翟道翟

營業中

休息中

🔹️翟道翟(觀塘)🔹️今日去朋友家開餐用外賣平台叫左幾間餐廳既菜式，觀塘真係好多餐廳選擇，我地選擇左其中一間泰國餐廳外賣食物既質素都幾好，收到既時候仲係熱辣辣，無過份焗住出水影響食物品質🥢泰小食拼盤🥢炭烤沙嗲串拼盤豬牛雞三款串燒都做得唔錯，肉質燒得唔會過老過乾，記得點埋沙嗲醬食，好惹味☺️🥢馬拉盞炒椰菜苗🥢炭烤松阪豬勁肉🥢泰皇咖哩炒肉蟹打開見到已經覺得好吸引，濃稠嘅醬汁可以點配蒜蓉包及薄餅🥢蒜蓉包🥢薄餅

朋友十分喜歡吃東南亞食物，今天跟他們一行四人到觀塘區翟道翟嘗試一下。可能這間比較不近市中心，人流不多，我們到達店舖時只有3,4枱食客。食物的賣相看得出來有花點心機，鐵板燒鱸魚，魚十分新鮮好吃而且它的湯汁也十分開胃。真的還不錯。炸物拼盤，蝦滑十分的彈牙。好吃蝦頭油炒飯，這個比較可惜，吃不出有什麼特別之餘還沒有什麼味道，調味不足。生菜包，那個手推車真的好特別，把很平常的生菜包變成一個特別的菜式，這個生菜包比較辣不能吃辣的要注意。

觀塘嘅打工仔都好多選擇餐廳之前喺駿業里有舖頭上工廈一樓, 而家搬咗去一個新嘅商廈叫做Eastcore。點解會特別提呢啲嘢，因為以前舊鋪食過一次，但係覺得味道一般，而家覺得佢搬咗之後，船河同炒河，都覺得好味咗今日嘅食豬頸肉船河，其實個湯真係好濃,餐前有個湯，不過我唔記得影相，好似一個紫菜味精湯飲咗少少就放棄咗，費時下午口渴有影埋同事嘅豬頸肉雞絲撈朦炒金邊粉仲有雞翼船河其實呢幾樣我哋都覺得味道OK,所以大家都可以試吓打工仔可以去，又坐得舒服，大部份都係卡位，因為我哋比較多人就入咗房仔坐，就清靜啲

平時幫襯開駿業街分店 嗰間好好食 服務一流，但咁啱佢地無開鋪，查google maps見2、3個街口外有呢間分店 睇餐牌又一模一樣 所以就試下。首先，有位着紫色制服 極短頭髮既中年先生服務＆語氣超級冷淡 講野無尾音der, 只能話 唯一安慰係佢無黑面囉 所以我唔可以話佢態度差既，但唔會想再幫襯第2次再遇到佢囉，駿業街分店既伙記對比呢位先生 簡直可以用熱情殷勤嚟形容。然後，點3樣餸得碟炭燒豬肋骨好食，第1碟牛太咸 但第3碟金邊粉竟然無味，唔知呢間廚房發生咩事。結論係，翟道翟 我從此只會幫襯駿業街嗰間，如果嗰間分店休息，情願去食第樣菜。

今日約左大伙黎呢度食泰菜，今日係星期日所以都幾爆場座位與座位之間都幾闊落，環境唔錯，裝修亦都好有泰國風菜式方面叫左雞翼、明火烤盲曹魚、生菜包、青木瓜沙律、生蝦、泰小食拼盤(炸蝦餅、炸魚餅、炸雲吞、炸雞翼、炸雞卷)炭烤沙嗲串拼盤等等。明爐烤魚都幾嫩滑，無想像中咁多骨，生菜包炒得唔夠香，青木瓜沙律，青木瓜比一般嘅更加生，真心咬到牙骹軟，份量好多不過調味唔太夠可能因為足料而導至醬汁唔夠，生蝦正正常常但係個汁唔夠惹味，小食拼盤質素平平，相比之下炭烤沙嗲串反而比較好，燒得幾焦香～總括黎講，所有食物都係一般，唔難食，但未至於出色，同區有更佳選擇。

約了朋友交收，順便食埋晚飯，朋友建議食泰國菜，近近哋在觀塘區食。Apps 位置顯示由觀塘地鐵站步行過去一分鐘，實質步行十幾分鐘就差唔多。其實喺牛頭角地鐵站近啲。我們order咗，泰式小食拼盤。有雞翼、蝦餅、雲吞等。冇乜特別囉都係一般炸物。炭燒松阪豬頸肉：味道唔錯幾乾身。蠔仔炒蛋，雞蛋多個蠔仔，還有大量芽菜包底。唔抵食，味道一般。馬拉盞炒椰菜，味道適中，ok嘅。青檸明鱸魚盲鰽，條魚為何沒有打魚鱗？！肉質好梅，又貴又唔好食。泰國啤酒味道都ok。環境座位寬敞裝修都好靚。服務態度一般，我們都冇叫埋單，侍應就畀張單給我們。咁咪即係講我哋走。

我這次叫的外賣是自選船湯粉(金邊粉)，豬頸肉加扎肉。湯底夠哂味，令我食完粉後會喝完整碗湯。分量夠多夠哂飽。配合一杯香滑泰式奶茶，超級正。下次一定會再叫這間外賣。

經過見到裝修幾企理，價錢都相當吸引，試咗午餐。船河湯底非常一般，冇正宗泰國餐廳咁有層次感，成件事好港式。份量好夠好足料，未食過咁飽肚既船河。建議唔好食佢嘅肉類，包括豬肉牛肉豬頸肉，好似食緊僵屍肉咁，唔係好敢食晒。叫返其他丸類會穩陣得多。炸豬皮好脆好好食。

聖誕節係公司搞聖誕party，到會一定唔少得。經過疫情，平靚正嘅到會已經買少見少。咁啱朋友介紹觀塘呢間泰國餐廳今年有到會套餐。老細又話小店就支持下啦！所以就訂咗試吓。聚會派對 10-12人套餐 $1688泰小食拼盤 (炸蝦餅X 6、炸魚餅X 6、炸雞翼X 6炸春卷X 6、炸雞卷X 6)柚子鮮蝦沙律 (2磅)炭烤松阪豬頸肉 (2磅) 泰式炒雜菜 (2磅)炭烤沙嗲串拼盤 (雞X 6 / 牛X 6 / 豬X 6)泰酸辣鳳爪 (2磅)海南雞 (一隻)菠蘿海鮮炒飯 (3磅)送：椰香班蘭千層糕 12客送餐好準時，我哋定12:30到，預咗會遲15-30分鐘，點知未到12:30就到咗😂😂但我哋開飯時間係1:00😂😂雖然話係10-12人餐，但我哋12個人都食得好飽。兩個冷盤都好開胃，柚子鮮蝦沙律勁多柚子，目測可能有成個柚子。酸辣鳳爪好爽口，好足料。兩個冷盤都俾我哋清哂。小食拼盤雖然每種得6件，但除雞翼外，其他都有切開一半，所以大家都可試到。雖然係到會，我地亦放左半個鐘，但食嘅時候仲好酥脆香口。豬頸肉係消滅得最快嘅一盤。好好食，外脆內軟，仲好香炭燒味。😋😋雜菜同串燒就不過不失。可能係因為已經有少少凍咗

原來觀塘道開了新店禮拜六的下午茶時間極度無聊地行行逛逛意外發現Eastcore新店選擇甚多的下午茶餐楝了最基本海南雞飯配埋低甜健康意米水$42簡直係喜出望外🥰下次要encore試埋晚餐

又來試吓新野，裝修新淨，環境都算幾舒服。不過兩個人，就要搭枱，雖然有間板，不過距離都算幾近。本來想食海南雞，不過覺得要試「炒嘢」先至試到廚房掂唔掂。所以揀咗泰式炒河（牛）。賣相都唔錯，牛肉好大塊。最緊要佢唔會好鹹（甚至有點偏淡）不過我個人覺得OK，寧願咁樣清清地。同埋佢唔會油淋淋！呢點好重要，味道算唔錯。另外佢都有好多蔬菜泰式飲品就係薏米水，凍熱都唔使加錢。不過啲薏米唔係好林。總括來講呢度都係一個唔錯嘅選擇