蒸廬

營業中

休息中

前排晚市堂食仲係10點鍾bye bye, 有晚同老公工事煩忙, around 9點3先食得飯, 打去問幾點last order, 仲做唔做堂食生意, 亞姐係電話猶豫嘿左陣, 話你快d黎啦, 做埋你生意🥺9秒9老公揸車出到去, 9點半坐低, 一入門口滿滿既decoration 有心思嗌左招牌野, 奶黃流心包/ 金銀蒜香海蝦飯/ 點心拼盤 /紅豆沙, 每樣野都好味 above average 呢最有驚喜係流心包, 超多奶黃, 熱辣辣, 而且唔會過甜海蝦飯都有d份量, 飯好足拼盤可以考慮糕點+包數目唔好咁多, 改為多一兩款點心, 會比較滿足

📍蒸廬 石門呢間點心我哋已經幫襯過唔少次(⁎⁍̴̛ᴗ⁍̴̛⁎)次次都有人龍係出面排隊，雖然選擇唔算好多，但係價廉物美，每次都食到好滿足～🍽食物👍🏻鰹魚絲金粟肉餅飯 $45佢哋嘅籠仔飯一向抵食夾大件，之前我哋食開蒜蓉海蝦，都好好味！！今次就試吓肉餅飯。飯粒蒸得好乾身，粒粒分明，肉餅嘅size有成個蒸籠咁大，粟米同絞肉撈埋一齊增加口感，不過我就覺得肉餅嘅質感稍為淋左啲，如果紥實返少少應該更好味。✨鮮蝦菜苗餃 (特)餃皮晶瑩通透，唔會好厚同埋有啲煙韌，啲餡仲要好飽滿，入面有完隻蝦，不過有一粒穿左😂 👍🏻雲石芝麻包 (大)芝麻包嘅餡好似芝麻湯圓咁，有麻蓉同好香芝麻味，但就唔係流心個種，而係比較實心，食晒三個都幾漏下✨蟹籽燒賣皇 (特)燒賣夠晒大粒，上到嚟仲係熱辣辣，入面仲有蝦仁，咬落去啖啖肉好彈牙～✨秘醬蒸鳳爪 (大)鳳爪係我每次飲茶必嗌嘅點心～ 佢哋嘅鳳爪蒸得好淋好入味，輕輕一吮啲骨就會自動解體😂冇牙都食得呀👉🏻魚湯蟲草花鮮竹卷 (中)鮮竹卷入面嘅肉餡唔知點解同肉餅飯個味道同質感都好似😂 味道正常～👍🏻咖哩土魷蒸豆卜 (頂)魷魚彈牙，咖哩汁好香同埋好入味，墊底嘅豆卜索晒咖哩汁，一咬就爆汁，夠晒惹味～

一支公想食點心，絕對有難度，叫兩籠，已經飽，所以蒸廬嘅點心拼盤絕對係獨食人嘅恩物。呢個蒸廬拼美點共九件點心，包括蝦餃，燒賣（兩粒），叉燒包，潮州粉果，鮮蝦菜苗餃，馬蹄糕，馬拉糕同薑汁糕，當中鹹點全部正常水準，較出色係鮮蝦菜苗餃，皮薄餡多好豐富。反而想講下甜點，薑汁糕賣相同口感有啲似紅棗糕，但係就少咗份甜味，多咗少少薑嘅辣味，好食👍；馬蹄糕質地比想像中軟腍，馬蹄肉大大粒，爽口清甜，唔錯；至於馬拉糕就相對失色，黑糖味唔算突出，質感亦唔夠鬆軟。加錢叫多個燉湯，呢個姬松茸茶樹菇燉上肉湯好足料，湯渣食極都有😆，由於蜜棗同圓肉都落得幾重手，所以感覺較為偏甜。

中式點心餐廳南瓜鳳爪排骨飯 $50香香嘅荷葉味，南瓜好淋好甜，仲有菜心同蒜蓉，加埋好香。排骨嫩滑無雪味，鳳爪都好大嚿，整體好夾，唔會過濕，好味！鮮竹牛肉球 中點嫩滑牛肉，唔會太實，唔會一咬就散，啱啱好！蒸蘆拼美點 $55 有最常食既8樣點心，燒賣同蝦餃都有好大隻蝦，粉果皮薄有花生，叉燒包馬拉盞都鬆軟，紅棗糕正常發揮！鮮蝦菜苗餃 特點皮薄大隻蝦！沙田石門安群街3號京瑞廣場一期2樓225號舖星期一至五11:30-21:00星期六至日08:30-21:00

一個蒸籠，8種享受🥳原來2個人飲茶都可以食到過10款點心🥰唔好睇石門地方細細，其實有好多高質黃店架🤩‼️ 推薦度 (5⭐為滿分) 蒸廬拼美點 ⭐⭐⭐⭐鮮竹牛肉球 ⭐⭐⭐⭐鮑菇蟲草綿花雞 ⭐⭐⭐⭐瑤柱風味蘿蔔糕 ⭐⭐⭐⭐🫖蒸廬拼美點 (9件) 必叫‼️‼️ ~$50就可以一次試晒8款經典點心，粒粒都大大件，味道唔錯😋🐮鮮竹牛肉球 大大粒，爽口彈牙~🐔鮑菇蟲草綿花雞 浸住清湯好香好好味~同埋好多菇菇，菇控表示很滿足 (重點誤🥧瑤柱風味蘿蔔糕 真材實料，有粒粒蘿蔔~

交收俾人放飛機😤食番啲好嘢對自己 #石門 見過有好多好野食 等我發掘吓🟡 近期幾愛食點心 仲要唔係酒樓 係要去點心店食 ✨✨✨✨✨✨✨✨✨✨✨✨✨✨✨ 薑蔥牛栢葉(頂點) 有驚喜，係我食過最好食嘅牛栢葉 牛栢葉夠爽口，吸盡所有汁，十分惹味又好食 - 咖哩土魷蒸豆卜(頂點) 個咖哩汁好濃 豆卜吸哂啲汁好正！ 如果加粒魚蛋落去就好嗱🤪 - 雲石芝麻包(大點) 推介👍🏻流心芝麻，甜蜜香濃 好似食緊芝麻糯米糍咁 估唔到會有包點我鍾意食🥰 ❤️❤️❤️❤️❤️❤️❤️❤️❤️❤️❤️❤️❤️ 店鋪：蒸廬 (沙田) 地址：沙田石門安群街3號京瑞廣場一期2樓225號舖

個蒸飯一定要試 好足料好鮮 好香海蝦味🦞 同荷葉飯香粒粒分明🤤🤤而點心拼盤又係高質$55就有8件點心🤩🤩啱啱好 甜又有 鹹又有👍🏻全部都好高質 好好食😋!!

有段時間冇入石門，果然搖身一變多咗好多唔同種類嘅美食。今次決定飲啖茶食個包，就去咗呢間都幾多人推薦嘅蒸廬一試究竟～支持者應該都真係唔少，排隊都花費左一段時間，到底值唔值得呢？入到去坐低望望餐牌，發現飲茶黎講，啲點心都真係叫幾抵食，話好多款式又唔係，但對選擇困難症嘅我嚟講已經夠晒難選🤯🤯好彩比我見到呢個$55八件嘅點心籠！二話不說即刻落單，順便叫咗籠蒸飯。一上枱真係嚇親，蒸籠份量超級大兜，鳳爪排骨飯嘅外層用荷葉包住，每粒飯都充斥着荷葉香氣，粒粒分明蒸得夠乾身，鳳爪同排骨都夠入味同淋，朋友食到舔舔脷👍🏻至於點心，呢個價錢竟然有齊鹹甜包點、糕點、同埋最傳統嘅蝦餃燒賣，每款水準都拍得住外面貴一貴嘅口味，冇一樣野令人失望，回頭率100%！

好好味點心😜😜😜蒸盧併美點 （9 件）$55馬蹄糕好煙韌唔會痴牙，鍾意佢唔會太甜燒賣大粒又好食（有2粒）薑汁糕味道唔太突出馬拉糕鬆軟，甜度適中粉果菜苗餃叉燒包正常魚湯蟲草花鮮竹卷 $21魚湯好濃郁，鮮竹卷比較大條入面幾多餡，索晒啲湯汁好正🌟雲石芝麻包 $25麵包嘅質感係鬆軟有彈性，芝麻餡好足，仲要係少少流心，如果可以減少少甜度就perfect 鵪鶉燒賣 $32皮薄，肉肥瘦比例適中，正常發揮蝦餃 $33蝦餃皮唔算好薄，但係口感唔錯煙煙韌韌，蝦嘅份量多而且爽口鮮甜👍🏻總括黎講食物質素不錯，大件夾抵食，性價比高👍🏻聽講佢嘅燉湯同埋蒸飯都好出色，下次想試埋🤪

足料有誠意 新穎點心黃店 蒸廬推薦： 🍉🍉🍉🍉 (2/5)           味道：  🍉🍉🍉🍉(4/5) 價錢： 🍉🍉🍉 (3/5)                 打卡： 🍉🍉🍉 (3/5) 位置： 🍉🍉🍉 (3/5)                 回訪： 🍉🍉🍉🍉 (4/5)  二人套餐 $238呢個套餐真係啱哂「我全都要」嘅客人haha，咁啱每一個選項都有我想叫嘅點心，淨係叫呢個餐都夠哂😍選項一：蒸廬拼美點 (9件) 🍉🍉🍉🍉包括燒賣x2、蝦餃、粉粿、菜苗餃、抹茶流心叉燒包、馬拉糕、馬蹄糕、薑汁糕😋 燒賣皮薄&超足料，入面啲餡好似爆出嚟咁多😂仲食到少少豬油香，感覺上似係人手包嘅😍😍蝦餃、粉粿同菜苗餃都好足料，3樣都係一啖唔會食得哂嘅大細😂蝦餃食落好彈牙，菜苗餃啲餡多到跌出嚟咁濟😂餡料好新鮮，亦都唔會有臭青味😋抹茶流心叉燒包真係好神奇😂😂外層一入口會食到有茶香，內餡叉燒包嘅蜜汁甜而不膩，就咁聽個名覺得好似有啲奇怪，但係食落又覺得抹茶同叉燒包出奇地夾😂不過無乜流心效果馬拉糕好香，空氣感十足，好鬆軟，有蛋香之餘又有些微黑糖味，幾好食😋馬蹄糕同薑汁糕都好煙韌，但係唔會似橡筋/香口膠

蒸蘆係一間較為新式嘅茶樓，入面嘅選擇都豐富，亦都可以嗌set，就會有多一壺湯。好推介入面嘅菜苗餃同埋蝦餃，菜苗餃同蝦餃啲皮都好薄，入面嘅料好足，加埋辣椒油食更加好味！

次次都好多人等位，今次3:30到都要等一陣雲石芝麻包喜歡芝麻的朋友不可錯過，少少流心，要趁熱食菜苗餃皮薄，蝦大，仲有4隻，抵食抹茶煎餅忘記拍照，外脆內軟，本身都鍾愛綠茶，所以覺得好吃👩🏻‍🍳茶錢4元一位，點心抵食，不過真係時時都好多人

沙田區好出名嘅點心專門店 舖面細細但好旺場😆QR code落單 款式都幾多💁🏻‍♀️最近仲喺荃灣開咗分店～🔸晶瑩蝦餃皇 $32🔸蟹籽燒賣皇 $28🔸鮮蝦菜苗餃 $28🔸薑蔥牛柏葉 $32🔸秘醬蒸鳳爪 $24🔸鮑菇蟲草棉花雞 $28．點心味道唔錯 而且大大件 尤其燒賣好大粒🤩！不過調味偏鹹 特別係有醬汁嘅items 食完都頗口渴🫣同期望嘅有少少落差 不過都值得支持

香煎南瓜芋絲卷鹹到要即刻吐出嚟樓面仲繼續話意見接受，態度照舊。完。。。。。。。。。。。。。。。。。。。。。。。。。。。。。。

💛蒸廬❤️➡️原來已經介紹左呢間餐廳2次😂今次就試多左佢地嘅點心💛佢地嘅裝飾都好有feel🤩可惜過左6點就冇堂食，唯有買外賣🙈💛點心拼盤一次過可以試哂8款😜⛅️燒賣🌙上次每人兩粒，有好多蝦，大大粒，鍾意食燒賣嘅必食🥳⛅️蝦餃🦐食落都好彈牙，幾足料，驚唔夠飽，所以叫多兩粒🤪☀️菜苗餃🥬呢款好香，好新鮮，比到驚喜我😆☁️粉果🥜好足料，要分好多口先食得哂😇⛅️叉燒包🐷佢嘅餡料唔會好鹹，叉燒切到細細粒😉⛅️馬拉糕🌝食落幾香黑糖味😍☁️馬蹄糕🐎食落幾清甜🧐☀️養生薑汁糕🥧呢款好煙韌，幾濃薑汁味🤣.☀️花膠蟲草花燉土雞湯 幾足料，有好多湯渣，仲有花膠添，飲落清清甜甜咁，本身我冇咩機會飲湯嘅，就覺得好溫暖🥰