蒲公英和牛專門店

營業中

休息中

呢間餐廳絕對唔會再去！份量同質素覺得俾人敷衍我想講呢個份量女仔都唔飽…本身以為餃子得5隻，塊牛舌會大少少啦，點知細過手掌，薄過我塊面，餃子餡少得可憐，空左一半空間。味道方面十分普通，無咩調味。煎餃子個皮係淋嘅，食唔出黑豚餡同普通豬肉餡有咩唔同，如果想慳錢又食得飽唔會係呢間，9樓嘅滾餃餃子性價比會更高用料足、新鮮，蕃茄湯有誠意。呢餐最多值$40，食到好空虛特惠套餐A $68•煎餃5隻/水餃6隻•煎牛舌/豬扒/豬肋條/劍魚腩

呢間舖頭主要買各種凍肉同埋生餃子，但係其實都可以有幾個位俾你坐喺度食佢哋即包嘅餃子。你可以揀厚皮或者薄皮，可以揀煎餃或者水餃今次我就揀咗三種唔同嘅水餃:白菜餃子、韭菜餃子同粟米餃。食落去嘅感覺其實都幾足料，都唔會好大浸雪藏味，都幾多肉汁，同埋入面啲韭菜都幾香。枱面就有好多唔同嘅醬俾你自己配搭，其實都可以適合唔同人嘅唔同口味。雖然食落去唔係會好驚艷，但係呢個價錢其實都唔錯，下次可以試埋佢哋啲牛扒。😛

諗住入去食個午餐，所以點左牛脷烏冬見到其他人都係點淨餃子，不過第一次試就冇所謂啦，貴少少諗住試新野，點知嚟到份量係勁少，我諗係小童份量，牛脷又薄又難咬，唔夠飽之後再叫多八隻餃子食。料好一般，口感好普通，又細粒，唔會想食第二次

dumplings are very nice but the environment is not as spacious and comfy餃子非常美味，但環境可能不夠寬敞舒適。首先，讓我提到餃子的外觀。每一個餃子都被巧妙地包裹在薄而有彈性的皮膚中，看起來十分吸引人。餡料的填充度剛剛好，不多不少，保證了每一口都能品嚐到充滿滋味的內餡。而且，店家還提供了多種不同的餡料選擇，從傳統的豬肉餡到創新的海鮮餡，滿足了各種口味的需求。吃上一口，餃子的口感令我驚艷。皮薄餡多，餃子的內部充滿了豐富的湯汁和鮮嫩的餡料。咬下去時，湯汁在口中爆裂，釋放出濃郁的鮮味，令人回味無窮。餃子的餡料口感細膩，肉質鮮嫩多汁，與蔬菜的搭配十分協調。每一口都是一種享受，讓我難以停止。🏷️ 蒲公英和牛專門店📍 觀塘開源道60號駱駝漆大廈第3座1樓F室😋味道　：7.5 / 10💰性價比：8.0 / 10💕回頭　：8.0 / 10🍴 粟米餃 12隻- $60🍴 白菜煎餃 + 豬扒 - $68

標榜自己係黑毛和牛佢個價都唔係平 話試食價有6折揀咗塊$439 170g 折左$263 煎完出黎 除咗得d油同筋位我完全食唔到肉😵‍💫成盤冇食到擺返係到佢仲話和牛係甘樣😂😂我食開個d真係未試過係甘個職員平多$50蚊比我當無左件事其實都幾好搵 希望大家唔好中伏啦餃子好麻麻 反而佢個豬肋條幾好食最後擺低左$280 食左成口油佢有話整返塊細既和牛比我 但我都拒絕咗 因為已經成日油 食咩都覺得好油 亦都唔想嘥咗佢d和牛因為我睇哂佢雪櫃既和牛 都係甘既貨

第一次幫襯，見網上好多好評最尾買左白菜韮菜厚皮15 隻， 60 蚊皮係幾好， 但肉真係得勁小， 我覺得深水埗既3x 蚊鬆餃子同佢差唔多到我覺得整體唔難食但唔出色， 諗唔到食咩可以一試

店內主要售賣各種凍肉和生餃，但旁邊有幾個座位讓客人可以坐下來享用他們即包的🥟餃子可以選厚皮或薄皮🙈我喜歡有咬口的餃子，所以點了厚皮。兩款餃子都很足料，咬下去會有肉汁溢出🤤🤤韮菜豬肉餃的韮菜味道很香。枱面有他們特製的辣椒醬和芝麻醬，把兩種醬料混合起來，配餃子吃超正🤭雖然味道未到很驚艷的程度，但確實是用心製作的餃子🥟不錯🤪🤪🤪

喺觀塘駱駝漆行到好夜，見到求其有間餃子店就入去食。估唔到都咁好食！佢個門口完全唔知佢係食咩，因為佢係寫住和牛專門店，仲要裝修超級簡陋，入到去原來可以食餃子同和牛😂正常人應該會比門面嚇親.特惠套餐 (HK$68)見到有特惠套餐就緊係揀套餐，最後揀左白菜水煮餃+豬扒！佢個餃子皮薄多汁肉味濃，配埋個醬汁超好食。佢嘅醬汁係日本芝麻醬＋鼓油＋豆瓣醬，食落出奇地夾同野味！而個豬扒都係肉味勁濃，佢又煎到好香口🤤勁好食！唔記得影豬扒，失策🥹.果到仲有得即場係雪櫃到買塊和牛，店員仲會即場煎比你食添。我見隔離有客人食，如果大家有興趣都可以試下😂

以前觀塘區返intern，有同事帶我食呢間lunch呢間野係駱駝漆一樓，去過嘅都知道排隊等電梯係可以等成三四個字，所以我地行樓梯上去嘅。裝修係超級簡陋，好平民嘅感覺~同時間普通入面好多雪櫃，可以買走啲餃子、和牛甚至呢度用嘅醬料都可以即刻叫即刻食寫紙仔落單，飲品就自己去雪櫃攞~ very casual我已經好耐無黎啦~ 見到新出咗煎餃！以前係無架！淨係得水煮（薄皮/厚皮）新出梗係試下啦7隻白菜豬肉煎餃（$38）好好味~佢地淨係煎一邊~唔會太燶都係忍唔住叫埋水煮薄皮~都係白菜豬肉 （$38/8隻）配芝麻醬就最正！一個人清曬 haha好好味~每次黎觀塘都會食！！

之前去駱駝漆想食滾餃，點知截左單🥲即刻搵下附近有咩餃子食，俾我搵到呢間～門口完全唔似餐廳😂但內有乾坤！┄┅┄┅┄┅┄┅┄≋ 白菜拼韮菜煎餃 $58/12老闆推介厚皮煎餃，外皮煎到她香脆，一咬落去真係爆汁，應該係我食過最juicy既煎餃🤣 白菜同韮菜都好香好好食，可以跟自己preference揀！唯一要彈嘅就係餃子細隻左少少～評分：🌕🌕🌕🌕🌖-≋ 四拼水餃 $68/12四拼分別係白菜、韮菜、粟米同冬菇。水餃我地就揀左薄皮，同樣係好香好juicy，不過驚艷度就冇煎餃咁高。評分：🌕🌕🌕🌕🌗

星期六同閨密👭🏽係觀塘扮靚靚💆🏻‍♀️之後，去咗駱駝漆大廈shopping行開倉。🛍️本身我地都知道第3️⃣座最多嘢行，🤭原來1️⃣樓有間小店賣凍肉、冷藏食品之餘，仲有得比錢坐低食即叫即煮餃子🥟。有好多款餃子選擇🤩，有得揀水煮 / 生煎🥳，仲可以揀埋厚皮 / 薄皮。😎覺得口渴嘅，飲品櫃🧃入面亦有好多款飲品可以買。🤓🥟 水煮 - 白菜拼韮菜餃 15隻 (薄皮)水煮薄皮餃子夠juicy😚，蘸埋日式餃子汁惹味。😋韮菜餃足料入味。🥸白菜餃子入面食到少少薑嘅味道。😛🥟 生煎 - 粟米餃10隻 (厚皮)生煎厚皮餃子脆口煙韌🤗，配埋日式麻醬味道豐富。🤠粟米餃味道清甜，粟米粒份量多。😼

之前都食過 今次見佢有一人餐 另外和牛有折就再黎試下😍店舖係比較家庭式同簡陋 可能係買凍肉為主 但餃子都係內有乾坤嘅店內進食可以選擇單單嗌餃子🥟/買牛扒叫店員幫手煎即時食🤤凍肉部份有餃子/牛扒/羊架/海鮮/豬肉等等 種類多好多，可以即場喺店內時食完之後買返屋企員工/老闆會親自同你講枱上面嘅調味料沾餃子嘅次序我哋亦有另外加錢食和牛 員工/老闆同樣親自你教我哋食同埋切🍴水餃-韭菜餃/薄皮（12隻/$50）煎餃-白菜餃🥬/冬菇餃（一人餐$68）-餃子好多汁味道好天然材料好豐富-唔係話非常飽滿，但係一啖一口啱啱好-薄皮係煙靭嘅同時一咬肉汁💦即刻爆出嚟-煎餃掌控得非常好，主要係有一面金黃酥脆其餘嘅都保留左餃子皮嘅彈性日本🇯🇵和牛-牛肩肉（自己選擇$149）當日有凍肉買走五折、即場食六折優惠-肉嘅品質好多油花都好好 肉眼就睇到 可以自己揀要邊大細價錢嘅牛肉-店員幫手煎到 牛扒外面焦脆 約5成熟 都把控得唔錯👍🏻-油花超級足 入口即溶牛舌（一人餐$68）店員/店主 故意煎咗一半比較熟一半比較生 等我哋可以試到唔同嘅口感同味道-我認為熟嗰邊嘅牛舌比較爽口易咬-牛味都好重，唔會因為係一人餐，所以俾啲平貨

一間賣和牛凍肉、餃子的店， 客人可叫餃子現場試食，即叫即煮，吃得對味，就可買生餃子回去吃。餃子分了水煮或煎餃，厚皮或薄皮，有白菜/韭菜/粟米等等口味選擇，店家選用鹿兒島黑豚肉做餡料，吃得出比本地豬肉更香更肥美。我點了10粒煎餃/薄皮/白菜併韭菜， 餃子是現場撈餡包餃再即叫即煎， 十分新鮮， 一口咬開餃子餡料很足。 配合店家手工泡製的和風椒醬， 微辣帶點酸甜，餃子的味道又多了一點層次。店家也有提供很多日本的飲料， 價錢都不貴。

Lunch Time成日經過都見到好多人排隊，今日收工去試下咩料先~好彩冇咩人都唔洗等位見佢推出左新既聖誕套餐($68)有餃子有肉有飲品，我地都叫左1set試試佢💙當日老闆娘仲話可以揀煎牛舌，平時就提供豬扒或者豬肋條，想食牛舌就要睇下好唔好彩啦~牛舌煎得岩岩好，肉質鮮嫩，佢地仲有提供調味料可以就番自己既口味套餐最後揀左生煎5隻栗米餃!其實我係栗米控💙餃子裡面大大粒栗米，絕對係真材實料架!皮薄餡靚，外皮煎得好香脆，熱辣辣食就最正!配埋各款日式飲品真係一流~順帶一提呢個套餐女士食岩岩好，如果男士叫就可能要額外再加餃子啦另外仲叫左15隻水煮冬菇餃，同栗米餃一樣都係皮薄餡靚，都未咬開就已經聞到好香冬菇味💙不得不提既係佢個辣既醬料!!個人認為好出色，小辣既程度，配埋個醋岩岩好，我諗食多10隻都唔係問題!

👧🏻😋👅🍽✨新出左聖誕套餐有肉又有餃😍-蒲公英和牛專門店🇭🇰 觀塘開源道60號駱駝漆大廈3座1樓F室 🇭🇰-🐮蒲開駱駝漆都應該知道蒲公英一直都有凍肉買, 仲可以即叫即煎扒, 但次次係想食餃先會去, 跟住一直的唔起心肝去食扒🐮今次有個聖誕一人「平安喜樂」套餐😂 有排又有餃就點都要試試-🎄🥩🥟聖誕套餐 (水餃6隻/煎餃5隻 + 豬扒/豬助條 + 日本罐裝飲品) $68💯豬助條: 有得自己去冰櫃揀! 豬助條最緊要肥😌 揀左條多脂肪既, 即煎好新鮮超香, 咁local既店都有即磨岩鹽同黑椒😝💯煎餃: 5隻都2得轉雙拼超好, 但我另外叫餃子所以揀左單味冬菇, 一如以往既脆口好食, 冬菇好香💯日本罐裝飲品: 唔係配普通汽水咁行嫁, 雪櫃好多款式都係日本進口, 有汽冇汽都有, 揀左有汽橙汁好味-🥬🥟水煮白菜拼韭菜餃12隻 $50✨揀左薄皮超滑! 一咬開爆肉汁✨姐姐上菜有教學混醬大法: 餃子汁, 麻醬, 豆瓣醬 1:1:1溝埋, 真係幾好食, 少少辣好惹味 🥰-