紅茶冰室

營業中

休息中

今朝拎架車去做service。。。係附近搵早餐食。。。有金記，龍城同紅茶。。。。最後就去左紅茶冰室試。首先講一講個環境。。入去坐卡位。。。附近都聞到陣 ‘up‘味，感覺有d霉霉地。每人叫左一個早餐沙嗲牛面同炸菜肉絲米粉每個餐都跟炒蛋同吐司。。。。吐司係鬆軟既。。。炒蛋都夠滑。。可惜係個主食。唔夠熱。質地怪怪的。。。。為一讚既係杯奶茶。。。叫左杯熱奶茶少奶。。茶味濃郁。。。成個早餐最好既野就係杯茶。。。

星期日又係觀塘呢間紅茶幫襯，已經唔知第幾次啦。今日叫左牛丸魚蛋米粉轉冬蔭公湯底。等左5分鐘左右就上菜啦，照舊好快手。但我一飲果湯，嘩！咁酸既？唔係第一次叫冬蔭公湯底，之前都好正常幾好食，唔知點解今日出左事。希望只係今日啦。

好耐好耐冇食菠蘿油，菠蘿油係香港地道美食文化嘅代表之一！不過好食嘅菠蘿油係難得，要整個包嘅狀態脹卜卜，皮脆剛好蓋住整個包，裂紋較多，甜度亦都要合比例；然後舊牛油要有足夠大，亦要有足夠厚度，並且夠凍，咁樣上枱嘅時候你先可以仍然見到嚿牛油軟好嘅狀態，而有足夠冰凍咬入去嘅時候就可以食到冰火融合嘅狀態😋我食過好多間菠蘿油，我覺得最好食最好食係呢一間佢嘅狀態每一次食都保持到，再加上佢個超級無敵凍鴛鴦就係最完美嘅組合！另外，在嗌咗吉列豬扒咖喱意粉，同熱奶茶。吉列咖喱豬扒非常熱及脆身，顏色均勻已有金黃，豬扒有足夠嘅厚度咬落去誇誇聲非常香脆可口佢啲咖喱亦都非常之香辣適中係港式咖喱嘅味道。都係我最推介嘅港式咖喱啊！😋我覺得熱奶茶可以試到一間茶餐廳水壩嘅水準拉同茶嘅配合比例係要好完美先可以飲到入口順滑有茶葉奶香平衡而又有厚度嘅！呢度做得到所以我會選擇喺呢度飲凍或者熱奶茶都非常之享受！

带位超级垃圾，趕客以后唔會再去吃完好受氣，等咗10分鐘食物未到照埋單走人，費事睇人面色以前走街路過都會同朋友一起吃＇經過呢次唔會再食真失望，所以員工服務好重要，别以為有點名氣，趕客作死文化遲早自吃其果

還好啦去觀塘上堂之前，食啲嘢先，見網上話呢間紅茶冰室都幾唔錯，就試下。食後感：都算係咁啦！先講食物，下晝5:48分仲有下午茶餐，叫咗個$42既單拼叉燒飯，飯🍚唔會太腍，ok的👌🏻叉燒都算幾好食，半肥瘦，仲有條菜。$42黎講真係唔差。至於服務方面，就真係睇人。舉手落單，一個人見到扮見唔到，另外一個見到啦，話「講呀！」😅但檸茶來的那個侍應又有禮貌，所以真係有好有唔好。收錢的姐姐則一邊睇電話一邊收錢。整體來講都可以既。

大年初二返完觀塘教會搵食😋但係平時去開既大盛新年冇開，一大班人好彩有先頭部隊搵到12個位，不過推BB車入去有一級樓梯同通道好窄，要摺埋BB車放埋一邊。諗緊食午餐🥣好定常餐特餐快餐，最後揀咗特餐（$56），有沙爹牛面、丹麥🇩🇰多士同火腿奄列，大滿足😌，叫咗奄列生d，但上菜時唔知😐邊個奄列生d，茶餐廳🍴都冇乜可要求，沙爹牛面唔錯👍🏻，上次睇ViuTV茶餐廳🍴先知其實港式沙爹即係沙茶，咁又真係食落同泰式沙爹唔同。餐飲叫熱啡，有d苦，落咗包半糖。埋單時睇返張單先知要加二，但入門口又唔見有notice，落單時侍應又冇講，感覺唔好受但又諗返人地新年返工都慘。門口有日式芝士🧀蛋糕🍰$58但放滿菠蘿包，圖文不符😅

因為工作關係要係觀塘工作一星期剛好公司對面就有紅茶冰室見無人排隊立即沖入去食午餐係觀塘返工既人都知，遲少少就好難搵位所以咩都唔諗見無人就入去食了一坐低見到隔離枱，果碟四寶飯就忍唔住吞口水果隻飽滿，流黃既半隻鹹蛋同滑滑既雞髀，仲有好似燒得好香既叉燒仲有四寶飯唔少得既紅腸⋯⋯🤓🤤🤤🤤🤤家回想返都要吞口水🤤最後我地一行三人都叫了一個四寶飯三個四寶飯的雞分別有雞髀，雞翼，同雞胸沒有雞背👏👏👏👏👏好食😋又足料👍🏼有機會大家都可以去試試多好人都贊紅茶既燒野講真今次第一次食感覺唔錯可以一試👍🏼

午餐時間路過觀塘，同朋友一齊食紅茶未去到門口，可能係午飯時間，條排隊人龍已經好長，大概30多人。不過其他餐廳就冇人龍😌大約10分鐘，我哋有位坐喇☺️係卡位。見到有d卡位枱，坐左7個人😅我哋都叫左特餐，因為佢嘅沙嗲牛肉好好食，不過因為我想飲埋啲湯所以就嗌咗通粉。特餐沙爹牛肉通熱奶茶$56一如預期係有好濃郁嘅沙嗲汁，呢種傳統冇紋嘅通心粉加埋啲汁好好食。個餐會送杯熱飲我嗌咗熱奶茶熱奶茶的溫度剛剛好，而且冇我最怕嘅臭奶味。好推薦。另外呢個餐會跟個牛油丹麥多士都係喺一啲公眾平台裏面被人廣泛推薦嘅。仲有火腿奄列其實都有隻碟咁大，加上全個餐都好美味，所以都算係性價比高。其實呢間嘢嘅其他食物都好好食，不過今次係兩個女仔，所以下次再嚟食其他嘢再介紹啦。

本身返工中午食飯時間已經唔多，排隊已經排左10幾分鐘，有位之後一入去落去坐低就落單。等咗好耐，遲過我入嚟隔籬枱嘅人都有有嘢食，就問阿姐係咪漏咗單，佢叫我等吓，等咗一陣又有個阿叔過嚟問我寫嘢，我話我之前落咗單係咪漏咗單，佢又唔答我，態度勁差咁講：「總之而家up多次啦！」，我問係咪真係未整，未整嘅話我應該夠唔夠時間食，佢就好唔耐煩就講：「你講食咩啦！」之後我話我未整就算，起身走人買三文治。未食已經成肚氣，怪唔之得咁多香港人北上食嘢。

上次食完唔記得寫食評，今次特登再去一次因為覺得真係唔錯。價錢嚟講性價比絕對係高，今次嗌嘅係香港代表食物沙嗲牛肉麵同埋蛋撻，加多一杯奶茶。沙嗲牛肉麵整體嚟講唔錯，唯獨花生味唔係好食到，醬汁都算係濃厚。酥皮蛋撻都係好食。唯一一樣可能要話嘅就係個多士佢係連埋牛油上，對於唔食牛油嘅人嚟講可能唔係唔咁方便，又或者可能要叫佢分開上。奶茶都算OK。一食完出嚟就已經見到有條隊大概有10個人，證明呢一間茶記都算係好受歡迎。因為其實佢座位都說唔少間鋪都係大嘅。埋單$65。

一間最最最難食嘅茶餐廳。點解仲會咁多人排隊？窩蛋免治牛意粉，係煎蛋，仲有腸仔片，係乜玩法？阿姐態度更加唔使講……觀塘搵到啲咁難食嘅茶餐廳，今日可能要買六合彩😵‍💫😣

Came for traditional hk cha chan tang breakfast on a weekday and won’t be coming again due to the terribly poor service of the waitress here. Was looking for seats not near the kitchen bar area and 2 waitress just yelled the aisle need that area cannot be crossed with no signs showing that aisle cannot be used. Then another waitress scolded us for picking a different table that is away from the kitchen bar area. Not only is she extremely rude, she then acted like it’s absolutely normal to treat

賣包啊姐態度差到一個點諗住成$10個包可能好好食，就一試喇點知佢問咗兩次要咩包都聽唔到仲要找返錢好似撒溪錢咁仲要將兩個散銀擺到好入唔想人買嘢都唔需要咁趕客喇！紅茶老闆真係唔得你死請埋啲咁嘅員工唔會有下次😡😡😡

見11：30前還有早餐， 咪入來這間人氣冰室， 環境，食物都唔差係杯飲品就......跟餐叫左杯凍奶茶少冰少甜， 來到杯飲品，用手一掂， 哈哈手指有奶係到， 原來杯邊有一條‘’長長的‘倒奶足跡’， 即刻要搵紙巾啦， ok, 算， 真材實料飲落口，甜唔甜各人口咪都唔同， ok, 算但飲哂杯野， 發覺有2／3係冰， 就有啲問題， 少冰定義點到唔會係這呀？若唔講少冰， 咪全杯冰🤔下次唔通要凍奶茶， 冰另上？

平時工作日經過好多人排隊食lunch，今日星期六見冇咩人就入去食晚飯。 鮮茄焗豬扒飯都算不錯，豬扒炸得幾香，肉質都幾鮮嫩，炒飯底好香。但係蕃茄汁唔夠多⋯咖喱牛筋腩飯唔夠熱，成件事好似好求其最想食牛筋，但係成碟得一舊筋😣牛腩又超級鞋⋯冇咩牛肉味，不過個咖喱汁就撈飯幾好食。見到隔籬枱食咖喱吉列豬或者煎雞扒好似好味啲⋯千祈唔好食佢嘅牛腩感覺賣相都唔錯，但係好似冇以前咁好食⋯如果食常餐果啲可能就維持水準差唔多