稻成京川滬 (新都會廣場)

營業中

休息中

上個post NANA就帶大家食左川菜！咁好食就唔好停啦今次食埋酸菜魚同片皮鴨😍仲有小龍包！呢間稻成其實NANA都食過唔止一次！每次都捧住個肚走🤰🏻-稻成酸菜魚 $238連稻成自己都講「好食 不止酸菜魚」就知佢地對自己既酸菜魚幾有信心！的確！名不虛傳💁🏻‍♀️都真係好唔錯既 首先講下啲魚 魚塊夠滑 完全無骨（酸菜魚冇骨好重要 可以啖啖肉！）而且唔會有腥味！然後個湯唔會過酸亦唔會過鹹 辣度可以自己揀（啱晒食唔到辣既寶寶😍）酸菜芽菜金菇等配菜夠多 食到底仲有可以不斷夾！唯獨一樣不足係入面冇薯粉/水晶粉底 連加錢都冇得加 呢個位有啲失望🥲但整體來說 酸菜魚好食必食之選！ps上枱時會有個蠟燭係底保持溫度👍🏻👍🏻👍🏻-稻成皮片鴨 $208 （半隻）邊個鍾意食片皮鴨既舉手🙋🏻‍♀️因為稻成皮片鴨絕對可以滿足鍾意食片皮鴨既你！！鴨皮好薄好脆！！食落唔會覺得好膩 包埋落薄皮再加醬真係十級享受～☺️而鴨肉都會有！照顧到鍾意食皮加肉既大家😍呢個真係十分推薦大家！！-炸銀絲卷 $38睇落係咪好似炸饅頭呢～錯啦！佢係銀絲卷 同饅頭不同在於入面有一層層既絲卷 好重椰子味好香 出面好脆入面好軟！NANA認為比炸饅頭更好

食左個5-6人SET(LUNCH TIME食)因為同事請客! 上菜都算好快! 服務都唔錯!-3小碟的前菜都好好味,最中意食麻辣果個<3因為佢既辣油好香~-鮑魚蝦球帶子都好好味好新鮮同埋D汁好下飯的FEEL*可能係佢用D鮑魚汁來炒好鮮甜-小籠包皮好薄又多汁真係值得一吃!-仲有片皮鴨,油脂岩岩好,MOMO皮好薄唔會食到成口都係粉仲食到D鴨既油香爆發-酸菜魚好足料, 魚片好滑,但如果辣多小小就會仲開胃!-雲吞雞湯好好味, 湯好濃,一不小心就飲哂成碗-高力豆沙好好味, 但無得加香蕉就失色小小同埋糖粉唔係好夠多(๑•ᴗ•๑)♡

似快餐店的京川菜。起菜超高速，落單3分鐘後就起菜。片皮鴨，冷冰冰。要換過。但係佢都係拎入廚房熱，再拎出嚟，冇晒烤鴨嘅香味。糖醋魚塊，外面溫度適中，但係魚肉裏面勁熱。小籠包還可以，新鮮，皮薄。

之前食過一次，下午茶點心真係麻麻地，唔知同埋佢地d 人全部圍住一張台轉，係咁係度擦鞋，個台唔知係常客定咩，叫壺茶叫左半日靜係掛住係個太擦鞋，後尾叫過另一個先至加水，冇乜事都唔會再幫襯

🌸稻成京川滬🌸由於farewell 將會移民英國既同事，咁就當然趁呢個機會陪佢食下中菜喇❗️所以今日特意同同事去新都會廣場既中菜館品嘗一下中式菜式❗️我地一行三人，共點了三個招牌小炒套餐及一籠點心：1️⃣糖醋魚塊 $96甜酸味道適中，非常開胃，而且肉質相當脆口，值得推介比大家✅美味指數：⭕️⭕️⭕️⭕️⭕️賣相指數：⭕️⭕️⭕️⭕️❌抵食指數：⭕️⭕️⭕️⭕️❌2️⃣麻婆豆腐（微辣）$82麻婆豆腐帶有少少辣味，非常惹味😋送飯一流👍🏻而且一碟既份量都幾多👍🏻一個人未必食得哂❗️美味指數：⭕️⭕️⭕️⭕️⭕️賣相指數：⭕️⭕️⭕️❌❌抵食指數：⭕️⭕️⭕️❌❌3️⃣乾煸四季豆 $92乾煸四季豆味道不錯，唔會太乾👍🏻美味指數：⭕️⭕️⭕️⭕️⭕️賣相指數：⭕️⭕️⭕️⭕️❌抵食指數：⭕️⭕️⭕️⭕️❌4️⃣蟹籽燒賣（3隻）$42我對呢籠燒賣比較失望，味道略為普通❗️美味指數：⭕️⭕️⭕️❌❌賣相指數：⭕️⭕️⭕️❌❌抵食指數：⭕️⭕️❌❌❌📍稻成京川滬 (新都會廣場) (葵芳)：葵芳興芳路223號新都會廣場4樓413-416號舖

一行四人來到餐廳，待應安排了景觀開揚座位又舒適的位置給我們，今天與好友相聚主要是聊天為主，所以對吃什麼沒有特別講究。看見有午市四人套餐供應就點了，我喜歡吃小籠包也就點了一份。餐廳有茶提供，但沒有品種可選，只有鐵觀音，茶壺是用保溫的款式，但容量不多，我們四人沖一轉就要補充，幸好待應也很快為我們添加。有一碟前菜放檯上，是蒜泥青瓜和木耳，味道不錯，口感青爽。套餐有涼菜兩款、主菜兩款加蔬菜和白飯四碗，夏天想吃清淡些，所以我們少選肉的菜式，除了鳳梨咕嚕肉外，其他都是素菜。涼菜要了青城山素腐方和四喜烤麩。腐方就像沒有餡料的素鵝，一層一層的腐皮包得扎實，不會散開，有很濃的豆香味，蘸上浙醋吃，美味可口。四喜烤麩，一小個一小個的烤麩吸收了醬汁的味道，入口時很濕潤，汁液在口中慢慢消化，小冬菇和木耳也蘸上味料，不鹹帶點甜。主菜要了鳳梨咕嚕肉和瑤柱芙蓉賽螃蟹。咕嚕肉炸得剛剛好，件頭也大，鳳梨帶甜味，咕嚕醬調配合度，用來和白飯一起吃說十分相配，胃口大開。瑤柱芙蓉賽螃蟹，蛋白炒得香滑不油膩，一梳一梳的蛋白內又混和了點點江瑤柱絲，多一分鮮甜味，蛋白上灑上一些紅紅的蟹籽，賣相不錯。蔬菜要了清炒津白，一片片的津白炒得香

女兒9歲生日，今年話想嘗試一下出外吃飯慶祝的滋味（之前8年都係屋企開大食會😅），今次就一家三口到呢間稻成京川滬 食晚飯。經理知道係小公主生日，特意安排獨立箱座給我們，非常感謝安排；一共點了六道女兒都喜歡吃的菜式：北京填鴨（半隻）、煎鍋貼、小籠包、紅油炒手，香辣花菜伴腩肉和口水雞；上菜速度快，食物新鮮，員工殷勤地招呼，得閒時又與我們傾計，女兒非常興奮。到最後為我們呈上我們預先帶來的生日蛋糕，經理還特意送上一籠壽包，幫我們影相，伴著為女兒唱生日歌，渡過了一個很開心的晚上。

朋友都同樣在葵芳返工, 間中都會相約一齊食個晏晝今日佢提議食酸菜魚, 所以來了試試坐位都很闊落舒服, 不用撘台, 食物選擇都幾多, 我地沒有揀午市套餐, 決定食豪D, 散叫!酸菜魚好夠味, 魚塊同酸菜同樣地多,  入面還有點金菇, 都算多料! 亦有微火熱著夠精緻!辣子雞同樣夠份量, 脆卜卜,  我就覺得如果可辣D會更好!黃金蝦球黃金好足, 鋪滿蝦嘅外層, 蝦亦好彈牙, 不過我覺得入面嘅蝦就不太夠味!

今日屋企人忽然話想食酸菜魚，即刻去OpenRice book 位。坐低睇睇餐牌，好多野都想食喎，三大一細都唔知點選擇，最後唔想諗咁多，一份4人餐啦唔該涼菜三拼、砂鍋雲吞雞半隻（心知應該食唔晒，所以落單時已叫佢外賣攞走）、北京填鴨半隻、酸菜鱸魚、鮑魚一品煲、小籠包同高力豆沙另外再加左兩條黃花魚，腐皮素鵝同油炸鬼先黎涼拌，肴肉好味，烤麩入味，夫妻肺片夠辣北京填鴨跟果塊皮（唔知應該點叫）好簿，填鴨切得都好好，唔會切得好厚肉，加埋青瓜、九王同醬酸菜魚個湯唔辣，又唔會太過酸，味道可以。有好多魚，魚好實肉，唔會梅，加埋條油炸鬼一品鮑魚等左最耐，鮑魚炆得好琳，4人份就有4隻鮑魚好林，4隻大蝦球好爽，4隻帶子唔韌同西蘭花墊底黃花魚煎得好香，脆，一人一條都唔夠喉小籠包皮薄多汁，黎到脹卜卜，食落唔駛加醋都已經好好味腐皮素鵝是普通的一碟腐皮，我唔識欣賞最後嘅甜品高力豆沙就最差，餡料太少，外層太厚帶回家嘅雲吞雞，湯濃，雞滑，我個小老闆一人獨享食晒整體全個餐都唔錯

生日月 😄 我二女的男朋友 "阿昌" 請我到這家位於新都會廣場的「稻成京川滬」吃生日飯 ~我們點了 青城山素腐方、酒糟醉雞、北京填鴨、黃金蝦球、稻成炒飯、高力豆沙 ~大家有講有笑很開心 😉 ~青城山素腐方 : 豆味香濃 , 味道溫和 , 實在是很好的素菜 , 作為前菜也是一流 ~酒糟醉雞 : 溫度適當 , 皮薄肉嫩 , 雞肉嫩滑且夠入味 , 酒味足亦不會過份 , 鷄味傾酒香並重 ~Peking Duck 烤北京填鴨 : 是店家的必吃招牌菜 , 皮脆肉香 , 肥美又夠鴨肉味 ; 餅皮是薄身又Q韌 ; 風味滿滿 , 就是有水準 , 讚 ~黃金蝦球 : 賣相吸引 , 超級邪惡 , 每隻蝦都被鹹蛋蓉完全包著 , 蝦肉爽口彈牙 , 甘香惹味 , 勁揪美味 ~稻成炒飯 : 食材豐富 , 廚師的炒功亦很好 , 鑊氣十足 , 飯夠乾身，夠味又不油膩 ~高力豆沙 : 有睇頭亦夠味道 , 夠功架 ~本篇完 ~

經常經過都卑門口松子魚嘅相吸引，不過入到去就嗌咗北京填鴨😂😅究竟幾時先試到松子魚🤨講個主角先🤓鴨皮燒得啱啱好，唔會太燶又香又脆(不過我都唔係好清楚北京填鴨嘅做法，係燒定烤🤭)配埋餅皮，滿口鴨油香又唔會太油膩喎！非常滿足係個鴨肉略顯鴨騷味，同個切法會令到鴨肉無甘好吃，所以就減你兩粒星啦！小籠包嘅皮唔會太厚，就算凍咗都唔會硬曬呢個冷盤小食，甜甜地又幾過癮🤪山龍抄手同平時吃到嘅紅油抄手嘅醬汁大有不同！平時個d辣到我吃唔到😅呢個微微地辣好啱我好淋大大粒，非常抵食！諗住四季豆最穩陣啦，點知意外地唔理想，無鍋氣個種香口爽脆，又淋又油粗炒就不過不失啦。高力豆沙熱辣新鮮，紅豆內餡又唔會太甜，唔中意吃紅豆嘅我都覺得非常不錯啊

放寬限制令後首次朋友聚會，緊係食辣野！叫左幾樣野，就朋友口味，都係小辣。酸菜魚微酸微辣，魚肉鮮滑，酸菜偏酸有少少 chok 喉，湯底比較清淡，冇咩料除左酸菜。中意濃味既我，覺得一般，食過就算。辣子雞可能因為小辣原固，冇乜辣味而整體偏咸，花生有d燶，雞肉都算多。小籠包汁多，味Ok，皮都算薄。夫妻肺片呢個涼菜切得夠薄，混合醬料好夠味。整體，呢個價錢，食味中規中矩冇驚喜，不過服務OK，環境舒服，絕對啱朋友 gathering。

🥢雞絲煨麵：湯底濃郁，有雞肉、菌粒同菜粒，但個人還是不習慣煨麵淋淋的感覺。🥢涼伴雞絲粉皮：麻醬是香濃的花生🥜味，帶少少甜味。涼皮Q彈滑溜，加埋青瓜絲同雞絲。每人Lunch set 86 + 茶介6+ 加1% ，但環境舒適。

今日黎食下午茶，叫左一個涼菜+點套餐，同麵食+點心套餐。先講服務，店員禮貌超好，講野好友善，只係叫左佢兩聲，佢遲應左兩秒就即刻講左兩次唔好意思。另外就係今日好開心可以坐卡位，卡位超舒服，好似啲小包廂咁，超舒服既環境比我同朋友傾計我地叫左嫩雞煨麵+川揚鮮肉煎鍋貼。；同埋涼菜+稻成小籠包。個嫩雞煨麵真心冇得彈，好好好好好好食，啲飲勁好飲，搞到我食曬個麵後都係咁忍唔住飲啲湯，而個鍋貼好好食，煎得好香，但冇太大特別涼菜我就麻麻地，食得唔太慣，但水晶餚肉幾得意，可以一試。而個小籠包就超級好食啦，啲湯超好味，熱辣辣既時候特別好味，最後我地仲加左個高力豆沙。我覺得都可以一試既，外皮幾鬆軟，入面夠熱，作為飯後甜品都幾好食。

葵芳新都會商場假日一向多人，好在這間回枱也很快，地方大座位也很多，所以不算排隊好耐，約15分鐘就入得　叫左兩份午餐及兩個點心嫩雞煨面： 足料，雞肉、菜、冬菇料算多，面份量也比想像中多，湯好飲！我成日去上海餐廳都會叫嫩雞煨面，這餐廳算好好食！韭王鱔糊湯面：韭王及鱔份量多，面同煨面質地唔同，覺得無咁好食，好似有少少未熟透咁素腐方：甜甜地凍食，有三舊，味道不錯紅油炒手：個雲吞雖然幾好食，但連埋D醬覺得味道好分離，似一PAT辣醬點雲吞咁食小籠包：好食，皮薄，多汁，有水準蝦餃：好食，特別推薦問待應拎辣醬點，個辣醬先係重點整體滿意，可能原本無期望，諗住商場都係大路正常野，以為份量都唔會好多，點知食到勁飽～員工態度都好好，係出菜有少少慢，但所有野黎到都係夠熱既假日有LUNCH SET仲有下午茶，向咁旺既商場都好難得了