羅麥記 (V City) (已結業)

下午茶時間，不想吃正經的，有個XO醬叉燒炒腸粉茶餐，看似野味，就試一試。腸粉炒得夠穫氣，色澤吸引，雖然吃不出XO醬，但這微辣豉油皇炒腸粉的味道不錯，混集切成幼絲的叉燒和芽菜，口感豐富。腸粉上檯時熱辣辣的，用油過多，意外地有保溫效果，很耐熱，吃了幾條，忍不住傾側碟子再托起，讓油“滴漏”到一旁

星期四夜晚係酒店行返去v city搵野食，見到呢間羅麥記都幾多位，又係啱曬我哋帶住細路嘅。入到去坐底叫左個2人餐，轉咗兩個特飲，有懷舊黑牛同蜂蜜牛奶(呢個係大人口味嚟講我覺得好難飲因為好甜，細路係鍾意嘅) d小菜係好食嘅，掛住食尾聲先記得影....個炒蛋夠滑夠香，菠蘿骨都好入味。蝦多士得我自己食，同我心目中傳統樣有出入，同咸咗少少，個炸魷魚圈炸得唔錯，唔係好油同幾香。整體唔錯，份量都多，餸大大碟，都算抵食。

是，貪其就腳貪其早開舖貪其有卡座才進去，所以早有心理準備很一般，不過沒想到連寫單那個哥仔也黑口黑面，一副想趕客又不得要領的模樣，寫單也晦晦氣氣，我和友人也沒得罪他所以頓感莫名其妙。11:15，比較多常餐，朋友點了蕃茄豬扒通粉配炒蛋多士。此餐先來，炒蛋夠滑且多士都夠牛油只稍有些燶邊，接著來到的蕃茄豬扒至少色彩鮮艷，到我點的 經典阿芝芝士撈麵，就有一絲後悔，我又再天真地不自覺相信了餐牌上那些「必吃」、「推薦」、「精選」、「經典」等字眼，首先全碟清一色白切的色tone，要不是我沒吃早餐我必吃剩，豬頸肉切的過大，芝士亦淡而無味，還要比朋友的餐貴幾蚊。加上先撩客的西面態度，所以，唔會有再去嘅意欲。

因為一田大減價，呢日就同老公落屯門掃貨😅時間尚早，就去左羅麥記食個早餐先，第一次去呢度食早餐，唔好講食物質素先，只覺得貴左啲，唔太值食咁貴🥴我地同樣叫左吉列魚柳餐，魚柳都算幾好食，脆皮夠熱，入面夠滑☺️另外杯奶茶都好滑，都算係咁啦😅

以舊香港作為藍本既餐廳，把餐廳設計成懷舊冰室，供應港式懷舊美食,令人回味七十年代的事物同埋味道同隔離既上海婆婆擺埋一齊睇落真係好復古.叫左個蔥油豬扒撈麵, 睇落個名好油, 無咩大期望, 不過都唔係好油膩其實都係黎食個下午茶, 無食到好多野, 不過整體黎講都算係咁啦

喜歡羅麥記的懷舊， 入到去餐廳好似回到以前的感覺，也會想想當年的人是怎樣生活 今日來得早人客不算太多，所以也坐得非常舒服 ，雖然店舖裝修懷舊但嘢食一點也不懷舊， 也有一些自家創作的食物， 今日叫兩個常餐， 羅麥記雞翼撈通粉同埋蕃茄豬扒公仔麵， 雞翼撈通心粉 雞翼是瑞士汁雞翼， 做得非常入味， 瑞士汁有非常香濃， 這個超有水準， 蕃茄公仔麵就有點失色， 湯底是香濃的番茄， 酸酸甜甜， 但可惜豬扒煎得過火， 有點鞋口， 另外跟餐配了炒蛋多士， 香脆多士配上嫩蛋

19：37 落單20：05 食物到足足等咗20分鐘有多， 食物呢到係凍冰冰的都唔知點解要等咁耐仲要唔係坐滿成間餐廳，仲有好多吉枱怪唔得而家唔使等位就可以入去食如果坐滿曬多人食，就話等耐啲都唔緊要咁少人食都要等咁耐， 仲要啲嘢勁難食

好幾個月沒見過嫲嫲了, 趁她同工人姐姐來屯門住幾晚, 我當然要一盡地主之誼,好好招呼下她們啦, 嫲嫲要坐輪椅, 所以食店的位置和內部空間好重要, 為了方便大家, 我選了VCITY的羅麥記, 雖然沒有吃過, 但目測可以放到一個輪椅。去到之後, 好快捷地點了菜, 基本上沒咩考慮時間, 因為嫲嫲極度心急, 而菜單亦圖文豐富, 就順心而行吧點了羅麥炒河粉, 賣相好普通, 黑色的汁有點不開胃, 但吃落有點偏咸, 我都覺得味道輕返點就好了。另外再叫了個炒飯, 賣相一般, 吃也是不過不失, 沒多大問題。避風塘炒麵幾惹味, 我比較喜歡, 也是比較搶手的, 好快清底。再叫了芝士牛肉卷, 都是意料之內, 樣樣都好正常, 沒特別好也沒特別不好的。菜單有好多都未叫, 下次會再來試下其他, 價錢在VCITY中算中等, 那裡的食肆消息唔平, 羅麥記份量都足, 都算OK啦。

今天是星期六，我們一家決定去Vcity的羅麥記吃晚飯，因為那裡著遍的食肆都比較難容納8位，看上去那裡比較闊落。5點半就去了搵位，原來時間尚早，還有好多位置，我們一坐下來就急不及待的點菜，點了好幾個菜，比較有印象是避風塘炒麵，羅麥汁炒河，芝士牛肉卷，都係比較合味道的，就係那個汁看上去有點黑，可能似瑞士汁的緣故，另外春卷正常口味 無特別大驚喜，最後老公要了一個雪糕紅豆冰 因為星期六晚 要要38元一杯，但似落都幾好味，有驚喜，貴點也是沒問題，炒飯，粉麵份量中等是茶餐廳的份量，價錢當然是比太興更貴點點，燈光很暗，看食物都好似看不太清楚，我想光亮下吃飯多點，哈哈。總的來說，還可以，有下次😊😊

收工朋友介紹呢間係V city的餐廳，裝修懷舊啊，幾特別8點幾去到，唔算多人，俾左6人枱我地座叫左個避風塘炒面(海鮮)賣相幾靚仔味道好夠辣，如果唔食開辣未必食到海鮮同圖一樣好大隻，都幾多，可惜的是海鮮沒什麼味道$68一個炒麵都唔算平，可以做得更好

尋晚朋友仔話要慶祝光復屯門去唱K 🎤🎤🎤咁就即時約好😆我哋首先約去食個Lunch 先，V City 係最方便不過👍🏻👍🏻👍🏻我哋選擇咗羅麥記😋😋😋貪佢有凍 O T 飲😆😆😆我去到都幾多人😆😆😆可能午餐時間1點左右特別多人，我地等左唔係好內5分鐘到🥰都算快我哋一坐低見到個餐牌有撈公仔麵😍😍😍好內冇食好多款👍🏻👍🏻👍🏻我選擇左芝士豬頸肉撈丁睇下同新x 有冇得比先🤣🤣🤣朋友仔叫左蔥油豬扒撈丁😍都係邪惡系列⋯⋯重叫左客蝦🦐🦐🦐多士，兩杯凍檸茶 😋😋😋兩碗撈丁到😍我碗芝士豬頸肉睇樣好似好得😚蔥油豬扒撈丁賣相都好吸引😍我唔客氣啦😆芝士豬頸肉撈丁唔係預期中😛😛😛唔夠芝士味淡口豬頸肉可接受但..........一定冇新x 好味🙈朋友仔蔥油豬扒只得賣相，我試左佢一片豬扒🐷豬扒太乾🙈🙈🙈冇味，失望反而🦐多士好味喎👍🏻👍🏻👍🏻麵包香脆😋😋😋蝦膠夠厚唔多油，可以一試總括有D失望😞

好鐘意食羅麥記因為有我至愛既朱古力西多 & 煎蛋肉醬焗飯今日我腦裡面出現呢兩樣野食一於就去食啦羅麥記比其他茶記會稍貴一點但佢地既裝修都好懷舊「千層朱古力西多 $36」其實只係普通西多加朱古力醬但佢地既西多好脆配埋朱古力醬食簡直一流熱辣辣好好味👍🏻「煎蛋肉醬焗飯 $62」肉醬汁超多份量好足夠次次食完都攬住個肚隻蛋有少少流黃超正呀👍🏻老公叫左「避風塘軟殻蟹炒麵 $68」覺得呢個麵咸左少少惹味的重口味人士就岩哂喇下一次一定會再黎既！

假期行街嚟到屯門，V city呢度見到羅麥記，冇咩人排隊喎。本着好奇心就入嚟試吓啦，平時見都幾多人但而家冇人喎冇理由唔試丫叫咗個雞翼撈通，同埋轉頭焗黑椒雞扒飯1.雞翼撈通：通粉唔入味，好似滾水淥咁樣上菜嘅時候侍應一句都冇講就咁擺咗喺枱面OK嘅，去大排檔食嘢都係咁上下，冇所謂啦，但啲雞翼都唔係好入味，成個撈通要四十幾五十蚊唔單止唔超值，最緊要係唔好食2.磚轉頭焗黑椒雞扒飯：大大塊嘅厚多士，挖空咗個心，啲炒飯同埋雞扒同埋黑椒汁就裝晒係入邊賣相都幾特別嘅，仲要有成三四塊細細塊嘅雞扒，黑椒汁味道都好濃，焗飯仲要係炒飯底不過雞扒食起上嚟有少少雪味呢點我個人來講係不能接受，零分。炒飯底係有誠意，但係冇蛋香，所以冇辦法加分。注：雖然人少少，但店員都顧住自己有自己傾計，有時見到客人揮手，都唔會主動去服侍。食物質素、服務態度，呢兩點到完全需要加強到合格水平可能係個別分店問題，但作為消費者，唔會再嚟呢間。

羅麥記佢既門面裝修好懷舊，係一間好受遊客歡迎既新派茶記，今日去左食lunch試試😋佢地既焗飯好吸引，今次叫左豬扒飯試😋我地2個人share都食吾曬呀🥺，欣賞佢既設計，將大多士裡面整個焗飯，好創新，外脆內軟，熱辣辣，面頭仲要擺滿芝士，好邪惡呀😆，而豬扒都係juice既，下次想試埋咖哩😋峰蜜雞翼甜甜地，炸得好香口，而且食落一啲都吾油。

星期日冇下午茶，叫左一份公司三文治，入面有火腿，蛋，雞扒，生菜，紫椰菜絲，都好大份呀，味道好好。好豐富層次同口感。滿足了！！西多士，上面好多糖霜粉，有六件四方形的，都夠乾身，好味，不會好甜！生薑檸檬水，好夠薑，好飲。