芭堤雅小廚

營業中

休息中

同屋企人食，食到一肚氣，又唔知佢點處理啲餸叫左碟炒通菜，食左一邊，外面熱，入面冰凍，我成啖嘔心比lur返出嚟，叫屋企人咪再食，唔知佢點處理啲食物🤮個老闆娘過嚟”了解”，第一句問我哋兜菜黎左幾耐，個下已經知道佢想導向我哋答”好耐”，但個刻我就諗住認真答所以有認真諗點知我都未答，個老闆娘自己話: 「我都相信黎左好耐」🙄🙄屋企人即刻好嬲好嬲話呀佢咁講咩意思，完全唔聽我哋意見，兩隻耳仔聽住，個老闆娘重要死口唔認自己講過佢相信黎左好似🙄之後同佢理論，全程話係風口問題。喂大佬，你碟野外熱內冷，點會係風口？重要係冰凍，唔係凉🤮佢重要問我係咪100% sure唔關風口，我都好有信心話我100% sure我同你反晒，你第一件事係話我有問題，而唔係正視。大佬，我同你講我直情擔心你食物安全呀💀如果唔係佢隔離間泰國餐廳多人等，我都唔會入嚟食

同鄰居放假冇嘢做，就踩單車過嚟近近地食個晏。大美督其實有好多選擇，但係好耐冇食過呢間。門口侍應，好鬼合作，叫我哋拍好啲單車喺餐廳側邊，咁就二話不說入咗呢一間。12:00入到去已經全場爆滿，睇睇個餐牌午餐選擇唔算多，但係都揀到想食嘅。各有各嗌啦，口痕之下，再加多咗個大拼盤。嘢食嚟到嘅時候，鄰居又好好俾我讓人試啲。個海南雞飯，油飯比我想像中乾身，但雞總算滑。咁就攞咗另外一個鄰居啲咖喱牛腩撈一撈個油飯。個咖喱真係相當出色，椰香味十足，個牛腩都炆得好腍。到我自己嗌個豬手飯黎啦，望落去個汁比較多，都驚有少少服服地，始終好耐冇嚟過食，唔知水準有冇改變。但係食落去出奇地入味又淋滑，$65嚟講真係抵到爆。跟住個大拼盤嚟啦，其實都飽左大半，咁都唔可以嘥嘢。樣樣都水準表現得平均，但係就覺得佢個魚餅有少少偏腍。食飽之後罪惡感倍升，消脂變增磅之旅，但係好食真係大晒嘅。其實自己好鍾意食肉碎煎蛋飯，下次一定要試埋佢。

星期六晚七點幾，見到有位所以入去幫襯下。兩個人叫左5碟野食同2杯飲品。以呢個價錢，其實無諗過碟菜會咁細碟😅蟹肉炒粉絲，啲蟹肉係最後放係面，唔熱亦無味🙂沙嗲串幾好，4串叫左2牛2雞，🐮牛肉大粒，唔乾亦唔韌，🐔雞肉都唔差串燒醬用碟上係絕對加分，我都唔明點解出面大部分都係俾個碟仔你點，用碟上就可以平衡點晒每一粒肉，我鍾意🥰👍🏻👍🏻👍🏻🍤炸蝦餅比外面食的相對淋身，唔算彈牙，但算係成餐唔錯嘅菜色入面第二了。👍🏻👍🏻炸皮蛋就差啲了，皮蛋上黎嘅時候已經散散地。🙂珍多冰係正常的，有綠色嘅珍多加兩三條大樹菠蘿肉。👌🏻

今日入大美督閒遊，路過呢間芭堤雅餐廳，記得好耐之前黎食過晚餐，印象中好似ok。今日再經過，入嚟食下午茶，好似一般般。假期下午茶set ，都有幾款選擇。海南雞飯 $65～ 味道一般，份量有d少+ $8 配凍檸茶船麵（豬）$58～ 味道濃、配料算多+ $10 配菠蘿冰～ 偏甜船麵（牛）$58～ 味道濃，配料多+ $8 配凍檸茶

由於隔離忠誠茶座不是pet friendly餐廳，所以去左隔離依間試下。抵食就唔叫抵食啦，星期六日及公眾假期仲要加一，本身Menu上既餸都偏貴，但勝在pet friendly, 野食不過不失。烤雞唔會太乾但冇咩汁，味道正常，唔會叫好食但唔難食，係油左少少姐跟住個冬蔭功湯都正常，但$98得兩隻蝦就有少少貴勝在係明火開住個湯熱住飲會好啲，但唔太推薦。。。埋單二人$344，菠蘿冰$34（氣泡水加罐頭菠蘿），白飯$15純粹真係帶住狗冇咩選擇所以食下，不過不失。。。

今次已經唔係第一次嚟呢間餐廳，不過夜晚嚟食都係第一次。餐廳全部都係泰國廚師，都幾正宗！芭堤雅拼盤，呢個係細嘅$148， 比預期大碟喎，有齊晒一般拼盤嘅蝦餅、魚餅、香葉包雞同泰式春卷，件件size都唔細，仲要新鮮整熱辣辣，我最like係蝦餅夠彈牙又啖啖肉，另泰式春卷都好唔錯，入面全是素勁香口😋😋芭堤雅冬蔭公大size $168，湯料好足，勁多蝦仲要好大隻，酸辣度適中，勁濃味👍🏻👍🏻其實點咗其他菜，不過太肚餓，唔記得咗影相😅不過樣樣都好好食，尤其泰式臘腸芝麻蝦飛碟，好特別，好好味，必試！另特別要提一提係服務超級好，可能係平日夜晚人比較少，由打電話book枱到介紹菜式都勁有耐性及禮貌👍🏻

跟朋友週末踩單車入到大美督🚲想找個地方休息下食少少野 來到已經是下午三點 餐廳有下午茶供應 但價錢不便宜 冷熱飲都要另收費 仲要加一服務費😰不過餐廳勝在可以在旁邊放置單車 餐廳冷氣都好足夠✨香茅豬扒拼炸薯條 $43加配熱咖啡 $5豬扒都算細塊 好在新鮮煎起熱辣辣 都唔太油膩炸薯條不錯🍟份量幾多 粗薯條好有薯仔味🥔熱咖啡正常水準 是港式咖啡不是泰式咖啡的味道✨泰式無骨豬扒包 $40加配鹹檸七 $15豬扒同豬扒包都比較細 男士一個餐就一定唔夠飽啦👎🏻鹹檸七要另加$15都吾平 味道正常星期六、日及公眾假期仲要加一服務！📍芭堤雅小廚 (大埔)大埔大尾督69號A地下

平日行完山約十一時多，找地方食lunch。行過巴士站，馬路對面便見到這間餐廳已在營業。門口的哥哥斯文有禮，主動安排角落一張枱給我們。叫了豬頸肉+豬脾飯，pad Thai和椰子雞湯(細) 。椰子雞湯足料開胃，大量雞肉。pad Thai 和豬頸肉正常發揮，味道不俗。叫了一個椰青，清甜多汁，果肉鮮美。同行親友均食得開心。註:店內有嬰兒座椅提供另外，大美督太多別名，很難找到同區餐廳。想向餐廳/OR編輯建議，將大美督之名稱統一或加註以方便食客搜尋。

大約下午五點零鐘 ，響大埔踩單車， 經過餐廳門口， 門口個下午茶餐牌都算ok啦， 咁就入去裏面 坐低醫吓個肚。叫咗個泰式海南雞飯，碟口夠大，雞份量都OK，雞肉鬆散，冇雞味，冇乜味。但係醬汁就唔錯。至於個飯，得個黃色，完全沒有海南雞飯的感覺。豬扒油麵，油麵份量都唔少，夠粗壯，味道一般。豬扒都唔細，但係冇乜味，有少少柴。至於湯底，色素夠，亦冇乜味。賣相都係一般。加錢飲多一杯增多冰，都係得個樣，只係有少少椰汁味，冇乜特別。

大埔泰菜特別多，試了幾家覺得OK但個人覺得沒有太出色 😂 這次試另一間位於大尾督的泰國餐廳，它位於大尾督食肆集中地，可以在公眾咪錶停車場泊好車再步行過去🍝醉貓辣肉碎炒河 $48🍝醉貓的來源聽說是人在飲醉後看見雪櫃內有什麼便拿來炒，也有說是由於味道辣很適合配酒，所謂的醉貓炒河是泰式炒河Pad See Ew加上九層塔 辣椒 辣醬的變化版，會比較辣這炒河炒得很乾身，讚 😋! 醬料完全融入河粉裡很夠味卻不會太䶢，另外份量超級多，一直吃一直吃都還有剩，而它的辣味是屬於比較刺激的，真的非常辣，但辣得很好吃，一定要配飲品一起才過癮 (可惜這Lunch Set沒有附送飲品，熱飲+$3 凍飲+$5🥛)餐廳是一般茶餐廳格局，但桌椅等裝飾也有東南亞雨林風 😄 順路去可以去喔

今日點左一個咖喱蟹和香茅蝦，記得以前真係幾好，但係真係疫情之後好耐無來吃了，突然覺得退步好多，同埋海鮮極其不新鮮。個蟹我敢講係冰凍左好耐好耐，非常唔新鮮，同樣個蝦都係！點解知道係冰凍左好耐唔係新鮮蟹，因為肉非常鞋，同埋咬落去d肉係一舊一舊痴埋一齊嘅⋯雖然以前係唔錯，但宜家唔會再推薦！呢間野位於大尾篤，係幾間泰國菜其中之一，之前因為去過幾次，從來唔會光顧其他泰國菜，來親淨係揀呢間，估唔到真係咁失望，唔知係咪外賣所以給d冰凍蟹應付。

大尾篤玩完水，附近搵地方晚餐，見到呢間舖頭裝修企理，餐牌吸引就入去食。泰國嘢基本上唔會差得去邊，最鐘意啲酸辣爽既美食泰式燒豬頸肉 4.5/5好食，燒得好香，又唔會太乾，配上辣醬食一流。泰式雞肉生菜包 4/5生菜新鮮，雞肉碎份量足夠，由芫荽洋蔥炒乾而成。泰式醉貓豬肉炒河 4.5/5原本以為係肉片，但原來係肉碎，炒得好香，有穫氣，嗰啲豆粒清爽甘甜，寬河粉又爽又滑，辣得過嚟。馬拉盞炒通菜 3/5食泰菜必叫既通菜，煮得太淋，唔夠爽脆，但都好食。芭堤雅煎蠔餅 3/5一上菜就好香既蛋味，但無乜蠔，最好快啲食，凍左就會腥。地理:對面就係泊車咪錶位，方便渣車人士，始終呢到大尾篤得巴士小巴入嚟，好少可突登入嚟食呢啲。環境:乾淨企理，5點半入座，未有太多客人，坐得舒服。價錢:每人160蚊食到呢啲質素算係咁，性價比高，本身以為會比人當遊客咁劏。服務:上菜快，細心，會同客人講咩菜會辣。

一個好天既星期四晚...一班新界友踩單車入去大尾篤經過呢間泰國餐廳,,望完餐牌覺得價錢都唔算貴 所以入去坐底左😂😂😂豬手炆得好淋，好好食👍👍👍燒豬頸肉配埋個辣汁更為出色👍青咖哩唔夠辣有啲失望...咸旦黃炒飯某幾啖會覺得過咸(可能炒唔勻)炒粉絲正常發揮無咩特別椰菜苗係最失望,,因為係第一碟擺上枱見到價錢唔平而且細碟,,有少少失望同伏🐷不過味道唔差!但拉上補下 其實成餐飯唔算好貴,而且食物都唔錯 總括而言都好味,比較大尾篤附近餐廳都算便宜合理👍因為佢平日夜晚都係免加一!!!!!!!!!!!!!呢個係加哂分!!!!!🤩🤩🤩🤩🤩🤩🤩所以呢間絕對可以回頭😆

今日空閒既午餐時間 陽光普照之際專程前往大尾篤食個泰菜 感受下陽光與海灘 份外有感覺🤡#馬拉盞炒通菜 呢款馬拉盞味道出眾 香料十足 爽口既通菜味道一流#泰式辣肉生菜包（豬）酸酸甜甜好重白醋味 再配合洋蔥爽口既口感 炒埋肉加辣椒包埋生菜 完美既開胃小菜#芭堤雅冬陰功(小）冬陰公略為失望 價錢貴份量少 重要係香料完全唔足夠 唔夠酸唔夠辣 略為有點失望#芭堤雅喇沙（肥牛） 喇沙湯底香料充足 味道甚濃 配合埋吸湯既豆卜魚腐 再加埋肥牛一個完美既配搭#泰式酸辣鳳爪酸辣鳳爪都比較失望 可以用冇味黎形容 唔酸唔辣 但無骨口感都幾爽口 調味要比較多啲#菠蘿炒飯原隻菠蘿殼既炒飯真係買少見少 有菠蘿粒既真係算有誠意 粒粒飯粒都黃金色澤 不過都係一樣味道偏淡總體黎講中中平平 價錢係大尾篤遊客區都算合理 不過不失入到黎都值得一試

平日的大尾督估唔到那麼多人，好多餐廳都坐滿人還要等位。午市套餐有成10款選擇✌️我就散叫咗少少嘢。泰式咸魚芥蘭，可能煮好了沒人拎出嚟，到枱時只是微暖😒。味道ok，好有咸魚香味，及有咸魚肉粒，可惜d芥蘭比較老及硬。泰式海鮮濕炒河，河粉是一塊塊的不是一條條，口感很滑。海鮮一定是急凍的，無海鮮的鮮味😅，味道是靠個芡汁，味道都唔錯，芡汁就煮得不平均，有些好‘’杰‘’，完全啫喱狀，十分影响賣相。串燒沙嗲牛，沙嗲汁👍，牛肉ok，燒得耐咗少少啫，無咩肉汁☹️咸檸七$30，如果跟午市套餐就半價$15。咸檸有1粒半😁，好飲😋飲品偏貴，好彩平日不收加一，只有星期六、日及公眾假期才收加一😬😬