翟道翟

營業中

休息中

位於觀塘商廈區既小店，午飯時間都幾多人排隊，我地1點到，唔洗等好耐就入到去。同一般泰國菜一樣，每個坐位都會有d醬料係度，方便客人調較適合自己既口味。《$60 自選船湯河(午) - 跟1款配料》+$12 再加一款配料湯底可以選擇船湯底/ 冬陰公湯底，因為兩位既關係我地就叫哂兩個。朋友覺得冬陰公湯底好普通，我既船湯底亦唔夠濃郁，香料味不足。配料我同朋友一樣，分別係豬頸肉和牛肉。豬頸肉既有烤過，但烤得唔夠，而且唔知係唔係刀唔夠利，我既豬頸肉仲一大片冇切開，只有刀切過既痕跡，但冇斷開。牛肉有根，有幾片咬唔開放棄左。船麵入面仲有白羅白同炸豬皮，但羅白唔甜，都唔夠林，感覺煮既時間唔夠耐。炸豬皮就正常，應該唔係舖頭自己炸，擺係船麵上面作用就好似食炸魚皮既感覺。《$21 炸蝦餅 - 2件》蝦餅厚實彈牙，上枱熱辣辣，2件開左半，等於每人有2個半舊食。《$19 炸雲吞 - 4件》 雲吞炸得好脆，唔會好大舊，亦唔會好油膩，用黎過下口癮都唔錯。整體黎講話差又唔係差，但體驗唔太好。除左午市太趕，服務態度唔太好，仲比人既感覺係求求奇奇。好多位明明可以做好d，例如羅白可以煮林d，豬頸肉可以烤焦d咁，但就係唔做埋果少