星期六起身，見唔使等位，就過嚟飲早茶。一到達，安排入座。茶客唔多，相對清靜舒適，可以慢慢嘆茶。點了幾樣點心：鮮蝦腸粉，一碟三條腸粉，皮薄餡靚，鮮蝦🍤新鮮彈牙。 柚皮蒸鳳爪：份量適中，鳳爪正常味道，柚皮好入味。 咖哩炆土魷：今時今日唔多酒樓有呢味土魷，所以叫嚟食吓。最搞笑碟底放 potato wedges，因為係蒸嘅關係，有幾舊索晒汁，已經變咗薯蓉。😂 陳皮牛肉球：正常，唔粉，不作多講。 棉花雞：份量充足，有雞肉及冬菇，魚肚好入味。讚！ 椰汁斑蘭糕：諗住點個甜品作總結，點知冇乜味道，又冇椰香味，又食唔到斑蘭味，有點失望。

麥當勞出新嘢，梗係要去湊吓熱鬧。Ordered 6 件麥樂雞套餐（$29），就跟一個 dipping sauce, 選了期間限定滋味醬 Cajun Sauce 🧄 蒜辣蛋黃醬試吓。微辣，都幾好味。當日都好多人買麥樂雞，比較新鮮熱辣，皮都夠脆，香口嘢。

會員生日 🎂 優惠，選了 Valrhona Dark Chocolate Cake 法國Valrhona特濃黑朱古力蛋糕。用上朱古力界 Hermès 嘅朱古力原料品牌，朱古力 🍫 香濃，海綿蛋糕軟熟好味，冇乾身到。有兩層朱古力海綿蛋糕，中間夾了濃郁嘅朱古力醬，質感硬實。

魚米家之後變咗呢間店，見佢成日都好多人，今日去試吓。到達時仲有幾張枱，但店員堅持安排搭枱。🙄 現烤叉燒忌廉雞湯意粉 配：西煎雙蛋 🍳 +牛油吐司🍞（$42）：呢個餐話係number one所以要試吓。有四舊叉燒，味道尚算可以。個 so-called 忌廉雞湯係好淡冇乜味。意粉都係冇味。食到尾聲，叉燒浸起湯度，連啲叉燒都搞到冇晒味。雞蛋🍳同多士🍞，正常，可接受。餐飲點咗薑蜜奶茶，唯一叫做比較特別。 美式早餐（$46）：叫咗吉列魚柳 🐟，冇特別功夫，正正常常，就唔多講啦！

重開後，都係第一次光顧。叫咗鮮炸黃金魚片一條（$60）：一開始都覺得貴貴哋，一上枱即刻覺得物有所值。因為係即炸嘅關係，上枱仲係熱嘅。外皮夠乾身，肉質彈牙可口。Oshii~ 紫菜魚三味河粉（$52）：有魚蛋、墨魚丸及魚餃各兩粒。魚蛋爽口彈牙，不在話下；墨魚丸，感覺有加咗啲香菜，有一點點淺綠色，真材實料，唔粉。魚鉸都係正常嘢。 紫菜魚四寶河粉（$58）：同三味一樣，只係多兩片魚片。 臨走前要咗一打生雲吞（$60）：返到屋企感覺好似好細粒，以為中伏！煮熟咗，裏面起碼有一兩隻蝦仁 🍤 ，新鮮爽口，冇加味精。正！

平日午餐可選擇 2-course ($295) 或 3-course ($340). 當日前菜選了秘魯式醃帶子 SCALLOP KUMQUAT CEVICHE，北海道帶子加上青檸汁及柑橘：係一道清新開胃嘅前菜。主菜係烤鱸魚 🐟 GRILLED BARRAMUNDI：配上小西蘭花及薯蓉，份量足夠，魚肉烤得恰到好處，唔會太乾身。最後已黃豆粉芝士蛋糕 KINAKO CHEESECAKE 及咖啡 ☕️ 作結：芝士蛋糕好滑，跟咖啡係絕配。店內環境舒適，開開心心結束一頓滿意嘅午膳。補充，店裏提供 Elephant Gounds 的咖啡，咖啡香濃，在餐之外，可以額外單點。

一出𨋢已經有置身於花園 🪴 嘅感覺，喺泳池旁邊，就係以前 Waterside Terrace 的位置，現在改建成室內，以綠色做主調，加落地玻璃。準時到達，安排到梳化位。侍應好快奉上 welcome tea - 玫瑰花茶 🌹 一小杯。當日點了套餐（$488）及額外加兩個小菜。 前菜有永春老醋海蜇凍 Aged Yongchun Vinegar Jellyfish Terrine：用上醋及海蜇製成嘅啫喱，酸甜醒胃。永春老醋係福建特產，中國四大名醋之一。 另一個家鄉小食係閩南五香卷 Deep-Fried Five Spice Roll：閩南節慶不可缺少嘅一道佳餚。餡料及味道一流，外脆內軟。加埋個甜辣醬，正。 帝王蟹肉魚肚羹 Fish Maw & King Crab Meat Thick Soup：一句講晒好足料，好好味。胡椒粉另上，因應個人口味，自行添加。 爆炒海蟶子 Stir-Fried Razor Clam with Black Bean Sauce：蟶子冇過火，夠入味，送飯好正。 廈門薑母鴨 Xiamen Ginger Duck：好 impressed, 肉質非常嫩滑，夠入味，味道唔算太濃太鹹，亦都唔肥膩，讚！ 精選時蔬-蒜蓉/清炒/豬油渣：我哋要咗豬油渣鶴藪（即係白菜仔），正常蔬菜 🥬 菜色，就唔多講啦！ 手工包心荔枝肉 Sweet & Sour Lychee Pork：閩南風味小菜，酸酸甜甜，手工肉丸，送飯一流。 蜂蜜石花凍 Gelidium Jelly with Honey：呢個凍甜品由石花菜海藻熬煮而成，天然果凍，加上水果，已經好 refreshing，令人回味。😋 蜂蜜 🍯 係 on the side, 自由配搭。 補充，當日友人生日 🎂，餐廳奉上 complimentary長壽麵連雞蛋一碗，相當有特色及貼心。🥰 當日午膳非常滿意，期待再次光臨。

晏晝簡單食碗粉麵 🍜，其實喺將軍澳區冇乜選擇。蓉記開咗之後，想食粉麵 🍜 都係我首選之地。當日點了 牛雜河（$40）及牛三寶河（$50）。粉麵份量適中，味道可以。 牛三寶有牛腩、牛筋及牛肚。幫襯咁多次，侍應服務態度正常，收銀阿姐都係咁，好彩從未有不愉快經歷。😅 至少從來冇黑我面，冇俾說話我聽。今時今日咁嘅價錢，真係唔好太高要求。

Pizza Express都算區內有質素嘅Pizza店。當日外賣自取，點了Calabrese 🍕 - Our iconic rectangular pizza with spicy 'nduja salami, salami Napoli, roquito pepper pearl, green chilli, roasted pepper, fresh mozzarella, rocket, basil pesto, parmesan, mozzarella & tomato sauce. 返到屋企，pizza尚算滾熱辣，一開六，馬上開動。落order時已備注要芝士粉 🧀 及辣油，店員好細心 ，全部放喺盒裏面。鍾意食呢個pizza 🍕 因為好足料，有唔同嘅肉，微辣 🌶️ ，又有芝士及火箭菜 。外賣質素冇參差。同堂食水準一樣。

返咗屋企嘅感覺，個個 staff 都好 nice，笑容 滿面。當日點了一個 Western Set 及一份 Poached eggs with hollandaise on toasted muffin Option: smoked saimon。Western Set 包括雙蛋 🍳 、Grilled American style bacon, Cumberland sausage, Sautéed mushrooms, grilled tomato Braised cannellini beans, toasted sourdough. 樣樣有啲，份量適中。 之後 poached egg 略嫌overcooked咗啲啲,唔夠流心。基本上都係讚 ，冇乜挑剔。