翟道翟

營業中

休息中

今日lunch同同事去左eastcore既翟道翟食，我地7個人所以都等左10分鐘左右先有位。之前都有食過呢度既炒河好夠獲氣幾好食。今次就叫左個船湯粉絲配豬肉丸同燒鹹肉，再加杯凍既泰式奶茶。呢間上菜速度都算快，個湯底都好濃配粉絲好夠味，燒鹹肉半肥瘦好好食，豬肉丸好似唔係好夠熱咁，我同事既炸豬皮勁多豬毛搞到我都唔敢食，而蘿蔔就冇味都係唔好食。而杯泰式奶茶都香既，但略嫌甜左少少。咁樣埋單$75，整體感覺唔值。

預早兩星期前訂位今日年三十晚同家人做節，但今日年三十先打電話黎，話餐廳提早收爐無得食，大時大節臨時臨急取消客人訂座，極度不負責任!!!!!!!!!!!!!!!!!!

位於觀塘商廈區既小店，午飯時間都幾多人排隊，我地1點到，唔洗等好耐就入到去。同一般泰國菜一樣，每個坐位都會有d醬料係度，方便客人調較適合自己既口味。《$60 自選船湯河(午) - 跟1款配料》+$12 再加一款配料湯底可以選擇船湯底/ 冬陰公湯底，因為兩位既關係我地就叫哂兩個。朋友覺得冬陰公湯底好普通，我既船湯底亦唔夠濃郁，香料味不足。配料我同朋友一樣，分別係豬頸肉和牛肉。豬頸肉既有烤過，但烤得唔夠，而且唔知係唔係刀唔夠利，我既豬頸肉仲一大片冇切開，只有刀切過既痕跡，但冇斷開。牛肉有根，有幾片咬唔開放棄左。船麵入面仲有白羅白同炸豬皮，但羅白唔甜，都唔夠林，感覺煮既時間唔夠耐。炸豬皮就正常，應該唔係舖頭自己炸，擺係船麵上面作用就好似食炸魚皮既感覺。《$21 炸蝦餅 - 2件》蝦餅厚實彈牙，上枱熱辣辣，2件開左半，等於每人有2個半舊食。《$19 炸雲吞 - 4件》 雲吞炸得好脆，唔會好大舊，亦唔會好油膩，用黎過下口癮都唔錯。整體黎講話差又唔係差，但體驗唔太好。除左午市太趕，服務態度唔太好，仲比人既感覺係求求奇奇。好多位明明可以做好d，例如羅白可以煮林d，豬頸肉可以烤焦d咁，但就係唔做埋果少

和朋友聚會，偶然找到這餐廳便試試。我們每人叫了喜歡的泰菜如烤魷魚，冬蔭公湯，炒空心菜，雞牛豬串燒，黃咖哩牛和炒金邊粉。本來以為湯最辣，但是辣的程度還可以接受，其他菜式還不錯。加入會員後第一次惠顧有9折，變相不用加一，尚算抵食。

星期五晚上約了兩個朋友來這間泰國餐廳食飯。不熟悉九龍的我，出了觀塘地鐵站，要朋友遙距指路。這家在觀塘有兩間店，用google map 要小心看清楚選了那一間。有朋友引路，很快找到了。坐位舒服，可以訂位，餐牌有很多選擇，是不錯的地方和朋友聚餐！上菜快！三個人吃得很飽，大家都覺得青木瓜沙律最好食！甜品好好食，只係芒果酸了些！

炭烤松阪豬頸肉要襯熱食上枱熱熱，大大塊食落唔乾，味道可口泰式拼盤有炸蝦餅、炸魚餅、炸雲吞、炸雞翼、炸雞卷，份量幾多。泰式鮮蝦炒金邊粉金邊粉好夠穫氣同香好入味鮮蝦多幾嚿就更好馬拉盞炒椰菜苗菜唔老，正常發揮 蝦醬肉碎炒飯冬蔭明爐魚(烏頭魚) 條魚幾大條，另外會有碗冬蔭湯配。芒果燸米飯(一人份)$38芒果沙冰甜度適中，受歡迎推介可以點菠蘿沙冰朋友點可能酸得滯總結想係觀塘食泰國菜推介呢間俾大家，地點近地鐵站，店內裝修光亮地方闊坐座位舒服。食飯當天周日唔多客，但侍應已經常翟道翟地址：觀塘觀塘道398-402號Eastcore1樓2B號舖

今日午飯時段一如既往人多，急。 選擇這間餐廳因為「位置多」，「上菜快」。食飯好似打扙的香港，這餐廳真係一個完美的戰場，效率一流。 但如果你想要「服務」，「好臉色」，「悠然自得」就不要選擇這間餐廳了。 這餐廳的鑊氣好足，如果吃炒粉炒河，可以滿足你需要。 可惜，可能係「午餐戰場」的關係，你要接受佢「會有出錯」，今次就係杯泰式凍奶茶中，送我一個 梳打汽水蓋。你仲要飲到落底，先見到佢。你就當係戰場的「流彈」吧！ 只希望其他顧客，唔好俾lee d 流彈 鎅親咀啦！亦希望餐廳快還快，想賺多少少，同時俾返少少heart 去整食物。俾少少質檢。

朋友聚餐，位置方便，最緊要係環境舒適，座位闊落，非常適合一班朋友傾偈。一行七人點了冬陰公海鮮湯、沙嗲串燒拼盤、泰式拼盤、紅咖喱炒豬腩肉、燒豬頸肉、青咖哩雞、馬拉盞通菜、泰式炒金邊粉、香葉肉碎炒飯同薄餅。首推燒豬頸肉，咸香爽口；沙嗲串燒夠入味，沙嗲醬香濃惹味；冬陰公海鮮湯有水準，香辣得來十分順口，海鮮料足。其他食物不過不失，略嫌多油，尤其炒飯和炒豬腩肉，食到底有一層厚厚的油。最後點了杯裝芒果糯米飯，勁濃椰香，糯米軟糯，作為飯後甜品十分滿足!

同同事去左觀塘eastcaore食翟道翟因為佢呢間係新開既 而觀塘另一邊都有一間翟道翟所以我地就試下新開呢間啦佢係一間泰式餐廳lunch時間黎食都好滿座我地叫左5碟野食 最後好飽食唔哂 冬蔭功蝦湯睇賣相其實已經feel到好辣 但好正如果唔食得辣既朋友suggest唔好叫好濃味而且夠辣 但蝦肉就比較少 配飯食一流泰式鮮蝦炒金邊粉金邊粉好夠穫氣同香好入味 D調味岩岩好加埋d配料 牙菜都好有口感 不過都係鮮蝦得幾舊 唔夠多泰式炒河(牛)呢碟可以揀雞牛豬菜我地見佢既雞肉材料都整得幾好味所以就揀左雞呢碟一般 炒河好碎 同比起出面都比較闊身 不過都ok既佢應該係加左d蛋一齊炒 所以其實都幾香嫁巴東燒雞飯原本EXPECT雞外皮會燒到少少脆 但都唔脆但雞既肉質好滑 都唔錯既不過上碟既賣相比較一般香辣肉碎煎蛋飯呢個睇個名好似好普通但食落咁多碟中佢係最好味因為佢既碎肉 乾爽得黎又有少少汁而且d肉食得出唔係梅既 係有咬口的  而佢既肉碎係除左蔥花之外全部都係用肉碎冇夾雜住其他配菜係入面 唔會食到d辣配料 所以味道單一啖啖肉所以呢碟整得好好味總括味道同環境都不錯 會再去試試

估唔到觀塘有一間泰國嘢咁岩心水！舒適環境好，餐具都好靚😂即係有點儀式感，唔係九龍城嗰啲淨鮮色膠碟膠碗😂😂食嘢都開心啲🙈服務好，店員睇得出有training，有禮貌，我拎住蛋糕入去搵家人，店員已經即刻接過我嘅蛋糕，確認我booking後，跟住話俾我聽家人未到，座位已安排喺邊度，小心地滑。👍👍食物質素都唔錯，冇樣嘢中伏，而且都幾大碟😜值得一題，冬陰功湯、金邊粉入邊嘅蝦都好新鮮彈牙，而且都大隻，好過九龍城不少🙈生菜包嘅肉碎有點特色，豬肉入邊有啲卜卜脆嘅粒粒👍👍很好很好會再光顧。

泰酸辣湯煮清檸三角牛肉，牛肉太大塊，如兩包紙巾大細，可食出大啖粟粉，加上好多筋，無法咀嚼，跟店員反影，只例行回答吾好意思，沒有給予剪刀切細塊些或為客人處理。全店吾夠十枱客，廚房出了菜，啤酒還未上。晚上約8:15，半數職員只忙清潔，睇出想趕及收工，反影管理不到位。戴上手套清潔，脫下手套就上菜，過程沒洗手

朋友仔喺觀塘返工，話有間泰菜坐得舒服又幾好食，好啦……咁去嗰度試試，呢度地方又幾大噃，睇完餐牌都係嗌D正路嘢生菜包，賣相先加10分，小辣🌶，肉碎混合好多香料，炒得夠鑊氣，唔會太濕，配以新鮮生菜🥬，perfect泰酸辣青檸牛三角肉，肉質軟嫩，泰式汁淋上面，酸酸辣辣很開胃，有芥蘭墊底，但朋友覺得牛肉偏鹹炭燒烤豬腩肉，燒得微焦，肉汁豐腴，係就邪惡咗d，聽日食返清少少泰皇咖哩炒肉蟹，咖喱汁夠香濃，濃稠適中，不過隻🦀唔新鮮，走肉扣分有個咁正嘅汁點可以浪費，嗌咗份薄餅，外脆內軟，好食柚子蝦沙津，🦐爽脆，柚子甜而不苦，很清新薏米水去濕清熱芒果沙冰，出乎意料地好飲，好似食緊個冰凍🥭，兼且個沙冰打得好滑 

等野食係正常，但等咁耐又唔覆我地係要等幾耐果下唔係幾好囉。追親都話就有，廚房單多，結果等左超過半個鐘。。。其實lunch hour有幾多時間食飯丫。。。。。早d話畀人知做唔切要轉柯打好過啦

觀塘有兩間翟道翟，依間係位於Eastcore 1樓的，朋友選擇依間係因為比較近地鐵站就腳，坐位寬躺D，叫咗牛肉炒金邊粉，本身諗住叫河粉，但賣晒，份量都幾足，牛肉唔韌，啲麵炒得色水均勻，蠔仔炒蛋，要襯熱食，建議三至四個人先好叫，因為多食幾膩下，生蝦個汁我覺得可以出啲，唔夠惹味，而且唔夠凍，芒果糯米飯杯裝上，味道ok，但芒果唔夠甜，服務就一般般，有個服務員無咩表情同反應，食物我覺得偏油，各方面都有進步空間.#泰式#泰菜#觀塘#芒果#mango#🥭#dinner#晚餐

🍽今次叫咗：🐯炭烤松阪豬頸肉 $98燒得乾身但唔柴，但略嫌唔夠炭烤嘅感覺🙈配上酸辣汁更惹味～份量適中。🐯飛天空心菜 $72一定冇錯之選😆少少辣，好食～🐯濕炒河粉(雞肉) $78呢個河粉好抵食，勁大碟😂但濕炒真係好濕，好多芡汁，會越食越膩，都係叫返乾炒好啲。另外河粉入面嘅配菜都切得比較大舊，尤其椰菜，冇咁熟有啲硬，令到整體口感差啲。味道方面偏重胡椒粉味，有啲唔係好泰嘅feel😂🐯泰式奶茶(凍) $20係俾呢杯奶茶迷上呢間餐廳🥰泰式奶茶一般好容易過甜，但佢哋奶同茶比例剛剛好🫶🏻茶底香濃而且單點先$20咋🥹中海日升中心仲有一間分店，係觀塘返工不失為個午餐好選擇🙌🏻想有下次指數(5粒⭐️為最高)：⭐️⭐️⭐️⭐️