蕃茄仔

營業中

休息中

蕃茄仔紅色誘惑沒法擋🤤🤤套餐的亮點無疑是牛肩胛和和牛𦟌，這些部位因其絕妙的肉質紋理和豐富的風味而聞名。肉質的新鮮與否是品鑑此道料理的關鍵，適度的油脂分布使得這些切片在麻辣蕃茄湯底悄然煮熟後風味獨特，既保持了肉原有的鮮嫩，又吸附湯底的辛香。麻辣蕃茄湯底小辣的選擇，對於喜歡辣而又怕辛辣過頭的人來說，提供了一個絕妙的平衡點。湯底的蕃茄清甜解膩，麻辣的溫和刺激則為味蕾帶來振奮。特別讓人印象深刻的是厚切的牛舌、牛骨髓以及讚岐烏冬的搭配。厚切牛舌的嚼勁，多汁而不失口感堅實；而當牛骨髓在舌尖融化時，它那濃郁的鮮味與烏冬面的Q彈口感形成了奇妙的對比。雜香果菊花茶（凍）是一款清新的選擇。凍的狀態能夠提供一個為舌尖降溫的機會，尤其是在品嚐麵食之後。茶中微妙的果香與菊花香氣能夠有效地淨化口氣，並帶來一種舒緩的感覺。忌廉蟹肉薯餅，凸顯了菜單的多樣性。兩件薯餅外酥內軟，忌廉與蟹肉的結合呈現出奶油的濃厚和蟹肉的細膩，充分滿足了口感與味覺的豐富度。豆腐和秋葵本地鮮豆腐質地柔軟且能吸飽湯汁，使其成為了小寶石。而秋葵則以光滑而微脆的口感，進一步豐富了整體的食用體驗。65度有機溫泉蛋被視為日式料理的瑰寶，此處擺盤精美，蛋

近排想食啲酸酸甜甜嘅嘢，經過EASTMARK，啲嘢食睇落都幾豐富，一於就試下先！對比起德福，EASTMARK真係少好多人啊所以去到都唔使等位~今次叫咗兩個麵配一款小食~賣相睇落都幾靚，同埋都大大份特級牛魔王 $128一上枱就忍唔住「嘩」一聲！呢碗牛魔王有 牛肩胛、牛展、牛舌、同牛骨髓~ 大大條牛骨髓插喺麵入面，睇到都覺得好震撼 牛肩胛同牛展食落正正常常，不太特別。牛舌雖然係厚切，但煮得夠淋，入口即融，牛香味都重。牛骨髓一食落口滿滿牛油香味，抵讚不過由於太多牛，同埋好重油香味，食食下都有啲膩，配返枝茶飲會好啲~炭香脆嫩雞扒 $70(+$6 轉葛絲)雞扒個外皮燒得幾香口，但肉質唔算滑，味道偏鹹。本身我幾期待個葛絲會吸晒啲蕃茄味，但可能個湯係似蕃茄蓉質地，就唔係好吸湯，加上個湯比較濃稠，加埋葛絲似撈麵多過湯麵。如果鍾意食蕃茄嘅人，應該會好鍾意個湯底，因為食落無咩其他調味料嘅味，感覺充滿濃濃嘅新鮮蕃茄。忌廉蟹肉薯餅(2件)咬落好脆口，入面啲忌廉蟹肉都幾豐富，好食嘅個麵嘅份量好大，加上個湯好濃稠，所以更加飽肚。呢個價錢嚟講都高CP嘅鍾意蕃茄嘅話可以一試

Red Object 都食過幾次, 主打番茄蓉湯底既各款面食. 今次呢間起九龍灣, 樓面吾算大, 所有位加埋大概20個左右 (如果無記錯 LOL), 平日去吾洗排隊直接入我地兩個人一人叫左一個面, 份量其實都正常, 女仔一定夠, 男仔如果叫多肉嘅餐都應該夠🍅🍜🐔炭香脆嫩雞排 (刀削麵) $70 + 秋葵 $12塊雞排既雞皮煎得幾好, 少少焦香同脆脆地. 雞肉用既系雞上脾, 嫩滑吾柴, 唯一可以彈既就系調味差少少, 大部分調味都起曬塊雞皮度刀削麵正正常常最掂系個番茄湯, 吾系譚仔溝出黎果種, 系真系成個番茄打成蓉果隻，啖啖都系番茄肉🍅🍲🐮特級牛魔王 $128 叫左個最貴既面, 因為見乜都有得試湯底一樣就吾多講牛肩胛煎得幾香, 大塊得黎吾韌, 調味就正常偏淡牛展黎黎去去都差吾多, 吾煮過火都基本都吾會吾好味, 呢塊幾淋牛舌好厚切, 不過吾記得一塊定兩塊, 煮得岩岩好, 咬落吾散少煙韌, 調味都系偏淡牛骨髓勁香, 我覺得同個番茄湯咁配又幾搭, 食一條都吾會覺得膩, 加上吾系周圍有得食, 呢個推薦

#20240308 💛📍 蕃茄仔 @redobjects 九龍灣常悅道21號EASTMARK1樓7號舖 🍽️銅鑼灣希雲街5號地舖新蒲崗太子道東638號Mikiki LG樓LG7A號舖➖➖➖➖➖➖➖➖➖➖➖➖➖➖➖➖➖#牛魔王 $90#葛絲 +$6💭 有兩款牛既配搭，呢隻有#牛肩胛 同#和牛𦟌 ，如果另一款貴啲既仲會有埋#厚切牛舌 同#牛骨髓 ，啲牛肉片煎香左，牛味十分之香🐮不過面食就好少選擇，得上海麵同刀削麵唔使加錢，平時常見既米線或者烏冬果啲連加錢都無得食🙈試左葛絲，口感似薯粉，但瘋狂索湯，搞到啲粉食極都仲有，啲湯就無晒😥.#豚三寶 $92#米製通粉櫻花蝦 +$10💭 有#豬扒 、#豬軟骨 同#豚肉片 ，豬扒好鬆化，軟骨重膠質，豬肉片同牛肉片一樣煎香過，都係高質既肉🐽兩碗湯底都一樣，好杰身好似飲緊蕃茄忌廉湯咁，係咁飲又唔會話好口渴🍅同米通好夾，但說好的櫻花蝦唔知去晒邊😫.#九龍灣美食 #九龍灣黃店 #🐷在九龍灣 #銅鑼灣美食 #銅鑼灣黃店 #🐷在銅鑼灣 #新蒲崗美食 #新蒲崗黃店 #🐷在新蒲崗 #🐷_食

今日星期日五點幾去到人流唔多，一入到去就有位坐。首先真係要讚一讚佢個湯底真係做得幾出色，聽講個湯底係用30斤新鮮番茄熬煮，而唔係味精湯，所以一飲落口就感覺到啖啖番茄果種濃郁，成碗湯飲曬都唔會覺得口乾。炭烤風味雞排刀削麵 $68 刀削麵偏向厚身同硬，雞扒🐔味道亦都算正常發揮，雞皮燒得幾脆口，但略嫌雞肉有啲啲薄身，滿足感不大。秘製猪排上海麵 $68豬扒相對較於雞扒出色，肉質十分厚身，食落彈牙嫩口，加上上海麵本身幼身，比較掛汁，兩樣野一齊食落肚口感十分豐富，個人會鍾意呢款多啲！下次會再嗌！😍媽媽手工餃（三粒）+$20正常普通韭菜餃子味道，但餃子皮比較厚，食落飽肚感十足！嫩肉雞胸（三塊）+$18雞胸肉十分薄身，食落去肉質意外地嫩，煎得十分香口，就咁單食都唔會覺得寡！👍🏻👍🏻桂花龍井（凍）+$12正常無糖茶，冇加冰，杯size比較細，性價比不高

又嚟返呢間飯堂😆雖然依家價錢唔係平，不過真係好好食，所以一放假就會過嚟食🫶🏻要電話掃qr code落單，但係收銀隔籬個位嘅網絡比較差，侍應都好好，即刻比menu同埋話會幫手落單。🍜豚三寶(豬扒、豬軟骨、豚片)+招牌麻香伴麵 (刀削麵)+ 65°C有機溫泉蛋+秋葵：豬軟骨鬆軟，豬扒厚得嚟彈牙，豚片薄得來好夠味👍🏻麻辣汁惹味👍🏻👍🏻刀削麵可以掛晒啲醬😋🍜美國安格斯牛肩胛片、蕃茄麻辣湯底小辣(上海麵)：肉有牛香🤤，湯底嘅麻辣配番茄估唔到咁夾，可能我自己本身鍾意番茄同麻辣，一次過滿足晒2個願望💖🥤青漉咖啡：好濃嘅茶餐廳/炭燒咖啡嘅味，好香滑，無得頂👍🏻🧋青漉台瘋奶茶：甜得滯，但好滑口，有果凍喺底，但食時比較困難

蕃茄仔地址：九龍灣常悅道21號EASTMARK1樓7號舖作為蕃茄控點會未幫襯過蕃茄仔呀😝～牛魔王雙拼🍅$90偏橙奶色嘅蕃茄湯，甜而唔酸而且超creamy超濃呀😍，再配上薄薄幾塊超有油脂嘅牛肩胛，正🥳。炭燒風味雞扒🐔$70作為人氣Top 1 嘅炭燒雞扒點會未試過呀，炭燒雞扒燒得好香脆好入味😋，絕對唔係浪得虛明😆，加再上自家米制通粉煙韌口感，好較豐富呀😎。

我自己本人就好鍾意食蕃茄味嘅任何東西呢間蕃茄仔嘅雞扒真係好好味個成個湯我覺得勁濃郁嘅蕃茄味係令到我好想繼續飲嘅而且佢個湯麵係超級大牙啦咬落去好有口感咁另外佢入邊勁多蕃茄蓉我真係成個唔小心飲晒啲湯勁想食多碗，而且佢個雞扒係煎得啱啱好少少燶邊又唔會好乾身完全覺得好好味呢一個咁我朋友就食咗個秘製豬扒，佢自己就話覺得個豬扒普通咗啲同埋好大雪藏豬味應該唔係靚肉，但係我試咗一啖我覺得都唔錯嘅主要係因為個湯好好味所以加分

首先，間餐廳需要客人手機自行落單 但係個問題係間餐廳好似訊號盲點 死位 差唔多完全收唔到訊號 我掃個QR進入落單畫面 都玩左成5-10分鐘 未計我㩒入去睇餐牌&落單嘗試過問員工提供wifi密碼 想上網落單 但可惜得到既回覆：「呢度冇wifi 」但搜尋明明見到有該店既wifi 只係佢地選擇性不提供客人 我隔離枱既人同樣收唔到 見佢地都特登舉高電話為求接收到訊號落單而食物質素 蕃茄湯比想像中淡 罐頭蕃茄湯都出色過佢 十分失望而吉列豬扒 事前準備不足 解凍時間不夠 一食落去 仲會食到有陣雪味必食忌廉蟹餅 唯一可以過得去 但講到話必食就誇張左 至少未有吸引到呢個程度

九龍灣呢間蕃茄仔嘅雞扒蕃茄麵真係好正麵條好彈牙 咬落去好有嚼勁 湯底係濃濃的蕃茄煮完再blend爛所以有勁多蕃茄蓉係裡面 而且成個湯底係掛汁 加埋仲有一種鮮甜嘅感覺真係食完仲想再食多碗！另外要讚的係佢個烤雞扒煎得恰到好處，肉質好嫩好多汁而且脆卜卜有焦香味非常surprise!!!! 真係未試過食碗蕃茄雞扒面個雞扒都煎到咁有heart 食嘢嘅環境普通 上菜都快手 我見好多人都係叫雞扒面食如果你鍾意蕃茄麵同雞扒，絕對要試下呢個超正嘅組合！

九龍灣Eastmark,一向較靜，但經過蕃茄仔，決定一試。湯 4/5蕃茄湯有落蕃茄肉增加口感及厚實度，簡單方法但味道好。牛脷4.5/5牛脷軟嫩，厚切，有驚喜。份量得3片，1xx黎講可以更多，午餐應該抵d秘制豬扒 3/5太普通既豬柳，有大豬味，不是靚肉，可進步（好在唔鞋）麵 正常 wt do u expect*上海麵掛湯度好，推薦；刀削麵同濃湯唔太夾，可能叫撈或辣味配d由於叫套餐，有小食，忌廉蟹肉餅正常好食，但溫泉蛋凍既，少怪同唔夾個餐，建議改一改小食既選擇。是日甜品，係切一舊方塊仔俾你，請真句小器左。飲品不加錢只有汽水，但有冰底，加少少分。晚餐同份量唔正比，太過進取，結論午餐平d可以一試，尚算滿足。

今日嚟到呢間餐廳試下佢哋嘅招牌燒雞扒上海麵，真係要同大家講講佢哋個雞扒，外皮微微焦香，脆口得嚟肉質又嫩滑，簡直係完美結合🍗！至於上海麵呢，夠爽滑，加埋佢哋個特製湯底，鮮味十足，一啖入口，湯汁、麵條、雞扒味道層層疊出，越嚼越有味！至於個湯底，佢個清甜嚟自真材實料，你話會唔會好飲？你估啦！蕃茄湯麵方面，呢個就真係驚喜！湯底嘅濃郁蕃茄味，真係同你平時飲開啲嗰啲唔同，淋咗喺麵條上，每一啖都夾！估唔到烤風味雞排嘅炭香，竟然同蕃茄湯咁夾手！食完呢碗麵，個人真係滿足到嘆唔到氣！食物嘅質素掂過太平洋啲波浪！下次一定要帶埋友人再嚟試其他口味，肚仔嘅滿足度，真係話唔出嚟啊😋！

今日我化身蕃茄女🍅湯底：蕃茄湯底依舊係杰撻撻🤭唔會好深色 唔會好酸或好甜反而清清地更似由真蕃茄淆成😝一野唔覺意會飲左半碗湯⍥ 炭香脆嫩雞扒配上海麵 ❙ $70雞扒真心香 又嫩又滑帶皮 無咩脂肪 要讚😂上海麵掛汁力唔弱 質感無刀削麵咁厚實咁粉 😋的確比較好食！⍥ 美國安格斯牛肩胛片配刀削麵 ❙ $82牛肩胛四五片好出色 🤩富有濃濃既牛肉香香口又惹味 齒頰留香無誤🥺最可惜係我選擇錯左佢既伴侶長長既刀削麵 食落比較實淨厚粉下次再食一定一定要揀上海麵！！

幾日聖誕假期匆匆就過，已經有一段日子冇上線嘅 #小秘書 我返嚟喇😙 凍咗好幾日，太陽伯伯終於蒲頭☀️ 我哋決定行遠少少，過去 #EASTMARK 樓上嘅 蕃茄仔 Red Object整碗「蕃茄濃湯麵」，吸收吓維他命C😙可能係假期剛完結嘅關係，等位嘅食客唔算太多，服務員好快就安排到座位比我哋。專一嘅我，再次點咗 #炭香雞扒上海麵 做 #午餐 😙 上餐嘅時間比預期中快，碗麵睇起嚟都唔錯😎 蕃茄湯底味道好濃，可惜唔夠熱😅 而且件雞扒好似冇醃過咁，只係輕輕燒焦（炭香）塊雞皮就上枱，味道認真麻麻🤪 不過見同事嗰個撈麵似乎味道都唔錯，下次一於轉軚，試吓新口味先😏📍 蕃茄仔 (九龍灣)常悅道21號EASTMARK1樓7號舖

No.1推介 - 炭燒風味雞扒 配刀削麵 (68$)自家鮮茄濃湯飲得出係新鮮蕃茄打成嘅蕃茄湯，濃郁清新，飲完唔會覺得口渴，感覺健康。炭燒雞扒嫩滑有炭香，重配左蒜酥同蔥花，食落完全唔覺得寡。唯一缺點就係少貴，出餐亦都比較慢，可能因為即整的關係，而且只收cash，都比較麻煩。