43
1
1
港鐵深水埗站 B1 出口, 步行約7分鐘
繼續閱讀
電話號碼
26887388
93893998 (WhatsApp)
開飯介紹
港式火鍋店，湯底橫跨不同的亞洲口味，亦供應多款高質刺身、小食及清酒。座位寬敞舒適，並設有特色霓虹燈，打卡一流，適合和家人及朋友分享。
繼續閱讀
營業時間
今日營業
18:00 - 23:30
星期一至日
18:00 - 23:30
以上資料只供參考, 請與餐廳確認詳情
有關獎賞計劃
招牌菜
食家推介
店舖裝修簡約整潔，坐位空間唔錯🥰。火鍋醬料選擇唔多，除咗基本生熟蒜，店員話如果食得辣🌶，必試佢地自家製XO醬😍。店舖點餐係剔紙仔。秘製枝竹羊腩煲(細) $368我真係唔鍾意食羊🐑，咁唯有食配料，配料份量勁多，有馬蹄、冬菇🍄、枝竹及生菜🥬，全部都煮得非常入味😋，唔係講笑淨係食配料都會飽😂。之後被逼食了件羊肉🐑...唔試由自可，一食真係不得之了🤤，羊腩煲用咗羊五花部位嘅肉🥰，皮層入口香滑彈牙，肉質肥美軟嫩，肉味香濃又無騷味，勁好食又暖身🥰。食完羊腩煲🐑，正想加湯打邊爐，但俾人hold住，點解嘅？係因為佢👇獅頭鵝腸 $118獅頭鵝腸🦢，唔係度度火鍋店都有，識食嘅就知道有幾咁好食🥰，鵝腸口感非常脆嫩，由於帶有油脂，所以有陣陣油脂香味😍。之後重點黎啦😆，由於鵝腸本身係冇咩味，而冇加湯嘅羊腩汁味道濃郁，食前只要灼上十秒八秒，勁惹味好食🤤。安格斯頂級牛頸脊(小) $308🐂油脂雪花非常均勻，一睇就知係靚貨，果然牛肉味重😍，輕輕灼過後，口感非常軟嫩多汁，油脂香味四溢🥰。自家製餃子拼盤 (3️⃣款) $98鮮蝦雲吞 - 餡料非常飽滿，原隻蝦仁🦐蝦味香濃，口感爽彈 : 味道鮮甜😋。招牌韮菜餃 - 韭菜同豬肉比例啱啱好🥰，既有肉香味亦，又有韭菜獨特嘅香味，非常香甜多汁😍。黑松露豬肉餃 - 黑松露味🍄非常濃郁，配埋豬肉餡料，香味倍增😋。招牌四寶丸(12粒) $118豬肉丸🐖、鮮蝦丸🦐、墨魚丸🦑及陳皮鯪魚丸🐟，全部都係自家製手打九，材料新鮮，肉味香濃，彈牙多汁👍。泰式蝦餅 $88蝦餅🦐外層鋪有薄薄一層麵包糠，口感零舍香脆，蝦肉質感彈牙，蝦味鮮香😋。粟米墨魚餅 $88粟米🌽香甜，墨魚肉🦑口感彈牙，魚尾香濃，味道鮮香帶甜😋。竹蔗茅根 $48自家製竹蔗茅根味道微甜🥰，帶竹蔗茅根的清香，冰涼解渴又清熱，食火鍋最啱飲😋。芝麻糊 $28芝麻糊濃稠度啱啱好🥰，口感非常幼滑，芝麻味香濃😋，估唔到火鍋店都食到出色的芝麻糊🥰，有驚喜😍！總括而言，羊腩煲真心出色，連唔食羊嘅Duck哥都覺得籽食，職員服務貼心，招呼週到。最後一定要講，佢地嘅芝麻糊非常出色，超越好多糖水舖。另外店舖仲有一個好抵食嘅二人餐，只需$468 就可以食到勁多嘢，下次一定要試下。
繼續閱讀
天氣涼涼地，最適合打邊爐！去深水埗買完野，見到有家火鍋店，感覺乾淨企理，就入去試下！首先要讚一讚，餐廳店員都好親切，招呼好好！我同朋友坐卡位，好舒服！店員推介我哋可以試下套餐，我哋都覺得幾啱，就點咗二人精選套餐試下！小食三選一，我哋揀咗黃金炸魚皮！每一塊炸魚皮都比鹹蛋黃包圍，又甘香又鬆脆，令人停唔到口！除咗黃金炸魚皮，我哋都點咗其他小食！火鍋店嚟講，小食嘅種類算係非常之多！我哋點咗椒鹽豆腐、鬼馬釀墨魚、燒雞泡魚干！鬼馬釀墨魚超大件，油炸鬼炸到脆卜卜，加上彈牙嘅墨魚滑，就咁食同埋放入火鍋湯底都一樣好食！椒鹽豆腐，外脆內滑！講返火鍋先，今次我哋點了鴛鴦鍋底，沙參玉竹麥冬鯊魚骨湯鍋同四川麻辣湯鍋！沙參玉竹麥冬鯊魚骨比較特別，平時都少見，健脾開胃，湯底奶白，好甜！麻辣湯底可以揀辣度，非常啱我呢啲想食辣又怕好辣嘅人！套餐入面我哋仲揀咗極品封門柳，鮮蝦雲吞，黑松露豬肉餃！封門柳好新鮮，肉質有咬口但不會韌，好重牛味！推薦！雲吞大大粒，裏面蝦肉彈牙！套餐仲有手打鮮蝦丸同埋墨魚丸，兩款都超彈牙！因為點咗麻辣湯底，所以點多一份鴨血，鴨血都好新鮮，同麻辣湯底簡直係Perfect match！另外，飲品種類都唔少，竟然有椰青，叫咗兩個，可以清吓熱氣！整體食物都好出色！
繼續閱讀
精選二人套餐（$468）這個套餐包含了一份小食、自選鍋底、一份肉類、精選蔬盤和飲品小食方面，提供了黃金炸魚皮、青瓜雲耳和泰式蝦餅我地簡左泰式蝦餅真心有意外驚喜，入面竟然係啖啖鮮蝦，本身諗住有啲蝦味都覺得唔錯，點知呢個真係見到同食到蝦肉，超級鮮甜爽滑，外皮就炸到好香脆，超高質，可以話係食過最好食嘅蝦餅！在自選鍋底方面，我哋加錢轉左羊腩煲😍 而家呢個天氣咁凍食羊腩煲咁暖胃就啱啱好！呢個羊腩煲味道好濃郁，入邊羊肉都唔少，仲有好多嘅腐竹、馬蹄等配料，再加埋又香又惹味嘅腐乳醬，真係食過令人番尋味我地簡左極品封門柳（小）雪花好靚，分佈勁平均，所以肉質鮮嫩多汁，口感細嫩，帶有濃郁的牛肉香氣，配埋羊腩汁仲惹味，或者配佢地既火鍋醬都唔錯！手打鮮蝦丸併墨魚丸（4粒），估唔到丸子都相當足料，食到啖啖鮮蝦同墨魚香，完全無粉味，口感相當彈牙自家製餃子雙併有鮮雲吞水餃和魚松露豬肉餃，餃子皮薄而有嚼勁，內餡鮮美豐富，每一口都令人滿足好欣賞呢間火鍋店，雖然唔係任食，但食物質素真係相當好，確實真材實料，會令人好滿足
繼續閱讀
好似好少講打邊爐🫢🫢🫢不過今次係有埋羊腩煲！依家天氣開始轉凍就啱啱好！· 秘製枝竹羊腩煲 $368天氣凍就最啱叫返個羊腩煲食！$368係細嘅份量，入面有好多枝竹同蔥，羊腩都唔少嘅~預返之後打邊爐都啱啱好！個羊腩煲係偏甜嘅~同好濃味，羊腩都腍，唔會有好大陣嘅羊膻味，仲有一小盤嘅生菜，索哂啲汁好正，個汁已經好濃之後加返水打邊爐都好夠味🫡· 鬼馬釀墨魚 $98其實就係墨魚滑加咗係油炸鬼度，啱啱炸起係好香口，油炸鬼好脆！☺️· 極品封門柳 $268有少少厚切又唔會好大塊，見到啲油脂紋理好靚☺️食落可能有少少咬口，但牛味係好重，建議唔好沾重豉油重辣嘅醬汁，有機會蓋過哂啲牛味🫢· 新鮮黑柏葉 $98其實我好少食牛柏葉，呢個算係爽口少少，要注意煮嘅時間，唔係就好韌😵💫😵💫· 黑松露豬肉餃4粒 $58呢個意外地覺得黑松露味好濃！餃子皮唔算好厚但都唔會好易穿，饀都唔算少~· 手打豬肉丸4粒 $53 手打鮮蝦丸4粒 $58呢度嘅手打丸類值得推介！豬肉同蝦丸都一樣好彈牙，味道都好濃，而且都幾大粒！嚟到真係要叫嚟試下~· 脆炸嚮鈴4條 $42 記得嚮鈴嚟到要即刻食！因為佢係即炸，再放落湯到幾秒🤤唔係就會無咗好脆又索哂湯嘅效果~· 竹蓆茅根 $48打邊爐太熱氣要飲埋竹蓆茅根🤤唔會好甜又解到渴！🍽 舅父仔火鍋專門店 | 深水埗📍 深水埗福華街39號地舖
繼續閱讀
天氣開始凍，同呀媽一齊黎食羊腩煲暖下個身。個細羊腩煲對於兩個人黎講個份量都唔少，最重要嘅係啲羊肉一啲都唔騷！有時自己整羊腩煲難就難在去啲羊騷味。個煲入面仲有好多配料，全部都好入味。跟羊腩煲上嘅仲有一大碟生菜同廚師自制嘅腐乳醬。個人特別鐘意個腐乳醬，用黎點咩食物都得，想落少少係個羊腩煲吊下味又得！另外仲嗌咗泰式蝦餅、西班牙黑豚肉、黑松露豬肉餃同鮮蝦雲吞。全部都新鮮鮮蝦雲吞大大粒，啲蝦都係真材實料。總括黎講，野食唔錯又新鮮，座位坐得舒服，服務都好好。羊腩煲絕對推介大家黎食！
繼續閱讀
您可能會有興趣的...