羅麥記 (V City) (已結業)

星期四夜晚係酒店行返去v city搵野食，見到呢間羅麥記都幾多位，又係啱曬我哋帶住細路嘅。入到去坐底叫左個2人餐，轉咗兩個特飲，有懷舊黑牛同蜂蜜牛奶(呢個係大人口味嚟講我覺得好難飲因為好甜，細路係鍾意嘅) d小菜係好食嘅，掛住食尾聲先記得影....個炒蛋夠滑夠香，菠蘿骨都好入味。蝦多士得我自己食，同我心目中傳統樣有出入，同咸咗少少，個炸魷魚圈炸得唔錯，唔係好油同幾香。整體唔錯，份量都多，餸大大碟，都算抵食。