神輿日本料理 (已結業)

一行九人不知吃什麼在旺角的晚餐時段又很難訂位置幸好有這家新開幕的日式放題-神轝五點四十五分入席用餐時間大概是兩小時因為客人不多我們吃到八點多也沒有趕我們走食物上桌的速度快！點完五到十分鐘就上桌我們每類都點來試試看分別有刺身、壽司、炸物、小食、熱食刺身方面我們點多少就上多少沒有漏單情況而且每片刺身都厚切厚度均一絕不馬虎刺身也是新鮮清甜吃多也不膩壽司的飯小小的多吃也不會有飽肚感覺可以多吃不同類型的壽司而且壽司上的刺身也不小片非常豪氣飯絕不會鬆散所以很好夾炸物不油膩外脆內軟最欣賞是炸榴連榴連是爆漿的榴連味極濃郁非常適合愛吃榴連的朋友小食方面不過不失有大眾化的芝麻八爪魚芝麻雞翼等唯獨飲料的上桌速度比較慢點了一杯利賓納半小時也來不了有點小失望但整體來說還是非常驚喜以$202的價錢吃到高質的食物是實惠之選會再來光顧！

同班朋友係附近做完運動，本身都食開放題，行過創興見到有間新放題未試過就心血來潮上左去食。我就食5點45分個時段，上到去唔洗等位就入得，坐位都算坐得舒服。刺身選擇同一般放題差唔多，但新鮮好食。熟食選擇都算多，放題黎講質素就合格。重點野食數目黎得準又夠快，真係入三輪黎足三輪，無漏單，成班男人食到飽晒，抵讚。不過可能仲新既關係，食到8點都仲有空位，夠晒鐘但侍應都無趕我地走，埋單每人二百零蚊，個人覺得同樓下差唔多，但平啲少人啲坐得舒服啲性價比高，抵食！

今次約左兩位老死黨去傾日本旅行事宜，想搵個好坐又任食既放題。有同事推薦依間，所以就黎試下。我地一到門口，嘩有得寫木牌甘好玩。而且就甘望入去都幾大空間。入到去，嘩真係好寬敞，我地三個人，佢比我地既位，兩人中間可以放低背囊都仲坐得好鬆動。坐低就當然攞紙落order啦。佢既食物種類同其它放題餐廳分別不大，但野飲都係寫紙唔係自己去攞。最特別係有抺茶同玫瑰花茶。抺荼係用茶粉開既，好重抺茶味。有飲開茶都知抺茶粉一D都唔平。而玫瑰花茶就係用茶包沖既。刺身：我地鐘意佢個刺身，好新鮮好鮮甜。因為本身質素好，所以唔使搞甘多花款，一個平實 樸素碗加冰就已經盛上刺身。甘樣反而更令人加分。壽司：魚生同米飯既比例適中，用料新鮮，無可挑剔。炸物：值得一提嘅係呢度嘅炸物。呢度嘅炸物炸得香口得黎又唔會過火，見到啲炸物完全冇焦 。喺咁多放題餐廳裏面，依間炸物係值得推介嘅一間。燒物：呢度嘅燒物係第二樣我想推介嘅。佢哋燒物既水準好高，燒得香口得黎又保持到肉嘅嫩滑，唔會太乾身，可以order好多次。最後要提既係佢地既雪糕甜品係要係櫃台同職員拎。

這天朋友相約一同前往旺角吃飯，這天朋友早已安排，他們決定一同吃的就是放題，全因為我們人數較多，每個人喜好也不一樣，所以任飲任食正正適合我們。餐廳位於旺角中心地帶，距離鄰近地鐵站，旺角站路程約需五分鐘左右，地點上面十分方便。餐廳裝橫方面，選用木色為大前提，以日式為主調，配搭簡約嘅日式裝修，顯得和風十足。食物方面，任飲任食我選擇的也是我自己喜愛的，當初我最欣賞的就是壽司與及刺身， 全因為日本料理店這就是必然的選擇。壽司方面，我們點了很多不同的種類，但我自己最愛的就是和牛壽司，全因為我是一位牛魔王，肉味十足不在話下，最重要香嫩可口，更勝人一籌。我們的晚餐也完成了，希望下次也能如此相聚。

近日朋友聚會建議食放題地點就係旺角。第一時間想起就係呢間神輿，其實早係年半前就已經食過，而且印象中食物質素有水準，所以就向朋友推介。店來裝潢沒有任何大變動，唯一明顯感覺到係人流多左好多，即使平日8時左右已經客滿，而門外等候人數都非常多。店內主要以卡位為主，卡位屏風亦都夠高，所以私隱度甚高，而且座位亦夠闊落。海膽 – 呢間放題重點之一就係海膽任食，可以揀壽司同手卷。海膽新鮮之餘，色澤不俗，入口略帶鮮甜而又沒有腥味，作為前菜確實令人食指大動。飲品MENU 內設有酒精飲品，而酒精飲品任飲需要另一價錢。由於同行朋友們都唔太喜歡飲酒所以就放棄酒類飲品。除左罐裝飲品同包裝飲品外，仲有數款沖制飲品。刺身拼盤 – 上次黎食刺身都覺得新鮮，今次再嚟水準依舊上次黎食刺身都覺得新鮮，今次再嚟水準依舊。華麗擺盤或器皿確實會為賣相加分不少，但講到底味道先係重點。刺身之中帶子及甜蝦都好鮮甜，值得ENCORE。清酒煮蜆 – 基本上日式放題必備清酒煮蜆，蜆肉爽口，亦煮得入味。炸物、天婦羅 – 店內炸物款式比天婦羅仲要多，亦炸得夠香口。芝麻脆皮雞翼炸得夠脆、加上香濃芝麻味確係冇得輸。一品料理 – 料理選擇多達2版紙，芝

$224加一食垃圾！我真心嬲！見食評有海膽，個個都話好食咁，種類又多裝修又ok! 黎到又唔係呢回事！蚊滋四圍飛！近水吧位有臭地拖味。串燒雞腎！凍既！枝豆熱既！刺身得個幾樣！焗帶子一食成口沙！冇叫個樣又黎個樣！其實呢間野個老闆有冇自己食過自己公司d野食！真係難食到講哂粗口，第一次放題係無從下手！樣樣都伏！食完好似冇食過野咁！我人生第一次食負評！因為我真系未試過比$250食野好似冇食過野咁！仲要係放題！！食爭鮮都冇咁嬲！冇下次！

兩老想食日式放題，佢地到咗創興先，係樓下影個水牌比我揀，未食過呢間，睇過食評都OK就試試呢間，好少食客。裝修一般，燈光單一，座位就算闊落，通道都OK好行。食物一般，選擇少，上碟唔靚仔，D食物求其擺上碟！個冷麵上碟時浸住豉油咁上，入口苦苦地，鹹鹹地，碎碎地咁，難食到吞唔落吐返出來！上菜超快，落完單唔使一分鐘就到。性價比低，唔抵食！禮拜五8點都坐唔滿就知應該唔少人瀨過。嘢冇下次！原來寫負評要200字，唔怪得之咁少人寫啦！

因為日式放題一向都係我至愛，所以每次選擇放題時都會揀一間未食過嘅。旺角正正係日式放題集中地，每間放題都有不同賣點，今次揀左間網上風評大讚嘅神輿啦。因為一早有預約，所以好快就可以入座。正門以日本最為常見鳥居作為裝飾，環境採用不少木系色調及明亮燈光為主，充滿日式味道。海膽壽司通常放題都甚少有海膽任食，因為海膽來貨都會較貴又唔飽肚，所以有得任食海膽嘅放題店價錢都會相對地高出不少。但呢間只係平民價錢就有得任食海膽，絕對係超值。海膽分為壽司同手卷同2種，前者必然係大熱之選啦。海膽入口唔會食到海水腥味，滑而鮮甜，亦係店舖一大賣點。玫瑰花茶飲品之中有幾款比較特別，而當中就揀左呢款玫瑰花茶試試啦。雖然係用上茶包，但玫瑰花味都好夠，係熱飲之中不錯選擇。飲品以人手下單為主，有別於平時放題店雪櫃任拎概念。刺身刺身選擇上一共有14款可以揀，有三文魚、油甘魚、八爪魚、松葉蟹棒、帶子、吞拿魚、鯛魚、北寄貝、象拔蚌、希靈魚、馬刀貝、甜蝦、赤貝及蠑螺。刺身都係放題之中最為抵食亦係直接表達該店食物質素。刺身都非常鮮甜，水準極高。清酒煮蜆蜆肉比較脹，而且厚身入味，酒味適中，值得一試!炸物X天婦羅近年日式炸物熱潮蓋過天婦羅

去了外地一個多月， 吃的都是牛扒 土豆， 懷念香港的任食刺身終於有空約飯腳， 第一選擇刺身來到創興廣場5樓， 今日閑日任食價格唔貴， 加28元便有啤酒任飲門面非常有日式feel， 柔和的黃光， 望入去很整潔， 地方寬敞， 坐得非常舒服， 不迫。一本厚厚的柯打紙， 首先當然急不待及地主攻魚生，油甘魚三文魚 赤貝， 帶子都非常鮮味嘩!原來還有海膽壽司， 海膽非常鮮甜， 飯不算多， 不會塞住個肚， 多吃幾舊有回本值得一讚的是榴槤波波， 外皮脆脆軟軟， 內里的榴槤蓉 香甜濃郁，yummy 天婦羅蝦也非常好味, 薄薄的天婦羅 包著 新鮮的蝦， 外脆內甜。甜品 放在 外面， 有很多選擇， 製作 非常精美， 還有雪糕， 小朋友看見一定開心。總括來說這裏坐得舒服， 食物質素新鮮， 性價比高特別他的洗手間比較闊落， 對比起創興的其他店舖 好很多

這家餐廳位置方便，我們被安排坐卡位，坐位寛敞，環境不錯。星期一至四六時至九時，每位$238任食2小時，費用須另收加一，價錢算是合理。貪吃的我們一坐下當然是先點了各式刺身壽司卷物，款款新鮮，質素不錯。刺身：其中我最愛赤貝、馬刀貝的鮮甜爽脆，希靈魚魚子的口感，甜蝦的甘甜膠口和帶子的鮮味軟滑。海膽壽司：海膽鮮甜甘香，吃完一轉又一轉。芝士火炙三文魚壽司：火炙過後三文魚香，半溶芝士香。火炙和牛壽司：火炙過後油香突出，牛肉嫩。花之戀：賣相雖然一般，但味道很好，三文魚尚算肥美，美奶滋跟蟹子的配搭一直是我最愛。吃完刺身壽司，其實已飽了一半。我們就開始點選各式熱食試試。首先是爐端燒：海老、一口牛燒得剛好，焦香焦香的，肉汁豐富。醬燒白魚丸和花枝丸爽口且配有甜甜燒汁。燒菠蘿香甜多汁，我們吃了幾轉。清酒煮蜆：清酒帶出蜆的鮮甜，湯都不能錯過。燒汁一口牛：洋蔥甜加上惹味燒汁，牛肉嫩而有口感。焗芝士系列：我們點了虎蝦和蠔。當中芝士焗虎蝦有驚喜。虎蝦屬中等大小，肉爽鮮嫩，重點是那鋪面的焗芝士蟹子蟹柳醬，很creamy香濃，滋味無窮。忌廉焗帶子：忌廉同樣creamy，帶子雖然不大隻，但肉質鮮嫩。吉列炸蠔：香口酥脆，一口

特意帶爸媽來到這家朋友推薦的神輿日式料理吃放題。這裏的環境和座位都很舒適，枱與枱之間有適當的空間，而且還有卡位提供。這裏的食物很多樣化，應有盡有。刺身方面，有基本的三文魚，吞拿魚，甜蝦，帶子，北寄貝外，出乎意料的還有赤貝，馬刀貝及象拔蚌。全部刺身都很新鮮，沒有雪味，鮮甜。本人最喜歡的是赤貝和馬刀背，爽脆鮮甜，正。壽司卷物方面，我們點了火炙壽司，左口魚裙邊，三文魚，和牛。刺身經過火燒，帶少少焦香，更能帶出左口魚裙邊和牛及三文魚嘅肥美甘香。除了火炙壽司外，不得不提的是海膽軍艦。海膽甘甜，一點也沒有魚腥味，紫菜爽脆吃過不停。燒物方面，我們點了牛肉串燒，牛肉滑，燒得很香，另外還有燒蝦，芝士焗扇貝，焗虎蝦及燒菠蘿。炸物方面我們點了炸蠔，炸蝦天婦羅，炸蝦餅，炸墨魚餅，炸榴槤球。炸榴槤球十分香脆內裏榴槤溶流出，流心效果不俗。其他食物我們還點了清酒煮蜆，醬燒一口牛，蟹子沙律，蒜香茄子等等，不能盡錄。甜品方面同樣多款式，有各式各樣的小蛋糕，布甸，及雪糕。最出色的是茉梨花荔枝布甸,粉紅色的，賣相美麗，還有Oreo 木糠布甸和紅豆雪糕。總括而言，這間放題店的食物選擇眾多，食物質素不錯，物超所值。

睇相片比佢裝修呃左入去，以為地方光猛企理啲嘢食應該有番少少水準，入到去原來啲野食好麻麻，首先飲品類別超少，飲汽酒仲要加$28痴線，燒海蝦跟本係搵滾水焯熟再燒兩吓個殼，芝士焗虎蝦果隻根本唔係虎蝦只係普通海蝦，炸鮮奶層皮厚到乜咁，北寄貝霉霉地，帶子更加垃圾完全無味都唔知咬緊啲咩，牛肉壽喜燒啲牛肉好似擦字膠咁韌，最離譜係個關東煮，入面係魚蛋，蟹柳，豆皮，每一件都係日本關東煮入面唔會有既野，連個湯汁都唔係關東煮湯汁只係雞湯！嬲到無心情食都唔記得影相，$258+10%一位真係搵笨，根本就係$160質素既放題，比多少少食樓下大喜屋無咁嬲😓好老實我用左openrice咁耐一次都無負皮過任何一間食肆，但今次實在太嬲忍唔住要寫出黎希望大家唔好中伏😠

今晚提早同老豆慶祝父親節，揀了去旺角食日式放題，地點方便而且價錢都比較貼地，最重要是座位舒適闊落。食放題首先一定會食刺身，刺身反映一切，這個刺身絕對有驚喜，雖然是放題的價錢，但質素拍得住單點，三文魚夠肥美鮮甜，甜蝦爽口，帶子腍滑。沙律等小食都有多款，芝麻醬豆腐及柚子醋番茄清新開胃。串燒方面，燒牛肉粒又腍又有肉香，最主要不會燒至乾身，燒蝦就比較乾，但肉質尚算結實，燒菠蘿完全唔酸，十分開胃。天婦羅表面粉漿厚度可以接受，而且都幾脆，芝麻雞翼炸得香脆嫩滑。夏天必食的麻醬烏冬，烏冬爽滑，加上麻醬的香味，飽肚又不會太膩。甜品有多款不同味道的雪糕、芝士蛋糕及奶凍等。最後當然唔少得是清酒等飲品啦。

這間位於旺角的日式放題，晚市時間任飲任食都只是二百多元，食物款式很多。任飲啤酒及清酒每位另加$28。刺身都有十幾種，其中必食一定是三文魚，油脂均勻，入口甘香，油份都幾重；其次是帶子，雖然細粒但味道鮮甜，吞拿魚則比較一般。海膽手卷不過不失，但少了點鮮味。天婦羅方面，粉漿不會太厚，蝦肉都爽口，反而蝦餅比較一般，蝦膠雖然彈牙，但炸漿過厚，芝麻雞翼必食，炸完都很juicy，不會太乾身。牛肉壽喜鍋都有日本餐廳單點的水準，絕無欺場，湯底是鰹魚汁，味道鮮甜。燒蝦都結實爽口，一口牛更是有驚喜，牛肉粒油脂甘香有肉味，七味雞翼燒得香脆。最後當然不少得雪糕等甜品。整體食物質素不俗，旺角區算是抵食之選。

黎到旺角，行下街一定係我哋必做嘅事，之後覺得肚餓走來依度試吓。咁肚餓就梗係食放題啦，入到黎環境都幾大，坐得都幾舒適，服務態度都幾有禮貌，食物嘅質素都唔差。好似今次咁，我哋就叫咗個海膽壽司，同埋唔同嘅刺身，有三文魚，鮮蝦刺身，蟹柳，北寄貝...刺身嘅質素都幾好，幾新鮮，而海膽壽司，係最值得一試嘅，因為之前都去食過一啲放題嘅海膽，當然唔係海膽刺身啦，佢仲整咗海膽手卷，變相要食好多飯，但呢度就唔同，佢係海膽壽司，變相舊飯就可以細啲啦，你可以食多少少唔同類型嘅野。另外，我哋都叫咗個芝士焗大蝦，芝士焗蠔，芝士焗扇貝，呢一類型嘅焗野，最值得追加就係芝士焗大蝦。串燒方面，我哋就叫咗個牛仔粒，同埋雞軟骨。牛仔粒嘅串燒真係令人入口即溶，食過一定返尋味。放題來講，依個嘅質素，真係同其他無得比。整體來講，我都幾鍾意呢一間嘅食物質素，同埋佢嘅服務態度。