蒲羅

營業中

休息中

早兩日食完新加坡菜 勾起左對新加坡美食嘅食慾🇸🇬 同朋友忙完之後嘅全日第一餐 一於食得豐富啲😤🍀娘惹茶燻鴨摻摻上枱已經聞到好香濃嘅燻鴨味 而且賣相好靚😍 食落彈牙有嚼勁 肉質淋身而咬🤤 湯底椰奶味夠濃 吾會好鹹😛 豆腐卜吸滿晒湯汁 一咬開爆晒出黎🤣 摻摻嘅油麵同米粉都偏淋身 同燻鴨嘅口感形成強烈對比😚🍀街頭雞鴨絲湯米粉滿滿嘅材料鋪晒係米粉表面 雞🐔 鴨🦆 豆腐卜 半熟蛋🥚樣樣齊😉 雞鴨嘅味道夠濃 就咁食都好入味👍🏽🍀蛋黃咖也多士 表面烘到岩岩好 咬落夠脆☺️ 除左蛋黃 仲夾埋牛油係中間好邪惡🤩🍀新加坡鹹蛋黃單骨雞翼食落有驚喜 鹹蛋黃味道濃郁之外 單骨雞翼咬開有肉汁😍 而且夠熱 就算放左係到一段時間再食 雞翼入面仲好夠暖😳🍀新加坡鹹蛋黃魚皮脆卜卜炸魚皮 配鹹蛋黃冇得輸😋🍀凍海鹽雪糕椰汁珍多冰有得食又有得飲 一次過滿足晒兩個願望😚🍀凍美綠哥斯拉美綠夠濃 配埋可可脆波波同樣冇得輸🤣

🇸🇬有驚喜星馬菜，一次滿足你兩個願望🫶🏻🫶🏻放工係樂富搵食 經過見到呢間餐廳 見到佢個套餐又有喇沙湯麵 又有海南雞飯，小朋友都唔需要再去做選擇 因為可以要哂🤭🤭🤭海南雞🐥配油飯🍚，味道正常，呢個價錢都比油飯我覺得幾有誠意👍🏻👍🏻 醬汁唔錯雖然喇沙係套餐嘅份量比一般細碗，但因為另外仲有個飯所以好夠食🫶🏻 而且味道估佢唔到 都好味～ 不過留意返都幾辣🌶️ 唔食得辣既朋友真係唔好試🤭🤭 係香港食喇沙嘅地方唔多，重要講係好食既就而少🤭 呢個套餐一百蚊有找真係性價比極高架👍🏻👍🏻👍🏻

蒲羅 (樂富)今日同朋友兩點先去樂富食野😆見呢間到左下午茶時間，價錢又抵，就入左去食🥰海南雞飯 $58 🍖個雞真係好滑好嫩，每個醬都好好食，令人好有食慾😋😋油飯係有小小鹹椰漿味，然後我個朋友將個半熟蛋擺落個飯入面（咖吔多士配嘅半熟蛋），又真係幾夾，個湯都幾好飲，推薦！巴生肉骨茶湯米粉$46 🍜排骨好淋好好食，米粉份量超多，超抵食😚個湯底好甜，好好飲🥰半熟蛋配咖吔多士 $36🥪第一次將咖吔多士同半熟蛋撈埋一齊食，感覺好新鮮好特別🥰甜甜地餡配搭蛋黃，令層次口感提升😚街頭串燒拼盤 （雞肉、大蝦、魷魚鬚）$58🍢🍡很驚喜！❤️佢隻蝦幫你剝好晒，魷魚都彈牙，唔會好韌，搭配馬拉盞醬，真係幾正🤤🤤最驚喜嘅都係佢個雞肉串，食得出有青咖喱加少少青檸味，唔會好鹹，整體串燒質素都幾好🥰🥰以上所有下午茶餐都包野飲🥰馬來拉茶（跟餐）🍵甜度剛好，好幼滑好飲😆南洋咖啡（跟餐）🍵第一次飲南洋咖啡☺️好特別，奶味會較重，中意多奶嘅朋友可以試試😚地址：樂富聯合道198號樂富廣場A區1樓1104-1105號舖整體評分：4/5味道：4/5環境：4/5抵食：5/5

❤️咖吔多士 斑蘭 $26麵包烘底夠晒香脆 而𥚃面配上蛋白 秘製咖吔 同新鮮原片牛油 好好味 追住食 一個人絕對要自私食 食晒4件❤️新加坡咸蛋黃單骨雞翼 $48即叫即炸既雞翼再用香葉加咸蛋黃特製嘅醬汁 咸蛋既香 配上雞翼既脆 十分之惹味 ❤️海南雞飯拼喇沙米線 $88海南雞非常嫩滑 好正宗 喇沙湯頭濃香而且帶有滿滿既椰香 好正 一次過滿足晒入食到海南雞飯同喇沙👍👍呢到價錢大眾化又高質 性價比高 推介👍👍👍蒲羅 (樂富)樂富聯合道198號樂富廣場A區1樓1104-1105號舖

咁耐無去樂富原來都開左好多餐廳呢間 「蒲羅 Pulau」食新加坡野🥰餐廳門口個大燈牌 勁吸睛叫左個海南雞肉骨茶二人餐試 $238👉🏻新加坡白胡椒肉骨茶係胡椒豬肚湯嘅味 入面都真係有豬肚 同埋勁大舊排骨☺️ 全部都好入味啊👉🏻無骨海南雞（例）無骨海南雞完全唔洗擔心有骨 大大啖咁食 😝好滑啲雞👉🏻串燒拼盤(雞肉/蝦/魷魚鬚）擺得勁靚 每款有2串 私心個雞串☺️👉🏻油飯(兩碗）唔係好油果啲油飯 算係乾身果啲 岩我食🤭🤭另外包2杯野飲：凍香茅青檸：清新凍美綠哥斯：有美綠脆脆🥰估唔到都夠飽🤣🤣滿足啊

樂富廣場有好多美食，今次試吓依間新加坡菜餐廳。餐廳環境乾淨企理，裝潢有異國風情，適合拍照☺️ 店舖空間大，座位寬敞舒適，適合朋友或家庭聚會🥂價錢偏中等，食物質素不錯，份量正常，食物選擇多，唔怕冇嘢啱食👍🏻 晚市二人消費：$235.4 🫧已包括加一費用🫧💖💖💖食評💖💖💖𝑭𝒐𝒐𝒅🐥海南雞飯 拼巴生肉骨茶 ($88)✨ 味道正宗👍🏻 雞肉口感嫩滑，配上醬汁及雞油飯，味道更豐富，一流🤤 肉骨茶藥材味好香濃，湯料好豐富，好滿足新加坡大蝦喇沙 摻摻 ($72)✨ 推薦！湯底香濃微辣，椰漿味重 十分香口惹味，配料亦好豐富🤤 摻摻即是米粉加油麵，口感層次十分豐富😍 𝑫𝒓𝒊𝒏𝒌𝒔🥤馬來芒果汁配芒果雪糕 ($28)✨推薦！芒果味好濃郁，好好味，夏天飲一流😚🥤香茅鮮橙茶 ($26)✨清新鮮甜😚👍🏻

今日去開樂富，於是上 open rice 睇下有乜好抵又好食嘅下午茶推介，發覺呢間蒲羅都有好多人推介，蒲羅佢標榜係食星加坡菜，其實佢似係星馬菜多啲！唔知係咪平日嘅關係，餐廳都坐唔到一半人，坐低打開餐牌睇下有乜下午茶餐食先下午茶餐都有好多選擇，各式各樣，任君選擇，應該實有一款啱你，但如果你有選擇困難症嘅話，就真係會心大心細唔知食邊樣好🤔我地兩個人就一於叫一個飯餐及一個麵餐試下揀左個李先生辣椒板麵配漁丸湯餐，呢碗麵有啲麻辣味，撈勻左個半熟蛋後就冇咁辣，較易入口同好味左，至於碗魚丸湯就比較普通，魚丸冇魚味，餐飲叫左個凍香茅青檸荔枝梳打，我覺得佢只有酸味，飲唔到有茘枝味！飯揀左個巴東牛肉配班蘭椰漿飯，呢個飯就真係值得一讚，牛肉份量多之餘又夠淋兼入味，班蘭椰漿飯色香味俱全，就連啲配菜（青瓜、炸花生、半熟蛋及炸魚仔）都咁出色，餐飲叫左凍馬來拉茶少甜，杯茶似港式奶茶多過似馬來拉茶！碟飯好味都清零😄整體來講以咁嘅價錢食到有咁嘅份量，最重要係又好味，絕對係超值👍

💕蒲羅星馬菜一直係炎炎夏日嘅小良伴🦄南洋風情嘅喇沙、肉骨茶、海南雞飯，越食越開胃🥘蒲羅嘅套餐配搭好有心思，可以一次過食到喇沙+海南雞飯，滿足晒why not both嘅願望🧡.🌈參峇醬燒豬頸肉$78最impressive係呢道豬頸肉🥢煎得夠香而內裡juicy，肉質厚身食落充滿肉汁，參峇醬微辣帶咸香，十分惹味✨.🌈新加坡咸蛋黃魚皮 $48兩種邪惡又好味嘅食材加埋一齊😈咸蛋黃醬炒至起沙🥚均勻包住薄脆嘅魚皮，蛋黃油香加上炸魚皮嘅油香，油脂感大爆發💣.🌈海南雞飯拼喇沙米線$88無骨海南雞一直係最愛之一，懶人如我鍾意佢起晒骨夠方便，雞肉夠嫩滑，配上三種醬料各有特色😋油飯色澤金黃，粒粒分明而且仲有淡淡香茅味，撈少少薑蓉又係絕配🍚.喇沙配料豐富🍜有蝦、魚片、豆卜、流心蛋，湯底濃郁，份量啱啱好，滿足晒咩都想試嘅願望🥰.🌈馬來咖喱雞 $82馬來咖喱較著重椰香味，質地濃厚，雞件肉質滑嫩，單食或者配飯都一樣咁正🥘.🌈馬拉盞通菜 $42性價比頗高，炒得夠鑊氣，食落有馬拉盞嘅鹹香，而且大大碟非常抵食🧡

📍#蒲羅 (樂富)樂富聯合道198號樂富廣場A區1樓1104-1105號舖♡推薦程度: 🌕🌕🌕🌕🌘🔺🔺🔺🔺🔺🔺🔺🔺🔺🔺🔺🔺🔺依間新加坡餐廳都開咗好一陣子，見佢keep住都有人流😋 環境裝修都算幾舒服，牆身佈滿樹葉圖案，感覺好colorful。❣️#咖吔多士 (蛋黃) 💰$26多士烘得好香脆 入面夾住鮮牛油同斑斕醬🧈超好食🥹❣️#鹹蛋黃魚皮💰$48魚皮分量超多，塊塊都大片而且超級香脆，鹹蛋黃愛好者必食！因為真係每塊炸魚皮都沾滿鹹蛋黃💓超級邪惡但係又好好味😋❣#參峇醬燒豬頸肉💰$78豬頸肉係必點食物之一！豬頸肉口感鮮嫩，參峇醬帶點微辣，配上豬頸肉十分香口。❣#馬拉盞通菜 💰$42馬拉盞通菜的有少少微辣😙 炒得幾香~ 夠晒火候❣#地道老鼠粉💰$76第一次食老鼠粉 亦即係銀針粉，感覺都幾特別😋而且賣相吸引，配料一啲都唔馬虎，包括有碎豬肉、脆魚乾、花生、半熟蛋等等，撈埋銀針粉一齊食好香口☺️ 🔺🔺🔺🔺🔺🔺🔺🔺🔺🔺🔺🔺🔺

🐳來到樂富這個大型商場，想找一些東南亞餐廳，最後來到一間叫「蒲羅」的新加坡菜。餐廳環境很舒服，座位寬闊有卡位，店員有善，服務態度良好。🐳海南雞肉骨茶 二人套餐💰238新加坡白胡椒肉骨茶無骨海南雞(例）串燒拼盤(雞肉,大蝦)雞油香飯兩碗香茅鮮橙茶美祿哥斯拉🐳新加坡肉骨茶與馬來西亞的肉骨茶分別很大，以往我經常吃馬來西亞的肉骨茶，所以打算今次試一試新加坡的肉骨茶。這款肉骨茶用了蒜頭🧄，金沙骨，豬肚去熬製，輕輕的白胡椒味能去除豬肚的腥味，豬肚爽口彈牙，排骨軟淋，是一款很不錯的肉骨茶。🐳極力推薦這裡的無骨海南雞，非常之嫩滑，令人一試難忘，再配上多款醬汁，適合不同口味的人。加上一碗雞油香飯，一定吃過返尋味。🐳今次的串燒拼盤，店員說沒有魷魚鬚，所以只剩下雞肉串和蝦串。個人比較喜歡吃雞肉串，因為燒得很惹味，很香口。

第一次嚟樂富廣場食飯，見到呢間門口好多人，應該會唔錯掛。拎咗飛，等差唔多15分鐘先入座。每一枱都嗌嘅海南雞，應該係呢到最出名嘅菜式，雞嘅色澤好靚，有油光。真心係失望嘅，肉好淋，齋食完全無味，薑蓉一d都唔香。都係靠豉油先有味道。呢碟一黎到非常失望，雞皮多過雞肉...鴨絲係燒鴨絲，有陣隔夜味，好鞋好油，令到湯底都有層油喺面。唯一可取嘅係米粉嘅質地，又滑又彈，有d似有彈力嘅粉絲。可惜湯底就係普通嘅味精味。

樂富其實其實都幾好行，又好多嘢食，價錢又合理。今次見到呢間馬拉嘢鋪面好靚，裝修好新，環境又坐得舒服。呢間浦羅主打馬來西亞新加坡嘢食，見到個餐牌就勾起以前去馬拉新加坡美食之旅。宜家仲未通關，唯有本地馬拉嘢餐牌上好多選擇，每一樣都好吸引，好想食晒佢。最後千挑萬選後，揀左椰絲蝦球，海南雞飯拼迷你叻沙，老鼠粉。海南雞飯拼叻沙，可以一次過滿足2個願望，雞肉好滑好嫩，雞油飯好香，叻沙比想像中辣，但好濃椰香味，米線好Q, 好好味。椰絲蝦球有好多隻，都算抵食。椰絲好香，蝦肉好彈牙，食到Lam Lam脷。椰絲好似無麥皮蝦咁熱氣，不過下次一定試埋麥片蝦。老鼠粉原煲上，熱辣辣，好有煲仔飯feel,一開蓋就要即刻撈，唔係d粉會痴晒底。老鼠粉熱辣辣，配埋香口惹味嘅配料一齊食，好好味，好似置身馬來西亞一樣。

餐廳地點好方便，地鐵口一出就係樂富廣場，咁啱果日落雨，但沿途有瓦遮頭唔使擔遮，感覺好爽🤣揀咗海南雞肉骨茶二人餐 $238套餐包咗：海南雞、肉骨茶、串燒拼盤、兩碗油飯、兩杯嘢飲海南雞（例）冇骨最啱懶人食，啖啖肉好爽😎海南雞肉質嫩滑，而雞皮唔算太油，食落幾爽脆3色醬汁唔係Hea野～味道真係唔錯㗎！油飯飯唔算太油，米飯粒粒分明而且仲有淡淡嘅香茅味肉骨茶個湯係好重白胡椒味，飲落熱辣辣～入面仲有3件一字骨同好多豬肚～排骨好巨型，肉質唔會硬，尤其係連住骨嘅位置，超級嫩，索住湯汁一齊食好正😋而豬肚我覺得好好食，清洗都好乾淨一啲異味都冇，而且煮得好腍，好容易就咬得開，豬肚應該浸咗湯好耐，所以好入味，唔點醬都已經好好食‼️串燒拼盤有雞同蝦，各有3串蝦已經去殼，加分🤩燒得啱啱好，肉質彈牙雞肉腌得好入味，肥瘦適中，雞肉仲幾juicy 😜凍馬來拉茶茶奶比例啱啱好，入口順滑，同港式奶茶相比較為輕盈不膩😽凍桔仔話梅水酸酸甜甜好解膩，粒話梅係甜嘅～另外仲加咗薄荷葉，更加清爽👍🏻Ps.呢度係用紙飲管，為環保出分力👍🏻蒲羅 (樂富)樂富聯合道198號樂富廣場A區1樓1104-1105號舖

海南雞飯拼巴生肉骨茶 先試下個肉骨茶，睇到有杞子，豬肉連骨，仲有啲蒜頭，蒜頭係衣🧐好特別！咁一啖咬落個蒜頭，裏面係煮到林曬嘅，仲有肉骨茶的甜味，又幾好食👍個湯因為有洋蔥杞子嘅關係，都偏甜，腐竹同豆卜都吸曬肉骨茶的湯汁，每一啖咬落去都有肉骨茶湯泌出嚟，感覺好滿足！而整體未算好重藥材味 適合大眾口味。唔錯！海南雞飯個飯無薑絲係入面但食到薑味， 主菜海南雞一咬落去好香雞油味！建議可以咩都唔點食左舊雞，感受下先。而三色醬既濃黑醬油甜甜咸咸咁，酸辣汁就甜甜酸酸唔算好辣，薑蓉就感覺到佢係同海南雞既薑飯係同一隻味，薑味唔算出，同埋唔辣嘅。雞肉大部分都好滑，係有幾舊可能厚身啲，部位問題所以就會比較實淨，整體都係好香雞味同滑的。同埋其實分量都幾多，食極都仲有雞肉，同埋配左青瓜片，可以係食到覺得漏嘅時候，咬啖青瓜，清新一下口腔，再食😆我發現個醬最好係紅色溝黑色，辣辣甜甜酸酸又有啲鹹，同雞好夾！食完海南雞再飲多啖肉骨茶，就會發現肉骨茶嘅味道會變苦咗少少，藥材味出咗，建議都係熱飲好飲d。最後飲埋杯凍美祿哥斯拉， 完美！❤️

Went here for dinner with friends tonight Tried the hainan chicken and a small bowl of laksa Overall, the quality is satisfactory but not outstanding The chicken is not smooth enough While the laksa, is just soso , lacking of the seafood tasteBut the seating there is quite comfortable to have some gossip time tho