途中肚仔餓，經過西樹泡芙既時間就同男朋友講：「我想食🥺」「想食就買啦😎」男朋友萬歲🙌🏻🙌🏻因為中午趕住出門口所以食得好少既我感到非常之開心😄😄又係我愛既榛子醬🤎頭幾淡係好勁榛子既味道，因為舊cream,仲有舊kinder繽紛樂既一Kai仔🤪🤪但最後得返個泡芙就冇乜朱古力味🍫我一路食，男朋友一路講緊個電話，本身有諗住留返淡比男朋友試下🤨🧐但我太肚餓同埋橫掂最後幾淡都唔好食，就決定自己食埋去😂😂😂佢傾完個電話望到得返張紙…..😦「乜我冇得食㗎？！」「我太肚餓啦😬hehe」尷尬的笑容

最愛吃新鮮泡芙😛😛😛店內口味繁多，有抹茶、朱古力、草莓乳酪、芒果乳酪、提拉米蘇、吉士醬等等不同嘅味每次都會揀芒果乳酪有新鮮嘅香甜嘅芒果🥭配上甜而不膩乳酪兩者非常夾下次再買多幾件試吓先

今日放工買左4個泡芙返屋企，我食左個北海道牛乳布丁泡芙，以前也食過唔錯，今次食入面料係ok,但個皮真係唔得囉!😟真係食到嘔，我唔知佢係翻焗還是隔夜，個皮不是硊而係硬梆梆，仲要係略為overcook苦苦地，入到口想問自己食緊咩，簡直懷疑人生😫也太浪費糟蹋食物，以後唔再買這間，真係難以接受食物這樣糟蹋，雖然食物本身不是太貴，但至少保持正常水準，而不是焗壞了，買不出再買，給客人留下這樣差徑的體驗！😓

行過路過唔好錯過😋😋🥭🥭🥭💫芒果乳酪泡芙$29說起泡芙，必定要食西樹泡芙的芒果乳酪味。泡芙脆身，新鮮加入芒果乳酪醬，由乳酪製成，甜而不膩，加入三粒芒果，好夾。📍 西樹泡芙 (尖沙咀)尖沙咀港鐵尖沙咀站2號舖5⭐️評分好食指數：⭐️⭐️⭐️⭐️仲有好多唔同嘅味道好想試，之前試過抹茶紅豆朱古力等等都好好食，食一個已經等於半餐。一定要留肚食。 好鍾意呢種新鮮泡芙，外皮係脆，入邊用料非常新鮮，值得一試。

西樹泡芙 (尖沙咀)心血來潮想食甜品，剛好經過尖沙嘴站，便揀了3個泡芙買回家給自己與家人做飯後甜品😋芒果乳酪泡芙 $28小編通常食開用乳酪代替吉士的口味，乳酪酸酸甜甜，入面有少少芒果醬，芒果果肉🥭香甜都幾厚身😋，重點是泡芙新鮮不淋身，是鬆脆的😆 鳯梨愛玉泡芙 $28見到有新口味，於是買一個試下～ 由於路途遙遠，回家時愛玉的位置移歪了，不過也不影響味道～ 雖然泡芙餡不是乳酪，但也做到偏酸香味的鳳梨🍍味，愛玉味淡但加了入泡芙中豐富了層次，不過略嫌鳯梨果肉太少。

大熱天時喺街最啱就係食個甜點滿足下😋好耐無食西樹泡芙🤣🤣味道款式依然好多揀左 恐龍脆脆 其實即係美祿😋😋個忌廉餡料疊到好高 大啖食落勁滿足!中間仲有啲朱古力粒粒😆個泡芙個皮都好新鮮 食落好脆唔怪得成日都見到咁多人食水準依然正正👍👍

好耐冇食泡芙啦，記得中學嘅時候最鍾意食，大咗反而少食咗，可能怕肥，又可能太多其他嘢食，已經漸漸忘記嗰種味道，今日路過，阿妹話想食，先醒起好耐冇食。依然買咗舊時嘅經典，吉士口味，吉士醬依然好好味，外皮依然係脆嘅，簡簡單單嘅美食其實也可以很快樂。

呢日返屋企見到屋企人買左3款唔同口味嘅泡芙，賣相幾吸引嘅！ 🍴 朱古力三重奏 ($26) ⭐️⭐️⭐️⭐️ 用左65%特濃朱古力慕思同埋合桃果仁整成，果然超濃味，甜度尚算適中，唔錯！ 🍴 士多啤梨乳酪 ($25) + 芒果乳酪 ($25) ⭐️⭐️⭐️ 用左新鮮士多啤梨同呂宋芒果，好可惜都係比較酸，而且泡芙偏硬，一般般而已。 .............................. 西樹泡芙  地址📍: 尖沙咀港鐵尖沙咀站2號舖 總評分: 6/10 .............................. 味道😋: ⭐️⭐️⭐️ 環境👀: N/A 服務👨🏻‍🍳: N/A 衛生🧹: ⭐️⭐️⭐️ 抵食💰: ⭐️⭐️⭐️

今天上班中，突然收到妹妹說西樹泡芙今天有優惠買２送２，看完以後覺得挺吸引，就下班去買回家吃了！焦糖牛奶芭芙（２７元)這個就是泡芙放了牛奶奶凍再加上焦糖糖漿，然後再撒上了糖粉。吃起來牛奶味挺濃的，又帶有焦糖的香，一點點的苦味。泡芙也焗得很香牛油味，整體感覺不錯！原味忌廉芭芙（２０元）這個是想不到吃什麼的時間叫了也不會後悔的芭芙！內裡放滿了吉士醬，香甜可口，一口咬下去會有爆漿的感覺，非常好吃！Ps好像每個月都會有優惠的

話說1號嗰日，我同男朋友放工攰攰地想搵啲甜野食下～經過地鐵站嘅「西樹泡芙」，見到告示，每月2號會有指定口味「買2送2」嘅優惠，冇理由唔等多日㗎！ 終於到2號放咗工，我地懷住興奮嘅心情又黎到泡芙店嘅門口，「買2送2」嘅指定口味係買白桃乳酪，送朱古力吉士。雖然冇得揀不過都係我地想食嘅，試試佢！ 疫情關係唔可以即刻除低口罩食，唯有拎番屋企雪住夜晚食 😌==============================白桃乳酪 $27乳酪texture似whipped cream，酸酸地，白桃相信係罐頭桃，較甜 🐜生果＋乳酪＝酸酸地＋甜甜地感覺幾新鮮，唔會覺得好漏～==============================朱古力吉士 ($27) $13.5估唔到拎到返屋企，雪咗幾個鐘，泡芙都仲keep到鬆脆嘅口感，不過朱古力味唔算濃郁，重口味嘅我，可能要揀朱古力三重奏先得！ Cream似半溶嘅雪糕 🍦除番開每個泡芙都唔洗$15，抵食！記唔記得2號係咩日子呀？買puff，puff有責！西樹泡芙 (尖沙咀)📍 尖沙咀港鐵尖沙咀站2號舖