影片
港鐵坑口站 A1 出口
繼續閱讀
開飯介紹
主打健康養顏的火鍋，提供8款精選湯底，午市時段提供各式定食、輕食、丼飯等，客人更可享用飲品吧的無限添飲。
繼續閱讀
營業時間
星期一至日
11:30 - 22:00
以上資料只供參考, 請與餐廳確認詳情
441 瀏覽
「美人鍋」是來自日本的「塚田農場」的年輕副線，選址並非銅鑼灣尖沙咀等傳統遊客區，兩間分店分別位於觀塘及將軍澳，市場定位以本地人為主，餐廳裝修也較為簡約。數數手指，肺炎疫情肆虐全球已經接近10個月，歐美方面情況未有緩和情況；亞洲地區（印度伊朗等等衛生情況較為落後的地方除外）雖然已經平穩下來，但各國政府仍然嚴守關口，香港也沒有例外。香港政府的限聚令執行情況曾經放鬆，但最近因為第三波疫情，又再次加強；難怪即使星期日午飯時段，餐廳客人寥寥可數。餐廳名字已經說明一切，主打火鍋。雖然「美人鍋」源自日本，但火鍋的主食材有齊雞肉、豬腩肉及牛肉供客人選擇，甚至有自選追加配料，再加上共有八種湯底口味，與日式涮涮鍋的單一專門食材有所不同；明顯加入了港式火鍋特色，感覺上近似台式火鍋餐廳。火鍋配料雖然已經較日式涮涮鍋多元化，但同港式及台灣火鍋比較，仍然有一段距離。不過，火鍋醬料款式之多，竟然可媲美港式台式火鍋，實在令人意外；雖然口味另類，但選擇的確很多。午市冇理由食火鍋，實在過分豐富；所以只從午市套餐挑選。所有午市套餐包括自助沙律吧及飲品吧。秉承餐廳名字「美人」二字，所有飲品都由蔬菜汁及生果汁調製，有接近10種口味以供選擇；追吸引之處就是款款健康，亦符合美人所需要的健康飲品要求。比較起來，沙律食材的選擇就相對單調得多了。味噌湯味道很淡，固然沒有魚肉、魚骨熬煮的優質日式魚湯的鮮甜美味，甚至連傳統日式味噌湯的濃郁鹹香也欠奉。南蠻炸雞定食（$78）的日式冷豆腐相當好味道，滑溜、有豆香。反而放在豆腐上面的半條蟹柳就顯得有點畫蛇添足；蟹柳本身已經唔係好食的食材，也沒有必要用來刻意增加豆腐的吸引力。炸雞望上去很乾，不是指瀝油徹底，是指炸得太乾身。咬下去果然欠缺肉汁，亦缺少包裹在炸雞表面的薄薄香脆炸漿，口感很差；此外，調味亦很差勁，沒有日式炸雞音樂的美味，印象中，從未食過如此差勁的日式炸雞。估唔到整份套餐竟然係那一碟前菜小吃日式冷豆腐最好味。照燒三文魚配南蠻炸雞定食（$78）同炸雞定食的分別，在於半份炸雞被一件照燒三文魚替代；相同價錢，但有兩款口味，更加抵食。炸雞已經唔好食，三文魚也不可取。表面沒有焦香、欠缺了香脆的三文魚皮；整體賣相很差，完全唔吸引。食一啖也欠缺烤或煎的烹調口感，只有一點點似是而非的照燒汁甜香；未能做到三文魚表面香脆、內裏嫰滑，照燒汁剛好收乾。總而言之，炸雞同三文魚都唔好食。豪華雜錦海鮮飯（$98）材料包括切粒三文魚、吞拿魚及三文魚籽，食材新鮮程度一般而已，勝在份量有不少。套餐同時附上一小壺日式清湯，食完半分海鮮丼之後，餘下一半可用茶泡飯方式去品嚐。一個套餐價錢有兩種食法，勝在抵食。可能餐廳主打火鍋，午市套餐只是兼職副業，所以沒有一款味道可取，坊間大部份日式餐廳，即使是港式日本料理，出品都較「美人鍋」好味道，唯一吸引之處就是抵食。
繼續閱讀
本來今日買餸返屋企煮, 唔小心經過美人鍋發現有折，見menu好吸引（又加上好掛住日本美食😭），即時打消煮餸念頭 入咗去食個快lunch。叫咗一個一人一鍋，揀左骨膠原湯底，個湯好好好好好好飲，飲落去仲有少少漿住個口。肉嘅份量非常多，點左份雞豬肉雙併及野菜一盤，最正嘅係最後仲會上白飯，蛋同蔥，煮成日式雑炊😋，唔想食飯就可以揀芝士risotto或烏冬或蕎麥面）仲包括無限添飲十分之平，以一個咁豐富嘅日式鍋來講就非常之抵！
繼續閱讀
晚市時間經過美人鍋 見到套餐有7折優惠 沙律飲品吧又有買一送一嘅優惠就即刻入左去了因為好肚餓 一點完餐我地就岀左去salad bar揾野食沙律吧既野都好整齊乾淨 而且好新鮮連飲品都有好多既選擇 除左罐裝同紙包飲品之外 仲有多款自家製既飲品 全部都唔會太甜 而我最中意既就係美人果茶 同 柑桔美人水 (加左美人兩個字真係即刻吸引左好多)每個套餐都包一個蔬菜盛合 入面有番茄仔 金針菇 紅芯蘿蔔 粟米芯 同 生菜等等 全部都好新鮮 拼到色彩繽紛 我自己就揀左signature 既黄金骨膠原雞湯 雞湯呈上枱既時候係固體狀 然後係高温下慢慢演變成一鍋香氣撲鼻既雞湯肉類就揀左粟米免治肉同唔駛加錢既豚腩肉 因為個湯底真係好濃郁好岩我口味 d腩肉我都無乜點醬料都覺得好好食男朋友就揀左和風咖喱湯 但係佢就覺得一開始個湯底係偏酸 經過幾次加湯之後個酸味就中和番d肉類方面佢就揀左明太子芝士免治肉同一樣都係唔駛加錢既雞肉+豚腩肉 雞肉有2舊都係脾位 好嫩滑 但整體而言肉既份量就比單叫一款肉類少左 另外佢係醬料區拎左好多款醬汁番黎試 佢就比較中意芝麻甜醬油 自家製黑麻油同白味噌芝麻汁套餐仲包一款飯或麵食 我地分別叫左烏冬同日本羽衣麵 羽衣麵食落似就似係腍版既刀削麵咁 我地都係第一次食服務態度都唔錯 佢哋會主動加湯 抵讚
繼續閱讀
前陣子妹妹約我到將軍澳食好西，非常難得地可以在同一店鋪吃到多款日式美食，很值得推薦👍🏻-這間小店的裝修用了很多木，日式感覺濃厚👍🏻店內提供多款日式美食，例如小型火鍋、刺身、壽司、揚物、定食、丼飯、飲品和甜品，款式之多雖然令人很難選擇🙈不過卻可以一次過滿足好幾個願望🤤-1️⃣美人鍋套餐 $168 + 美國牛小排 $68(跟餐價) + 豚腩肉 $38(另點)*湯底選了骨膠原，豬骨湯味道濃郁，而且膠質很重👍🏻看着奶白色果凍狀的湯底溶化很療癒😂*免治雞肉選了明太子芝士味，將全部材料撈勻後煮熟，雞肉又香又滑，正🤤可惜份量偏少🙈*肉類選了美國牛小排，肉質滑嫩，牛肉味濃，肉和脂肪分布平均，不蘸任何醬汁已經很好食😋；豚腩肉鮮嫩粉紅，肥瘦均勻，$38幾抵食👍🏻*隨餐的蔬菜盛合有超過10種以上的菜、菇、椒和瓜，多樣化又健康👍🏻*麵條是讚岐烏冬，比普通烏冬幼一點及彈牙，不過千萬不要煮太耐，否則會太腍🙈-2️⃣四色刺身定食 $128前菜有漬物和豆腐🤩主食有四種刺身(三文魚、帶子、鯛魚和吞拿魚)，每款都很新鮮，鮮美無比🤤晶凝通透的魚子最啱配白飯😋最後飲番碗麵豉湯就更完美😌-3️⃣南蠻炸雞(原味) $48外層粉漿很薄，內裏的雞腿肉醃得很入味，味道甜甜，一口咬下去，鮮嫩多汁，非常美味😋
繼續閱讀
//「美人鍋」真是一個動聽的店名，吸引我到訪：D美人鍋主打鍋物，一人一鍋的日式火鍋。聽聞招牌黃金骨膠原美人雞湯，是養顏必試之品。現在美人鍋正有優惠推廣，美人鍋套餐有7折，而且沙律及飲品吧還有買一送一優惠呢～的確超值！同行友人面對優惠也不動搖，因為他今次想嘗試這裡的定食套餐。為免自己一人打邊爐沒趣，所以我也一起點個定食吧～我們點了「4色刺身定食」及「南蠻炸雞定食」，還加了買一送一的沙律及飲品吧。沙律吧在店門附近，以自取方式。飲品的種類凡多。除了預先包裝飲品外，也有店家自製的飲品可供選擇。旁邊還有沙律菜，青瓜絲，芽菜，彩椒等，都是開胃的前菜。「4色刺身定食」刺身分別有鯛魚、三文魚、帶子、吞拿魚。肉厚，入口鮮香嫩滑。米飯微溫，可多加壽司醋。「南蠻炸雞定食」炸雞香脆，點上沙律醬，好惹味。
繼續閱讀