茶木‧台式休閒餐廳 (已結業)

茶木食過好多次，不過下午茶時段都係第一次食。旺角呢間茶木環境幾好，夠大夠寛落。依家疫期嚴重最忌就係去啲人多擠迫嘅餐廳，黎呢到就可以好放心。下午時間三四點人流好少，好快就安排我地入座。呢到台式餐廳所以餐牌上不乏好多經典台灣美食。今次就點咗個下午茶餐-炸雞扒配飲品。雞扒等候需時，係即炸嘅，熱辣辣，仲要超脆。而且雞扒份量超大，三四十蚊有地方坐，個人覺得物超所值。另外額外點咗呢個多士雪糕。每次去茶木都必點甜品。大大份同朋友share就最岩。

周六與友人一時興起決定吃臺灣菜，來到這間連鎖餐廳本來只是為了果腹。哇12點剛開門無需排隊而且也有lunchset可以選擇。我們選了兩個臺式拌面套餐，壹個配慢煮牛肉壹個配涼拌雞絲。慢煮牛肉我覺得壹般不過不失，反而是涼拌雞絲因為撒了黑松露的關系變得格外惹味！飲品玫瑰紅茶並沒有什麽特別，普通紅茶包配上兩朵玫瑰，反而是友人的紅豆薏米水不錯！值得一提的是追加的兩個小食鹽酥雞和地瓜都非常好食，強烈推薦！兩個人埋單200蚊左右，非常滿足！

收銀服務台的女士態度不是一般的差，叫人系出面等位，有位又唔叫人入，仲問返我幾位，呢條女態度差已經唔係第一次收銀服務台的女士態度不是一般的差，叫人系出面等位，有位又唔叫人入，仲問返我幾位，呢條女態度差已經唔係第一次

終於有機會試到麻辣雞絲拌麵，先前長期都缺貨，已經來了茶木三次都order不了這款... 吃著味道、口感、賣相都不錯，絕對是有誠意、有水準之作！ 推薦！下次可以再叫這款( • ̀ω•́ )✧

茶木 必食係呢個 Toast 入面個d toast 先係好好食 個雪糕一齊食 正的但要等候時間 所以叫個啫啫雞煲 係一直保持熱的 但份量有點少 只有幾塊雞 多數係配料冇記錯要加一的但一試冇問題

難得平日可以去到旺角，就一家三口去咗瓊華中心嘅茶木度食下午茶！自從生咗小朋友之後都好少去慢慢嘆甜品嘅地方，但係呢間嘅「芒果香草蜜糖磚塊」係我每一次嚟到必食，真係超級好味多士好脆，蜜糖襯落去好突出，個芒果雪糕就由以前我自己食晒，變咗比小朋友搶食！基本上三個人食都好夠！另外叫多咗個下午茶大雞髀配沙律，一嚟到，嘩！真係超級大隻！而且非常脆口，性價比都好高！係略嫌沙律有少少流，得塊菜同車厘子建議加多少少粟米粒都好呀！加杯芒果沙冰都好好飲總括嚟講會再嚟呀！下次帶埋個細先

其實已經唔係第一次寫茶木既食評但因為每一次都食唔同嘅嘢所以我都覺得有參考嘅價值因為今次我已經食咗正餐所以就叫咗個甜品佢呢個組合好特別首先會見到一球士多啤梨雪糕側邊圍住好似朵花咁嘅分別有爆谷，太陽餅，芋圓，藍莓，士多啤梨。。。旁邊再跟一個醬，食落好似士多啤梨雪糕奶昔溶咗咁成個配搭好新奇，芋圓同爆谷都好食，太陽餅同士多啤梨就正常，但藍莓就唔得，我懷疑我食到果粒有啲爛既然係食下午茶，點少得炸大雞髀呢個要等，應該係即炸我試左啖，不過不失兩款野食都跟杯野飲，我地都叫左黑糖珍珠奶茶，我地兩個都覺得唔錯整體黎講都叫滿意

外賣鹽酥雞扒肉躁麵同鹽酥豬扒肉操麵。湯底夠味，但麵略硬，同埋肉躁就少左d。雖然鹽酥雞扒豬扒油較多，不過送到黎仲脆，又夠大塊。飲品叫左胚芽奶茶，同水果茶，同堂食差唔多，水準維持。外賣質素都幾好，包裝十分乾淨企理，不過價錢就略貴。

特登揀下午茶時段泥就係想少人d一泥到店員已經帶我哋去一角環觀周邊都係得1-2枱客但後面就可能多d不過咁樣傾計傾得重舒服而且感覺上好似無咁侷促肉燥蓋上翡翠苗翡翠苗好嫩，而且有陣草青味，令人覺得好fresh當然有人係唔鐘意呢陣味🤣肉燥個調味比較濃，如果唔鐘意陣草青味其實多少少肉燥都已經可以蓋過呢陣味芝心雞翅漲卜卜不過唔知係我哋放咗一陣先食，定係佢本身已經有小小凍凍哋，好似就唔多夠有熱辣辣嘅感覺每次泥都要食嘅牛肉麵個湯好濃好香，唔係十分好重口味嘅我都忍唔住要飲多幾啖湯麵質煙韌有咬口，牛肉就不過不失，都好入味永無令人失望嘅紅油炒手，不過如果可以再辣d就好了

今日去左teawood食下午茶！叫左個即叫即炸既大雞比配沙律🥗睇到個size已好吸引。好似塊面一樣咁大🤣咬落去脆卜卜！中間雞比肉好juicy!勁嫩滑同埋入味！最抵係唔洗加錢。已經有一杯黑糖珍珠奶茶！唔洗$80埋單！(另外加$16重可以加追肉燥飯或者蚵仔面線）

星期六同寶寶出咗旺角行街，晚上寶寶話想 想食茶木，於是我哋就走咗上瓊華10樓嗰間， 上到去門口不用等位即時入去有卡位可坐， 全場坐滿八成座位，寶寶選了吃餃子麵， 餃子大大粒夠多肉， 湯底味道剛好又不會太味精，麵條軟硬適中夠煙韌！而我就選了吃古早味烤香腸肉燥飯， 香腸和肉燥份量都夠多， 特別驚喜的是我們點了小食～蒜香炸魚豆腐， 入口感覺是椒鹽味，皮炸得很脆，豆腐很香口，味道非常出色， 下次嚟必定再叫我們還叫了玫瑰洋甘菊花茶， 兩個女仔share都夠飲， 飲完侍應會過來幫我們加水，第二胡味道都ok～正

今日早左放工，於是同同事食個下午茶，揀咗呢間餐廳，因為佢嘅座位好寬敞，可以舒舒服服咁坐喺度傾吓計，食下野咁。我哋揀咗下午茶set，我就揀咗👉🏾滷牛肉刈包拼蚵嗲麵線👈🏾侍應話今日冇晒麵線，要轉米粉，所以我呢個餐就轉左米粉。由鬆軟既刈包，夾著薄切既滷牛肉，細細夠容易放入口，啱晒女士可以好有儀態咁食🤣而且牛肉同埋刈包都比較薄身，所以食落去都唔易濟。而蚵嗲都好鮮甜，令到成碗米粉都好好食。而我同事就揀左👉🏾櫻花蝦花枝餅拼土豆絲炸蝦卷👈🏾我事比較大食😂😂所以佢額外加錢點多個肉燥飯。花枝餅厚片紮實，好彈牙好有口感😋😋😋再配上金黃脆口既炸蝦卷，香脆可口，簡直係下午茶既必食之選👍🏾餐飲方面，我朋友揀咗👉🏾紅豆薏仁水👈🏾紅豆可以去水腫，而薏仁有美白作用，好適合女士飲用🤗而我就揀咗👉🏾黑糖薑母茶👈🏾我嘅體質比較怕凍，黑糖薑母茶就啱晒我啦，飲完成個身暖粒粒🥰🥰近排天氣開始轉涼，飲呢杯就啱晒啦！

Ordered a spicy noodle and a coffee on online dining platform , all they sent me is a coffee, when I called to inquire, they refused to help me or answer the question, just repeating the same thing that the order number is not there, while I have my receipt and their coffee cup right in front of me

本身都中意去茶木覺得裝修有格調，環境舒服，分店亦多特色台灣食品及咸甜點款式任君選擇今日同出旺角行到攰攰地茶木又出現，一於同家姐一齊 tea 一tea麻醬雞絲冷手作麵麻醬味香，雞絲份量算多，冷手作麵煙韌彈牙甜蜜糖心蛋拼芝心雞翼外表平平無奇嘅雞翼內含芝士及蘑菇片，加上香脆外皮，口感更豐富。糖心蛋蛋香濃郁，蛋香留口不散滷肉燥刈包刈包鬆軟，夾住滷肉及青瓜，令整個包添上一點清新感。脆炸蕃薯條更係我至愛，加埋新鮮沙津菜成個 tea set 好滿足黑糖冬瓜茶+台式酸梅冰充滿台灣口味，而且透心涼，滋潤而解膩

茶木 通常想吃台灣菜時，就會第一時間想起茶木，太陽鹹蛋雞中翼拼話梅粉地瓜條 $50雖然兩款都是炸物，不過亦不會過份油膩。話梅粉地瓜條炸得脆，天然蕃薯味都夠甜，鹹蛋雞中翼肥大肉厚，芝心雞翼肉燥飯飯量足之餘，就連配料都很豐富。滷好的肉燥質地軟嫩，而且肥肉不算過多。黑糖珍珠紅豆奶茶黑糖味重粒粒紅豆。最岩夏天飲。樓上舖面積寬敞，環境舒適開揚。整體嚟講，食物OK，份量好夠。推介⭐️⭐⭐️⭐⭐ —————#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comment💬 #like4me #smile #igers #hkig