荳子烘焙

營業中

休息中

Beans 這個名字都不陌生，在將軍澳站有旗下的【Beans Bakery】及【荳子冰室】，經常大排長龍，在將軍澳極具人氣。最近於將軍澳中心又開間，【Beans Bakery】，Beans 的全新副線顧名思義以麵包店型式經營，店內又焗爐麵包新鮮出爐。店內共售過多款麵包甜點，有麻糬葡撻、土匪法包、牛角包、冬甩…等。款式多，賣相吸引，價格定位也相宜。Beans 的全新副線顧名思義以麵包店型式經營，但是同樣供應多款輕食，有pasta、risotto 、toast& bunch。店內設有用餐區，環境簡約舒適。客人下單後自由找位置坐下，食物由店員送上。意式煙肉忌廉菠菜班尼廸蛋酸種吐司 ($56)  來到【Beans Bakery】當然要個麵包菜式。兩個班尼廸蛋真吸引，弄穿的蛋黃汁流出再沾上麵包及菠菜，囗感豐富！ 雖然煙肉有些格格不入，但整體味道到位。每款菜式包括一杯飲品，小編的凍檸檬蜂蜜 +$3，味道甜中帶酸潤喉又解喝。簡單的午餐，不用加一，價格相宜。

成日過嚟買麵包，因為款式好多，望落又好靚，而且味道都唔錯！香芋芝士法包 $22好少見芋泥配搭法包，好特別😆法包表皮酥脆，入面夠軟熟，壓落去有回彈，唔錯；芋泥唔會死甜，食到微微嘅芋頭香，加埋芝士嘅咸香，有驚喜！伯爵比高$22伯爵茶味道較淡，如果可以濃味少少就好😝不過🥯有咬口，夠煙韌彈牙，食完好有飽肚感！平時我會買返屋企食，今日有時間，所以就選擇堂食，其實除咗麵包外，餐廳亦有意粉、薯條、咖啡等等，都幾多選擇😋

雷聲大，雨點少，正當此店開設很多分店，每間都大排長龍，費時等待的同時看到此簡單咖啡廳沒那麼多人排隊，加上各方面的聲音都讚口不絕，所以前來試試他們的咖啡。唔知係咪因為價錢太便宜所致，所以杯咖啡有這樣的質素。 當日外賣一杯泡沫咖啡，試了一口就只有泡沫沒有咖啡，全杯都是牛奶，我已經沒有要求要脫脂奶都弄成這麼樣子，難道是飲牛奶嗎?  我猜想是否比錯了牛奶咖啡?  但侍應拿出來時是說: 泡沫咖啡的，那麼沒錯了吧!  這杯所謂的咖啡簡直不值一試， 為什麼這餐廳有那麼多人要排隊幫襯呢?  一杯簡單的咖啡都弄成這樣子，其他野食又會如何呢??

早餐我一定要飲咖啡，為了飲咖啡，一定要搵一間有咖啡的早餐店！滿足我每日一咖啡，我一定要飲一杯不夠要飲兩杯🤣以摩登裝修為主放了不同類型的麵包，任君選擇法蘭克福香腸牛角酥 $19🌟🌟🌟🌟🌟結合了法式和台灣美食元素的經典創意料理。這款牛角包外皮酥脆，內裡鬆軟，搭配著香濃的克福香腸，口感豐富多層次。每一口咬下去，都能感受到香腸的鮮美和麵包的香氣。煙蜜糖火腿芝士包 $18🌟🌟🌟🌟🤍結合了煙燻的香氣、蜜糖的甜美、火腿的鮮嫩和芝士的濃郁，放左在鬆軟的麵包上的芝士，散發出誘人的香氣，每一口咬下去，都能感受到煙燻火腿的獨特風味和芝士的濃郁滋味，帶來滿足的味蕾享受。美式咖啡 120z（跟包）$14🌟🌟🌟🌟🌟以其濃郁香醇的口感和獨特的風味。每一口咖啡都帶來濃郁的咖啡香氣和深邃的滋味，讓人在喝的過程中感受到咖啡豆的精心烘焙和沖泡技巧。清晨的第一杯咖啡，是我每日的充電的必須品，提醒醒腦的根本！

真的十分失望，今日點了「意式煙肉忌廉菠菜班尼迪蛋酸種吐司」，培根真的很燶，向女待應反映，得到的回覆是：因為用焗爐焗的，所以會有少少燶。但我已是第三次吃，跟之前兩次落差很大😓希望日後會作出改善。

The pulled pork here tastes pretty much the same as the pulled pork burger in Beans, though the whole portion gets a size down so I reckon it won’t be enough for a full lunch. I personally ain’t a fan of the green sauce on top, perhaps they’ve added their twist to the benedict sauce (and scallions too lmao)Also, this cafe is mostly self-serviced— you grab a table by yourself and order at the counter. Would be a nice spot for an afternoon tea considering the portion and the long queue during lunc

未到 9:30AM 到達，人流唔多，還未坐滿，可以舒舒服服，放慢些少腳步，enjoy個早餐先開始一日嘅日程。 點咗DEEP-FRIED FISH FILET, EGG & TOAST 炸魚柳.太陽蛋&湯種吐司（$46）：炸魚新鮮香脆，連 tartar sauce，炒蛋有心機，好嫩唔老。多士亦都係好軟熟，家人非常滿意。（補充：中文Menu寫係太陽蛋，上菜係炒蛋。如果有特別要求，最好預先同職員溝通。） SOURDOUGH TOAST W/ PANCETTA & CREAMY SPINACH BENEDICT 意式煙肉忌廉菠菜班尼迪蛋酸種吐司（$46）：水煮蛋，時間拿捏恰當，好夠流心，正！ 再加埋 hollandaise sauce 以及下面嘅酸種多士，簡直係 perfect match! 題外話，菠菜係用中式菠菜即係街市買嗰種，唔係 baby spinach。但營養價值一樣，以咁嘅價錢，真係冇投訴。 一定好快會再encore。 純粹個人分享，是次體驗不涉及試食活動。

BEANS 呢個品牌，起將軍澳區應該冇人唔識，有唔同餐飲品牌，走不同風格路線。根據官方網站介紹，原來餐廳發源地起荃灣，呢10年間喺香港超過10間分店，成績算唔錯。入內進食都感受到係一間有心、有理念嘅本地餐飲品牌。Beans Bakery 開咗幾個月，終於有機會去堂食試吓。走平民 bistro 風格，睇完Menu，出去點餐，之後食物會送到枱。出面有自助枱 self serve 刀叉、調味及冷熱開水。點餐後，坐一陣，食物好快已送到。SPAGHETTI W/ GARLIC & OX TONGUE DICES IN TOMATO SAUCE 香蒜茄汁牛舌粒意大利麵（$72）：每個 pasta 都跟 Garlic Toast 蒜蓉吐司，薄薄一片，蒜蓉味濃郁，用心之作。意粉個茄醬唔錯，但牛柳粒真係比較少。Overall 係好食嘅。CRISPY FRIED CALAMARI with Tartar Sauce 脆炸魷魚 跟配他他醬（$48）：魷魚圈炸得好香脆，讚！配他他醬一流，份量都好足夠！ RISOTTO W/ PAN-FRIED CHICKEN & TOMATO 煎雞蕃茄意大利飯（$64）：職員

早前去Table食嘢時行經，覺得佢門面光猛、開揚，而家終於有機會試下佢的早餐🍽️😙。早餐set係不同麵包主食🍞+飲品（另有all day breakfast）。至於麵包以外的熱食（好似通心粉、麵🍝），呢度就冇喇，估計呢點都局限咗餐廳的客源。早餐時段有個優惠係買麵包🍞🥐可半價➕飲品，呢個優惠彈性得嚟又幾吸引，我都留意到有約一半早餐食客都係揀呢個組合。朋友點咗牛油果炒蛋配酸種麵包跟餐飲（$48），而我就揀咗店內1款新出麵包跟12安士鮮奶咖啡。牛油果炒蛋🥑🍳配酸種麵包🍞：我冇份食，但上檯時覺得幾靚，唔知係巧合定係餐廳的烹調技巧，個炒蛋成朵花🌷咁，我以為係我錯覺，諗多咗，但朋友話唔使講都知係花啦😂！如果呢個係造型，咁就真係幾特別，未見過呀~不過，個麵包的份量有啲細~酒釀桂圓合桃酸種麵包🫓：只係$22，買包仲可以半價跟任何飲品🥤，幾抵。麵包睇落大，但實際唔太墜手，重半磅多啲（~250克）。麵包都足料，有桂圓同合桃。佢的味道較淡，以$22嚟講，已經做得唔錯，而且酸種麵包好似健康啲，值得買嚟試下！👍🏻👍🏻👍🏻鮮奶咖啡☕：本以為餐廳的咖啡應該唔錯，但事實卻令人大失所望🥹。首先，唔理堂食/外帶，一律用紙杯

此店在將軍澳中心，開放式店舖裝潢，服務是半自助形式，店內右側是收銀櫃台和主要售賣麵包和咖啡的區域，另外，店內設有用餐區，先到收銀櫃台下單付款，然後自由找座位坐下，之後會有店員送上食物。其他餐具如：水杯及調味料就要自己去自助區拿取。葡撻呢個size就啱啱好，撻皮酥脆夠乾身唔會太油膩，味道唔錯，蛋漿滑溜，甜度適中，唔會太甜。朱古力好濃郁好正，視覺味覺一齊滿足。總結：餐廳裝修簡約舒適，座位舒服乾淨，自然光度好好，裝修靚，出餐快，環境非常整潔明亮。

今日二訪，叫咗意式煙肉忌廉菠菜班尼廸蛋酸種吐司（$46）附送飲品。早晨梗係要返杯 Americano 醒一醒神 ☕️。除咗咖啡，可選檸檬蜂蜜🍯、自家製水果冰茶 或 升級至其他飲品。選擇都好多㗎！食物及飲品依舊保持水準，讚！一定會再訪！

呢間餐廳新開咗幾個月都係荳子集團，新屎坑下午茶去試一試🤭荳子烘焙走比較平民嘅路線而相對地人手方面會減少啲黎降低成本手撕豬仔骨班尼迪蛋酸種吐司🐷🥚🍞 $64嗌果陣會諗吐司會唔會好細份，黎到見到先發現下午茶兩個人夠晒飽肚😋豬仔骨微微酸帶甜味加埋生菜解膩，配搭得非常好，班尼迪蛋火侯掌握得好好夠流心🤤第一次食酸種吐司，原來口感有少少煙韌，無論係肉菜蛋同吐司都配合得好好🤤加$30可以揀湯薯條或沙律，仲有一杯嘢飲，晚餐嚟食就會非常之抵👍🏻

新年假有好多餐廳都無, 喱間有開來試下 食物 : 英式全日早餐 $78 ~ 成個餐都OK正常, 麵包見到以為好硬, 點知配上牛油好好食 脆炸魷魚墨汁意大利飯 $72 ~ 味道正常好味, 魷魚圈炸很酥脆唔油膩, 墨汁飯食到成咀烏卒卒, 飯唔算好硬, 可以接受 飲品 : 檸檬蜂蜜 & 自家製水果冰茶, 跟餐不用加錢 ~ 味道正常, 唔會好甜 甜品 : 葡撻 $12/個 ~ 味道唔錯, 外皮酥香, 而且內有麻糬, 更加好食 環境 : 此店在將軍澳中心, 裝修新淨明亮, 座位舒服乾淨, 餐點要自已出去買, 之後會有職員跟單號送上, 餐具及清水要自已出去攞 服務 : 職員有禮貌 價錢 : HK$174/2人 (無加一服務費)

今日發現荳子烘焙 8:30PM 後大部份麵包會做半價，唔怪之得好早之前已經見有人排隊，我以為啲人等堂食。今晚買咗三款包，煙肉芝士小法包（$7）：屬於鹹包，法包裏面加入煙肉及芝士，係坊間比較少有嘅選擇。荳子包（$6）：呢個我覺得比較signature，餡料有紅豆蓉及 custard。百吃不厭，唔使去到荳子冰室買。合桃香橙紅豆包（$11）：餡料有紅豆蓉及乾橙粒 mixture，面頭有合桃及甜甜的碎，每一啖都有唔同口味。如果係香橙粒加榛子醬，其實都幾夾。日後買麵包，又多一個好選擇。

伯爵茶bagel表面有茶粉 茶味假 口感一般 冇bagel嘅煙韌 唔值$22。。值得讚嘅係麵包選擇多 購買流程run得好 好快就可以俾錢攞走～可惜味道有改善空間 有機會試下堂食