英國佬 (已結業) 查看

朋友生日提議食呢一間 預先book咗個海鮮拼盤😆嘩 個拼盤一來就見到隻天鵝🦢 都幾靚食材都新鮮好食 有鮑魚有螺同埋有聖子有兩個醬幾好 一個係泰式醬 一個係辣豉油叫咗個炸魚柳配薯條 呢個就普普通通正常 薯條就係普通薯條 粗粗地嗰隻香煎鵝肝法式多士 呢個我就冇食到 因為我唔鍾意食鵝肝😂鐵板紐西蘭安格斯唔知係咪疫情嘅關係定係咩原因 冇咗個鐵板上嚟就係咁 正常 有啲位係偏硬有啲位係幾好百幾蚊都收貨黑松露雜野菌意粉忌廉汁 呢個係最推薦嘅！❤️忌廉汁可以掛得來又唔會好漏墨西哥雞肉餡餅呢個就普通 跟住飲咗幾支紅酒呢隻紅酒味道都幾好唔dry

中午去Yoho mall勁多人，轉行出面食小店。見到呢間小店仲有位二話不說就衝左入去。二人餐都係148，揀兩樣野食包野飲，特令另計，好似好少，但差啲食唔晒。揀左pizza 同墨西哥卷。墨西哥卷好好食😋少少辣好野味，但老公可能食中辣椒🌶️？佢覺得偏辣。老公一向只食中菜，但佢覺得呢間西餐唔錯，主要因為有佢最鐘意的生啤，大大杯hoegaarden都只係三十幾蚊。忍唔住即刻share比佢果個鐘意飲hoegaarden 的朋友。服務好好👍🏻老公話想要杯水，主動話加冰比佢。下次再來食過😋

疫情冇得去英國，只可以嚟到英國佬食吓野。英國佬呢間餐廳唔係第一次嚟食，佢哋最受歡迎嘅當然係$38蚊一杯1664啤酒，出邊要6，70一杯，而呢度只係$38，真係冇得輸。除咗啤酒呢度嘅嘢食亦都非常之好，今日我叫咗二人套餐$148，有雜扒餐同埋一個夏威夷Pizza，先講講個集扒餐有一塊牛扒，有骨豬扒，一條粗腸仔同埋有薯角薦底，份量非常之多，味道係幾好嘅正常港式西餐，肉質唔韌。而Pizza方面亦都好足料，落咗好多芝士，新鮮出爐好好食。呢間餐廳我會好推薦大家嚟食，性價比我會比5分。

高質西餐店之前咁啱經過見到，入咗去食。都幾意料之外，正！佢價錢親民👍🏻值得一試食過佢嘅黑松露吞拿魚焗長通粉雖然份量唔係好大，但好足料👍🏻黑松露味夠足，芝士味濃郁😋食完其實夠飽🤣仲食過佢牛扒意粉🍝佢塊牛扒真係勁大塊👍🏻好味🥰口感啱啱好👍🏻

星期一至五都煮早餐，星期六終於休息一天行去街市途中就見到英國佬價錢都係$3x~最抵應該就係醒晨早餐多士有搽牛油烘過～奄列正常，仍然有少少蛋汁，入面火腿都算足沙嗲牛一丁面真係份量夠，大大碗一個餐其實夠兩個人食再配埋奶茶係good morning

同愛兒一齊晚餐，只可以搵有室外枱嘅地方，上網見英國佬不錯，即管一試， 見有開業幾年，地方雖然唔大，但味道不錯，價錢合理，服務好好！ Parma ham麻醬沙律- 番茄好新鮮，如果有埋沙律菜更好 fish and chips- 喺英國成日食，呢度做法都不錯， 唔係太厚粉黎炸，好脆 bbq豬肋骨- 如果冇咁多醬會更加好 黑松露雜菇意粉- 意粉整得好香，唔會比黑松露蓋哂，如果少啲汁會更加好1664生啤-$38/杯，超抵飲值得一去小店，支持小店！

睇門面以為呢間野細細間，門口亦都極不顯眼。經過左好多次都唔知到呢間野係食乜，但今次朋友介紹話呢間英國佬好好食，一於放膽去試下！因為今日係平日，所以未算話太多人，老闆娘亦都好熱情咁介紹是日推介 – 牛扒意粉！7成熟，配上黑椒汁意粉，再黎一罐Coke Zero，無得彈呀！相信好多人都會有「次次都係叫7成熟，但次次都係唔同，一係太生，一係太熟」嘅經歷，不過英國佬餐廳控制得好好，牛扒煎得相當均勻，簡直係7成熟嘅典範！

呢日我同隻狗狗睇完醫生,搵緊邊到有想食而被狗狗入既餐廳時, 經過呢間想食好耐既西式野, 咁岩女職員出黎叫我地入去, 話狗狗都可以入架!! 我緊係即刻入啦!如果鐘意英國復古野既話, 一定會俾呢間餐廳吸引到! 大家可以參考下餐牌先, 佢樣樣都好吸引, 另外午餐會每日唔同精選配搭。呢日朋友就點左呢個肉眼扒意粉, 佢個扒唔太薄唔太厚, 岩岩好仲要煎到7成熟!! 個意粉係有咬口, 唔會太生太熟, 已經無咩餐廳可以做到呢一點!我自己就點左個豬扒包配薯角, 個豬扒無筋, 平日食既豬扒包塊豬扒好似倉底貨咁, 但呢到既豬扒係好冧唔會攝牙隙!!! 個包烘到岩岩好仲要唔孤寒佢既牛油!!! 食埋啲薯角係岩岩好飽同好滿足!!!呢到都有酒飲, 店員超好客, 無壓力, 野食又好食, 想休休閒閒嘆杯酒, 吹下水, 呢到不失為一個好地方!!

一行三人今晚去到*英國佬。食晚餐🍴西鐵站經天橋行過去好快就到。雖然鋪頭細細，但都唔算逼坐得幾舒服。勁肚餓既關係，未坐低已經睇定要叫咩食啦😂*凱薩沙律配巴馬火腿份量都幾大碟，菜同蕃茄仔都好新鮮好甜👍🏻*香煎鵝肝配法式多士食物黎到個下勁香，好期待，賣相亦都好靚。可惜鵝肝煎得太熟，而且冇配任何醬汁，入口只係覺得好油膩好乾...*薯條其實都幾大碟，粗粒黑椒同幼薯條都係最愛，睇落其實色澤幾靚架，不過都係同一個問題....就係比較乾...*燒豬肋骨掛住傾計唔記得影相🙈夠味，入口唔會鞋，份量都幾多，好抵食*焗香草肉醬千層麵預左焗野要等，不過又比想像中快喎，侍應姐姐好細心咁提我地隻碟好熱。賣相好吸引，見到咁多芝士係面~勁開心！肉醬好夠味，千層麵亦做得岩岩好，唔會1pat野好淋，其實已經飽左，不過都忍唔住要食多2啖~😁飲品方面，咁岩想飲個幾款麥啤都冇貨...唯有飲罐裝汽水...基本上食物係唔錯既，服務亦幾好，上菜亦好快。可能因為落雨既關係，唔洗等好耐就有位，入坐之後亦冇話要匆匆忙忙要趕住交枱，可以安心食野~同朋友傾下計飲杯野輕鬆下。👍🏻*英國佬。我會再黎架！👍🏻

一直都想試下英國佬同意大利佬, 不過意大利佬比軟遠, 所以今次試左英國佬先啦聽人講巴馬火腿薄餅好好味, 果然唔錯, parma ham 唔會過咸, 餅底夠脆身 焗香草肉醬千層麵都唔錯, 好多芝士, 上枱時熱辣辣, 不過千層麵始終都係pizza express 最正 肉眼扒就非常之差啦, 牛扒好鞋口, 好少肉味, 完全唔值$188/塊 

行完YOHO有D支力，聽友人講話呢度有間小店價錢同食物質素係相等既就即刻決定黎呢間食，一去到既時候全場FULL HSE不過好彩只係等左15分鐘左右就有得入今次我地點左黑松露雜野菌意粉忌廉汁($82)同脆香薯格($28)食大約等左10分鐘，新鮮炸好既薯格就送左上黎由於係新鮮炸好，所以薯格都好香口唔似KFX個D炸到淋哂，不過佢底個D薯格就痴埋左一舊咁有D仲變埋薯角，不過味道就OK既再等多10分鐘左右，黑松露雜野菌意粉忌廉汁就上枱喇一黎到就好香既黑松露味，佢同其他餐廳既意粉唔同既係佢係好多汁，有少少似汁撈意粉咁不過咁仲好，唔會食到好dry，而且每條意粉都有黑松露味呢個真係加分！！！食到友人飽味都忍唔住繼續食！！估唔到小店既質素係咁高，下次都要黎試下其他唔同種類既菜式先

元朗自9月1日開始,Yoho Mall既出現就開始變天了,D租不停不停廿加加加加,野食既價錢更加得仲勁!小店愈來愈少,今日就來到「英國佬」,食個輕鬆午飯「英國佬」係一間细细間食西餐既鋪頭,職員都得一位笑容超級好更有禮既姨姨負責樓面,而廚房就一位萬能手腳腳快快既廚師大佬,大家要留意番佢地係一點先開始午市,早左到可以係門口等等先。今日自已一個食個,雖然要等耐少少(大約等左20分鐘左右),不過絕對值得,因為一上枱,就可以感受到香噴噴既燒雞味,而且擺位都好靚仔,重點係燒雞味道岩岩好,唔會太過咸,仲可食到芥末味同不太濃既香草味,仲有雞既肉質都好好,一D都太老,係「嫩口」既,而且最估唔到原來意粉係會用蕃茄汁炒過,唔會白白的無任何味!今餐超級滿足,一個女人仔基本上係食唔哂,下一次帶埋男友一齊先埋單先發現原來午市係唔收加一既,$48蚊有春雞食超級抵食

之前已經想試...不過某日下晝去到未開門...鋪頭出面寫開12:00...但1點去到都未開...Openrice同佢d單張寫16:00開...但佢地d餐牌又有做set lunch (12:00-15:00)..點知問店員又話1點開...營業時間有d唔consistence ge...下晝食唔到...決定夜晚去試...6點幾去到...咁o岩整緊冷氣要坐室外...老公竟然同老細講話我好怕熱... 點知老細真係拎把風扇俾我!!! 哈哈~有d唔好意思...不過坐室外無風真係好熱ga...叫o左個$138二人餐...兩個主菜同兩罐凍飲...先來手打牛肉Burger...好juicy~ 切開有肉汁...牛肉都唔un...但係比想像同細個...同埋幾條薯條都唔跟o下...有d失望lor...不過味道真係唔錯~另一個主菜係pizza~ wa~ 呢個真係ok~ 餅底好脆而且好多芝士~ 熱辣辣真係無得頂~ 因為呢個pizza加返d分數~ 睇見lunch menu似乎吸引過dinner...tea set都係$28起~ 一於下次點半先過來食lunch~ 

成日路經此地好想試一試，見佢鋪內細細，今晚選擇在坐門口，環境唔錯，靜靜地！BBQ 豬肋骨 - 分量少在d, 好細舊，味道不錯，不會太多bbq醬令到佢過甜夏威夷芝士薄餅- 有驚喜，芝士可以拉絲，餅底脆扑扑好好食，質感似印度薄餅上加芝士！烤雜腸- 唔會燒得好乾身， 但肉質唔夠香，無咩肉味！ 如果佢有酒賣會更好，感覺食甘濃味既野有支啤酒會更開心!

係元朗住左咁耐,今日揸車經過發現到呢間新開快餐店,泊低車睇下有咩食,見到有我鍾意食既burger ,同pizza, 門面都幾好所以坐低試下,估唔到有驚喜吓,叫左個巴哈馬pizza,佢地Pizza 做到D皮好脆口,幾好味, 車打芝士牛肉burger 好juicy,所以再叫多個車打芝士魚柳漢堡試下同凱撒沙律加碼,元朗依家多左好多食肆都幾有水準....而且無出面D食肆咁貴,比較平民 .不過坐得好舒服,最後女朋友叫左杯Stella生啤飲,佢有得嘆,我揸車無得嘆,我下次一定唔揸車再黎嘆返杯