蒸廬

營業中

休息中

下午同朋友去開石門，諗住搵野食就見到間食點心既「蒸蘆」就入去一試。因假日都需取票，等左一陣就入得。叫左4款點心，兩個人食都好-黑金虎抓流沙包，個包好大好脹一咬落去啲流心即刻出晒黎，建議要細細啖咬唔係會燙嘴😆😆-黑椒金錢肚，好入味夠淋身唔會太硬👍🏻-蟲草花湯鮮竹卷，湯好飲加埋鮮竹卷食好入味唔寡😌😌-點心拼盤，有9件點心（2件燒賣，1件蝦餃，1件粉果，1件菜苗餃，1件薑汁紅棗糕，1件馬蹄糕，1件叉燒包，1件馬拉糕）每件都幾好食，如果想試少少唔同種類點心，拼盤唔錯選擇

一向有幫襯開大約4年了，食品質素依舊一流，點心及唔通依然保持水準，但近幾次幫襯時發現有一位員工態度欠佳，整晚大聲說話，聲浪完全覆蓋整間小店，內容包括其家事及客人是非，完全影響食客進食心情

😎 小編依晚放工後好神心專程入石門打卡，當然喺附近食埋飯先走啦！🍽 全日套餐 - 南瓜鳳爪排骨飯 😋😋😋😋依個荷葉蒸飯真係份量十足！個籠大過小編塊面 😲 排骨肉與蒸煮得非常嫩滑，近乎一咬離骨。鳳爪幾爽同入味！仲舖上菜頭同南瓜🎃，比一般蒸飯多咗蔬菜纖維。飯🍚蒸得啱啱好，唔會太軟太濕。整體調味偏向清淡，但會另附一小碟帶甜嘅豉油。小編覺得唔錯！👍🏻🍽 全日套餐 - 晶瑩蝦餃皇 (兩件) 😋😋😋😋😋套餐可加錢配一籠點心，兩隻蝦餃比一般大一倍，晶瑩剔透嘅蝦餃皮包住好大好飽滿嘅鮮蝦🦐同肥豬肉🐽餡。食落啖啖肉，好滿足！晚餐 💵💵 約港幣$70/人💁🏻‍♀ 全日套餐亦包一罐汽水，一個女仔食真係會食唔晒！小編建議唔想浪費而又想試多啲嘢食嘅朋友仔，可以叫一個全日套餐，再額外叫幾款點心食！另外，依間小店都幾受歡迎，都要等下位㗎！😉🙆🏻‍♀️ 最後，喜歡嘅話，歡迎follow @foodirectory.hk！

為了唔想食lunch 要等位， 所以提早11：45去食飯， 一去到有位，職員都有禮貌， 好快就有茶到。見天氣涼返， 咪叫全日套餐1. ‘’紅棗杞子雞粒陳村粉$56 +燉湯-印度椰子合桃果燉上肉$42‘’2. ‘蒸廬’拼美點（9件） $68 +燉湯-黨蔘天麻川弓燉魚頭湯$52‘’飯同點心ok. 正常， 唔差， 但啲燉湯好似加水加水再加水再煲一樣（細個太多人飲湯， 媽子會加水再煲， 所以飲落咪知似加水囉）， 上枱係見到啲燉湯足料， 但啲味道真心淡淡淡淡水， 早啲唔加錢飲汽水好過

呢間食咗都有三次以上次次都會叫《紅棗杞子，蒸陳村粉》唔係講笑，清清地得來有幾好味而且紅棗杞子都係養生食品，佢仲有好多件雞分量算多，我自己就食唔晒🤣本身想食限量金錢肚，但係已經售罄🥹🥹🥹唯有試吓，佢個《薑蔥牛柏葉》都係即叫即蒸，唔會好油膩再叫咗《潮州粉果-》都係好好味$18-有三件大大粒佢嘅皮，好滑最後值得一讚嘅係《抹茶紅豆煎餅》$26/3 好似係一餐圓滿嘅。最鍾意佢熱辣辣咁樣上枱💕💁🏼‍♀️雖然次次都要等幾個字，不過都值得等嘅

鋪頭樓面較細，繁忙時間通常都要等待至少30分鐘🤨，即叫即蒸要點代價啦～不過好彩商場入邊都幾多野行，可以一路行一路等位👌點心拼盤9件基本上全部點心都高汁，燒賣夠大粒，咬落亦彈牙✅馬拉糕又鬆軟非常，1個價錢可以滿足多個願望😆😆宇治抹茶豆沙餅有點太多油，抹茶味欠奉，可以將quota留返比其它選擇🙏今次試咗拼盤及豆沙餅，其實佢出名的應該係盅湯、點心及腸粉，會再搵機會試埋佢！

年初三，朋友就話呢間蒸廬都幾出名，大份又抵食，於是上去朋友拜年之前去左呢間到食。可能年初三先啟市，啲野就未準備好，十一點半開門，但十一點半先見到有樓面返工執枱櫈。位置唔算好多，大約容納到30人，最後十一點四十五分終於坐到入去。一入到去就諗住試下燉湯，但一開市就話未有燉湯，煎腸粉，奶黃包，一心諗住試嘅野都無。最後就叫左晶瑩蝦餃皇、蟹籽燒賣皇、鮮蝦菜苗餃、荷葉蒸飯、薑蔥牛栢葉。啲野食係抵食嘅，普通點心水準。

啲包點嘅餡幾好食芝麻包好似放大版嘅湯圓🤣🤣流沙包嘅奶黄偏液體，我會希望蛋黄味再重啲，但要小心一撕墊底紙就開始流出黎🙈🙈包體就行鬆軟路線其他點心就係average 啦，無話特別好食但應該算幾抵食？同埋啲姐姐好盞鬼🤣🤣

一行３人點了７款點心甜點及１盅湯是日精選燉湯—猴頭菇茶樹菇燉上肉湯$58温度只是微温，應該是從不太保温的保温爐內取出但湯是清甜，料也算足晶瑩蝦餃皇（頂）$34蝦餃算是大粒， 晶瑩剔透蝦餃鬆散也沒有荀， 蝦則夠彈牙皮算薄也煙韌蟹籽燒賣皇(特)$30燒賣也大粒飽滿肉餡結實，但偏肥鮮蝦菜苗餃（特）$30外皮應該是粉果皮，也飽滿，滿滿的餡菠菜新鮮，蝦也爽彈奈何皮太淋爛，大大扣分黑椒金錢肚（頂）$34沒有黑椒味，金錢肚也蒸得太淋爛可取是不會太鹹瑤柱蝦米煎腸粉(特)$30令非常失望，沒米香不在話下腸粉並不是香脆，而是乾硬，偏油蝦米寥寥可數，瑤柱更是失了蹤雲石芝麻包(大)$26外皮也做到雲石的樣子，麵包鬆軟，不會太乾但芝麻餡卻令人失望，芝麻餡雖然流心，但芝麻味不足，而且偏甜蔗糖馬蹄糕(中)$22雖然我沒有吃，但同行友人，對其評語是太甜不算難吃，但不值特意前往吃，又是吃支持小店

石門不嬲都多嘢食😋蒸廬出名啲點心即叫即做又抵食叫左個肉餅飯😚肉餅好食飯好食而且又大份可以同人分🤩仲有各款燉湯飲熱辣辣好暖胃😙🤙🏻雲石芝麻包內餡豐富又好味甜品抹茶紅豆餅都好足料香口😋

#石門黃店 💛💛好少黎石門 知道呢度有間食點心嘅黃店😛所以順便試試 石門啲商場好似葵廣重點係超級多黃店! 同埋d小店都勁多文宣等左15分鐘左右就有位了——————————————————-全日套餐- 流心蛋牛肉飯 $50 配罐裝汽水) 個飯超級多肉同埋菜好抵食 但係因為冇諗過佢會咁大所以我哋仲嗌左幾樣野差啲食唔晒🤣蟹子燒賣皇$26 勁大粒過平時茶樓勁多🤤咖喱土魷蒸豆卜$30鮮竹牛肉球$18瑤柱蝦米煎腸粉$26 茶芥@$4total $158

三點幾諗住去嘆杯咖啡，經過呢間舖，咦仲咁多人食嘅，一定有原因，即時轉軚食點心，地方細細，掃QR code落單，𥄫吓menu，價錢唔貴，落單坐咗一陣，點心陸陸續續上枱蝦餃 皮薄餡靚，一口咬落去，嘩……D🦐好大隻鮮甜又爽，分三啖食先吞得哂燒賣 呢個堅得，彈牙又大粒，個餡冇D大大嚿又難𡁻嘅🐷肉，連一向唔like燒賣嘅我，都啪咗兩粒叉燒包 冇倒汗水淋濕包面情況包身軟熟，叉燒甘香，醬汁濃郁鮮蝦菜苗餃 又係大大隻，餡料豐富🥬🦐，配辣椒油食牛肉球 有彈性，配喼汁絕魚湯蟲草花鮮竹卷 味道淡，水汪汪，都係舊式做法好食得多流心蛋牛肉飯 餡料同牛肉球一樣，只係多咗個飯底同隻蛋，冇特別，嗌多個點心好過，失策大阪風蘿蔔糕 日式做法幾新穎，淋上蛋黃醬加柴魚片，味道即時升呢，如再煎得香脆些，口感會更好原來呢度唔收加一，只收茶芥每位$5，三條友除返開每人唔使一舊水，抵食

💛#黃店依間良心點心店近排好hit，好多人介紹亦都好多人幫襯！雖然石門好多美食，但我夜晚去咗食點心都要排隊等位呀，店舖唔算好大比我想像中細。好多食客氣氛熱鬧，點心款式好多夠熱辣辣、足料，但其實價錢唔算平😅👓紅棗杞子雞粒陳村粉 $50係其中一個招牌點心，如果唔想食排骨飯蒸飯都可以食呢個填飽肚！份量好大兩個人share都未必食得晒😂陳村粉質地似冇咁淋嘅腸粉，唔爽，其實整體唔算好濃郁香，都係食紅棗嘅時候先有點甜味。雞件好多反而好嫩滑幾好食。溫馨提示：如果叫陳村粉就唔好叫煎腸粉/棉花雞，因為兩者加埋等於陳村粉會重複咗！評分：7/10👓 雲石芝麻包 $27推介必食嘅點心！好少見到有芝麻包，而佢整得非常出色餡料嘅芝麻蓉起沙、濃郁、流心，好香芝麻味，以為自己食緊芝麻湯圓，簡直係擺咗粒芝麻湯圓係個包入面😂評分：8.5/10👓晶瑩蝦餃皇 $35👓鮮蝦菜苗餃 $31👓鮑菇蟲草棉花雞 $31👓魚湯蟲草花鮮竹卷 $23👓瑤柱蝦米煎腸粉 $31整體來講點心真材實料，夠熱辣辣，味道就普通不過不失，價錢唔算好經濟，小店梗係冇大茶樓咁抵食。

好鍾意食點心嘅我想試蒸籚好耐架喇，但石門太多選擇，想試多啲嘢所以多數都係掃街好少坐低食。今次終於的起心肝嚟到圓一圓願哈哈。整體感覺好好，員工氣氛好好食得開心，舖面唔大會坐得親密啲。食物即叫即蒸，肚餓嘅記得一坐低即刻QRcode手機落單，飲住茶等兩三個字有得食。兩個人午餐叫左六個點心真係飽到捧住個肚走🤭鮑菇蟲草雞超正！雞件嫩滑又入味、魚肚索晒個雞湯汁入口又好香，得兩個人都要爭住食啲魚肚。唯一係舊杏鮑菇嘅外皮有啲韌，可能要處理過先蒸會易咬啲啦其餘食咗燒賣、南瓜排骨、牛肉球、菜苗餃、馬拉糕，質素中上👍🏻比起富東閣嗰啲老牌酒樓仲係爭啲，但計埋價位鍾意飲茶嘅都非常值得去食！除左私心推薦嘅蒸雞之外，下次都會再試佢嘅招牌菜荷葉蒸飯同燉湯，希望有驚喜！順帶一提，臨走先見到原來佢有daily special嘅糕點同甜品，係限量同埋款式都幾特別架。

蒸爐 - 石門今晚去到石門想試下蒸爐，不過見到都坐滿哂又有人排緊隊，又餓餓地，所以決定買外賣返屋企食。南瓜鳳爪排骨飯 $48蒸廬拼美點（9件）$60首先，講講個荷葉南瓜鳳爪排骨飯，這個價錢來說，真係非常抵食，滿滿的荷葉飯，加上南瓜鳳爪排骨的組合非常香甜。表面有一點菜的粒粒，撈勻後再食落口感更加豐富。至於，蒸廬拼美點共有9件點心，包括燒賣2粒、蝦餃1粒、馬拉糕1舊、叉燒包1個、菠菜蝦餃1粒、薑汁紅棗糕1個、粉果1個、馬蹄糕1舊。外賣放哂落一個盒內，沒有玩場食的那個蒸籠，的確欠缺左一種次個豐富嘅感覺。不過每個點心味道都不錯，個人覺得燒賣特別大粒幾飽滿彈牙總結，其實非常抵食，下次都係要去現場食，有埋視覺感覺會更開心